كبسة سيلينا -على طريقتي
عنوان الموضوع : كبسة سيلينا -على طريقتي
مقدم من طرف منتديات نساء الجزائر
كبسة سيلينا
مبارح عملت كبسة بس شو
طلعت بتشهي
استخدمت
دجاجة منضفة بالملح والطحين والليمون ومنزوعة من الجلد
بصلة
رب بندورة
بهارات مشكلة فلفل اسود كمون زنجبيل مطحون وملح
شوية زيت قلي
4 كاسات رز
بهارت الكبسة
مكعب ماجي
بعد ما غسلت الدجاجة وئطعتها ونضفتها عملت فيها شقوق لتتبهر منيح
حطيت بصحن معلقتين زيت زيتون وتقريبا معلقة من البهارات السابقة وتبلت فيها الدجاجة
حطيت شوية زيت ع النار وقليت معها البطلة المقطعة لصار لونها دهبي
ضفتلها الدجاج وقلبتها معو لتوخد نكهة البصل
[img][/img]
بنفس الوقت حطيت طنجرة وحطيت فيها البازيلا والجزر وغمرتهم بالمي وع النار
ونقعت الرز بالمي
وئت صار الدجاج يغلي شوي قمت الزفرة تبعو وبعدها حطيتلو ملح وغطيت الطنجرة ليستوي الدجاج
[img][/img]
ونرجع للبازيلا حسيت الحبة باصبعي ازا انفقست بسرعة معناها مستوية
انا بفضل انها تكوت نص استوى او اكتر بشوي لانها حتنطبخ مع الرز كمان
صفيتها وخليتها ع جنب
[img][/img]
صفيت الرز وتبلتو ببهارات الكبسة وملح كل كاسة رز معلقة ملح
[img][/img]
كنت محضرة بالمولينكس شوية مي وشوية ماجي وفلفل اسود ورب البندورة
وخلطتهم ليتجانسو
[img][/img]
ع النار حطيت زيت قلي ومكعب ماجي
[img][/img]
لداب ضفتلو الرز مع تلقيب سريع
[img][/img]
وحطيت عليهم بعد دقيقة من التقليب البازيلا والجزر
[img][/img]
وفوقيهم رب البندورة المخلوط
[img][/img]
منخلطهم شوي لتتسبك رب البندورة مع الرز
[img][/img]
حطيت فوقيهم المقدار المناسب للمي انا بعير للمي باصبعي الخنصر
لحد ما ترتفع المي عن الرز اول خط بالاصبع
[img][/img]
لما بدت تغلي حطيتها ع نار هادية وحطيت قطعة قصدير وغطيتها
[img][/img]
هون كانت الجاجة مستوية صفيتها وحطيتها ع جنب عشان احضرلها خلطة التحمير
[img][/img]
خلطتي كانت
2 ملعقة طعام كاتشب
2 ملعقة طعام مايونيز
2 ملعقة طعام رب بندورة
1ملعقة طعام زيت زيتون
1ملعقة طعام خل تفاح او خل ابيض
1 م ص من فلفل اسود , كمون , بهارات وانا حطيت كاري
خلطتهم سوا ودهنت فيهم الجاجة وحطيتها بالفرن الطبقة العليا 10د صار حمرا بتجنن وطعمها رهيب
[img][/img]
[img][/img]
ونرجع للرز بكون استوي وحطي فوقهم الجاج المحمر وزينيه بالمكسرات وجنبو اللبن
وريتو الف صحة وهنا
[img][/img]
اسفة كتير انو الصور مو واضحيين لانو كاميرت موبايل
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
تسلم ايدك سيلينا ....دخيل النشاط ما حلاه ....يعطيكي الف عافية
كبسة حلوووووة
ََََُُُِِِِِ~~~~~~~~~~~~~~~~~~
__________________________________________________ __________
يا عيني على الكبسة بس بدها شغل والله
تسلم ايدك حبيبتي
__________________________________________________ __________
الله يسعدك حبيبتي كلك زوء
__________________________________________________ __________
المشاركة الأصلية كتبت بواسطة طائرالوئام 
تسلم ايدك سيلينا ....دخيل النشاط ما حلاه ....يعطيكي الف عافية
كبسة حلوووووة
ََََُُُِِِِِ~~~~~~~~~~~~~~~~~~
الله يخليكي يا امرة ودايما تنوري مواضيعي
رد مع اقتباس
