عنوان الموضوع : جواوه و ششبرك بالسبانخ
مقدم من طرف منتديات نساء الجزائر

جواوه و ششبرك بالسبانخ




بسم الله الرحمن الرحيم

كيفكم يا احلى عضوات
منزله اليوم اكلتين لمحبي المعجنات
الجواوه و الششبرك بالسبانخ
جربوه و يارب يعجبكم
نبدا بالجواوه
مقادير العجينه:
2 كاسه دقيق ، بيضه ،ملح ،ماء للعجن
نعجن العجينه و سويها قاسيه ، نتركها 20 دقيقه ترتاح
نجي للحشو
لحم مفروم خشن ، بصل مفروم ،ملح ،فلفل اسود ،كمون
طريقه التحضير:
نقسم العجينه قسمين و نفرده بمكينه العجين على رقم (1و3و5)وكل ما تفردي رشي دقيق علشان ما يلصق
وبعدين قصيه دوائر زي اللي في الصوره غطي العجينه اللي قصيتيه علشان ما ينشف
حطي شويه من الحشوه في النص و قفليه زي السمبوسه
كده خلصتي من القرطسه
دحين نسوي المرقه اللي تطبخي فيها الجواوه
في قدر نحط زيت وبصله مفرومه لحد ما يزبل شويه نحط من 3-4 فصوص ثوم مفروم و نقلبه شويه نحط عليهم الطماطم و مكعب ماجي و شويه معجون طماطم ونصب عليهم الماء المغلي نتركه 10 دقايق يغلي و نضيف عليهم الجواوه و نتركه شويه لحد ما يستوي وبعد ما نطفي النار نضيف كزبره مفرومه و تقدم


نجي دحين للششبرك
العجينه نفس عجينه الجواوه
الحشوه سبانخ ،بصل ،ثوم ) حطي شويه زيت و اضيفي البصل المفروم لحد ما يذبل اضيفي الثوم قلبيه قلبتين اضيفي السبانخ المقطعه قطع صغيره واتركيه شويه بس لحد مايذبل و صفيه من الماء
افردي العجينه زي عجينه الجواوه و قطعيه مربعات
حطي شويه من الحشو و قفليه
اطويه على بعض و الصقي الطرفين من الاسفل
و يسلق و يقدم مع الفلفل و الخل
و هذه صوره الفلفل
الازه (حمري شويه ثوم مفروم
في كميه زيت لحد ما يسير اشقر لا يحمر اطفىء النار و اضيفي الفلفل الاحمر الناشف مطحون و شويه ملح و بعد ما يبرد يحفظ في برطمان
و اتمنى تجربوها و تعجبكم
ملاحظه (ممكن تقرطيسه من الليل و تفرزيه و تطبخبه بكره )



و بالهناء و العافيه

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

يمي يمي باين عليها لذيذة يعطيك العافيه ...


__________________________________________________ __________

تسلم ايدك عزيزتي

شيشبرك بالسبانخ فكرة جديدة

يعطيكي العافية على موضوعك الحلو

احلى نجوم وشعار ياقمر


__________________________________________________ __________

ماشاء الله تبارك الله

تسلم ايدك حبيبتي


__________________________________________________ __________

يعطيكو العافيه نورتو صفحتي بمروركم