عنوان الموضوع : زوجي بيتركني خايفه انهار قدام اهلي -لصحتك
مقدم من طرف منتديات نساء الجزائر

زوجي بيتركني خايفه انهار قدام اهلي



بقولكم السالفه ع طـــــــول...

أنا متزاعله مع زوجي من شهرين تقريبا....خلال الشهرين هذي ماسأل عني ولا حتى أرسل مسج.. ولا مكالمة... بس يقول لأهله دقوا على أهلها يجيبونها....

المشكلة جدا تافهه... بيني وبينه ماتستاهل من الاساس انها توصل يوديني لأهلي...

بس قبل هالمشكله بفتره .. يمكن شهرين حسيته متغير علي مرررررره ويعاملني بعناد شوي .. ويسوي مشاكل من لاشئ... وهو من أول كانت معاملته معي طبيعيه .. وكويسه يعني .. صح يحصل مشاكل بس ماتكبر ..

وهو متعلق كثير في أمه.... ولو بتقول له أي شي بينفذه حتى لو الشئ ذا يضرني...
المهم مابي أطول عليكم ... هي كانت كويسه معي لأني أنا كنت مره طيبه معاها.. وكنت أعاملها مثل أمي .. والله دخلت عليهم بحسن نيه ,,

تزوج ولدها الثاني... زوجته جريئه مــــــــره مع أهل زوجي .. ومع زوجي ومع الكل .. حتى مع الرجال اللي برى... وأستغفر الله ماقد شفتها تصلي .. لاهي ولا زوجها ولا زوجي الله يهديه ويرده لي...

لا تقولون ليه ماوقفتي جرأتها مع زوجك عند حدها...أقولكم أولا لأن زوجي مايعطيها وجه كثير.. وكان دايما يسب فيها قدامي ويمدحني مقارنة معها.. ثانيا عايلتها كلهم كذا متفتحين شوي وبايعين الدنيا...

هي من النوع اللي تضحك مع الكل وتستهبل وجريئة.. هي طبعا كذا
أنا من النوع الهادي المبتسمة.. وماأحب اغلط على أحد ومو جريئة مره زيها يعني

من بعد زواجها صاروا أهل زوجي يقارنوني فيها ..يعني يبوني أصير نسخة منها في كل شي .. طبعا مو يشكل مباشر ..تعرفون الدقدقه بالكلام ..,,,,ووووووالخ
لدرجة انهم اثروا على زوجي .. أحسه صار متغير علي
اكتشفت بعدين انها كانت تقول على لساني كلام ماقلته.. وتتهمني بأشياء ماسويتها.. أقول لزوجي يقوم يقولي انتي بس تسمعين لكلام الناس مستحيل تقول عليك كذا... أصدقه والله واقول يمكن صدق الناس ظلموها..

في يوم حلمت انها طبخت لي السوس وأنا مدري أكلت منه وزوجي واقف يناظر ولا قال أي شي...

فسرت الحلم طلع تفسيره أني تعرضت لمكر وغدر...
المهم وريت زوجي التفسير عصب وقفل ع الموضوع وما رضي يناقشني ...

من بعدها قلت لكم رماني لأهلي وأرسل أهله اليوم الثاني يجيبوني أنا رفضت وأهلي لأنه مافكر يجي ...
بس يرسل الناس يقولهم جيبوها.. طبعا مستحيل أرجع وهو ماراضاني ولا فكر يجي او يتصل ...

أمه صارت تكرهني مرررررررررره من المنافقه سلفتي الله لايسامحها وأنا يعلم الله ماضريت أحد ,, ولا عمري غلطت على احد

بالعكس كنت مسالمه لدرجه كبيره...وتقول راح تزوجه.... لأني قليلة أدب يوم مارجعت معاها هي وأبوه.. وماقدرت جيتهم..تقول موب لازم يجي

لهم شهر ماعاد سألوا......................

أنا متأكده انه يبغى يرجعني .. بس خايف من أهله لأنهم أقوياء.. وماله كلمة عليهم أبد ..

بس هالشي مستحيل لأنها زعلانه مني وحلفت تزوجه....

أنا ياأخواتي بديت أنهاااااااااااااااااااااااااار من الداخل.. نفسيتي تعبانه مره .. وبس أضحك عشان أهلي لأني مااحب أبين لهم أني محروق قلبي عليه... وعلى عيالي.....
ارجوكم كيف أتهيأ نفسيا لتقبل زواجه من أخرى .. أو خبر طلاقي ...

والله تعبانه حيــــــــــــــــــــــــــــــــــــــل ...

حسبي الله ونعم الوكيل على اللي فرق بيني وبين زوجي وعيالي ودمر بيتي

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممم *.*
يعني ام ريلج وابوه بنفسهم يو بيتكم وانتي ما رضيتي ترجعين ؟
والله الحركة هذي مب حلوة!!!! انتي ترضين ابوج وامج يطلبون من ريلج شي ويردهم؟؟
أكييييد لا ما ترضين
كان المفروض تقصرين الشر وترجعين البيت اذا مب عشان ريلج عشان عيالج
استغفري وادعي وان شاء الله بتلاقين ريلج واقف عند الباب يطلب ترجعين البيت
والمقارنة بين السلايف تصير في كل بيت
واذا سمعوج شي لو بشكل غير مباشر انه من الافضل تكوني مثل سلفتهم
ردي عليهم وقوليلهم تربيتي ما تسمح لي اتصرف مثلها واكيييييييد قبلها الدين ما يرضى بهالشي
موفقة

استغفر الله العظيم الذي لا اله الا هو الحي القيوم واتوب اليه


__________________________________________________ __________

حسبي الله ونعم الوكيل الله يكون في عونك ويفرج كربك يارب اكثري من الاستغفار والله يسخر لك زوجك ان شاء اله بيردك لبيتك وعيالك


__________________________________________________ __________

نصيحه لا تكبري راس وارجعي لزوجك
وخليك رسميه مع الكل
واقري الاذكار كل صباح ومساء تحميك من مكرهم
موفقه


__________________________________________________ __________

الله يفررج همك

ويسخر لك زوجك

وترجع حياتكم الى الافضل ان شاء الله

باين من كلامك انك ساكنه معاهم ،،

الله يعينك


__________________________________________________ __________

الله يسخر لك زوك ياحياتي ويكفيكي شر المعتدين لاكن ليش جالسه تنتظرين الطلاق او الظره وانتي بيدك الحل انشالله ياحبيبتي روحي لبيتك وعيالك قبل لايظيع من ايديك بعدين ماينفع الندم ومادام زوجك يحبك تراه يستاهل التضحيه راح تكبرين بعينه وان كان اهلك معارضين اقنعيهم وانك مشتاقه لعيالك وما تبغي مرة الابو تربيهم ومن هالكلام اما الحموله ترى سالفتهم سهله خوذيها مني ترى مايمشي معهم الا النفاق والكلام الحلو والمدح حتى لو مايستاهلون بس الشكوى لله والله ان ينسون سلفتك مع شوية هدايا بين الحين والاخر الله يسهل امرك ويرد لك وجك يارب