عنوان الموضوع : رواية لاتفكر في غيري
مقدم من طرف منتديات نساء الجزائر

رواية لاتفكر في غيري






البارت الاول
ابعرفكم على العائلات هي عبارة عن عائلتين
العائلة الاولى .. {ابو محمد
تتكون من 3 اولاد 3 بنات
محمد "هو اكبرهم يشتغل مدير في شركة ابوه سيارته بتلي شخصيتة قوية له هيبه في الشركة وفيه جانب حنون على اهله ..شعره كثير واشقر
ويمارس رياضيه طويل ,,, فارس احلام البنات (:
رائد "يدرس في ابريطانيا دكتوراه سيارته روزرايس شخصيتة يحتقر البنت الدلوعه حبيب امه ... شعره اشقر مثل اخوه محمد جسمه معضد طويل .
ياكثر ماخقوا عليه المبتعثات
زياد "يدرس بالجامعه تحضيري سيارته كوماروا شخصيته فله وياكثر ماغازل البنات ..شعره اسود ابيض اخوانه جسمه معضد طويل ..وصديقه
الروح بالروح من ايام الروضه خالد ولد عمه متعلقين في بعض
البنات ...
سميه "خلصت دراسة تشتغل مدرسة شخصيتها هاديه وخجوله ..شعرها طويل لي نص كتفها وبشرتها ناعمه وعيونه كبار .....
مخطوبه لمهند ولد عمها
ريناد "في ثالث ثانوي ناعمه ولون بشرتها حنطي وشعرها طويل لي نص ظهرها بشرتها ناعمه وصوتها في بحة تذوب شخصيتها فله ومزاجية مايعجبها
شي...
منيرة "في ثاني ثانوي ناعمه ولون بشرتها ابيض من اختها شعرها يوصل لي نهاية رقبتها بشرتها ناعمه شخصيتها عنيده والي براسها بتسويه دلوعة
ابوها للعلم {ريناد ومنيره متعلقين ببعض بشكل فضيع ......
العائلة الثانيه {ابو راكان
تتكون من 2 بنات 4 اولاد
راكان "استشاري جراحة عيون يحب شغله كثير سيارته تاهو شخصيتة يحب الهدوء وانسان مروق ...شعره كثير واشقر يمارس رياضه وجسمه معضد
.... مسدح ممرضات المستشفى
مهند "مهندس يشتغل في شركة عمه شخصيته حبوب وفله ويعطي البيت جوا .. يمارس رياضه وجسمه معضد ..{ومهتم في خطيبته ...
خالد"يدرس بالجامعه تحضيري مع زياد ولد عمه سيارته بي ام شخصيته يعاند ولا يعرف يجامل .. شعره اسود يمارس رياضه وجسمه معضد
عبد الله"يدرس ثالث ثانوي سارته كوماروا شخصيته عنيد .. شعره اسود وطويل ويمارس رياضه ...
البنات ..
رغد"شخصيتها طيبه وتحن على الاطفال ويحبونها تدرس في ثالث متوسط { شعرها قصير طويله صوتها ناعم
رند"شخصيتها حبوبه ماعندها صبر تبي كل شي بوقته تدرس ثالث متوسط {شعرها طويل لين الكتف صوتها ناعم
علما {رغد +رند .. تؤام شخصياتهم مختلفه بس يحبون بعضهم وثنائي مرح بالبيت
البارت الاول ..
كانت بداية الاجازه ....
محمد كان راجع بدري من الشغل وبيده ملفات وتعبان ..
ام محمد: وشفيك يا محمد متعب نفسك في الشغل اخذ اجازه وريح
محمد : لايمه بس صداع لاني امس مانمت بصعد انوم واذا اذن قوموني
ام محمد : تبي بندول ؟
محمد : لايمه ابي ارتاح شوي كله صداع اذا ريحت بيخف
وصعد محمد فوق وقابل سميه الي خافت عليه ..
سميه: محمد انت بخير؟
محمد : قال ايه شوية صداع وبيروح لاتخافين
سيمه : اذا احتجت شي خبرني
محمد: اوكي
شوي الا دخلوا ريناد ومنيره مستانسين ويصرخون
منيره : اهل البيت وينكم ؟
ام محمد : ماتعرفين تقصرين صوتك اخوك محمد نايم فوق ..
منيره : اخوي محمد بس الساعه 12 مايجي يكون بالشغل !!
ريناد: وش فيه ؟
ام محمد : مافيه الا شوي صداع وبيخف .. الا انتم وش فيكم داخلين مستانسين ؟
منيره : جايين نبشرك اني كلمت رائد وقالي بيجي بعد بكره الساعه 1 الظهر .
ام محمد :الله يبشرك بالخير ماقالك متى يخلص ؟
منيره : لا يمه
ام محمد : الله يوفقه
ريناد: امين .. انا بصعد اريح تعبنا من النادي واخيرا اخر يوم لنا فيه
منيره : اي والله
ام محمد : اصعدوا ارتاحوا لان المغرب بنروح بيت عمكم
منيره : صدق يمه
ريناد : وناسه
ام محمد : اي صدق.. الله يجمعكم بطاعته
منيره + ريناد : امين
وصعدوا فوق ..
ام محمد تفكر في ولدها رائد الي ماشافته لها 2سنتين {وش كثر تغيرت اشتقت اضمك بين يديني ياولدي .. من دون حس انزلت دمعه على خدها اشتياق
لولدها رائد .. وحس فيها
ابو محمد : ياام محمد ولدك رايح يدرس ويجيب شهاده نفتخر فيها ليه كل هذي الدموع
ام محمد : اشتقت لولدي وحسه بالبيت 2سنتين ماشفته فقدته
حضنها ابو محمد راح يرجع لنا الغالي انشاء الله ... وبهاللحظه دخل عليهم زياد
زياد: اووووه عصافير الحب هنا وانا ابي حضن ؟
ام محمد: ههههههههههههههه تعال
راح لها زياد : وحضنته ودموعها بدت تنزل
ام محمد : متى اليوم الي احضن فيه رائد
زياد : قريب يمه بس خلاص زياد بييرجع لنا ومايهون علينا دموعك يالغاليه
ام محمد مسحت دموعها : الله يخليكم لي .... اي زياد نسيت اقولك المغرب بنروح لبيت عمك تجهز
زياد: السالفه فيها شوفة خالد انا جاهز من اللحين
ام محمد : الله لا يحرمكم من بعض
زياد : امين ولا يحرمس من ابو محمد وغمز وراح
ام محمد: هالولد مددري متى يعقل
ابو محمد: هههههههههههههههههههههه خليه مع الزمن بيكبر
.................................................. .....
ببيت ابو راكان ..
ام راكان : يابنات تجهزوا المغرب ترى ام محمد بتجي عندنا اليوم المغرب تسنعوا
رغد : صدق يمه ذا الانسانه ام محمد احبها بتنور بيتنا
رند : وناسه بنات عمي بيجونا وحتى خطيبة اخوي مهند بتجي
ودخل مهند عليه على صوت خطيبة مهند
مهند: وش فيها خطيبتي ؟
رند : وانت وش دخلك
مهند: ياسلام خطيبتي كيف مالي دخل فيها
رند: مصدق عمرك تراك ماتستاهلها
ام راكان : وليه وش ناقص وليدي جمال وشغل بسم الله عليه البنات عليه نمل
رند : صدق وينهم ماشوفهم
مهند: الله يخليك لي يايمه وانتي وش عليك من شافوك هنا هجوا رغد وش فيها خطيبتي
رغد : بتجينا اليوم ام محمد المغرب
مهند : صدق
ام راكان : اي
رند: يمه جوعانه ابي الغدا
ام راكان : جاء اخوك راكان من الشغل ؟
دخل راكان : اي جيت
رند : يمه وش فيهم عيالك مايعرفون يدخلون زي الناس يروعون الواحد
راكان : روعتك بسم الله عليك ومسك اذنها الحين كيف
رند: اي اي خلاص خلاص توبه
راكان : ايوه كيذا
مهند: كفوا ركون طلعت حرتي فيها
راكان : ذي مبهذله البيت كله
دخل ابو راكان : السلام عليكم
العيال : وعليكم السلام
ابو راكان : وش فيكم على الغاليه رند
رند: يبه شفهم حاطين حرتهم فيني
راكان : بريئة بسم الله عليك
ابو راكان : ايه بنتي بريئة وماتغلط
ام راكان : تعالوا الغدا انحط
ابو راكان : يالله
على الغداء ..
رغد : يبه نبي نسافر
رند: اي جد خلونا نسافر
ابو راكان : انا ماعندي مانع بس نطلع كلنا مع ابو محمد
راكان : يبه اطلعوا انا بقعد عندي مشروع وبكون مشغول
خالد : انا ماعندي مانع وجاهز دائما
وعبد الله : وانا بعد السالفه فيها سعة صدر معكم
ابو راكان : مااقبل اعذار خذ اجازه بنطلع كلنا ومعانا رائد وعمك ابو محمد
رند ورغد : باسوا راس ابوهم وقالوا : الله يخليك لنا ولا يحرمنا منك

انتهى البارت
وش بيصير المغرب ؟
هل راكان مشغول بالشغل او يتهرب من السفر!!
وش بيصير بين عبدالله ورائد ؟؟



انتظر ردودكم ...

>>>>> ردود الأعضـــــــــــــــــــاء على الموضوع <<<<<
==================================


المغرب وصلت ام محمد بيت ام راكان قعدوا البنات بغرفة رند ورغد والعيال بالملحق وام محمد وام راكان بالصاله
عند البنات ....................
رند +رغد : بنات اليوم قلنا لابوي عن سالفه السفر وقال بنطلع كلنا مع بعض
منيرة :صدق فللله متى طيب ؟
رند : اذا رجع اخوك رائد من السفر
ريناد : الله يرجعه بالسلامه
رغد: من غير قصد" آآآآآآآآآآمين
منيره : اي مو حبيب القلب
رغد: بس خلاص منور
رند: استحت البنت الخدود حمراء
رغد : عصبت ونزلت عن امها ومرة عمها بالصاله
ام راكان : وش فيك يمه
رغد : مافيني شي بس بقعد معكم
ام محمد : حياك يابنيتي
رغد : الله يحيك
نزلوا البنات وهم فاقعين ضحك
ام راكان : وش فيكم نازلين وتضحكون
ريناد : مافينا شي ياخالتي
سميه : طلعت من المجلس وهي مستانسه حيل ومعها بيدها ورده حمراء
رند: والله اخوي رمنسي ومدري عنه
البنات : ضحكوا
سميه : بس خلاص ترا استحي
ريناد : فديت الي يستحون (:
جلسوا البنات عن الحريم يشربون قهوه
ومنيره : ودها تعرف وش يسون العيال واصوات ضحكهم واصل لنا
رند: يمه عيالك انجنوا هذا صراخ عيال !!
منيره : بنات وش رايكم نلعب كورة
رند : يالله
قاموا كلهم ماعاد سميه
ريناد: سميه تعالي العبي معانا
سميه : لا مالي خلق
ريناد: براحتك
راحوا البنات طلعوا للملعب ولعبوا كوره وبين اصوات الصراخهم سمعوهم العيال
العيال .............................
راكان +محمد : يسولفون عن الشغل
محمد : راكان وش رايك بالشركه نقعد معها
راكان : الشركه لها سمعتها بالسوق
محمد : بس محتار بينها وبين الثانيه
راكان : ولا فيه مقارنه خذ الاولى مضمونه
اما العيال الباقين راحوا يسمعون الصوت من وين طالع ......................
مهند : البنات يلعبون كورة
زياد : ههههههههههههههههه شف اشكالهم بس مو كأنهم بنات
عبد الله : ههههههههههههههههههههههه ذولا اشك انهم عيال
خالد : كان سرحااااااااااان بالي يشوفه
البنات .......
رند: بنات العيال يشوفونا
منيره : ارتبكت ماعرفت وش تسوي يوم رفعت راسها وطاحت عينها بعينه
ريناد : شافتهم وسحبت اختها علشان مايلاحظون البنات
رغد: بنات يالله ندخل داخل
البنات دخلوا ...............
سمية : امداكم تلعبون
رغد : لا بس شفنا العيال دخلنا
سميه : اها مهند معهم ؟
منيرة : وهاذا الي هامك !!
ريناد : اي معهم
سمية : اذا ماهمني من يهمني
رند : ياحظك يا مهندوه
البنات يضحكون على شكل رند
في اللحظه هاذي دق محمد على امه
ام محمد : سم يمه
محمد : نمشي الان ؟
ام محمد : الي يريحك
محمد : خلاص تجهزوا لان بكره عندي دوام
ام محمد : ابشر يالغالي
بنااااااااااااااااااااااات
ام محمد : منيره +سميه +ريناد تجهزوا يالله بنمشي
منيره : يمه بدري تونا جايين
ام محمد : الحين الساعه 12 وين بدري معه اخوكم عنده دوام
ريناد : طيب نرجع مع زياد مو لازم محمد
رند : خالتي خلي البنات يمسون عندنا .
ام محمد : لا اخوهم بيرجع وماشافوه من 2 سنتين المره الثانيه حبيبتي
ريناد : وش ذا الحظ
منيره: هففففففففففففففففففففففففففففففففففف
سميه : خلاص انتي وياها لو تصيحون مافي قعده الاوامر صدرة البسوا عباياتكم
رجعوا البيت ..............................
ريناد + منيره +سميه:صعدوا غرفهم يرتاحون
محمد : رجعهم ونام
اما باقي العيال مكملين سهرهم ..........
غرفة منيره ...........
منيره منسدحه ومستانسه حدها تفكر في عيونه ونظرته لها الي كلها اشتياق وحست بهاللحظه تملكة الدنيا ومافيها وماراح عن بالها
غرفة ريناد ...........
تفكر في حال اختها منيره و زواج اختها سميه ................ وبالسفر
غرفة سميه ............
تكلم فارس الاحلام مهند وهي مستانسة بكل كلمه يقولها تحسها تطلع من قلب (:
عند بنات العم ........
رند ...........
تفكر بشكل زياد وهو يلعب وعجبها
كل شي فيها وتحس شي من داخلها يقول لها حبيه
رغد ..............
تفكر في رائد ورجعته وهي مشتاقه له حيل بس خايفه من ردة فعله تجاهها هل بيقبلها او بيرفضها ........
العيال .......................
خالد : يفكر في منيره وشكلها الي طير عقله وحس بجاذبيتها له (:
راكان :كان يفكر بالسفر وليه كل ما بغيت ابتعد تقربوني
اما الباقي يلعبون بلوت وماهمهم شي
رجعوا الفجر وتعبانين ناموا ............
وش بيصير برجعت رائد؟
بيسافر راكان او لا ؟


__________________________________________________ __________

اسفة على التأخير ...
حصل لي بعض الظروف وانشاء الله بعد رمضان بكمل الرواية
دمتم بصحه..


__________________________________________________ __________


__________________________________________________ __________


__________________________________________________ __________