بوقالات لبنات بلادي ... فيف لالجيري -للتسلية
عنوان الموضوع : بوقالات لبنات بلادي ... فيف لالجيري -للتسلية
مقدم من طرف منتديات نساء الجزائر
بوقالات لبنات بلادي ... فيف لالجيري
اليوم جبت لبنات بلادي الغاليات بوقالا ت واش نقولكم
هيا خيرو رقم من 1 الى 10 وشوفو بوقلاتكم
.................. خيرتو
1..يا شمس واش بيك دابلة .الا بيك الزين راني نفكر فيك وادا بيك الزهر ربي ما يخليك
2 .. عسل يا عسل في باقة خضرا .يا شميسة العاشقين يا قمرا. حلف سيد الملاح ما يراس امر غير ادا جات غزالته باش تكمل الحضرة
3.. بنيان الطين لا تعليه . ويجي نهار ويريب ساسو .و ليد الناس لا تربيه يكبر ويعود لناسو
4.. لي جرح قلبي ودواه واش من عين تلقاه ونطلب من ربي الفتاح ننساه و نحل بيبان لهناء ونرتاح
5.. القارس مانكلوش نخاف يشيني و شيخ منتزوجش بيه لوكان يغنيني ندي هداك الشاب لي قدي ويواتيني
6..كنت كي الوردة المدبالة جا حبيبي و غير الحالة .يا خويا راه كواني ودواه راه شفاني
7.. ادا انت ليل انا نجمة تضويك .وادا انت بحر انا موجة تقويك . وادا انت ربيع انا وردة نبهيك . وحلفت غير انا الي نديك
8.. يا ما مشيت وسافرت و الهم ديما ورايا .صرالي زي عرجون التفاح الماء ديمة حدايا \قدامي\
9.. يا خاوتي يا ولاد لعموم .الدنيا تدور والشدة ما تدوم . والحال خليه على حالو . والي مكتوب في الجبين تشوفو العين
10..السفينة الي جات باش نلاقيها باللوز و السكر نرش سواريها والورد و الياسمين نهديه للركاب فيها وبالمسك والعنبر نعطر اهليها
نتمنى يعجبوكم وما تنساونيش برك ههههههههههههههههههههه
>>>>> ردود الأعضـــــــــــــــــــاء على الموضوع <<<<<
==================================
يا جزائريااااااااااااااااااااااااااااات بوقالات وينكم هههههههههههههههه الله لا ............. خخخخخخخخخخخخخخخخخ
__________________________________________________ __________
وايضا لا يوجد جزائريات ههههههههههههههههه
__________________________________________________ __________
7.. ادا انت ليل انا نجمة تضويك .وادا انت بحر انا موجة تقويك . وادا انت ربيع انا وردة نبهيك . وحلفت غير انا الي نديك
يا سلاااااااااااااااااااااااااام قستيني في القلب فيفي هههههههههههه
__________________________________________________ __________
خيرت 6
ماجاتنيش على القوسطو
مي ماعليش
نمدلك انا واحدة ......اعقدي وانوي......................
جازو على 3 شبان الوسطاني فيهم كي الغزال قالي ماتكحلي عينيك ماتسوكي سنيك درك نجي وغير انا اللي يديك
__________________________________________________ __________
المشاركة الأصلية كتبت بواسطة شهرزاد بنت الجزائر 
7.. ادا انت ليل انا نجمة تضويك .وادا انت بحر انا موجة تقويك . وادا انت ربيع انا وردة نبهيك . وحلفت غير انا الي نديك
يا سلاااااااااااااااااااااااااام قستيني في القلب فيفي هههههههههههه
شكرا حبوبتي شوشو ربي يخليك ليا
رد مع اقتباس
