عنوان الموضوع : تعالوا يا مرضعات نشجع بعض علشان نخس(الطريقة منقولة) -رجيم سريع
مقدم من طرف منتديات نساء الجزائر

تعالوا يا مرضعات نشجع بعض علشان نخس(الطريقة منقولة)



انا نقلت الموضووع ده لانه جميل
وبجد انا محتجااااااه قوى
لان زوجى قالى انى تخنت
وانا عايزة اخس؟

اقروا النظااااااااااام
وتعالوا نشجع بعض
مااااشى

ونجعل نيتنا لله
وارضاء لازواجنا
واللى عندها اضافة تقووووول
======================

أنا مشكلتى انى كل ما ببدأ مع جروب ما بعرفش أجاريهم فى الريجيم علشان الرضاعة لانى بستحرم أوى انى أحرم بنتى
وأظلمها معايا-----وعندى طريقة حلوة ومعروفة للتخسيس
ومجرباها بنفسى وقريت عنها كلام حلو أوى
وهى ما تعتبرش ريجيم بالعكس هى نظام حياة
الطريقة حتكون كالاتى

-1--حناخد على الريق كوب ماء بمعلقة عسل ونبلع معاها فص توم نكون مغزغزينه بالشوكة--((بيسد النفس ويقلل الكرش ويمنع الامساك)
2-قبل الفطار بتلت ساعة حناخد كوب ماء مغلى وعليه شريحتين ليمون ومعلقة كمون ونص معلقة جنزبيل وربع معلقة قرفة (بتسد النفس وتزود الحرق وتقلل مقاسات الجسم لأنها بتنزل الدهون بس وانا مجرباها--تحفة)
-3-افطرى فطار عادى بس ماتزوديش عن رغيف وحاولى تمنعى المقليات --يعنى ممكن بيض مسلوق --فول -- جبنة-- وبلاش البطاطس المقلية والطعمية ولو نفسك فيهم يبقى قليل أوى
ولازم كل يوم مع الفطار ناخد حزمة جرجير علشان اللبن --والأنيميا
-4-لو جعنا بين الفطار والغدا يبقى --ثمرة فاكهة أ وخضار(خس --خيار
وحنشرب ما لا يقل عن 4 كبايات ميه
-5- نيجى بقة للغدا------حناخد قبله بتلت ساعة كوب الليمون والكمون وحناكل من أكل البيت عادى --بس حنقلل أول أسبوع الربع--يعنى طبق الرز حنقلل ربعه ونزود سلطة وجرجير وحتة البروتين حنشيل الجلد ومش حنحمر النايب بتاعنا
والغدا حيكون بينه وبين الفطار مش اقل من 4 ساعات ولاحظى انك أخدتى سناك فى النص
و برضه بين الغدا والعشا ممكن ثمرة فاكهة وزبادى--وممكن عصاير فريش من غير سكر --أولبن منزوع الدسم
-6-نيجى بقة للحاجة المهمةوهى دى اللى حتخسسنا ان شاء الله
ولو ما عملناهاش يبقى ولا كأننا عملنا حاجة وهى

وجبة العشا

وانا عاملاها بلون خفيف علشان دى حتكون أخف وجبة ولازم أخر معاد ليها يكون الساعة 9 ولو قبل كدة يكون أحسن وحتكون زبادى وفاكهة (ثمرتين)من الفاكهة المسموحة لأن وجبة العشا حتكون دايت بجد ومش حينفع فيها اللخبطة
**لو جعتى بعدها عندك الخياااااار**والميه وأى مشروبات بدون سكر
ولو نفسك فى أى حاجة بالليل أصبرى شوية وكليها الصبح-- بس بالليل--------لأ
***الرياضة ***
ضرورى كل يوم وحنتفق عليها مشى--رقص -- ايروبكس
بس دى ضرورى علشان الحرق وشد الجسم ولأننا مش حارمين نفسنا من حاجة
والرياضة حنبدأها بربع ساعة أول أسبوع وبعدين حنزود
النظام ده انا خسيت عليه 3 كيلو فى أسبوعين ووشى ماتأثرش
بالعكس كان أكتر نضارة وماحستش بالحرمان طبعا
ومازهئتش منه--بس اللى حصل يا فتوكات انى طمعت
وكنت عاوزة أخس أكتر فعملت دايت سعرات لمدة أسبوع وخسيت عليه برضه كيلو ونص بس فى خلال أسبوع كمان رجعتهم تانى لأنى زهئت من حرمانى فى دايت السعرات
ورجعت اكل بنهم بس لاحظت انى ما زدتش ال3كيلو اللى نزلتهم فى الطريقة الأولى اللى حتبقى نظام حياتنا على طول ان شاء الله
وانا قريت تجارب كتير للنظام ده ونتايجه روعة
لدرجة ان واحدة من اللى عملوه خست 25 كيلو وفضل
جسمها يخس لحد ما اضطرت انها تزود أكلها


منقوووووووووول
مين هتشجعنى؟

>>>>> ردود الأعضـــــــــــــــــــاء على الموضوع <<<<<
==================================


بالسم الله راح ابدء النظام معاكى وانشاء الله نوصل لنتيجة مرضية والاهمنربح صحتنا وما نضلمش اطفالنا


__________________________________________________ __________

مرحباااااااااااا بيكى كنز الكنوز

ان شاء الله الاول نوزن نفسنا
ونسجل
وبعد اسبوع او اتنين
نتورزن تانى
وان شاء الله نخس


__________________________________________________ __________

ايه يا جمااااااااعة
محدش عايز يخس
------------------------
عموما
اليوم انا اخذت فص الثوم مع كوب الماء بالعسل
على الريق
وان شاء الله اكمل
------------------------------
حد يشجع

وبالنسبة للثوم راح انزل موضووووع جميل ان شاء الله عنه
وراح اعطى الربط


__________________________________________________ __________

طيب انا برضع بس عندي كرش كبير حابه اعمل رجيم بس يخفف الكرش وانا عندي ضغط وباخد حبوب منع الحمل شو اعمل الله يرفقها الي بترد


__________________________________________________ __________

اساسا حبوب منع الحمل بتزود الوزن \
على العموم علشان الكرش اشربى كمون على ماء دافئ وليمون
وان شاء الله خير