عنوان الموضوع : امي دمرت حياتي -لصحتك
مقدم من طرف منتديات نساء الجزائر

امي دمرت حياتي



انا اتكلم جد من العنوان يااخوات انا راح اقولكم معاناتي وربي يشهد انها معاناة حقيقيه صارت لي راح اكتب المشكله من بدايتها عشان مااكزن ظلمت احد
طبعا انا تربيت في بيت امي كانت المسيطره علينا في كل شي وكانت جدتي ام ابي هي مسيطره عليها وكان اسلوب امي الضرب يعني على اتفه شي ضرب مبرح بالحديد او لي الكهرب واحتى اي شئ معها لايمكن انسى مره مادريمن ايش سويت رمتني بفرشة تمشيط الشعر وكانت خشب صقعت بفمي وسببت لي تشويه فتره كبيره ..كبرنا وهذي امي مع كثر المشاكل مع جدتي انتقلنا لمنزل خاص فينا احنا وولدي طبعا وامي كنت انا الخادمه لانها كانت غيوره جدا وماترضى تجيب خادمه للبيت صرت انا الخدامه اجي من المدرسه على المطبخ فورا وياويلي لو شي مو نظيف لو اقول راي مايعجبها انواع الاهانه والتحقير والغاء الذات لدرجة صرت بالبيت مااتكلم ولااعطي رايي ابدا بس انظف والمدرسه وبس ومره اكتشفت اني اكلم شباب اقسم بالله مسكت شعري وكنست فيني الغرفه كنس وضربتني ضرب لين قلت امين وكان الشخص الوحيد اللي حاس فيني هي جدتي ام امي الله يرحمها كانت حاسه بالظلم اللي علي لانها كانت تفشلني قدام الجميع وكانت جدتي الله يرحمها تدعي من قلب اني اتزوج وتقول الله يزوجها ابن الحلال اللي يفكها من شرك ..مرت الايام
وماتت جدتي الله يرحمها الانسان الوحيد اللي كان حاس فيني على فكره والدي طيب وكان يرحمني بس ابي مايقدر عليها لانها مسيطره عليه بالمره
وتزوجت انا ....وبدات المعاناة ..طبعا تحكماتها بدات قبل العرس هي اللي كانت تتصرف بكل امور المتعلقه بحفلة الزواج تقولين كانها هي العروس مو انا ..وثاني يوم صبحيتي الساعه 2 مستحيل انساه اتصلت على البيت من الفندق ابي اطمن عليهم اقسم بالله انواع التهزئ ليش مااتصلت من بدري اقولها توني صاحيه قالت انتي بايعه من اول يوم الناس كلت وجهنا يسالون ليش ماتصلتي ومن ذا الكلام وتجريح وطبعا لااحد اتصل ولاشي بس هي متوهمه وصكت التلفون انا دارت بي الدنيا وقلت لزوجي ابروح بيت اهلي زوجي انهبل واصريت ورحت لها ليتها حتى قابلتني زين المهم مرت ايام زواجي الاول ماساة مافرحت مثل باقي البنات تتحكم فيني لو بطلع اتمشى انا وزوجي ولاقلت لها تقلب الدنيا حريقه واذا رحت لها تطردني من البيت اتصل اعتذر منها تقعد طول الليل ماسكه التلفون وتقول ماني مسكره واشوفك لو تسكرين التلفون طبعا كله عشان مااروح عند زوجي ومره زوجي فاض به الكيل ونزل الشارع وقطع التلفون لانه صار له ساعه يقولي سكري السماعه وهي رافضه ويوم قطع التلفون اصرت انه يجي ويعتذر لها شخصيا بالبيت وقعدت احاول فيه قال قولي لها انتي هي مو راضيه الا لازم يجي ويوم جاء ...اه بس صار من عند الباب يقول لها قولي لامك انا اسف لان مايقدر يدخل البيت لان فيه خواتي ..تخيلوا تقول شفتي يقول قولي لها يعني مايبي يعتذر لو يبي يعتذر كان وجه الكلام لي مباشره والله ياخوات صرت اصرخ عليه واقوله وجه الكلام لها قام خلاص قال انا اعتذرت ونزل للسياره وصار يدق على جوالي يبيني انزل وهي ماسكتني شتايم وبعدين من كثر اتصالاته نزلت خفت انه يروح ويخليني ..ركبت السياره قال لي والله لو حطيتيني في الموقف هذا ثاني مره تتطلقين سامعه مو انا اللي انها ن لاحد سلمت على يده وقلت له انا اسفه كل هذا وماانتهت مشاكلها لي ومحاولتها خراب بيتي وكانت مخليه كل العايله والاقارب ضدي وتقول كلمتها المشهوره بايعتني عشان فراش رجال الناس كلها مقاطعتني واذا شافوني ماعطوني وجه المهم حملت وولدت عندها ولادتي الاولى وكم مره بغت تطردني من البيت وصبرت ..ومضت الايام وتدور لنا المشاكل انا وزوجي وحملت مره ثانيه نفس القضيه
كنت بولد بيتي بس تدخلت خالتي وطلبت منها اني اولد عندها ووافقت وليتني مارحت انواع الاهانات رغم ان معي شغاله يعني موتقولون انها هي اللي تشتغل المهم يوم جيت اروح لزوجي بعد الاربعين قالت لي روحي الخميس كلمت زوجي قال راح اجي اخذك الابعاء المهم انا ماقلت لها وكنا العصر كان عندنا ناس عشان النفاس طبعا يالوني متى بتروحين قلت الاربعاء اقسم بالله انتظرت لين الناس يروحون وطاحت فيني تهزئ وكلام الله لايسمعكم وكان يوم الاثنين والله ماجاها صبر يوم الثلاثاء الساعه ثلاث الفجر اقسم بالله قالت لي تدقي على زوجك الحين يجي ياخذك وانا ياخوات بقميص البيت مالبست ولاتزينت اقولها مو معقول اروح لزوجي كذا تقولي لو ماتصلتي عليها راح اوديك له كذا انا ابغاك تورحين كذا وكلامي اللي يمشي مو كلام زوجك والله ياخواتي رحت وانا مقهوره تخيلوا وحده تورح بالحاله بعد الاربعين لزوجها
نزلت لزوجي وانا منهاره من البكى وسكت زوجي مسكين ورحت البيت وماكفاها تتصل تتاكد من ناس زاروني ثاني يوم تقول شوفوا نام عها اولا ...انا نفسي افهم هي امي او ضرتي ..مرت السنوات يااخوات على هذا الحال وصابره المهم مرض ابوي ومات الله يرحمه ..بعد العده صرت تتملل وتقول انا ابي اتزوج مسيار طبعا ماعجبنا بس سكتنا المهم تعرفت على واحد اصغر منها ب16 سنه لعب براسها لعب وفقران ومتزوج وزجته راميها بالديره حقتهم المهم صارت بالساعات تسكر الغرفه وتتكلم معاه وحولت حياة خواتي البنات والا ولاد الايتام الصغار لجحيم عرفوا اخواني الشباب بالسالفه خذت نفسها وراحت بيتا اهلها لان اخواني قالوا لها مستحيل رجل غير ابونا يدخل بيتنا طبعا عمرها الحين 49سنه وقالت انا ببيعكم قبل لاتبيعوني وكلمنها قلنا لها مايصلح قالت ماحد له دخل فيني وقال لها انا ماعندي مهر ولااقدرافتح بيت بنسكن في احد الشقق المفروشه اللي يملكها والده يعني بلوشي خوالي حاولوا يرفضون العريس اصرت المهم عشان مايبون انه الناس تاكل وجهم وافقوا بس قالوا بشرط يجيب لك شقه يعني بعد الملكه ماترحين معاه الا بشقه ياجره ويفرشها لك قالت طيب ..وتجيكم الطامه الكبرى اليوم اللي خوالي ملكت عليه راحت الكوافير وسوت حنه وخذت ملابسها وفي لحظه خوالي ماكانوا موجودين دقت عليه وقالت له تعال خذني ورجع خالي خصوصا الصغير قلب الدنيا وحلف انه يقتلها لانه الى اليوم مايدرون وين راحت ..المشكله اني الى اليوم مو قادره اتوزن مع نفسي هي داست برجولها على اللي يسوى واللس مايسوى عشان واحد مايسوى ..كلمت خالاتي بس نا مو قادره شريط حياتي قاعد ينعاد امامي عشر سنين وهي محوله حياتي لجحيم وانا كنت في عمر صغير مو مثلها الان احس تخيلوا لوطلقني زوجي وكنت مطلقه ببيت اهلوي وهي بعد العذاب اللي سوته لي راحت تتصرف تصرفات انا نفسي ماسويتها ..انا تعبانه نار بداخلي تاكلني
والله قصتي حقيقه وماكذبت بكلمه ..بس مو قادره الا قي نفسي صايبني ارق مو قادره انام ...انصحوني الله يخليكم ..

>>>>> ردود الأعضـــــــــــــــــــاء على الموضوع <<<<<
==================================


حبيبتي احمدي ربك انه رزقك انسان عاقل ويحس فيك لو واحد غيره كان قال لك اختاري انا او امك لأنها تدخلت بطريقه عجيبه
انصحك نصيحه عيشي حياتك واسعدي نفسك واسعدي زوجك وبالنسبه لأمك انسيها انسيها انسيها ولو رجعت لاتعاملينها الا بما يرضي الله ولاتفكرين تهدمين بيتك عشانها ولا عشان غيرها لأنها لو كانت ام حقيقيه وتملك قلب ام ماكانت تتعامل بهذي الطريقه مع اولادها بس الله يهديها


__________________________________________________ __________

الافضل انك تتجنبين امك قد ماتقدرين ولاتخلينها تعرف شي عن حيااااااتك مع زوجك قللي روحاتك

لها لحد ماتعرف بغلاتك اهم شي لاتقاطعينها وحتى الاتصالات قللي منهااا وحتى اذا بتولدين ابقي

ببيتك والشغالة تعمل لك كل شي انا اذا ولدت ابقى بشقتي وبدون شغالة بعد وامي تطبخ لنا


__________________________________________________ __________

ياقلبي انتي عندك رجل بمعنى الكلمه ..حافظي على بيتك وحاولي انك ماتفكرين كثير ....انتبهي لبيتك وزوجك..


__________________________________________________ __________

:roseالله يهديها ويوفقك في حياتك


__________________________________________________ __________

المشاركة الأصلية كتبت بواسطة الحلم المهاجر
حبيبتي احمدي ربك انه رزقك انسان عاقل ويحس فيك لو واحد غيره كان قال لك اختاري انا او امك لأنها تدخلت بطريقه عجيبه
انصحك نصيحه عيشي حياتك واسعدي نفسك واسعدي زوجك وبالنسبه لأمك انسيها انسيها انسيها ولو رجعت لاتعاملينها الا بما يرضي الله ولاتفكرين تهدمين بيتك عشانها ولا عشان غيرها لأنها لو كانت ام حقيقيه وتملك قلب ام ماكانت تتعامل بهذي الطريقه مع اولادها بس الله يهديها

مشكوره عيوني على النصيحه ..فعلا كلامك صح بس والله اتمنى اني اقدر اعيش حياتي ..