عنوان الموضوع : حياكم على مواقف طفولتي ،،،،،،،،، -للتسلية
مقدم من طرف منتديات نساء الجزائر

حياكم على مواقف طفولتي ،،،،،،،،،



بسم لله الرحمن الرحيم


اول موقف حصل لي انا وبنت عمتي كان يوم حلو كثير الجو كان مغيم وقبله كان علينا مطر المهم كانت الساعه يمكن واحده ونص الظهر كنا نلعب برمل الي كان لونه احمر من المطر وكنا نسوي كور من الرمل والفرحه مو سايعتنا لان الجو كان حلو كثير لكن الله يسامح الي افسد علينا متعتنا ...مرت من جنبنا سيارة زوج خالتي وكان يجيب عيال الحاره من المدرسه وكذاك اليوم ما كان معه الا واحد من عيال الحاره وسيارته غمرتين وانا وبنت عمتي رحنا نجري وراه وبنت عمتي رمت على السياره رمل اما انا كان في يدي لكن ما رميته لاني خفت منه لانه وقف السياره فجاء المهم صار يركض ورانا يبي يضربنا لكن حنا كل وحده راحت مع جهه وهو صار يركض وراء بنت عمتي (هو قصير ونحيف وكان يجري بسرعه ) طبعا انا كنت اركض وادخل بيوت الحاره بيت بيت من الخوف كنت ادخل مع باب و اخرج مع باب المشكله ما كنا يجري وراي و انا تعبه عمري من مكان لمكان لحد ما وصلت عند بيت جدي وشفت بنت عمتي كانت مستمره بالركض وهو كان بعد مستمر بالركض وراها لكن بنت عمتي طاحت على الارض ومسكها وضربها كف وبعدين ناظر فيني وانا اعطيها ركض لحد ما وصلت لحضن امي ........المصيبه ان الرمال ما جاء على السياره جاء على الولد الي كان راكب في صندوق السياره والولد كان ولد وحده من عماتي وانا لحد اليوم ما ادري هو كان يركض ورانا ليه بسب هالموقف ما تدخلت بيت خالتي الي كان هذا زوجها الا بعد اربع شهور تقريبن ..


..............................................



الموقف الثاني ابوي لما كنت صغيره كان يقول اذا الانسان اكل خرزه او اي شي يكون مدور صغير يموت على طول وانا كنت حريصه على نفسي(كان عمري 6 سنين) المهم مره كنا جالسين عند بيت جداني اهل امي وكنت العب بخرز سبحت جدي الله يرحمه وما حسيت الا وانا بالعه الخرزه واقوم اصارخ واركض وكنت اقول بموت بموت كانوا خوالي يجرون وراي ما يدرون وش السالفه واحد منهم مسكني وقالت له اني اكلت خرزه من السبحه انا الحين بموت وكنت ابكي بشده وبعد ما خبرتهم صاروا يضحكون علي المشكله الوقت كان الفجر وانا بصوتي المزعج صحيت البيت كله وقالوا اني ابوي يمزح معي وانا بعدها هجدت...وفي اليوم الثاني لما قلت لابوي قال لي الحين لو اكلتي وحده ثانيه تتجمع مع الاولى في بطنك وتنفجر .....وانا كل ما شفت احد اقوله يحظك انت ما اكلت مثلي خرزه انا باقي لي خرزه واموت وبعد قتره واحد من خوالي قال ابوك يكذب عليك لاني كنت ابكي كثير .....



.................................................. ..



الموقف الثالث: انا لما كنت ضغيره كنت كل بعد كم يوم اطيح على جبيني (جبهتي) المهم صار دكتور الضماد حافظ وجهي من كثر ما اروح للمستشفى مره طحت في حوش البيت وابوي كان فالعمل واخواني العيال كانوا لسى ما يعرفون يسقون السياره وكان الوقت نص اليل وامي كلمت ولد خالتي وداني المستشفى الدكتور عرفني على طول وقال لامي وين ابوها لانه متعود على ابوي.... وبعد يومين من الطيحه هذه كنت العب عند ابوي د فالمجلس وكان عنده واحد من الرجال من الي يقرب لابوي المهم كنت احط المساند والعب انقز فوقها ومن وحده لوحده ولما راح الرجال نقزت بسرعه وطحت وكان جرحي ماله يومين المهم ورحت المستشفى ....وبعدها ولد من عيال عمتي رم علي حجره وجاءت على الجرح ونفس الحكايه وكانت الطيحات كلها على جنب واحد وعلى نفس الجرح والدكتور هوشني وقال لي اذا طحتي مره ثانيه راح طلع غطمتك الي في الجبين وانا لحد اليوم هذا وانا ما طحت لكن بعد ايش جبهتي صارت كلها اثر اجراح وفي مكان واحد واهلي يقولون عشان اذا جوك عيال بعرفون ان امهم كانت شقيه

....................................

بصراحه انا لما كنت صغيره كنت في منتهاء الشقاوه وما خليت احد الا وضربته كني ولد مو بنت ....لكن ايام طفولتي كانت ايام حلوه مستحيل اني انساها وياليت الزمن يرجع لذيك الايام صحيح كنت شقيه وكمان جريئه لكن طفله وهذا الحلو
الي عندها مواقف تسدحها هنا

>>>>> ردود الأعضـــــــــــــــــــاء على الموضوع <<<<<
==================================


هههههههههه حلوة سالفه الخرزة هههه مشكوووره


__________________________________________________ __________

هههههههههههههههههههههههههههههههههههههههههههههههههه هههههههههههه
ي حليلك والله بجد ضحكتيني وتخيلت المواقف وكني كنت معاك
تذكرت مواقفنا يوم كنا صغار

الله يسعد قليبك ع هالمواقف

وابشري لي عوده بمواقف الطفوله ان شاءالله


__________________________________________________ __________

هههههههههههههههههههههههه
الموقف التاني عنجد نكتة

يسلمووووووووووووو


__________________________________________________ __________

ههههههههههههههههههههههههه
الله يحميك يااااااا رب


__________________________________________________ __________

يسعدني مروركم شرفتوا