عنوان الموضوع : مسابقة احلى وافيد سفرة (سفرة عشائي البسيطة 2)
مقدم من طرف منتديات نساء الجزائر

مسابقة احلى وافيد سفرة (سفرة عشائي البسيطة 2)



سلام يا صبايا

هي مشاركتي لسفرة العشا وبالأغلب المشاركة الأخيرة

اعذروني التصوير مش كله واضح كان زوجي مستعجل

هي صورة للسفرة كاملة



هي الفطائر هي تطبيق لوصفة العزيزة احساسي روعة على هالرابط

فطـــــــــــاير ولاألذ ولاأروووع ولا أشهـــــــــــــى ( المرحلة الثانيه)

هي جبنة حلوم بالزيتون الأخضر



هي مناقيش زيت وزعتر وجبنة قشقوان الصفرا



بصراحة اول مرة تزبط معي المعجنات بهالشكل الحلو وانا سبقت طبقتها بس ما زبطت معي حمد لله هالمرة زبطت وطلعت هشة كتير وخفيفة ومتل القطن فعلا


سلطة الذرة




ذرة معلبة حسب الكمية المطلوبة ، فليفلة الألوان ، زيتون اسود مقطع حلقات ، الدرسينج مكون من

معلقة صغيرة خل بسلمك ، معلقة كبيرة زيت زيتون، معلقة كبيرة مي ، رشة ملح رشة اوريجانو رشة نعنع ناشف
وتقدم باردة

تارت الليمون





معلش صورتها وهي بالقالب كان لازم طلعتها من القالب قبل ما ازينها بالكريمة بس حبيت افرجيكم التزيين بصراحة مبسوطة كتير اول مرة اعرف ازين

المقادير

نفس مقادير التارت السابق بس انا ضاعفت الكمية

140 غم طحين
114 غم زبدة
36 غم سكر بودرة
رشة ملح

ونخلطهم بالفود برسيسور وبعدين نفردها بالقالب تبعنا ونحطها بالفريزر لمدة 15 دقيقة

وبعدين نكون محمين الفرن على درجة 220

بس ندخلها على حرارة 180 لمدة 13*15 دقيقة وطبعا حسب الفرن اديه حامي عندك

الطبقة الثانية :

140غم جبن كريمي ( انا استخدمت فيلادلفيا)
2 بيضة كبيرة
100 غم سكر ابيض
120 مل عصير ليمون
معلقة كبيرة بشر ليمون

نخفق الجبنة شوي حتى تصير طرية مثل الكريما وبعدين نضيف السكر ونخفق مرة تانية وبعدين نضيف البيض بيضة كل مرة ونخفق جيدا

وبعدين نضيف عصير الليمون وبشر الليمون رح تلاحظي الخليط سائل مش مشكلة لأنو رح يتماسك بالفرن

وندخلها الفرن على 180 لمدة 25-30 دقيقة ممكن اقل ازا الفرن الحامي يعني ما تحرقيها زيي لحد ما تحسي الخليط جمد

الطبقة الثالثة عبارة عن كريمة

انا استخدمت دريم ويب تقدري تزيني براحتك ممكن تزينها كلها او اي شكل انتي تحبيه


ملاحظة: هالمرة انا قللت كمية عصير الليمون لأنتي حسيتها حامضة كتير يعني حسب الذوق بس انا رأي الأحمض ألذ لإن النكهة بتصير اقوى وخاصة انو الكريما طمعها حلو

العصير التوت الجاهز لزوجي

وانا عصير برتقال بس هالمرة جاهز

وبس

وان شاء الله تكون عجبتكم السفرة

>>>>> ردود الأعضـــــــــــــــــــاء على الموضوع <<<<<
==================================


ياااااااااااااااااي لذيذ
وش طريقة العجينه اللي استخدمتيها ممكن الطريقه بالتفصيل ياقلبي


__________________________________________________ __________

تسلم ايدك عالعشا الجميل
بالف هنا حبيبتى

والصور واضحه جدا ماشاء الله

يالتوفيق باذن الله


تحياتى


__________________________________________________ __________

تسلم يدك
حلو العشاء الخفيف
وياسلام على حلى الليمون

بالتوفيق


__________________________________________________ __________

المشاركة الأصلية كتبت بواسطة ام لجين 2009
ياااااااااااااااااي لذيذ
وش طريقة العجينه اللي استخدمتيها ممكن الطريقه بالتفصيل ياقلبي

هلا حبيبتي في رابط اضغطي عليه فوق الصورة رح يوديك لموضوع فيه طريقة العجينة لأنها مو طريقتي بصراحة بس اكتر من رائعة وبنصحك تجربيها


__________________________________________________ __________

المشاركة الأصلية كتبت بواسطة لؤلؤة وردية
تسلم ايدك عالعشا الجميل
بالف هنا حبيبتى

والصور واضحه جدا ماشاء الله

يالتوفيق باذن الله


تحياتى

تسلمي يا دودو على كلامك الجميل