ايس كريم الخوخ وسوربيه الخوخ من مطبخ الشيف مونى -من مطبخي
عنوان الموضوع : ايس كريم الخوخ وسوربيه الخوخ من مطبخ الشيف مونى -من مطبخي
مقدم من طرف منتديات نساء الجزائر
ايس كريم الخوخ وسوربيه الخوخ من مطبخ الشيف مونى
السلام عليكم ورحمة الله
من احلى انواع الايس كريم اللى عملتها هو ايس كريم الخوخ
والمكونات كالتالى:
كيلو الا ربع خوخ
كوب الا ربع سكر
كوب كريمة لبانى
نصف كوب حليب
فانيليا
الطريقة
هنحط الخوخ فى مياه مغلية عشان يسهل تقشيره
هنقشره ونشيل منه البذر وهنحطه فى المحضرة مع السكر
وهنشغل عليهم لغاية ماالخوخ يتهرس ويبقى بيوريه
ونضيفله الحليب والكريمة والفانيليا
وهنشغل عليهم لمدة دقيقة لغاية ماكل المكونات تمتزج كويس جدا وهنحطه فى علبة محكمة الغلق
ونحطه فى الفريزر واثناء التفريز نقلبه حوالى 3 مرات عشان ميكونش كتل تلجية
قدمته تانى يوم وزينته بشوكولاته سايحة
بالنسبة للكريمة اللبانى هى نفسها الكريمة السائلة وهي كريمة خاصة بالحلويات وتكون مصنوعة من الحليب الكامل الدسم وتستعمل في الطهي وتزيين الحلويات وهى نفسها كريمة الخفق وانا بشتريها جاهزة من السوبر ماركت وهى غير الدريم ويب وغير الكريم شانتى وطبعا هى بتبقى اساسية فى عمل الجناش اللى بنستخدمه فى التورتات
وممكن نستبدلها بحليب كامل الدسم بس فى الوصفة دى احنا استخدمنا حليب كامل الدسم فالاحسن نستخدمها نفسها وانا بحب اضيفها للايس كريم واى حلويات لأنها بتخلى الطعم غنى وانا مجربتش اى بدائل تانيه ليها لغاية دلوقتى
ندخل على سوربيه الخوخ والسوربيه هو ايس كريم خالى من الدسم يعنى مفيهوش لاقشطة ولا بيض ولا حليب ولا كريمة وفيه ناس بتعتبرها فاكهة مجمدة بس طريقته سهلة وطعمه حلو
ومكوناته كالتالى:
نصف كيلو خوخ
ربع كوب سكر
ربع كوب عسل جلوكوز(ممكن نستبدله بعسل نحل)
فانيليا
الطريقة
هنقشر الخوخ بنفس الطريقة اللى قلناها قبل كده وهنشيل منه البذر وهنحطه مع السكر فى المحضرة
ونضيفلهم عسل الجلوكوز والفانيليا
ونشغل عليهم لمدة دقيقتين لغاية مالخوخ يبقى بيوريه والمكونات تمتزج ونحطه فى علبة محكمة الغلق
ونحطه فى الفريزر ونقلبه كل 6 ساعات عشان ميكونش كتل تلجية والسوربيه بياخد فى التجميد وقت اكتر من الايس كريم
وقدمته تانى يوم
يارب موضوعى البسيط ده يكون عجبكم
>>>>> ردود الأعضـــــــــــــــــــاء على الموضوع <<<<<
==================================
تسلم يدك يا عسلللل
__________________________________________________ __________
يسلموووووو غلاتي
__________________________________________________ __________
وصفات رائعة
تستاهلي التقييم والتثبيت
__________________________________________________ __________
__________________________________________________ __________
روووعة بجد بجد
شهتيني اعمله
يم يمممممم
رد مع اقتباس
