عنوان الموضوع : بوقالات جزائرية
مقدم من طرف منتديات نساء الجزائر

بوقالات جزائرية






بوقالات، لعبة جزائرية تقليدية مشهورة عندنا
طريقة اللعبة تعقد البنت شيء من لوازمها سواء خمار أو منديل ثم تقول بسم الله ابديت وعلى النبي صليت وعلى صحابة رضيت وعيطت يا خالقي يا رازقي حقق لي في بوقالتي ما تمنيت ثم تختاري رقم وتتمناي وتقراي فالك وإن شاء الله تحقق، هذه بعض منها
نبدأ يلا بسم الله
1- غالي غالي والغالي ربي، مهما تروح وتغيب معزتك في قلبي.
2- إذا كنت غزالة أنا نطعمك وإذا كنت وردة أنا نسقيك وإذا كنت حمامة أنا نحميك وإذا كنت عذرة غير انا لي نديك
3- التوت يا التوت الساقية فيها الحوت اعطوني بنتكم ولا نموت
4- ديري الحنة لرجليك وليديك وقارعي وينتا ربي يفرج عليك
5- الدمعة على الخد تجرح وكلامهم كالسيف يذبح وانا غزالي ما نفرط فيه حتى نفرح.
6- أنا شابة مهري غالي، اللي باغي يديني يحسب النجوم ويسهر الليالي ويبني لي القصور في العلالي.
7- الزينة يا الزينة والزين ربي عطاك، طبعاتك الحنينة وكحل العين واتاك وردة في الجنينة في يد لي خذاك يحفظك ربي من العوينة ويخليك للي بغاك.
8- حمامتي يا البيضا يا لي ريشك بريشة لوكان تروحي وتخليني ما تبقالي معيشة.
9- يا مولات السعد لبيض ربي يكملك، حوست جميع البلدان ما لقيت مثلك، يعمل ربي سبّة وغير أنا لي نكسبك.
10- يا جاية من العين بيديك ملأتي القلة، سبحان من اعطاك الزين وزادت في بهاك الحنة.

>>>>> ردود الأعضـــــــــــــــــــاء على الموضوع <<<<<
==================================


بسم الله ابديت وعلى النبي صليت وعلى صحابة رضيت وعيطت يا خالقي يا رازقي حقق لي في بوقالتي ما تمنيت اختاري رقم1- غالي غالي والغالي ربي، مهما تروح وتغيب معزتك في قلبي مشكورة لعبة روعة


__________________________________________________ __________


__________________________________________________ __________


__________________________________________________ __________


__________________________________________________ __________