عنوان الموضوع : اجمل مواقف -للتسلية
مقدم من طرف منتديات نساء الجزائر

اجمل مواقف



السلام عليكم ورحمة الله وبركاته
حبيت انقلكم مواقف جدا طريفه تحصل لزوجات بشهر العسل
اتمنى تعجبكم وتنال على رضاكم

يلا امسكو بطونكم **





7
7
أولاً
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

-----------------------------------------
وحده كان الخجل ذابحها

تقول زوجها كان كل يوم يجيب بهالاكل في الفندق

وهي البنت مسويه ما تشتهي

وما تحب ومن هالكلام

وما غير تناظر فيه وهو يلهط بالاكل
وذاك اليوم بالفندق جا الغدا

وكالعاده زوجها سألها : يلا يا حياتي تعالي نتغدى

قالت لا كل انت بالعافيه انا ما اشتهي

وهي مييييييته جوع وشبع الرجال

ودق الباب ذاك الوقت واحد..!! المهم زوجها طلع وغاب شوي

وهي قالت في نفسها اكيد انه بيطول وما قدرت تمسك نفسها

ومن كثر ماهي جوعانه

مسكت الدجاجه بكبرها وتأكل فيها !!! وفي هذه الاثناء وش صار؟؟

>>> طب عليها عريس الهنا

وهي متلبسه بالجرم المشهود

ومقبضه بيدينها الثنتين في الدجاجه

والفم مفتوح عالااااااااااااااااااااااخر

وقال لها ها أشوفك منتي مشتهيه
وهي خلاص دوروها مسكينه ما تلقونها

-----------------------------------------
وهذا موقف لوحده بشهر العسل تقول كنت مسافره خارج السعوديه و اشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

-----------------------------------------
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في إطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جاء الطلب هو جابوا له ( مكرونه وحركات) وانا

(وجبة أطفال) !!

-----------------------------------------
يقولون فيه وحده تستحي من زوجها بالمرة تضايق الزوج وكلم أخواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني.. المهم دفته مع الدرج الا وهو في آخر الدرج متشقلب وقاعد يون ويصيح من الألم..!! قالها وش فيك كذا ؟!!! جلست البنية تصيح وتقول: كله من أهلك يقولون امزحي معه وهذي آخرتها


-----------------------------------------
بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شك له ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح ( لدورة الحمام ) مادريت الا الرجال يضحك ويقول يا عيني على الاتيكيت
-----------------------------------------

>>>>> ردود الأعضـــــــــــــــــــاء على الموضوع <<<<<
==================================


هههههههههههههههههههههههههههه

يسلموا
روعه


__________________________________________________ __________

ههههههههههههههههههههههاي
موقف مضحكه
يسلمو يالغلا


__________________________________________________ __________

المشاركة الأصلية كتبت بواسطة waleda6 al3a6efah
هههههههههههههههههههههههههههه

يسلموا
روعه

نورتي الصفحه بمرورك العطر


__________________________________________________ __________

المشاركة الأصلية كتبت بواسطة طفلة الحب
ههههههههههههههههههههههاي
موقف مضحكه
يسلمو يالغلا

نورت الصفحه بمرورك


__________________________________________________ __________

مشكووووووووووووووووووووووووووووورة اسعدتي قلبي
ضحكتيني وانا مو جاي على بالي اضحك