بلمتنا ينور مطبخناالمرحلة الثانية صواني + الكليجا -على طريقتي
عنوان الموضوع : بلمتنا ينور مطبخناالمرحلة الثانية صواني + الكليجا -على طريقتي
مقدم من طرف منتديات نساء الجزائر
بلمتنا ينور مطبخناالمرحلة الثانية صواني + الكليجا
يسعد اوقاتكم حبوباتي...شو اخباركم
رجعتلكم بموضوع جديد لمرحلتنا التانية~~وان شالله يعجبكم
الاطباق هي:
فتوتشيني بالدجاج والفطر
صينية توست بالدجاج
صينية بطاطا مهروسة مع اللحم المفروم
معكرونة الفتوتشيني بالدجاج والفطر~~
رح نحتاج...فليه دجاج..منقوع بـــ ملعقتين صوص صويا المعتدلة ،حبق ،بهارات،ثوم بودرة،زيت زيتون
_________
معكرونة ايطالية{شرائط} مقادير البشاميل حليب وطحين وزبدة,,فطر
الطريقة بعد نقع الدجاج لمدةساعتين..نصفهم بصينية وندخلهم الفرن لحتى يستووا
حطيت ورق زبدة مشان ماتنحرق لانو بتاخد وقت شوي
نسلق الباستا 3ارباع السلقة..ونخليها على جنب
نعمل خليط البشاميل بالطريقة العادية لكن مو جامد كتير نخليه شوي سائل ..ونضيف الفطر وقليل من الملح..
بعد ماينضج الدجاج يقطع حلقات ويضاف لصوص البشاميل نخليه يغلي دقيقتين
نضع الباستا بالصينية وبعده الصوص ونرش رشة اوريغانو
ودخليها الفرن مدة ربع ساعة...
وتقدم
صور كمان للتعذيب ههههههههه
الطبق الثاني~~ صينية توست بالدجاج
وهاد الطبق لذيذ جدا بشهادة يلي ذاقوه عندي>>احم احم ماامدح بحالي<<
المقادير:
توست منزوع الحواف،دجاج مفروم، مايونيز،جبنة سائلة،قشطة،جبنة موزريلا
طبعا خلطة الدجاج حسب ذوقك..
انا عملت بصل وجزر ولحم مفروم وفطر وفيلفلة خضرا وحمرا
قلي الدجاج مع البصل ثم تضاف الخضروات والملح والبهار
يصف التوست في صينية ثم يدهن بالمايونيز
بعدها نضع طبقة خضار...ومن ثم توست من جديد
هل المرة بنخلط الجبنة مع القشطة وبعدين بنحطهم كطبقة اخيرة
تدخلالفرن لمدة ربع ساعة وبعدها بنرش جبنة موزريلا
وبعدين تقدم....
الطبق الثالث: صينية بطاطا مهروسة باللحم
3حبات بطاطا مسلوقة+كاس حليب سائل
لحمة مفرومة،كزبرة خضراء،بصل مفروم
ملح وفلفل وبهار
تهرس البطاطا مع الحليب والملح
تقلى اللحمة مع البصل والبهار وبالنهاية نضع الكزبرة
ثم تفرد طبقة اولى منها بصينية
نضع فوقها طبقة من اللحم ~~ثم نعيد وضع طبقة جديدة من البطاطا المهروسة
تدخل الفرن لمدة نصف ساعة للتحمير {عند التحمير نضع القيلي من الجبن الموزريلا
اليكم صورة الطريقة
وعند التقديم
الطبق الاخير : الكليجا
هو نوع حلى شعبي بالسعودية والاشهر بالقصيم <<لذيذ مع القهوة
كمان صحي لانو بطحين البر وفيه مواد مفيدة
المقادير
2كاس دقيق اسمر منخول
1 ملقعة طعام خميرة فورية
1 ملعقة طعام حليب بودرة
1ملعقة طعام سكر بودرة
ربع كأس زيت ,او سمنة نباتية
ربع ملعقة شاي زعفران
ربع ملعقة هيل مطحون ينقعوا مع بعض فى كأس ماء
الطريقة:
نضع الدقيق +الحليب +السكر +الخميرة وتخلط جيدا ثم نضع الزيت وتفرك جيدا
واخيرا نضع الماء المنقوع فيها الهيل والزعفران وتعجن ولو بدها كمان ماء نزيدها لحتى تصير عنا عجينة يابسة شوي
وتترك لمدة ساعة
بنجهز الحشوة...عبارة عن
ملعقتين من..القرفة
ملعقتين من لومي {الليمون الاسود المطحون}
ربع ملعقة قرنفل
ربع ملعقة هيل
نص كاس سكر
نص كاس دبس التمر~~
يخلطوا مع بعض
بعدها ناخد قطعة عجين نحط جواها نصف ملعقة من الخليط...ونسكرها بعدين نطبعها على شبكة المصفاية
{هي الها قالب بس مو عندي نفس خطوط المصفاية}
تدخل الفرن مدة نصف ساعة لكن على الهادئ...وبعدها تمسح بالبيض وتحمر من الاعلى
وصحتييييييييييييييين وعااافية
لهون خلص موضوعي...نلقاكم على خير بالمواضيع الجاية
>>>>> ردود الأعضـــــــــــــــــــاء على الموضوع <<<<<
==================================
والله عذاااااااااب
هههههههه
تسلم ايدينك عـ الاطباق الررراائعه
جـاــاـارـرـري التقـيـ ــيـ يــم
__________________________________________________ __________
تسلمي حبيبتي بنفسج
على ردك اللطيف وتقييمك الغالي
نورتي
__________________________________________________ __________
والله عن جد عذاب يا اماني
يعطيك العافيه يا حلوه
امبارح عملت صينية التوست بس باللحمه وطلعت اممممممممم يتشهي
وكانت من ضمن الاطباق الي راح انزلها بهاي المرحله بس حاسه حالي ضعت بهالمسابقه
ومواضيعي بتنحرق اول بأول ومش ماخذه راحتي بصراحه
جاري التقييم
__________________________________________________ __________
اهلين حبيبتي شادو~~
نور الموضوع بطلة القمر
ليش ينحرق موضوعك..عادي هي انا وكوين نزلنا صينية البطاطا وكل وحدة فيها اختلاف عن التانية
نزليها واكيد رح تكون مميزة مادام من ايدك ياعسل
خدي راحتك ولا تحبطي حالك...بستنى الاطباق وخصوصي تبع التوست
يسلمو على التقييم حبيبتي
__________________________________________________ __________
المشاركة الأصلية كتبت بواسطة طائرالوئام 
اهلين حبيبتي شادو~~
نور الموضوع بطلة القمر
ليش ينحرق موضوعك..عادي هي انا وكوين نزلنا صينية البطاطا وكل وحدة فيها اختلاف عن التانية
نزليها واكيد رح تكون مميزة مادام من ايدك ياعسل
خدي راحتك ولا تحبطي حالك...بستنى الاطباق وخصوصي تبع التوست
يسلمو على التقييم حبيبتي
هلا حبيبتي اماني
لا فهمتيني غلط مش بقصد طبق التوست
بس لاني مش قادره انزل مواضيعي للمسابقه
رد مع اقتباس
