عنوان الموضوع : ملوخية على الطريقة الليبية -من مطبخي
مقدم من طرف منتديات نساء الجزائر

ملوخية على الطريقة الليبية



هادي طريقتي

خودي طنيجرة وحطي فيها بصل مقرض وتومة مقرضة وشكشيها في الزيت وحطي لحيماتك اي نوع الاحسن لو عندك لحم ضان اني ندير فيها حتى بالدجاج وشكشيهم بالزيت والتومة وبعدين حطي طماطم الحكة وشوية بزار وفلفل احمر وملح زي ماتدديري طبيخة عادية وخلي مريقتك تغلي وخلي لحمك نص طياب او قريب يطيب وبعدين خودي صونية غارقة حطي فيها كشيكين كبار ملوخية او علي حسب كميتك المهم الكمية الي تبيها وخلطيهم في زيت وحركيهم كويس حتى تمتزج الملوخية اليابسة مع الزيت كويس وبعدين ضيفيهم علي مريقتك وخليها لين تغلي وتنزح مريقتك او بالاحرى لين تتعقد وخلاص بالهني والشفي
وتبي الحق اني مرات تفضل عندي طبيخة بازليا ولا فاصوليا مانلوحاش نضسفها عليها اتجي تهبل
جربي وادعيلي

اسمعي عندي ملاحضة في الاول ماتكتريش زيت هلبة بكل مع التومة والبصل لانك بعدين بتضيفي زيت مع الملوخية باش ماتجيكش تبغبغ زيت

ان شاء الله انكون افدتك

>>>>> ردود الأعضـــــــــــــــــــاء على الموضوع <<<<<
==================================


تسلم يدك
الله يهديك شهيتيني وانا جوعانه ههههه


__________________________________________________ __________


__________________________________________________ __________


__________________________________________________ __________


__________________________________________________ __________