عنوان الموضوع : يآرب ماطلبتك الآ هو ..! -لصحتك
مقدم من طرف منتديات نساء الجزائر

يآرب ماطلبتك الآ هو ..!




السلآم عليكم بقول مشكلتي يمكن تشابه مشكله غيري
بس محتاجه النصيحه محتاجه المعونه ويارب يارب القى ردود
تساعدني

ممن سنه او اكثر تعرفت على واحد عن طريق النت وكان اول شخص عرفته وانا من النوع الملتزم لكن طحت للآسف الشديد اقولهآ

حبيته حب مو طبيعي يمكن اكثر من نفسي اهملت دراستي نسيت كل
شي عشانه كان اول حب وبالنسبه لي كنت احس
براحه فيه شخص مهتم فيني كنت احس بحبه لي وتعلقه فيني
قال انه يبي يخطبني ترددت كثير اعلمه مين انا لآن عندي قناعه
ان كل الشباب يكذبون وانه يبي يفضحني بس

ومع مرور الآيام صار يحلف انه يبي يتزوجني وانه يحبني ومستحيل
يضرني المهم استسلمت وعطيته كل معلوماتي حتى انه صار يعرفنا من بعيد .. وتهاوش مع اخوانه عشان يجي ويخطبني خصوصآ انه هو متزوج
وعنده 5 عيال وعمره 35.. وانا عمري 20 بس كنت اشوف فيه حنان
الآبو وشوفه تكانه كنت رآضيه اكون الثانيه بس اكون معه وكنت رآح احط
زوجته على راسي لآني احبه وهي زوجه الغالي ( للمعلوميه زوجته
من جنسيه ثانيه يعني ماهي من نفس دولتي ودولته )..

ومرت الآيام ونفذ وعده لي وجآء فرحتي كانت لاتوصف صحيت من الفجر واهلي مستغربين وكانت الدنيا ترقص بعيني كلها فرح ذاك اليوم ماراح انساه..

المهم خطبني من ابوي بس ابوي ماارتاح له قال انه متزوج واني صغيره وادرس وانه يبي لي الزين يبيني اخذ واحد لي لحالي ومااتعذب وفيه شي هو كان مريض بالبهاق ماادري اذا اسمه كذا يعني لون جلده ابيض بشكل البرص وابوي بعد ماارتاح (يعني بشرته لونين سمراء وبيضاء جدآ )

انا كنت رآضيه لآنه يقول انه مايعدي ولآ يسب مشاكل لـ اولآدنآ ..

بس ابوي زاد رفضه حتى اسودت الدنيا بعيني وبعدين افترقنا فتره
وكنت اجاهد نفسي بعدم العوده له او اني اكلمه وهو نفس الشي

وبعد شهر بالتمام كنت مشتاقه له كلمته عن طريق الآيميل وصرنا
نسولف وكان متغير علي حييل يعني هو يحبني بس صرت احس ان فيه شي
تغير فيه وحده ثانيه غيري وغير زوجته بحياته مع مرور الآيام
اضافتني وحده من المنتدى اداريه وهو اداري طبعآ وصرت اسولف معهآ
وسألتني عن علآقتي في هالشخص قلت لها مااعرفه لآن هالشي خاص فيني ولا لها حق انها تسأل وبعدين علآقتي فيه شريفه كانت راح تكون زواج
قالت لآتكذبين علي انا كنت اقرى رسآيلك الخاصه له واشوف كلامكم
انا انصدمت قلت كيف قالت الرسائل الخاصه تنقرى
قلت هو يقول ماتنقرى ..قالت مدري يمكن مايدري

انصدمت لآني واثقه فيه معقوله يكذب علي وهو يحبني ومعقوله المنتدى
له ولآيدري ان الرسائل كل الآداره تقراها
يعني كل اخوانه يقرون كلآمي وكل الآدارايات يعني كآن يشوف نفسه عليهم
من كلآمي يعني كنت بالنسبه له ايش بالضبط..؟؟

لما قالت كذا قلت لها اننا نحب بعض وخطبني ولآ صار نصيب وهي انصدمت ف تغيرت نظرتها لي كانت تنظر لي نظره استحقار على بالها اني رآعيه علآقات

وبنفس اليوم عرفت انها معه بالآيميل طبعا هي قالت لي وزآدت صدمتي لآنه كآن يقول انه مايعرف غيري

وكنت ابي اكلمه اعاتبه واقوله ليه دخلت الآيميل ابي اعاتبه وانهي علآقتي معه وررفض يكلمني طلعت قايله له اني قلت لها فهو اعتبرني خاينه
وصار يهينني بالمنتدى بطريقه غير مباشره ويقول انه مايبيني
وصار يدخل ويطلع مع هذيك الآداريه ..

بعدين انا حذفته هو والبنت من عندي وتركت المنتدى طول العطله لآنه سبب لي
نفسيه ورجعت بعد رمضان بكم يوم ولآ رحب فيني بالعكس صار يرد ردود انه مايبيني

بقول شي ممكن تستغربون منه عجزت اكرهه على كل شي سواه لي احبه حب مو طبيعي اموت فيه اشتقت له مع اني زعلآنه ومع انه كذب علي ومع انه تكلم علي عند ناس بس عجزت اكرهه دايم افكر فيه
انا ماخنته والله ولآ سويت شي بس مدري وش فيه وليه يسوي كذا
ومن له الحق يزعل ويقول خاين انا ولآ هو

الحين احس نفسي اغضبت رب العالمين وابوي اللي مايدري وواثق فيني
احس اني ندمانه برغم حبي له المستمر ..


وش اسوي استمر بآالمنتدى او ايش اسوي

بقول وش فكرت فيه

فكرت اترك النت واعطي اللآب اختي لآنها تحتاجه وابعد عن النت
وفكرت اتقرب من ربي بس فيه شي مكسور فيني تعبانه وحزينه واحسانه انضحك علي

مع انه جآء وخطبني وكنا على وشك زوآج لكن ليه يكذب وليه يصير
كل هاالشي بدون تفسير..

تكفون ردو وساعدوني لو بدعوه ان الله يكون معي ويحميني

>>>>> ردود الأعضـــــــــــــــــــاء على الموضوع <<<<<
==================================


الله يهديييييييييييييييييييك يااارب
انتي غلطااااااانة من بداية القصة
تعرفتي ع وواحد قلنا مايخالف دام حبة شريف بس المصيبة متزوج
ليش وش الي حادك لسى صغيرة
خلاص الحين مايصير الوووومك ع شي صااار
بس المفروض الحين انك تحطي شي واااحد براسك
المنتدى خير شر ماتدخلية وش تبين فية دام هو موجود
وتسوي ايميل جديد عشان مايقدر يوصلك
هذا اذا صح تبين تبعدي عنة لان الي فهمتو من موضوعك
انك لحد الحين تبينة
يالغالية اذا هو مايبيك ليش تفكري بواااحد مايستااااااااااااهل حبك
احمدي ربك ان اهلك وااااااااااااثقين فيك لان الثقة اذا انعدمت صدقيني مستحيل ترجع


__________________________________________________ __________

أدري اني غلطانه والله
وحبي له غريب برغم كل اغلآطه ولآزآل يغلط علي
بس احس نفسي للحين احبه وللحين ابيه مع اني احيانآ
افكر بآلآنتقام منه لآنه قهرني وراح ولآ سأل عني


طيب والبنات اللي معي بالمسن من نفس المنتدى اتركهم
ولآ كيف اتعامل معهم السالفه انتشرت وكل البنات درو
بسببه هو وهذيك الآداريه الله ياخذ حقي منهم كلهم


__________________________________________________ __________

انتبهي على حالك والله يهديك
بس غلط اللي عم بيصير كله
ان شاء الله باقي الاخوات يردون عليك


__________________________________________________ __________

ليش محد يرد علي
ويساعدني الله يخليكم ساعدوني


__________________________________________________ __________

اتركي المنتدى وانسيه
انتي لسا صغيرة وهادا لانه اول شب بتحكي معه فتعلقتي فيه حتى رغم كل عيوبه
وانا بالنسبة الي كأخت الك مو شايفه فيه اي حسنه
وتاكدي انه اهلك اختارولك الاحسن لما رفضوه

مو بس عشان المرض (اللهم عافينا واعفو عنا) بس كمان متزوج وانتي مو مجبورة

انتي لسا صغيرة وما بتعرفي شو معنى انك تكوني زوجة ثانية
غير هيك انتي ما بتعرفي كيف ممكن يفكر فيكي لو انكم تزوجتو
يمكن يصيبو وسواس ويصير يفكر انه متل ما حكيتو معه واعطيتيه ايميلك انه تكوني عملتي هيك مع غيره

انسيه اريح لراسك
موفقة حبيبتي