عنوان الموضوع : مرت اخوي دمرت حياتنا -لصحتك
مقدم من طرف منتديات نساء الجزائر

مرت اخوي دمرت حياتنا



اهلين خواتي الصراحه مب عارفه كيف ابدا
المهم كل الموضوع ان عندي اخوي الاكبر متزوج من حرمه شيطان مب حرمه المهم تسوي مشاكل وايد في بيت اهلي وكل يطيح فوق راس امي المسكينه وانا امي وايد كاسره خاطري المهم مشكلة حرمت اخوي انها تترس راس اخويي على امه لدرجه انه يهاوش امي وشوي وبيظربها شو هالحياه مليت من المشاكل امي وايد كاسره خاطري مع انها يا حليلها تسكنت عنهم ما تكلمهم ولا تدخل في حياتهم بس وايد تفكر وكله تصيح انا ادري انها مضيجه بس شو بايدي اسوي تخيلو اخواني صايرين كلهم ناااااااااااااااااااااااااار محد يطيقهم وكله يهاوشون امي ليش مادري وع شو مادري مع انها والله ما تستاهل وانا مزوجه تخيلو اهل ريلي كلهم يعرفون ان اخواني ابدا ا يحترمون امي وكله يصارخون فيها يعني اي ام بتتحمل هالمعامله ع فكره ابوي متوفي وحرمت اخوي هيه الي سوت هالمشاكل وين ما تروح تسوي مشاكل والكل يعرف سوالفها ومشاكلها الا اخواني واقفين معاها والمشكله انها تسوي مشكله كبييييييييييييييره وتسوي نفسها مول مب مسويه شي اقولكم بعض الحريم شيطان بصورة انسان والله وتخيلو اخوي ما يكلم امي الحين صارله شهرين وهيه ياحليلها لما اكلمها كله تسال عنه وعن عياله ولما اخبره تعرفون شو يقولي يقولي خليها تستاهل خليها تحس والله بموت فيه احد يعامل امه بهالاسلوب ش سوي والله امي تعبانه وايد من معاملة اولادها لها وايد يعاملونها زفت كأنها اختهم الصغيره شو هالزمن صار يخوف الصراحه
شو اسوي شو تنصحوني مع ان اخوي من اسبوع كلمني وقالي امج ليش تعاملني بهالاسلوب قلتله اي اسوب احنا ما شفنا من امي شي قال امج كذيه وكذيه وكذيه قلتله حرام عليك شو هالكلام قال والله هيه ما تستاهل الاحترام وانا ما بحترمها تخيلو قالي سالفه وانا كنت حاضره هالسالفه بس شكله حرمته معطتنه الكلام بالمقلوب قلتله يا اخوي مب كذيه السالفه هاي غلط قال لا هذي السالفه انتي ما تعرفين انا اعرف قلتله انا كنت عندكم لما صارت هالسالفه والسالفه الي انت قلتها كلها غلط قال لا انتي الا نفس امج بعد قلتله كيفك شكل حرمته معطتنه السالفه بالمقلوب والله تعبت نفسيتي انا كل همي امي والله ما تستاهل هالمعامه والله الكل يحبها من طيبتها وحنيتها حتى ريلي يمدحها بس حرمت اخوي حسبي الله عليها الي فرقت بين ام وولدها الله بيراويها بنات تكفون قولولي شو الحل شو اسوي انا تعبت وامي تعبانه واخواني الصغار تعبانين وخواتي تعبانات شو الحل كلهم يحاتون امي يارب

>>>>> ردود الأعضـــــــــــــــــــاء على الموضوع <<<<<
==================================


اختي لمشكلة هاي معقدة شوي لانه اخوانك كلهم متفقين على انهم ما يعاملون الوالدة زين
انتي بارة بيها و اخوانك الصغار و هدا كفاية
كل الي تسوينه انتي نبهي اخوانك وفكريهم في انه كل الي يسوونه راح يتعاقبون عليه بعدين لانه الله وصا بالام 3 مرات و 4 الاب و الجنة تحت اقدامها
وقولي له او انت لهد الدرجة عبد زوجتك سوي زين مع امك عشان اخرتك
الله يهديهم بس


__________________________________________________ __________

استغفر الله هذي الظاهر ساحرتهم الله يكون بعونها وكما تدين تدان

اخوانك لازم يعرفون بحقوق الام كلمي اخوالك يكلمون اخوانك مب عدله عليهم ام سهرت وتعبت عليهم

وبالنهاية هذي معاملتهم لها لو تطبخ على روسهم مب طالعين من جزاه الله يهديهم


__________________________________________________ __________

الله يكون في عونكم مع هذة الحرمه الشريرة
وربك يمهل ولالالالايهمل ليعجل عقوبتها في الدنيا قبل الاخرة
والدنياااااا سلف ودين
يا قلبي كثري انت وامك من الاستغفاااار ولاحول ورلاقوة الا بالله


__________________________________________________ __________

الله يهديهم اختي اذا تقدرين تاخذين امك عندك وتبعدينها عن زوجة اخوك بيكون احسن واذا ماتقدرين الافضل يروحون بيت ثاني او اخوك يروح بيت ثاني لأن امك لازم ترتاح وهو انشاء الله بيعرف خطئه ويجيها ويطيح على راسها
والله يهديهم ويكون في عون امك
استغفر الله العظيم ,استغفر الله العظيم,استغفر الله العظيم


__________________________________________________ __________

اختي الام الجنة تحت اقدامها ودعوتها مستجابه خليها تدعي ليل ونهار بأن يهديهم الله ويبين الحقيقه لهم فهم في غفوة ارجو ان لاتتطيل مالكم غير الدعاء والابتعاد تماما عن الزوجات وعاد الله يهديهم جميعا بريها انتي واخواتك الصغار ولا تكثرو عليها بالحكي عنهم والله المستعان