عنوان الموضوع : تعالوا نشجع بعض ونعمل رجيم للرشاقة
مقدم من طرف منتديات نساء الجزائر

تعالوا نشجع بعض ونعمل رجيم



ازيكم يا قمرات كل سنة وانتم طيبين
وعيد سعيد عليكم وعلى الامة الاسلامية
المهم بقى ادخل فى الموضوع
نفسى اعمل رجيم ويكون معايا حد يشجعنى
اية رايكم نشجع بعض
ونكتب يومياتنا ويكون فى التزام تام
بس اهم شى كل قمرايا تدخل تكتب وزنها وطولها

>>>>> ردود الأعضـــــــــــــــــــاء على الموضوع <<<<<
==================================


اية يا بنات الفكرة مش عجباكم ولا اية
يا ريت الاقى تفاعل منكم


__________________________________________________ __________

هااااااى يا قمر .. عاملة ايه ؟!! ... أنا كمان عايزة أعمل ريجيم و محتاجة حد يشجعنى .. أنا تقريبا جربت كل أنواع الريجيم .. لكن دون فائدة ... مش بقدر استمر على الدايت ... بيجيلى احباط بسرعة و كمان أنا مبكرهش حاجة فى حياتى قد الملل .. عيبى انى مش صبورة

بس أنا المرة دى حاسة انى هنجح و ان شاء الله أنا و انتي هنشجع بعض و نستمر المرة دى على الدايت ... احنا ممكن كل واحد فينا تكتب الدايت اللى هيا هتمشي عليه فى الصفحة دى و على قد ما نقدر نحاول كل يوم ندخل و نكتب يومياتنا ... بس هيا احتمال تبقى صعبة شوية علشان زى ما انتي عارفة داخلين على موسم امتحانات ... أصل أنا سنة أولى جامعة السنة دى و لازم أتنيل على عيني أذاكر علشان امتحاناتي يوم 1/1 ... فاعذريني مش هقدر أدخل كل يوم ... بس هحاول على قد ما أقدر أدخل كتير .... أنا وزنى يا ستي 80 و طولى 161


__________________________________________________ __________

اخيرا لقيت حد يتفاعل معايا
كل سنة وانتى طيبة يا قمر والله انا يا حبيبتى زيك كدة بازهق وبامل بسرعة عشان كدة بابطل
على الرغم ان جسمى بينزل بس مش عارفة لية
بس المرة دى مختلفة لانى عندى هدف نفسى ارجع زى ما كنت واخس تانى
والبس براحتى لانى متعقدة من الحكاية دى بالذات
وكمان نفسى اعمل لوك جديد عشان جوزى لما يرجع يلاقينى متغيرة
انا رغاية صح ههههههههههههههه ما صدقت اتكلمت
المهم يا قمر ربنا يوقفك وتعدى السنة دى على خير
بس نصيحة منى ليكى حاولى تعملى الرجيم بعد الامتحان احسن عشان تقدرى تركزى فى المذاكرة
انا يا قمر ان شاء الله هاعمل التزام تام وهادخل اكتب يومياتى كل يوم ان شاء الله
انا بقى وزنى قريب منك 78 ك
وطولى كمان 161
وهدف الاول اوصل 70 وبعدين 60
يا رببببببببببببب


__________________________________________________ __________

النهاردة التزمت فى الفطار ربع رغيف وبيضة
لكن المشكلة بقى بين الفطار والغدا
اكلت 2شيكولاتة و2كحك و2بسكوتة
يعنى اكل لمدة شهر بحالة
ماما صممت اكلهم عشان عارف انى باعمل دايت
وبصراحة ما اقدرتش اقاوم
هههههههههههههههه دا انا حالة صعبة اوووى
بس بكرة التزتم تام ومش هامل كدة تانى الا لما اخس واوصل للوزن الى عاوزاة
ادعولى يا بنات


__________________________________________________ __________

امممممممم هو انا هافضل كدة لوجدى ولا اية
انا النهاردة والحمد لله فطرت بيضة مسلوقة وربع رغيف عيش اسمر
فى الغدا ان شاء الله
ربع رغيف وطبق سلطة و100جرام سمك مشوى
وفى العشاء ان شاء الله
ممكن طبق سلطة وخلاث