زوجي حطني قدام بيت اهلي واخذ جوالي مني الطبيب يجيب

[aksachli]

عنوان الموضوع : زوجي حطني قدام بيت اهلي واخذ جوالي مني الطبيب يجيب
مقدم من طرف منتديات نساء الجزائر

زوجي حطني قدام بيت اهلي واخذ جوالي مني



السلام عليكم ورحمه الله وبركاته

خوآتي / مشكلتي مع زوجي بدت من اسبوعين

ببدايه الأمر كانت مشكلتي مع اخته لما جات شقتي وسبتني ولما خبرته وخصوصا مش اول مره تغلط علي قال اخذي حقك بيدك واخذت حقي منها بس حز بخاطري انه ماوقف معي مع انه امه وابوه بصفي ضد بنتهم ولما عزمني بمطعم خبرته بالي بخاطري وقال لي من قال اني مااخذ بحقك ولا ادافع عنك انا اسوي كل هالأمور من وراك
ومشت الأمور ولما جاء يوم الجمعه وداني بيت اهلي وقال بتأخر قلت له طيب خذ راحتك بس لاتتأخر كثير
وادق عليه ومايرد ولما دق وقال بخلي اخوي يمرك مع اختي قلت له بنتظرك وانقهرت من داااااخلي لأنه ماعلمني ودقيت عليه مره ثانيه قلت يآفلان انت مسآفر قال لأ قلت له خلاص دامك بتتأخر بنام بيت اهلي وماجات الساعه 2 بالليل الا جاي وماخذني ورجعت الشقه بدون ولا كلمه وطول اليوم تجنبته انتظره يسألني ايش فيك وطبعا ولا عبرني وبأخر الليل فاتحته بالموضوع وقلت له ليه تسآفر وتنرفزت من رده زياده قال ماسافرت قلت له لاتنكر الأغراض الي شريتها ودله الشاي والأكواب -) له اكواب مخصصه للسفر
قام وصارخ بوجهي قال مالك حق اسافر ولا لأ اروح واجي ع كيفي قلت له انا ماعمري منعتك تروح وترجع ع كيفك واجلس لحالي بالشقه وانتظرك تجي بس الأقل كنت تخبرني وهديت الأمور معاه قلت له اتمنى مره ثانيه تخبرني علشان اخذ احتياطي بملابس بنتك ومااحاتيك
وبيوم السبت كنت اسولف له عن برنامج قالت لي اختي عنه ونزلته بجوالي يشبه الشات الصوتي ووريته اياه اقول له شوف صدق الشر بكل مكان قال ايش هالبرنامج وشافه وقال احذفيه قلت طيب ونسيت الله يعفي عني
لما جيت بروح بيت اهلي شفته ماسك الجوال وحاذفه بدون ماادري طبعا ولا قلت له ولا كلمه قلت اكيد خآيف علي
وبيوم الثلاثاء كنت بسوي له شوي العشآ بيتزآ قال حطيها بفرن اهلي تحت قلت مالي خلق ادخل واسمع كلمه تغثني من اختك قال ايش عليك منها ع كيفها قلت له كلم امك واعطيها اياها قال خلاص سويها بالفرن الي فوق قلت اوك
وكنت اثبت برنامج بجوالي وقلت عطني جوالك انزله لك وعطاني ولاقيت نفس البرنامج الي حذفه من جوالي عنده قلت له هذاه عندك وقمت احذفه بدون قصد مني والله
ولما عطيته اياه قال وينه قلت خذته وقام يصارخ انتي مالك حق تحذفينه وايش هاللقافه
قلت له ايش تسمي الشخص الي يحذف البرنامج من جوال غيره بدون مايدري صاحبه مو عدم ثقه قام وسكت ولا كلمته طبعا طول هالأسبوع مايكلمني عدل ومايعطيني وجه وحتى لما اقرب منه يقول تعبان وقمت امشيها له وطول الوقت نايم وبيوم الثلاثاء طفشت من الوضع قلت له يافلان ايش فيك متغير ماتعطيني وجه قال مافيني شي تعبان ومالي خلق شي واقرب منه يتقرف مني وانقهرت قلت له اذا ماتبيني قول قام يتصدد وقال لاتقوليني كلام ماقلت له انا تعبان خليني لحالي ورجعت وسألته انت تبيني ولا لأ وسكت وغمضض عيونه ومع اصراري قال بكره ارد عليك قلت ايش بتسوي قال بكره ان شآء الله
وجآء الأربعا ولما جيت اروح بيت اهلي قال جهزي اغراضك تنامين يومين او ثلاث وجهزتهم
ولما وصلت للمزرعه الي كانو فيها اهلي قال هاتي جوالي انا ع نيتي قلت بشحنه لي قمت وجلست بفتحه له الرمز السري لأنه دوم ينسى حقي
قال ايش تسوين قلت بفتح لك الرقم وعطيته اياه ويقوم وياخذه قلت ايش فيك بتاخذه قال هو حقي مش انا معطيك اياه هديه قلت الله يهداك جيبه قال انتي ماتستاهلين هدايا ولا شي وانقهرت بنزلتي من السياره فتح ابوي الباب وكانت بنته عنده قلت له وقف تفاهم مع ابوي قال لاتخليني اخذ بنتك وفتح ابوي السياره اقول له ابوي شوف فلان ... الخ قال ابوي تعالي وخليه لأن عند ابوي ضيوف ومايقدر يدخله وطبعا راح ولما دق عليه ابوي مارد
الحين انا حدي منقهره الله العالم فيني واتصبر علشان بنتي مالها ذنب تشوفيني كذا الي قهرني موقفه من الجوال حسسني اني مسويه شي غلط مع ان الجوال طول الوقت يمه ويفتحه يتفرج ومااقول له شي وايش قصده بحركاته هذي كلها هو يبيني ولا لأ ؟؟؟
اتمنى تشورون علي يآخواتي ... دعواتكم

>>>>> ردود الأعضـــــــــــــــــــاء على الموضوع <<<<<
==================================

الله يهديك

انتي مره مستقويه حيل

الرجل واهله طيبين وشتبين اكثر

اخته مصيرها تزوج وتروح لحال سبيلها

عندك الله يهداك تدقيق على اقل شي واكبر شي

بنصحك نصيحة لوجه الله : مو كل ماشفتي الرجال صاد نشبتي بنحره

انت تبيني وانت ماتبيني

لاتجرين نغمه والله بكرى عند الطالعه والنازله يهددك بالطلاق

وبتقعدين انتي بموقف المترجي الذليل

اذا صد او جفا ابتعدي بهدوء واشغلي نفسك ابنتك والا بأي شي يفيدك

لا تنشبين له كل انسان محتاج يرتاح لوحده شوي

سالفة الجوال كان ما وقفتي عندها كثير كان هو تحجج بالشحن ورجع لك اياه

خطا ثاني يوم نزلتي تشكين لابوك زي البزر غسيلكم لايطلع برى

المشاكل الزوجيه صغيره لين يدخلون فيها الاهالي

يعني لو علاقة زوجك بابوك جيده بتوترينها بهالتصرفات الصغيره

كبري عقلك شوي واحتوي مواقف حياتك وتحملي زوجك

وترى حياتك هاديه بس يبيلك انتي شخصياً تهدين وتوسعين صدرك وتتركين التدقيق ع الطالع والنازل

وتتعاملين بوعي وحكمه

خلي الرجل يهدا مع نفسه شوي

ابوك لايكلم لانه اساساً مافي شي يحوج

انتي انبسطي عند اهلك واستانسي

واذا جا ياخذكم

قفلي ع كل المواضيع

وخلي الجو بديع والدنيا ربيع

وخلك مره طيبه بشوشه تحتوي رجلها وتفتعل حواليه المواقف السعيده

حتى يرتاح عندها ويشتاق لها لو ابتعد

اتمنالك حياة سعيده

__________________________________________________ __________

إذا عصب من شغله

لاتحنين وتقولين انت ماتبيني

لا غلط تقولين هذا الكلام رتح ينفر منك

ابتعدي عنه وخليكِ عاديه

وسوي كل اللي كنتي تسوينه من لبس وزينه

يعني لاتهملين بشكلك

لما تنشغلين في بنتك أو في اي شي بالبيت

هو راح يحس إنه مقصر معك

الحنه تطفش الرجال

الله يسخر لك زوجك ويهديكم لبعض

__________________________________________________ __________

معاكم حق يااخواتي من شوي تكلمت مع امي وحاولت تفهمني كيف احتويه ومااطفشه

وقال كلام كثر المغزى منه ان لساني طويل مااحشم احد بس الحين ايش الحل

هل ارجع لشقتي اتفاهم معه لانه مستحيل يجي دام وصلت الامور لأبوي

والله ماابي المشكله تكبر لاني بالاساس احبه وعندي بنت ماهلها ذنب

__________________________________________________ __________

المشاركة الأصلية كتبت بواسطة فرجت ورب الكعبه الله يهديك انتي مره مستقويه حيل الرجل واهله طيبين وشتبين اكثر اخته مصيرها تزوج وتروح لحال سبيلها عندك الله يهداك تدقيق على اقل شي واكبر شي بنصحك نصيحة لوجه الله : مو كل ماشفتي الرجال صاد نشبتي بنحره انت تبيني وانت ماتبيني لاتجرين نغمه والله بكرى عند الطالعه والنازله يهددك بالطلاق وبتقعدين انتي بموقف المترجي الذليل اذا صد او جفا ابتعدي بهدوء واشغلي نفسك ابنتك والا بأي شي يفيدك لا تنشبين له كل انسان محتاج يرتاح لوحده شوي سالفة الجوال كان ما وقفتي عندها كثير كان هو تحجج بالشحن ورجع لك اياه خطا ثاني يوم نزلتي تشكين لابوك زي البزر غسيلكم لايطلع برى المشاكل الزوجيه صغيره لين يدخلون فيها الاهالي يعني لو علاقة زوجك بابوك جيده بتوترينها بهالتصرفات الصغيره كبري عقلك شوي واحتوي مواقف حياتك وتحملي زوجك وترى حياتك هاديه بس يبيلك انتي شخصياً تهدين وتوسعين صدرك وتتركين التدقيق ع الطالع والنازل وتتعاملين بوعي وحكمه خلي الرجل يهدا مع نفسه شوي ابوك لايكلم لانه اساساً مافي شي يحوج انتي انبسطي عند اهلك واستانسي واذا جا ياخذكم قفلي ع كل المواضيع وخلي الجو بديع والدنيا ربيع وخلك مره طيبه بشوشه تحتوي رجلها وتفتعل حواليه المواقف السعيده حتى يرتاح عندها ويشتاق لها لو ابتعد اتمنالك حياة سعيده

مشكوره اختي ع نصيحتك

بس حبيت اوضح انه مارجع الجوال اخذه معه يعني مايبي ازعجه او مايبي اي وسيله اتصال بينا او الي جا اول شي ببالي انه يشك فيني

__________________________________________________ __________

شوفي اختي كلميه

إذا رد عليكِ قولي له

مشتاقه لك وآسفه وحقك على عيني وراسي

ولاتكونين عصبيه

إذا هو عصب اسكتي

شوفي أنا إذا زوجي عصب أسكت

وأدري يقول كلام بلحظة غضب

وكلها دقايق يجي يعتذر مني

الحياة لازم نقدم فيها تنازلات

خاصةً انتي عندك طفله مالها أي ذنب

الله يهديه يارب وترجعون مثل قبل واحسن