عنوان الموضوع : ستعشقون النقانق بهذه الطريقة من مطبخ حواء الشام
مقدم من طرف منتديات نساء الجزائر

ستعشقون النقانق بهذه الطريقة من مطبخ حواء الشام



السلام عليكم أخواتي العزيزات
الحمد لله الذي أطعمنا وسقانا وجعلنا مسلمين
اليوم عملت ياحبيبات قلبي نقانق اللحمة وحبيت تستفيدوا
وهي لذيذة كتير رح تحبوها وتعشقوها
باسم الله نبدأ نجهز النقانق ونضعها بالمقلاة بدون أي مواد دهنية
على نار هادئة ونغطيها حتى تنزل لحالها المادة الدهنية اللي فيها

وبها الوقت هادا بكون قطعت البصل والثوم شرحات والبندورة مكعبات
وشوية نعنع أخضر وأطراف البصل الأخضر



وهلأ متل مو شايفين عزيزاتي كيف صارت النقانق بشيلها من المقلاة




وبضيف لنفس المقلاة اللي صار فيها دهن البصل والثوم وبحركهم جيدا حتى يذبلوا



ثم أضيف مكعبات البندورة وبحركهم لدقيقتين




ثم أضيف النقانق مرة أخرى وبضيف
قليل من صوص الصويا وقليل من الكتشب ومكعب ماجي
وبغطيهن حتى يتشابكوويعقدوا



وبعدين بضيف النعنع الأخضر وبحركهن




وهي النتيجة وأكيد رح تدعولي بس تجربوا طعمتها




وصحتين وهناااا

>>>>> ردود الأعضـــــــــــــــــــاء على الموضوع <<<<<
==================================


أرجو من أخواتي المشرفات مساعدتي في وضع رابط تحميل الصور من منتدى سيدتي
اللي يحمل أكثر من عشر صور بوقت
واحد مابعرف ليش الصور عم تتحمل أكتر من مرة


__________________________________________________ __________

واووووووووووووو
ما شاء الله يا حواء
طبق غير شكل
بيستحق التقييم


__________________________________________________ __________

تسلم ايدك حووواااء

وصفة حلوة وشكلها لذيذة

بالنسبة للصور ما فهمت شو يلي بدك اياه يعني بدك اعطيكي رابط لمركز تحميل يحمل اكثر من صورة بالمرة الواحدة...

يمكن انتي نسختي الرابط مرتين

على كل حال هلق بعدلك الصور


__________________________________________________ __________

والله طبق غريب فعلا اول مرة اشوفه

بس شكلها هي نقانق من عند اللحام يعني مو جاهز صح ؟

تسلم ايدك


__________________________________________________ __________

باين عليها طيبة كتير تسلم هالايدين