عنوان الموضوع : فضفضة
مقدم من طرف منتديات نساء الجزائر

فضفضة



اعتبرو كلامي فضفضة ...
طول عمري احس ان امي ما تحبني . ما راح اقول تكرهني لان الكره شي كبيير وبعقلي انا اعرف ان مافي ام تكره ضناها..
اخواني وخواتي لهم اولوية . انا بنهاية القائمة...
انا قريب اتخرج من الجامعة
في مراحل الدراسة بالمدرسة كنت متفوقة وكانت المدرسة تسوي حفلة تكرم المتفوقة بحضور ولية امرها
ماكانت تحضر مثلها مثل باقي امهات رفيجاتي . وقتها حسيت بالنقص . تحضر شوي بعدين تطلع وتقول عندها طلعة مهمة!
ودايما كانت تتأفف من حضورها حفلة تفوقي
تحسسني كآن شي مو مهم... اي وحدة تكون سعيدة ورافعة راسها بتفوق بنتها، بس ما شفت غير ردود الفعل السلبية.
دايما اذا ما اتفقت افكارنا تقولي غبية وما تفهمين. وتحاول تسويني مهرج يضحكون عليه
ذوقب مو حلو. انا مو حلوة. غبية . ، ما اتذكر سمعت كلمة حلوة منها
انا مليانة سلبيات بنظرها.
انا ترتيبي الثانية
بعد زواج اختي
مرة قالت لي ، انتي ما بتصيرين مثل اختج ، اذا زعلانة او متضايقة كنت افضفض لها
انتي بتصيرين بنتي الكبيرة اذا متضايقة بفضفض لمن؟
كان خاطري ارد عليها واقول، انتي عندج ام وخوات فضفضي لهم
لكن انا اللي ما عندي احد افضفض له، الام اللي تفضفض للبنت ولا العكس؟ طيب انا اذا كنت مقهورة اقول لمن؟
ما عمري شكيت لها همي او زعلي يمكن لان احس انها غريبة وما بتساعدني، مادري شالشبب بالضبط بس اللي اعرفه اني مو صديقة امي وهي السبب في هالشي ، ما حاولت تقربني لها مثل اي ام ، شكلها اكتفت بأختي بس
دموعي بالليل + الحمام هذا هو متنفسي فقط

مثلا ، كانت تقنع ابوي بمواضيع تخص اختي . لكن من صارت هالمواضيع لي انا ، ما وقفت يمي ولا كلمت ابوي بحرف واحد، ما لاحظت غير لما ابوي قال لها ليش ما وقفتي يمها مثل اختها!؟

، اخوي مرة يسالها يمه لو اختي(اللي هي انا) ماتت بتبكين عليها؟ يعني حتى اخوي الصغير ملاحظ كرهها او علاقتها السيئة فيني
جاوبت تقول انا القطوة اذا شفتها تموت اصيح عليها، يعني ما تعرف تقول هذي،بنتي وحشاشة يوفي قامت قارنتني بالحيوانات!
كلامها معي يقهر
دايما ادعي ان اكون ناجحة جداااا وشخصية بارزة عشان اثبت لها العكس
للعلم انا تخرجت بالثانوي بتفوق مرتفع و من الاوائل، يعني اذا جذي،وغبية عيل اذكي شيسوي
وبفترة الجامعة تفوقت وتكرمت من عميد الكلية .
بصراحة ما عمري شاركتني نجاحي او تفوقي دايما تحسسني اني دخلت ااتخصص ااسهل اللي حتى الجنون يتفوق فيه مع ان دراستي صعبة .
يعايروني بكلمة ادبي
انتي سكتي انتي ادبي
ع اساس ان بس الكسالة والاغبياء اللي يدرسون ادبي
مع ان كان هالتخصص بنصيحتها هي
تخصصي بالجامعة صعب نوعا ما ، بس اقل من اخواني
معدلي كان عالي كنت اقدر اختار االي ابيه بس تخصصي باختياري بعد ما امي اقنعتني..
ادعم نفسي بكلمات ان انا مو غبية وبصير وبسوي بالمستقبل وبراويهم من الناقص
بس من داخلي مقهورة ما بتنزل دمعة وحدة
بعد ما اتزوج مستحيل اسوي لبنتي اللي امي سوته
نصيحة مني لكم. الكلمة مهما كانت صغيرة او بسيطة بنظركم، فهي تترك اثر وجرح كبير كبير في قلب عيالكم
خاصة لو طفل
صدقوني النفسية اهم من كل شي،
بهتم بنفسية بنتي وبشاركها نجاحها مهما كان بسيط وبحسسها باهتمامي
اخواني وخواتي يروحون الامتحان ويرجعون وهي تسالهم شسويتوا وشلون كان الامتحان والخ
انا كانت تسالني بس،مو دايما
احيانا ارجع ولا تكلف نفسها تسالني
السؤال =يعبر عن الاهتمام
احيانا احس روحي ابالغ بس بعد ما اقارن تعاملها معاي ومع باقي اخواني ، احس اني صح بعدها
احس اني انسانة مظلومة بين اهلي
ادعي ان اتزوج واطلع من عندهم لان خلاص اكتفيت .
التفرقة عندها واضحة وبصريح العبارة تقول
ضيقت خلقكم ادري
ابي منكم شي،واحد
دعوة ان اتزوج انسان خلوق متدين يعرف الله، يساعدني ع تحقيق طموحي و يحباناس ويحبني والناس،يحبونه

>>>>> ردود الأعضـــــــــــــــــــاء على الموضوع <<<<<
==================================


الله يرزقك بالزوج اللي يسعدك


__________________________________________________ __________

الله يفرج همك ويحنن قلب امك عليك ويرزقك الزوج الصالح


__________________________________________________ __________


__________________________________________________ __________


__________________________________________________ __________