عنوان الموضوع : غدانا امباريحّّّّطبختي الفاصوليا البيضة لعيون احلى عضوات ّّّّ أكلة سهلة
مقدم من طرف منتديات نساء الجزائر

غدانا امباريحّّّّطبختي الفاصوليا البيضة لعيون احلى عضوات ّّّّ







السلام عليكم ورحمة الله وبركاته

مرحبا لكل الاخوات الطيبين
اليوم حابة انزللكم طبختي امباريح طبختها الفاصوليا البيضة على طريقتنا فيه الها اكتر من طريقة بس احنا منعملها على طريقة ماما كتير طيبة
واليكم الطريقة
..........................

اكيد المقادير لحمة ورز
وفاصوليا حسب كم بدك تعملي انا بنقع نصف كيلوا
بصل اربع رووس
ورب البندورة وملح



........................
انا بنقعها للفاصوليا قبل بيوم عشان ماتغلب بالاستواء


وبسلق اللحمة باالضغط انا اكتر اكلاتي باالضغط كتير بحبها بحط اللحمة فيها تنضغط قبل اشوي حسب نوع اللحمة فيه لحمة بحطها ابتستوي بسرعة بحطها مع بعض هي والفاصوليا بنفس الوقت والمقادير وبضغطها
يعني حسب ما انتي بتشوفيه..............
بسلق اللحمة اول شي ولما تغلي بقيم زفرتها


وبعدين بضغطها مرة واحدة مع حبة بصلة وهال



وبفتحها بتكون اللحمة نصف مستوية بضيفلها الفاضوليا


وبعدين بحط البصل كتري اربع رووس عشان بيعطي نكهة كتير طيبة انا مابحط ثوم بس بصل وملح......

وبطلع منها للفاصوليا زفرة انا بخليها لانها تعطي طعمة طيبة كتير وبتخليها مرقتها جامدة يعني متماسكة



وبعدين بديرلها مية البندورة حسب الرغبة انا بفضلها حمراء كتير كتير




وبعدين بضغطها نصف ساعة على نار وسط لحتى تستوي


بكون ناقعة الرز وجهزته

وميته غلت وببده ادير الرز



وحطيته يتهدى على النار مع الشعيرية






وهيك تركتهم على النار لحد مايستوي وهاي صورهم بعد ماجهزتهم
اليكم سفرتي .................هاي الفاصوليا بعد ما استوت

















وصحتين وهنى على قلوبكم كلكم اتمنى تعجبكم

>>>>> ردود الأعضـــــــــــــــــــاء على الموضوع <<<<<
==================================


يسلمووووووووو حبيبتي
باينة كتييييييييير طيبة


__________________________________________________ __________



[IMG]https://********s2.fatakat.com/2010/12/12926212711744.gif[/IMG]


__________________________________________________ __________

يسلموا شكلها كتيييير شهية


__________________________________________________ __________

ممممممممممممم
انا بموت على الفاصوليا البيضاء
شهيتيني عليها
يعطيكي العافيه


__________________________________________________ __________

يعطيكي العافيه
شكلها كتير طيبه وتفتح النفس
طريقتك بتختلف عن طريقتي ( بس كمانه حبيت طريقتك رح جربها اكيده )
صحتين حبيبتي