فضفضة قلب

[aksachli]

عنوان الموضوع : فضفضة قلب
مقدم من طرف منتديات نساء الجزائر

فضفضة قلب



السلام عليكم ورحمة الله وبركاته

خواتي العضوات انا عندي مشكله يمكن ابي حل او ابي افضفض لكن اللي اعرفه ومتأكده منه اني ابي اقول مشكلتي



من كنت صغيره كانوا يقولون انتي لولد عمج وولد عمج لج خلوني غصب احبه كنت كل ما اسوي اي شي قالوا لي فلان ما يحب هالشي او فلان يحب هالشي عشقته بدرجه مو طبيعيه ماعمري فكرت بغيره كان اهو ابوي وامي وكل شي بالنسبه لي تزوجته وكان من احلى ايام بحياتي كنت احسه ما يبيني او متردد مرت اول سنه هاديه تصدقون لا قلت لكم ان بأول سنه ما كان يتحجى معاي وايد كانت كلماته بسيطه قلت يمكن يكون مستحي او توه ما تعود وبهالسنه حملت بولدي ولما قلت له كنت اشوف الفرحه بعيونه كان يحذرني اسوي اي شي بالبيت وياب لي خدامه عشان ما اشتغل ومع هذا ما حسيت انه خايف علي لا كان خايف على ولده مع اني كنت صغيره وايد ومفروض يخاف علي انا مو على ولده ومرت ايام حملي على خير وولدت ويبت ولد وماقصر سمى الولد على اسم اخوي طبعا مو عشاني لا عشان ان اخوي رفيجه الروح بالروح وولد عمه بعد ما يبت ولدي حلفت ما احمل وكنت اكل حبوب مانع واهو ما يدري لاني حسيت انه يهتم بعياله اكثر مني تصدقوني اذا قلت لكم بطلعة نفاسي لما رديت للبيت بروحي وبدون الولد زعل وقال ليش ما يبتيه معاج طوفته له كل شي وكنت متغاضيه عن اسلوبه الاستفزازي اذا كشخت له لف راسه ونام وطنشني واذا دزيت له مسجات يدق ويقول لي بلا هالسخافه اللي تدزينها سويت له كل شي وصبرت عليه عشان انه ولد عمي ودمه من دمي وبيوم تهاوشت انا وياه وقط علي حجي جرحني فيه وايد قالها انا ما كنت ابيج لأنج ياهل وما تناسبين تفكيري ومستحيل تكبرين انا اصلا ماخذج بس عشان ابوج وعشان انج بنت عمي والا انا مابي اتزوج اللحين انا قلت لهم توني ما افكر بالزواج اللحين بس محد مصدقني قلت له ليش ما رفضت مو انت ريال ومفروض يكون لك كلمه قال شسوي بتخلف ابوي وابوج ولا تصدقين نفسج اني انا مختارج انتي اختيار ابوي مو اختياريوقال كلام وايد ما ودي اقوله واحاول انساه كان بوقتها ولدي عمره 5سنين وبعد جم شهر بيدخل ست ما تحملت كلامه كانت اهانه لي وانا ابوي عودني ان اهانة العزيز صعبه ومستحيل انه ينسى اللي اهانه او يسامحه قلت له طلقني انا ما ابيك وعصبت وعصب لين مد ايده علي وطقني طق مستحيل انساه حتى لو سامحته اهني قلت لو شنو يصير مستحيل اردلك ودقيت على سايقنا واخذت ولدي واغراضنا وكان يقول لي احسن روحه بلا رده ان شاء الله مشيت وحقرته ورحت لبيت اهلي اول شي ما قلت لهم ان صارت بينا مشكله وطقني سكت قلت بيسافر وبقعد عندكم الكل صدق وبعد اسبوع دق بس مارديت عليه ما كان لي خلق له كنت ناويه اني اتطلق بس كنت حاسه اني بكون حامل لان من غبائي تركت الحبوب لانه كان يقول لي ولدنا كبير وما عنده اخوان خلينا نييب له اخو او اخت ورحت انا واختي الصغيره للطبيب وسويت تحليل وطلعت حامل مستحيل انسى ذاك اليوم كنت ابجي قهر لان اللي بييي مستحيل يخليني ارد له المهم ما كنت ابي احد يدري لكن مشكلة الوحام كان كله ترجيع وانتم بكرامه والكل عرف ووصل له الخبر لأن اخته تصير مرة اخوي ولما عرف حلف انه ما يطلقني طبعا مو عشاني عشان عياله عمره ما كان يفكر فيني كان تفكيره وخوفه بس على عياله انا ما شفت شي من اهتمامه وخوفه علي حتى لما اكون مريضه ما كان يهتم كان يقول خلي اخوانج يودونج الطبيب او روحي مع اختج والسايق ما يهمه حتى لو كان اخر الليل بس من اقول له ولدك تعبان يقلب الدنيا علي ليش ما تلبسينه ليش مهمله فيه انا قايل انتي ياهل ومستحيل تكبرين واذا صار له شي بذبحج كأن الولد بس ولده مو ولدي

>>>>> ردود الأعضـــــــــــــــــــاء على الموضوع <<<<<
==================================

حبيبتى الله يعينك اول شى انتى اهم شى فى حياتك هو اولادك وهو مع الزمن راح يتغير وانتى ما تتغيرى معه صارلك فيه نصيب وحاولى قد ما تقدرى تنسى الكلام الى قلك اايه وعيشى حياة طبيعيه وادعى لربنا يغير حاله كتير فى رجال بيتغيروا ما حد بيضلوا على حاله وانت حالك احسن من غيرك وقد ما كان انتى ما بتهونى عليه اكيد اهتمامه لاولاده شى طبيعى وعن تجربه بقلك بس مش معنا كلامك انه ما بيحبك حاولى تتقربى منه باسلوبك الحلو وما تنسى انه الطلاق ما بيفيدك

__________________________________________________ __________

صدقيني ياحبيبتي لو ماكان يحبك ماكان يحب الاولاد الجبهم منك معزة الاولاد من معزة امهم في امل كبيييييييييييييييييييير فزوجك ادعيلو واكثري من الاستغفار وحولي واستمري فالمحاوله والله إن شاء الله في امل فزوجك اسمعي كلامي ده عن ثقه

__________________________________________________ __________

لا حول ولا قوة الا بالله
الله يسهل امورك


سبحان الله وبحمده سبحان الله العظيم
استغفر الله ربي واتوب اليه

__________________________________________________ __________

صدقيني زوووجك يحبك والدليل حببه لأولاده الله يصبر قلبك حبيبتي حاولي معاه ولاتيئسي ان شاء الله حياتك معاه فرح في فرح وسعادهوالله يهدي المشاكل بينكم ويبعدعنكم كل شر

__________________________________________________ __________