عنوان الموضوع : رواية الضياع -روايات رائعة
مقدم من طرف منتديات نساء الجزائر

رواية الضياع






بسم الله الرحمان الرحيم
اليوم حابه اقدم لكم روايتي وهيه روايه قصيره واتمنى انها تعجبكم وابا الرد لو سمحتو

الضياع


العائلات :
الهام :عمرها 26 من هواياتها الرسم وهيه دكتوره لون بشرتها ابيض وعيونها ملونه وشهرعا بني فاتح طولها وسط الاشياء الي ماتحبها الفضول الزايد تحب انها تكون متحرره ماتحب احد يدخل فيها ..
سمر: هيه ام الهام طيبه ولكن عصبيتها تضيع منها كل شي نحب تتحكم في اولادها وفي كل شي
محمد: ابو الهام حنون يحب دايما انو يكون مرتاح مبسوط يبعد عن كل المشاكل الي تواجهو
سمير: عمرو 19اخو الهام ولد عنيد متهور يحب البنات ! طايش اول سنى جامعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
خالد: 27ولد محترم لكن غامض ومايبين مشاعرو للي قدامو بسهوله لون بشرتو برونزي يبلبس نضاره عينو عسلي شعرو اسود وكثيف
ميس : ام خالد مع كبر نسها ما تعترف بي عمرها دايما تلبس على الموضه حتى تبين اضغر من عمرها
عامر : ابو خالد رجل اعمل ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
نورة :عمرها 26 صحبت الهام وهيه دكتوره لون شعرها اشقر طويله دايما تحب يكون شكلها ناعم وحلو
حسام: عمرو 28 صاحب خالد مايئمن بي الحب عصبي

















(الجزء الاول )
سمر : الهام يابنتي قومي دوامك حتتخأري
الهام: طيب ماما خلاص دحين اقوم اوففففف
محمد: صباح الخير يابنتي
الهام : صباح الخير
محمد: متى تطلع نتايج التحاليل حقتي
الهام : خلاص طلعت الحمد الله مافيك شي بس انتبه على صحتك يلله مع السلامه انا رايحه الدوام
سمر : لاتنسي ترجعي بدري عشان نشتري اشياء لي خطبتك
الهام : رح احاول اجي بدري
ــــــــــــــــــــــــــــــــــــــــــــــــــ ـــــــــــــــ

خالد: امي انا بروح المستشفى لاني مره تعبان
ميس :طيب ياولدي بس انتبه على نفسك
وكدا كل واحد فيهم خرج من بيتو الهام رايحه الدوام وهوا رايح المستشفى الي تشتغل فيها الهام ....

خالد : (يزعق على المومرضات )وبعدين انا ليا ساعه هنا تعبان انتو ماتفهمو ابا ادخل عند الدكتوره انا مو قادر اتحمل التعب وانتو قاعدين تتسلو يلله دخلوني بسرعه ..
الهام : اش الازعاج دا لو سمحت احترم نفسك دي مستشفى محترمه لا تقعد تزعق وتجعز المرضى لو سمحت استنى دورك ولا اقول خلاص دخلي خليني اكشف عليه ويتوكل
خالد: ( في حاله اندهاش من جمال الهام ) طيب طيب طيب خلاص دحين ادخل انتي اش تبي وانا اسوي بس ترضي علينا
الهام : نعم اشقلت
خالد لا سلامت ولا شي
الهام : حكتبلك ادويه عشان الانفلونزه تروح منك وحخليهم يدوك ابره عشان الحراره
خالد: (وهوا خايف ) لالالالا ابرا لا ما ابا خلاص الحمد الله سرت كويس
الهام : شوف انت دخلت علينا المستشفى وسويت ازعاج وزعقت و عشان اكشف عليك واديك الي يناسبك دحين تقلي ما تبا ابرا لا مو على كيفك عشان صحتك رح تاخد ابرا يعني حتاخد
خالد : طيب امري لله 
بعد كدا اخد الابرا ونسي الالم حقها من كتر ما يفكر في الهام الي من يوم ماشافها وهوا بس يفكر فيها .....
خالد: ( يكلم نفسو ) الله يحميها على الجمال الي فيها سبحان الي خلها ماشفت زيها من يوم ماشفتها وانا احس اني ضايع لا يكون حبيتها !!!!!!انا لازم اروح المستشفى تاني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
الهام: كيفك ماما حاولت قد ما اقدر ارجع بدري بس جانا مريض مره مزعج استغفر الله جنني وفي النهايه قعت ساعه اقنع في عشان ياخد الابره والله هوا الي اخرني
سمر : الله يعينك يابنتي ويوفقك يلا اتجهزي خلينا نروح نشتري الاشياء لخطبتك
الهام : ان شاء الله دحين اقوم البس عشان نروح
وراحو واشترو كل الاشياء الي يحتاجوها وجا خطيبها وتمت الخطبه وكانت الهام مبسوطه وارتاحت لخطيبها مره وانبسطت بي .....
ــــــــــــــــــــــــــــــــــــــــــــــــــ ـــــــــــــــــ
خالد: انا شكلي اليوم حروح المستشفى واسوي نفسي تعبان عشان اشوفها اخدت قلبي دحين اتأكد اني احبها ..
خالد : (بصوت عالي وقف قدام غرفت الهام ) اه تعبان مو قادر اتحمل ااااااااااااااااااااااااه
الهام : (طالعت في بقهر ) وبعدين معاك انت رح تجي كل مره وتسوي الازعاج دا دي المره استنى دورك
خالد: (وهوا مقهور ) طيب حستنى
وعدة ساعتين وهوا مادخل
خالد: اوف ياربي متى ادخل طفشت وانا جالس استنى لكن كلو يهون عشانها ...... واخيرا جا دوري
الهام: خير اش عندك دي المره
خالد: (مرتبك ) بطني مدري اشبها بس تعورني ليا اسبوع على دا الحال ااااه
الهام : دحين حكشف عليك واشوف نبضات قلبك وكدا يلله خد نفس
خالد: اخد نفس والي تبي كمان
الهام: (تضحك) نعم اش قلت
خالد: لالا ولا شي (جات عينو على الخاتم وبدت عينو تدمع ) انتي ... مخطوبه
الهام: اعتقد مو من حقك تسأل بس رح اجاوبك ايوا مخطوبه
خالد من الصدمه دفها وخرج من المستشفى بسرعه وهوا يبكي 
خالد: (يتكلم بصوت عالي ) ياربي ليش حظي كدا لما لقيت البنت الي احبها يسير فيا كدا ...مستحيل اخليها تروح لغيري لازم احاول معاها لازم اخليها تسيبو
الهام كانت مصدومه من الي سوا خالد وقعدت فكر ليش سوا كدا ..
ــــــــــــــــــــــــــــــــــــــــــــــــــ ــــــــــــــــــــــــــــــــــــ
الهام: (وهيه مصدومه ) ماما تتذكري الولد الي حكيتك عنو اول
سمر: ايوا اشب وجا تاني
الهام: ايوا جا بس الغريب انو لما كشفت عليه فجأه اتغيرت ملامح وجهو وشاف الخاتم وسئلني اذا كنت مخطوبه ولما جاوبت وقلت ايوا دفني وخرج بسرعه مادري ليش سوا كدا
سمر: غريبه يابنت بس مدري ليش قلبي ياكلني حاسه انو الولد دا يحبك
الهام : ايش اش الكلام دا يماما مستحيل مو معقول ( سكتت وسارت تفكر ) معقول كلام ماما صح اكيد صح مافي غير كدا ولا ليش اتغير لما عرف اني مخطوبه ودفني وراح اكيد في شي
(نهاينت الجزء الاول )

>>>>> ردود الأعضـــــــــــــــــــاء على الموضوع <<<<<
==================================


(الجزء التاني)
الهام: الو نورة كيفك حبيبي
نورة : انا تمام الحمد الله
الهام: نورة يمديكي اليوم تطلعي معايا لازم اشوفك عندي كلام كتير بقلك هوا
نورة: اوه حمستيني اكيد رح اجي بس قوليلي فين
الهام: في الكوفي شوب الي جمب المستشفى لما يخلص دوامنا لانو ماينفع اتكلم معاكي في المستشفى
نوره: طيب اوكي موعدنا بعد الدوام باي
الهام : باي اشوفك
خلص الدوام وهيه خارجه من المستشفى شافت خالد واتذكرت الموقف الي سوا فيها ودفها قدام المومرضه ....
الهام: انت ليش سويت الحركه دي فيا ماتستحي كيف تدفني وفجأة تخرج ليش اش في بيننا عشان تسوي كدا
خالد: ايوا في
الهام : ياسلام اشفي بيننا قول يلله اطربني
خالد: شوفي انا حقلك شي فيا انا مو من النوع الي يقدر يقول الي يحس في
الهام : (وهيه معصبه )وانا مالي دا شي يخصك مايخصني
خالد:استني خليني افهمك اش الي بيننا
الهام: اتفضل قول
خالد: (وعينو مليانا دموع)الي بيننا انو من يوم ماشفتك وانا ماشفت غيرك انا ....
الهام: انت ايش
خالد: (بدء يبكي ) انا احبك انا عارف انك مخطوبه بس مو بيدي والله مو بيدي انت لازم تكوني معايا انا مو مع خطيبك
الهام : (وهيه مندهشه)لالالا انت مجنون رسمي كيف تكلمني كدا متى عرفتني عشان تحبني لدي الدرجه متى
خالد: انا كنت كل يوم اجي واشوفك حتى لو من بعيد
الهام: خلاص كفايا الين هنا ما اقدر اسمع شي زياده
راحت الهام وهيه مصدومه من كلامو وجرئتو وكانت تفكر في الكلام الي قالو وتتذكر دموعو وشكلو ...
نورة: واخيرا جيتي بدري الوووووووووووو الهام اشبك ساكته كدا
الهام : مادري كيف اقلك الي سار
نورة : اش سار قولي خوفتيني
وبدئت الهام تحكي نورة الي سار كلو وكانت نورة مستغربه...
نورة: (تتكلم وهيه مصدومه )الهام دا الولد شكلويحبك من جد بس المشكله انك مخطوبه ودا حيكون مصدر مشاكل لكي
الهام: عارفه بس الي معصبني منو انو يقلي انو انا لازم اكون معاه حسيت في كلامو انو يبا يسوي أي شي عشان يخرب الخطبه بس هوا مايعرف عني شي لابيتي لا مين خطيبي ولا شي انا خايفه الكلام يوصل لي احمد خطيبي وبعدين اتورط
نورة :لالا انا اتوقع انو يعرف عنك كل شي مدام قلك انو كل يوم يجي يشوفك من بعيد حتى اتوقع انو شاف احمد خطيبك
الهام : (وهيه مرتبكه ) نورة الله يخليكي لا تخوفيني زياده
وفجأ تطالع قدامها وتشوف خالد واقف يطالع فيها من بعيد ...
الهام: (وهيه مصدومه )نوره شوفي شوفي خالد الي حكيتك عنو
نورة : فينو
الهام: وراكي انا لازم اقوم اهزئو دحين وقدام الناس
نورة: الهام لا مايسير تبي الناس ينتبهو اقعدي خلاص
الهام: (تتكلم بصوت عالي ) انت وبعدبن معاك الين متى حلاقيك ورايا ما تفهم انا مخطوبه ما ابا اشوف وجهك ولا تجي المستشفى مره تانيه فاهم
خالد: (وهوا يبكي ) ما اقدر انا احبك ما اقدر ابعد عندك
الهام : (ضربتو كف ) حقير لعد اشوفك قدامي ولا ترام ارح يسير طيب فاهم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

الهام بعد ماهديت استوعبت انو الي عملتو كلو غلط حست انها قسيت عليه وسارت تفكر فيه وكيف قدرت تضربو قدام الناس كدا وحست انو لازم تواجهو وتفهمو انو مستحيل يكونو لبعض وسئلت عن اسمو وسارت تدور على رقمو لانو من يوم الي سار معد قدرت تشوفو ...
الهام: واخيرا لقيت رقمو لازم ادق عليه .... الو خالد
خالد:ايوا انا خالد مين معايا
الهام: انا ..انا
خالد: ايوا وبعدين حتقعدي تقولي انا وتسكتي قولي ولا اسك الخط احسن
الهام: انا .. الهام
خالد: الهام من فين جبتي رقمي كيف وصلتيلي واخيرا حسيتي فيا سبتي خطيبك خلاص
الهام: لا مو كدا بس دقيت عشان اعتذر عن الي سار لانو حسيت اني غلط بحقك وكنت ابا افهمك انو احنا ما ننفع لبعض خالد حاول تفهمني انا مخطوبه ماينفع اني اسيب خطيبي لانو مرتاحتلو ومبسوط هوانا معاه
خالد: لا الله يخليكي لا تقولي كدا لاتعوريلي قلبي انتي المفروض تكوني ليا
الهام: حاول تفهمني انا ما اقدر انا ما ابا مشاكل مع خطيبي لو شافني معاك او عرف اني اكلمك رح تسير مشكله خلاص الله يخليك
خالد: (سار يزعق) لا مستحيل انا مارح اسيبك حكون معاكي دايما وزي ظلك (وقفل السماعه)
وسار خالد يبكي والهام بدئت تحن لي وحست بحبو لها وهوا كان دايما يشوفها من بعيد الين هيه بدت طالع في وبدت تبتسملو كل ماشافتو..
نورة: (دخلت غرفت الهام ولقتها تبكي)الهام اشبك ليش تبكي اش سار قوليلي
الهام: انا ....انا حبيتو
(نهايت الجزء التاني)


__________________________________________________ __________

(الجزء الثالث)

الهام: (وهيه تبكي ) انا حبيت خالد مادري كيف بس حبيتو
نورة: (مصدومه )الهام من جدك تتكلمي انتي اتجننتي زيو ولا كيف
الهام: مادري مادري بس كان كل يوم يوقف قدامي ويبتسملي الين حسيت بحبو حسيت الشي دا من عيونو
نورة: (وهيه معصبه )لا تتكلمي كدا خلاص اس ما ابا اسمع ولا كلمه بعدي عن دي الافكار
الهام: انتي موحاسه فيا حبيتو دخل قلبي من غير ما احس لما ما قدر يجي وشوفني يوم واحد بس قلقت عليه ودقيت عليه وكان تعبان وقتها حسيت اني احبو انا ضايعه مو عارفه كيف اتصرف
نورة: انتي صدمتيني لكن دحين انتي لازم تسوي شي
الهام: اش هوا
نورة: انك تفسخي خطوبتك حرام تظلمي احمد معاكي حرام
الهام: اكيد رح اسوي كدا خلاص انا معد اشوف قدامي غير خالد وبس خالد الي احبو هوا الي المفروض يكون خطيبي
بدت الهام تكلم اهلها في الموضوع وماعارضوها وفسخت الخطبه من احمد وكانت فرحانه وطبعا اول شي خطر على بالها بعد فسخ الخطوبه !!! خالد ......
ــــــــــــــــــــــــــــــــــــــــــــــــــ ــــــــــــــــــــــــــــــــــ
استنت خالد الين يرجع ويجي المستشفى زي دايما عشان تقلو انو خلاص سابت خطيبها عشانو وانو مستعده انها تكون معا دايما لكن طول وما جا قعدت تستنى في شهر .....
الهام: (تكلم نفسها) ياربي الين متى انا قلقت عليه مره انا خايفه ادق عليه ما اقدر ادق بس وحشني ابا اشوفو شكلي حدق وامري لله .... الجوال مغلق ياربي اكيد في شي مو معقول كدا
نورة: الهام ليش كدا قاعده لحالك وشكلك قلقانه
الهام : (تتكلم بصوت عالي )يووووووووووه خلاص اسكتي سيبيني في حالي ليا فترا استنى خالد يجي وما جا ودقيت عليه جوالو مغلق اكيد فيه شي مايسير كدا اكيد سرلو حاجه
نورة: طيب حبيبتي اهدي لا تبكي وتقهري نفسك اصبري رح نحاول نلاقي عنوانو
الهام: ايوا الله يخليكي ساعديني لازم الاقي انا لازم اكلمو لازم اقلو اني فسخت الخطوبه عشانو
ــــــــــــــــــــــــــــــــــــــــــــــــــ ـــــــــــــــــــــــــــــــ
محمد: (بصوت عالي) الهااااااااام الهام
سمر: اشفي ليش تزعق البنت مو هنا اش سار قلي
محمد: احمد حاول ينتحر والسبب بنتك المحترمه فينها فين راحت قوليلي انا ليش واقف اتكلم معاك خليني ادق عليها احسن....الو (بصوت عالي ) الهام دحين ترجعي البيت بسرعه ابغاكي تجي بسرعه لا تتأخري
الهام: اش في بابا فجعتني
محمد:الهام لا تكتري كلام خلاص تعالي البيت بسرعه
الهام: طيب انا اخلص من المرضى الي عندي واجي
محمد: الهام اقلت دحين سيبي كل شي في يدك
الهام: طيب خلاص دحين اجي
نورة: اشبك مين الي كان يكلمك
الهام : دا بابا كان مره معصب مادري اش في يقلي ارجعي البيت بسرعه
نورة : طيب يلله روحي انا ححاول اخد المرضى بدالك يلله
الهام : طيب بس اسمعي لو جا خالد وشفتي حاولي تكلمي وتقوليلي اني بشوفو
نورة: طيب بسرعه روحي انا مو مطمنه حاسه في شي من ورا كلام ابوكي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الهام : سلام عليكم
محمد : ( اداها كف ) انتي السبب
الهام: ( مصدومه) بابا اش في
محمد: اصريتي انك تنخطبي من احمد علقتي الولد فيكي حبك اختي غصبن عننا حاولتي فينا الين اقنعتينا وفي النهايه سبتي الولد حاول ينتحر لو مو امو دقت ما كان عرفنا انا اديتك حيره زياده خليتك تسوي كل شي على كيفك ورضينا في وسبتي شوفي اش سار في الولد مو حرام
الهام: (مصدومه وعيونها فيها دموع ) بابا من جد الكلام الي تقولو... طيب فينو في أي مستشفى
محمد: كمان تبيت روحي وتزيديها عليه لا مارح اسمحلك
الهام: بابا الله يخليك اديني العنوان
سمر: اديها العنوان خليها تروح يمكن لما يشوفها يدها
محمد: خدي العنوان لكن اقسم بلله لو سار شي للولد مارح ارحمك
الهام : لا تخاف مارح يسرلو شي
ــــــــــــــــــــــــــــــــــــــــــــــــــ ـــــــــــــــــــــــــ
الهام: (وهيه تبكي ) الو نورة شفتي اش سار
نورة : اشبك يابنت اش سار
الهام: احمد حاول ينتحر انا السبب اديتو امل خليتو يحبني شوفي اش سار في الولد
نورة: يالله ياربي اش حتسوي دحين
الهام: رايحتلو المستشفى دحين
نورة: لا تروحي استني لما يسير احسن
الهام : لالالا دحين رايحه خلاص قربت
نورة : طيب حبيبي على راحتك بس طمنيني عليه
الهام: طيب خلاص مع السلامه
الهام وصلت المستشفى وسارت واقفه من بعديد وتبكي ماقدرت تدخل خافت انو يتعب اكتر ...
ام احمد: ( وهيه معصبه) اش تسوي هنا جايه تموتي ولدي حرام عليكي خلاص سيبي في حالو خلاص ( سارت تدفها)اخرجي من هنا يلله بسرعه ما ابا اشوف وجهك هنا تاني يلله
احمد: امي مين هنا .... الهام الهام خليها تدخل امي لا تسوي كدا خليها تدخل عشاني
ام احمد : لا مستحيل ادخلها
احمد: عشاني الله يخليكي
ام احمد: اتفضلي بس هيه خمسه دقايق مو اكتر وتخرجي ولا والله مايسير طيب
الهام: طيب خلاص مارح اطول
احمد: الهام كيفك
الهام : ( وعينها فيها دموع ) انا كويسه ... انا اسفه ما كنت اتمنى اشوفك كدا كلو بسببي بس اش اسوي حسيت انو احنى مو لبعض عشان كدا طلبت نفسخ الخطبه
احمد: ما احب اشوف دموعك انا عارف انك سويتي كدا عشان مصلحتنا لكن انا حبيتك مادري اش سارلي لما فسخنا الخطبه حسيت اني بموت
الهام: لا تسوي كدا تاني ما تهون عليا حتى لو فسخنا الخطبه يبقى ليك مكانا في قلبي
ام احمد: الهام اعتقد اختي وقتك وزياده يلله لو سمحتي
احمد: امي لو سمحتي سيبينا لحالنا
الهام: لا احمد انا جيت اطمن عليك وخلاص حروح بس ابا توعدني انك ماتسوي كدا تاني وتنتبه على نفسك وتفتح صفحه جديده وتدور وحدا تناسبك
احمد: خلاص عشانك مارح اسوي شي يزعلك بس قبل ماتروحي اباكي تعرفي انو قلبي مفتوح ليكي دايما
الهام: خلاص انا وبروح مع السلامه
خرجت الهام بسرعه من المستشفى وهيه تبكي وحاسه بلندم من الي سوتو ...
نوره : ها اش سار
الهام: ( وهيه تبكي ) كان تعبان مره انا السبب انا مادري كيف سويت كدا كيف قدرت اسوي فيه كدا انا كنت احبو بس لما شفت خالد غير كل شي وخربطو طلعلي فجأة واختفى فجأة مو عارفه فينو ... ما جا يانورة
نورة: ( وهيه زعلانه ) لا ما جا بس اكيد عندو ظروف اكيد في شي مانعو
الهام: يارب انا اش سويت عشان يسير معايا كدا تعبت مره ااااااااه
نورة : (حضنت الهام) لا تبكي خلاص مافي شي بيدك خلي الوقت يصلح كل شي مع الوقت رح يتصلح كل شي بس انتي اصبري
الهام : انا مارح ارتاح الا اذا لقيت خالد
نورة: انا لقيت عنوان وانشاء الله بكرا نروح ونشوف اش الموضوع
الهام: من جد لقيتي
نوره :ايوا لقيتو
الهام فرحت مره وفرحت انها رح تقدر تشوف خالد بس ما تدري اش الصدمه الي تستناها هناك ......


(نهايت الجزء الثالث)


__________________________________________________ __________

(الجزء الرابع )


الهام: متأكده انو هوا دا العنوان
نورة : ايوا اكيد انزلي وشوفي بنسفك دقي الجرس واسئلي أي احد يفتح
الهام: طيب دحين انزل خلاص انتي تقدري تروحي انا ارجع بتكسي
نورة: طيب بس لا تطولي وطمنيني عنك
الهام : طيب مع السلامه
نورة: مع السلامه
وبدت تقرب من بيتهم وجات تبا تدق الجرس....
خالد: ( مصدوم ) الهام
الهام : (وهيه فرحانه ) خالد فين كنت فينك ليا فترا ادق عليك عشان اكلمك وكان جوالك دايما مقفل
خالد: الهام انا كنت مسافر
الهام : فين كنت مسافر ومن غير ماتقلي انا جيت عشان اقلك...
وفكت ام خالد الباب فجأة وهنا انصدمت الهام من الكلام ...
ميس : ولدي حبيبي كيفك وحشتني
خالد: الحمد الله انا كويس بس دقايق وارجع البيت
ميس : خالد مين هادي وبعدين ليش ما جبت مرتك معاك ليش سبتها لحالها هناك
الهام: (وهيه مصدومه وعينها فيها دموع )خالد اتزوجت ...اتزوجت من غير ماتقلي ليش (الهام سارت تجري )
خالد: (مسك يدها ) الهام استني خليني افهمك
الهام : ما ابا اسمع منك شي وشيل يدك خلاص كفايه الي خسرتو بسببك
خالدسار يجري وراها )الهام استني خليني افهمك تعالي نقعد في الحديقه الي هنا يلله عشاني
الهام : (وهيه تبكي)انت كيف قدرت تسوي فيا كدا ليش كيف قدرت
خالد: الهام انتي قفلتي كل ابواب الامل الي عندي وبعدين الفترا الي مرضت فيها انتي السبب حسيت اني خسرتك
الهام: انا كنت محتاره عايشه في ضياع اعترفلك اني احبك ولا لا عشان انا مخطوبه وكنت احب خطيبي
خالد: انا ما اقدر الومك على شي ولا انتي تقدري انا انحطيت في وضع صعب انا اهلي قالولي ياتتزوج البنت دي يا نتبرا منك كنت محبط مو متأمل ان تكوني ليا خيبتي املي مره ما عرفت اش اسوي غير اني اوافق عشان لا اخسر اهلي زي ما خسرتك
الهام : ( بصوت عالي) انت خربتلي حياتي خليتني احبك اتعلق فيك لدرجه اني فسخت الخطوبه واحمد خطيبي حاول ينتحر وانت السبب وفي النهايه تقلي اهلي غصبوني انت ما عندك شخصيه (سارت تضرب فيه) حرام عليك انا ما استحق منك تسوي فيا كدا ضيعت كل احلامي
خالد: ( وهوا مصدوم وفي عينو دموع ) من جد انتي سويتي كل دا عشاني
الهام: (بدت تمسح دموعها وتحاول تبين انها قويه ) خلاص انت اخترت حياتك وانا حختار حياتي من اليوم ورايح ما ابا اشوفك ولا اعرف عنك أي شي واصحك تعتب باب المستشفى او تخليني المحك لانو وقتها مارح اعرف اش ممكن يطلع مني
خالد: الهام لا تقولي كدا مو ذنبي ارحميني انتي الي سويتي كدا لا تروحي وتسيبيني
خالد فضيل يترجا في الهام وهيه كانت ماشيه و تبكي .....

ــــــــــــــــــــــــــــــــــــــــــــــــــ ــــــــــــــ
الهام رجعت البيت تبكي بصوت عالي ودخلت غرفتها وسارت تكسر كل شي في غرفتها ....
سمر: ( بصوت عالي ) الهام خلاص خلاص لا تسوي كدا اشبك انتي اتجننتي
الهام : ( وهيه معصبه وتزعق ) ماما اطلعي برا بسرعه ما ابا اشوف احد
سمر: اهدي يابنتي مايسير كدا اهدي عشاني دحين حجي بجبلك شي تشربي يهدي اعصابك ..... يلله يابنتي قوليلي اشبك اش سار معاكي قولي
الهام: ااااه ياماما بس لو تعرفي اش سار فيا حموت قهر
سمر: الهام ياقلبي حاولي تهدي وحكيني كل الي سار
وبدت تحكي امها كل الي سار وامها كانت مصدومه من الكلام الي قالتو بنتها ..
سمر: الهام بنتي حبيبتي انت تتكلم من جد يعني سبتي خطيبك عشانو عشان الولد نفسو الي حكيتني عنو اول
الهام : (وهيه تبكي) ايوا هوا عورلي قلبي كيف قدر يسوي كدا كيف ضحى فيا
سمر: يابنتي مع انو الي سويتي غلط لكن عشان انتي بنتي وحاسه فيكي انتي يابنتي كنتي وقتها متمسكه بأحمد وحسيتي انو غلط وانو ماينفع تحبي واحد غيرو عشان هوا خطيبك بس وبعدين اتجرئتي لما حسيتي انك ماتقدري يوم واحد ما تشوفي في خالد بس يابنتي خالد ما غلط معاكي في شي كان يحاول فيكي وانتي ما رضيتي ولما فقد الامل منك قال ما ابا اخسر اهلي زي ما خسرك انتي حاولي تفهمي وجهت نظرو
الهام: خلاص ماما كفايا تزيدي عليا خلاص انا كويسه سيبيني ارتاح وانام طيب
سمر: حخليكي ترتاحي بس فكري في كلامي
وخرجت سمر والهام سارت تفكر وتفكر بس ما قدرت تستوعب كلام امها وحست بلقهر ..
الهام: الو نورة شفتي خالد كان في ايش مشغول
نورة: في ايش
الهام: ( وهيه تبكي ) نورة خالد خانني بلي سوا
نورة: الهام الله يخليكي بطلي تبكي وفهميني
الهام: نورة خالد اتزوج وحدا غيري اتزوج وحدا مايحبها ولا يبغاها عشان اهلو
نورة: ( وهيه مصدومه ) الله واكبر عليه كيف سوا كدا الهام حبيبي اهدي عبال ما اجيكي اعطيني نص ساعه واكون عند باب بيتكم
الهام : طيب لما تجي رح اقلك اش حسوي وقرار اختو ومارح اتراجع فيه
نورة: اش هوا قولي
الهام : لا لما تجي احسن يلا مع السلامه
نورة : مع السلامه
(نهايت الجزء الرابع )


__________________________________________________ __________

(الجزء الخامس)

وصلت نورة بيت الهام ودخلت الغرفه ولقيت الهام تبكي ....
نورة: (سارت تحضن الهام) بس الهام حبيبي لا تبكي الله يخليكي ما يهون عليا اشوفك كدا خلاص الله يخليكي مايستاهل دمعه منك
الهام : قهرني كيف قدر يسوي فيا كدا كيف انا ما اتوقعت منو كدا
نورة: الهام حبيبي انتو الاتنين انحطيتو في وضع صعب انتي ما كنتي تقدري تسيبي احمد وهوا ما يبا يخسر اهلو
الهام: انتي جايه تزيديها عليا نورة الله يخليكي لا تكلميني كدا كفايا الكلام الي جا من ماما
نورة: (وهيه مصدومه )الهام حكيتي امك عن الي سار
الهام :ايوا قلتلها كل شي وقالتلي انو هوا ما عملي شي وانو هوا مالو ذنب
نورة: طيب دحين انتي لما كنتي تكلميني قلتيلي لما تجي حتقوليلي اش حتسوي
الهام: ( وهيه تمسح دموعها ) ايوا اش يعني انو خالد يتزوج ويتخلى عني عادي انا اصلا اخت القرار ورح اسوي الي فراسي مهما حاولتو تقنعوني
نورة: الهام قولي اش تبي تسوي
الهام : انا حرجع لي احمد ورح اتزوجو كنت احبو وهوا طيب وحرجعلو وحروح اكلمو
نورة: ( وهيه مصدومه ) الهام من جدك تتكلمي
الهام : ايوا وبعدين هوا لما رحتلو قلي قلبي مفتوح لكي دايما وحروح واكلمو
نورة: ( سارت تزعق )انتي مجنونه تبي تصلحي الغلط بي الغلط كيف تفكري الهام خلاص غلطي مره لا تعيدي غلطك مره تانيه خلاص ارحمي نفسك وارحمي الي حولينك
الهام : (بصوت عالي ) نورة خلاص اخت قراري ومحد لي شغل فيا واذا على احمد وبابا اعرف اقنعهم
نورة: انتي الكلام ضايع معاكي لما تفوقي لنفسك والي تسوي بعدين كلميني غير كدا لا ويلله مع السلامه

الهام: روحي اصلا محد وقف معايا انا حسوي كل شي يكون في مصلحتي
خرجت نورة وهيه معصبه من الهام والهام كانت تفكر كيف تكلم احمد وكيف تقنعو انو يرجعو لبعض حتى لو كانت ما تبغا كان كل همها كيف تقهر خالد زي ماقهرها وكيف تحس انو هيه اقوى ...
ــــــــــــــــــــــــــــــــــــــــــــــــــ ــــــــــــــــــــــــــــــــ
ام احمد : انتي اش جابك هنا مو كفايه جيتي المستشفى وخرجتي وخليتي الولد يزيد قهر
الهام: انا جايه اصلح غلطتي لانو حسيت اني غلط بتصرفي دا جايه اكلم احمد عشان نرجع لبعض لو كان هوا يبا
ام احمد: انتي تحسبي ولدي لعبه عندك اسمعي انتي حتخرجي من هنا وبسرعه ومن غير ما تخلي ولد يحس عليكي
وسارت ام احمد تدفها وقفلت باب البيت والهام سرت تبكي ..
الهام: ياربي دحين كيف اتصرف انا لازم اكلمو انا حدق عليه وانشاء الله يرد .......الو احمد
احمد: هلا الهام كيفك ليش معد زرتيني
الهام: انا ابا اقابلك اليوم في أي مكان ابا اتفاهم معاك في موضوع
احمد:اعتقد معد في كلام بيننا
الهام : الا فيه وفي كتير احمد انا ندمانا اني سبتك تعال خلينا نتفاهم
احمد: طيب اديني نص ساعه واجي مع السلامه
الهام: اوك مع السلامه
ــــــــــــــــــــــــــــــــــــــــــــــــــ ــــــــــــ

سمر: فين رايحه يابنتي
الهام : رايحه اشوف احمد
سمر: ليش يابنتي تبي ترجعيلو اكيد فكرتي بكلام ابوكي وحسيتي بغلطتك
الهام: ايوا يماما انا ضيعت وقت كتير وكسرت قلب احمد وان شاء الله يرضى نرجع لبعض واعوضو عن كل شي
سمر: الله يوفقك يابنتي ويسعدك
الهام: امين يارب
ــــــــــــــــــــــــــــــــــــــــــــــــــ ـــــــــــــــــــــ
احمد: واخيرا جيتي مره اتأخرتي
الهام: معليش الطريق كان مره زحمه عشان كدا اتأخرت
احمد: اوكي عادي المهم دحين ابا اعرف اش تبي مني ممكن اعرف
الهام: احمد انا جايه اعتذر واتمنى تقبل اعتذاري وانا حاسه بلندم ندمت انو فسخنا الخطبه ( تحاول تكدب عليه وسارت عينها تدمع)فقتك حسيت بقيمتك بعد ما فسخنا الخطوبه احمد وحشتني مره
احمد: ( مصدوم وسار يتكلم بصوت عالي )انت كيف تتكلمي كدا بعد ما فسخنا الخطبه دوبك عرفتي قيمتي دوبك حسيتي فيا
الهام: ( وهيه تبكي) احمد وطي صوتك الناس تطالع
احمد: انتي تسكتي مره اش تبي ردت فعلي على كلامك دا جايه دحين تقول كدا بعد ما حاولت انتحر بعد ايش يا الهام
الهام: انا غلط والله احمد احبك ما اقدر اعيش من غيرك سامحني
احمد: انا ما اقدر اتحمل كلام اكتر من كدا شوفي احد غيري تلعبي فيه انا صح قلتلك قلبي مفتوح لكي دا لما كنت معمي بحبك بس دحين لا انا اتغيرت يا الهام
الهام: ( وهيه تبكي ) خلاص تقهر فيا وانت كمان اتخليت عني خلاص اوعدك اني مارح اوريك وجهي باي
الهام خرجت وهيه تبكي حست نفسها ضعيفه خسرت الاتنين ...احمد بعد ما راحت سار يبكي وحس انو اتسرع من قهرو ما قدر يقلها انو لسا يحبها ...
(نهايت الجزء الخامس)


__________________________________________________ __________

(الجزء السادس)


سمير : الو الهام
الهام: ايوا مين
سمير: الهام في احد ينسا صوت اخو
الهام: ( وهيه فرحانه ) سمير كيفك ليش ما كنت تكلمني كيف الدراسه معاك مو دي اخر سنى متى حترجع
سمير: خلاص انا رجعت بس لسا وفي الطريق بس لا تقولي لماما وبابا انو انا جاي اوكي
الهام: طيب انا حستناك وحشتني مررررررره
سمير: وانتي كمان والله يلله خلاص سري لا تكتري كلام انا دحين حجي يلله باي
الهام: يالله ياسمير ما تبطل اسلوبك دا قلنا يمكن تندعل لكن مافي فايده يلله بس باي
ــــــــــــــــــــــــــــــــــــــــــــــــــ ـــــــــــــــــــــــ
الهام: الو نورة كيفك
نورة: نعم ليش داقه عليا مو قلتلك لا تكلميني غير لما تعقلي
الهام: يووووو نورة بلا هبل خلاص اباكي تجي اليوم عندي من زمان ما قعتي معايا
نورة:والله شوفي انا لو مو وحشتيني ما كان رديت عليكي اصلا
الهام: ارتاحي احمد زعق عليا وقال ما يباني
نورة: (وهيه مصدومه) من جد
الهام: ايوا من جد خلاص قفلي يلله لما اجي احكيكي باي
نورة:اوكي باي
ــــــــــــــــــــــــــــــــــــــــــــــــــ ــــــــــــــ
خالد بعد الي سار بينو وبين الهام كان كل يوم يتعب اكتر ندم انو مشي ورا كلام اهلو وكان يحس انو يكره زوجتو كل يوم اكتر ....
خالد: سلام عليكم يا امي
ميس : (وهيه فرحانه وتحضنو) كيفك ياولدي والله وحشتني ليش ما جبت زوجتك احلام
خالد: والله قالت تبا تروح عند اهلها تبا تشوفهم تدري ما شافتهم وكدا
ميس: اشبك تتكلم عليها بأسلوب وكأنك مو طايقها
خالد: ( بصوت عالي) انتو اختو القرار عني زوجتوني هيه وخليتوني اسافر برا معاها وكلو وانا ما ابغاها كيف تبيني اتكلم عن وحدا انا ما احبها
ميس: ياولدي الله يهديك اش الكلام دا انت تعرف انو ماليا ذنب في الزواجك ابوك الي كان يباك تتزوجها
خالد: يوووووووووه خلاص انا خارج بخرج اتمشى شويه يمكن ارتاح ....الو حسام فينك انا جيت من السفر ابا اشوفك
حسام : واخيرا رجعت وحشتني والله ابشر دحين اجيك اديني دقايق واكون عندك
خالد: طيب باي
حسام: باي
ــــــــــــــــــــــــــــــــــــــــــــــــــ ـــــــــــــــــــــ
سمير وصل بيتهم وسار يمشي بشويش ويدور على امو عشان يفاجئها ...
سمر: سمير انت من جد رجعت ولا يتهيئلي
سمير: ( سار يحضنها ) امي وحشتيني كيفك
سمر: ( وهيه تحضنو ) الحمد الله على سلامتك
وكلهم جو وسارو يسلمو عليه وقررو يسولو حفله لانو خلص دارستو ....
ــــــــــــــــــــــــــــــــــــــــــــــــــ ــــــــــ
حسام: هلا خالد كيفك
خالد: ( وعينو كلها دموع) ماني كويس
حسام: خالد اشبك ليش تتكلم كدا وبعدين لو تلاحظ كانو عينك فيها دموع
خالد: من القهر الي فيا انا تعبان
وبدء خالد يحكي حسام عن كل الي سار .....
حسام : اهاا عشان كدا كنت مختفي كل الفترا دي وانا اقول اشبو الولد مايكلمني ولا يدور عليا
وفجأة رن جوال حسام ..
حسام: دقيقه خالد خليني ارد على الجوال الو
سمير: كيفك حسام انا سمير
حسام: هلا والله سمير اخبارك
سمير: انا احمد الله طيب انا عازمك اليوم مسوي حفلا عشان خلصت دراستي تعال وجيب معاك اصحابك لو تبا
حسام: ان شاء الله اني اجي لانو بصراحه ابا اغير جو شويا خلاص رح اجي
سمير: اوكي يلله ولا اوصيك جيب معاك اصحابك باي
حسام: باي
خالد: مين دا الي تكلمو
حسام : والله دا واحد ساكن جمبنا واتعرفنا على بعض وسنرا اصحاب ترا شوف قلي جيب معاك اصحابك وانت لازم تجي عشان تغير جو شويا وتخرج من الكأبا دي
خالد: لا ما ابا اروح ماني فايق لجو الاغاني وازعاج
حسام: اصلا مو بكيفك حتجي حتجي جهز نفسك اليوم الحفله
خالد: طيب خلاص
ــــــــــــــــــــــــــــــــــــــــــــــــــ ـــــــــــــــــــــــــ
نورة: كيف الهام والله جيت ما اقدرت على فراقك
الهام: (حضنتها ) حتى انا
وسارت تحكيها الي سار وهيه تبكي ومقهوره ...
نورة: بس خلاص لا تزعلي نفسك كدا احسن لا تضيعي نفسك بلقهر شوفي حياتك دوري الاشياء الي تفرحك لا خالد ولا احمد يستاهلو انو تقهري نفسك عليهم
الهام: هوا دا الي حيسير يالله نسيت اجيب الهديه لسمير خليني اقوم دحين اجيبها هوا مشغول مع الحفله حقتو تجي معايا
نورة: ( بلهفه)هوا سمير رجع
الهام: اشبك تقوليها كدا ايوا رجع
نورة: (تبا تضيع الموضوع)لا عادي يلله امشي نروح نشتري الهديه
الهام: طيب بس البس وننزل
ــــــــــــــــــــــــــــــــــــــــــــــــــ ــ
خالد: يالله يا حسام انا غلظان اني جيت الحفله مره ازعاج
حسام:خالد بطلك نكد وانبسط شويه
خالد:لالا انا رايح خلاص
حسام:ياشيخ اقعد بلاش هبل
خالد: لا اعذرني انا ابا اروح راسي صدع قيدو
حسام: طيب على راحتك
وهنا الهام خرجت من بيتهم وخالد كان خارج من الحديقه حقت بيت الهام الي مسوين فيها الحفله والهام شافتو ........
خالد: (وهوا مصدوم) الهام
الهام: (سارت تطالع في وزعقت وبعدين سارت تضربو كف وتدوفو )انت اش جابك هنا انا نبهتك وقلتلك مادري اش حسوي فيك لو شفتك تاني
خالد: ( سار يحاول يسمك يدها) الهام بس خلاص انا جاي حفلت اخوكي كنت معزوم الهام خلاص ضرب
الهام: اخرج يلله ما ابا اشوفك اخرج بسرعه (وسارت تدفو)
خرج خالد وسار يبكي وهيه كانت مصدومه من الي سوتو وانقهرت انها شافتو تاني ...
(نهايت الجزء السادس)