عنوان الموضوع : مسابقة أحلى وافيد سفرة ( سفرة غدائي البسيطة رقم 2)
مقدم من طرف منتديات نساء الجزائر

مسابقة أحلى وافيد سفرة ( سفرة غدائي البسيطة رقم 2)



السلام عليكم ورحمة الله وبركاته

هاي مشاركتي لوجبة الغدا

وهي بسيطة كتير وان شاء الله تكون مفيدة

صورة للسفرة كاملة



نبدأ بالسطة




سلطة خضرا

خس وخيار وبندورة وفليلفة خضرا مقطعين قطع كبيرة ونضيف عليهم شوي زيت زيتون وليمون وملح


شوربة العدس




وهي تطبيق لوصفة المشرفة المتألقة لؤلؤة وردية على هالرابط

شوربه العدس بالصور>>> من مطبخ دودو المصرية

وهي بصراحة روعة


الأرز بالخضار


سلقت الجزر والبازلا 3 ارباع سلق

بعدين قليت الرز البسمتي بالزيت واضفت الجزر والبازلا وزعفران وملح والبهارات السبعة ومكعب ماجي وبعدين اضفت الماي وممكن يكون مرق دجاج او لحم

الدجاج المشوي ( نسيت اصوره لوحده )

تتبلي قطع الدجاج بهالتتبيلة:
لبن ، معجون بندورة، ليمون ، زيت زيتون، ثوم مفروم ،ملح ،فلفل اسود،كزبرة مطحونة، هيل مطحون، بابريكا ، رشة ريحان واوريجانو
ثوم بودرة

وتتركيه بالتلاجة ساعة على األقل

وبتغطيه بالقصدير وتدخليه الفرن وبس وتقدميه


لبن بالكمون (طريقة هندية)




تخلطي الكمية المناسبة من اللبن وشوي ماء وملح وكمون ونعنع ناشف في الخلاط وتقدميه بارد


عصير البرتقال والأناناس صورته في المشاركة الماضية

تارت بالأناناس



مقادير التارت
57 غم زبدة باردة مقطعة قطع صغيرة
18 غم سكر بودرة
70 غم طحين

مقادير الكسترد

بيضتين
1 ملعقة كبيرة نشا
كوب ونصف حليب سائل
ملعقة صغيرة سكر
معلقة كبيرة طحين
معلقة صغيرة فانيلا


نخلط الطحين والسكر والملح جيدا ونضيف الزبدة ونحاول نلم العجينة بايدينا

نضع العجينة في قالب التارت (انا وضعتها في قالب الكب كيك) وندخلها الفريزر 15 دقيقة

نحمي الفرن على 220 ونضع التارت من 13 -15 دقيقة


طريقة الكتسرد
نخلط جميع المقادير عدا الحليب ونضعه على الغاز لما يتجانس ويتكثف شوي وبعدين نضيف الحليب شوي شوي ونحرك المزيج لما تنتهي كمية الحليب ونترك الخليط شوي على النار لما ينضج

لما تبرد التارت تماما نضيف لها الكسترد ونتركه يبرد بالتلاجة وعند التقديم نضيف شرائح الأناناس


ملاحظة : كمية الكسترد هي تقريبا نصف او اقل شوي من الكمية التارت الموجود في الصورة

وهي كانت سفرتنا لليوم

ان شاء الله تكون عجبتكم

>>>>> ردود الأعضـــــــــــــــــــاء على الموضوع <<<<<
==================================


سفرة تجنن ياكوووول

خصوصاً الدجاج شكله يجنن هو نفس اجنحة الدجاج

اللي يقدموها فمطاعم الوجبات السريعه والا غير

بصراحه

ووووااااوووو

منظره يشهـــــــــــــــــــــــــــــــــــــــــي

ألف صحه وعافية على قلوبكم


__________________________________________________ __________

ماشاء الله عليك
سفره تفتح النفس ....بالهناء والشفاء
بس أنا سرقت منك التارت معليش ........



__________________________________________________ __________

المشاركة الأصلية كتبت بواسطة احساسي روعه
سفرة تجنن ياكوووول

خصوصاً الدجاج شكله يجنن هو نفس اجنحة الدجاج

اللي يقدموها فمطاعم الوجبات السريعه والا غير

بصراحه

ووووااااوووو

منظره يشهـــــــــــــــــــــــــــــــــــــــــي

ألف صحه وعافية على قلوبكم

هلا حبيبتي روعة والله اشتقت لك كتير

والله هي وصفة ماما كان تعملها من زمان وحبيت اليوم اسويها

هو هادا صدور وفخاد بدون جلد او عضم يمكن عشان هيك شكلها طالع اجنحة !

تعي عنا وانا اعملك احلى منه


__________________________________________________ __________

المشاركة الأصلية كتبت بواسطة الآم الروح
ماشاء الله عليك
سفره تفتح النفس ....بالهناء والشفاء
بس أنا سرقت منك التارت معليش ........

هلا حبيبتي بالعافية بس هي كل الكمية اللي عملتها ما خليتي شي الي ههه

تسلمي حبيبتي كل زوء وانتي فنانة حلويات ما شاء الله


__________________________________________________ __________

امممم
اجمل ما احبه في اطباقك البساطة و الشياكة ههه صحيح حقيقي اطباقك دايما مفيدة و تفتح النفس و احسها متوازنة
سفرة دايمة و كل التوفيق لك