عنوان الموضوع : تعبت نفسيا ارجوكم شورو علي -تم الاجابة
مقدم من طرف منتديات نساء الجزائر

تعبت نفسيا ارجوكم شورو علي



السلام عليكم

مشكلتي عجزت القى لها حل او اتاقلم معها ارجوكم شوروا علي وش اسوي
تمنيت اتزوج مثل اي بنت وربي كتب لي خطاب ياكثرهم وكانت امي تردهم بحجة دراسه وحجة صغر سن الين كملت جامعه طبعا كلمت امي هي الي تمشي بحكم انها مطلقه وانا عشت معها وابوي ماله اي علاقه فيني وماكنت اشوفه كانت متزوج ومسافر بديره ثانيه وزوجته اخذته مني ومن اهله واخوانه ومشته بكيفها المهم بالموضوع امي ترد الخطاب بطرق التوائيه غير صريحه احيانا الى ان تخرجت وبديت انخطبت وتتم النظره وتتفركش مع العلم اني متوسطه الجمال لكن فيني مميزات يرغبها اغلب الشباب طول بياض نعومة شعر الخ المهم بعد النظره وبعد الاتفاق على كل شي تتفركش ودورتي كانت تجي بشكل نزيف وقرات عند احد المشايخ وقال حسد ومن هالكلام وبعد فتره خطبني شخص من جماعتي وكنت متردده لاني ماوجدت فيه الصفات الي اتمناها وكانت امي واختي يقنعوني وانا شبه رافضه امي تقول ترى اذا ماخذتيه مابيجيك اطيب منه واختي تقول ليته جاي لبنتي مارديته رغم ان بنتها طفله لكن على قولها انه ماينرد ولا ينعاف المهم قلت ترى اي شي يصير لي لو اخذه انتوا مسؤلين وامي تقنعني بطرق ملتويه كالعاده تقول ترى ماراح يجيك الا راعي دخان واستراحات وهالشباب ماينضمنون الي سكار والي نكار ومن هالحكي وانا صامته قلت طيب وافقت وانا لازلت اعاني واتصارع مع نفسي وجاء وقت التحليل وحللت وبديت اميل له واقنع نفسي غصب ويوم طلعت التحاليل خبتها امي كانت بتتفق مع الممرضات يغيرون انه ماتطابق وخبته ناويه تقول لاهله تراه غير متطابق عشان تنهي الموضوع بعد ما اقنعتني وبديت اميل له وعرفت بموضوع التحليل وقلت ابيه وتمت الملكه اه يا اتسع قرار اتخذته


بعد الملكه جاتني امه قالت شوفي بقي من المهر مبلغ عشان تاثثون فيه بلعتها وسكت المهر ماكان يكفي اغراضي عشان ابقي منه للاثاث

بعدها بفتره جت وقالت ترى بيعرسون ثلاث عرايس وابيك انتي احسنهم الله الله بالبس الساتر ومانبي بناطيل ولا قصير هي تعرفني وتعرف تربيتي ولبسي ماله داعي طيني هالموال

بعدها اتفقت معه نطلع فندق يوم الزواج وفعلا خططنا لهالشي ويوم الزواج قال مقدر حسيت اهله غيروا رايه

بالزفه امه قالبه وجهها قدام الحضور لانها رافضه موضوع الزفه ونادت الناس للعشاء وانا جالسه

بعد الزواج اليوم الثاني استقبالهم لي جدا عادي ماكني عروس والادهى والامر الاثاث من اسوء شي ومستعمل ومكسر وصبرت لانه طيب الرجال وقلت مع الايام يتغير الوضع

كل يوم اكتشف شي يكرهني باهله هو طيب حنون وعيبه سلبي صامت ماله كلمه تمنيت زوج له شخصيه يكون سند وعون لي بالحياه

سافرنا شهر العسل وبرابع يوم رجعتنا امه وصبرت غيرت اثاثي بعد سنه وحقدت عليه لو كان زين ماغيرته

مع الايام صار الدق والنق لاني تاخرت بحملي واراد ربي وحملت كنت اتعب من الحمل لان بعد زواجي جاني سكر وصار حملي متعب ومع ذالك ماترحمني من النق والدق بالحكي وانا صابره وساكته تفاقم السكر صار يضرب 600 ورب البيت وسكت مدري وش اسوي جبت ولد وبعده جبت بنت الان ما اتحمل زوجي احب طيبته واكره شخصيته من تزوجت ما استمتعت معه مافاجئني بشي ماقدم شي لي حتى الجنس اغصب نفسي عليه اكرهه منه واكره ريحة زوجي رغم انه يهتم اكره بيتي واكره ازعاج عيالي عصبيه دايم اتعب اذا شفت امي احسها سبب الي انا فيه والمشكله تقولي هذا اختيارك نست الي سوته كله تعبت من كل شي

اهل زوجي احاول اتجنبهم وامي تزعل علي تبيني اقابلهم والابتسامه شاقه وجهي مليت تصنع ومليت تحمل كلام يزعجني ويضرب معه سكري

حاولت اعدل زوجي بادرت بالهدايا وشريت افضل العطور الي احب ريحتها الا اني فشلت في تقبله

افكر بممصير عيالي وافكر بلانفاصال حاولت اتقبل وعجزت لنا تقريبا اربع سنوات

اتمنى احبه حب العاشق الولهان اخاف عليه بس ما اتقبله مدري وش هالشعور نفسي احد يحس فيني

صرت ارفع صوتي عليه وانا مابي كذا واحقد على نفسي بس غصب عني محتاجه رائي ناس واعيه وحكيمه تكفون

>>>>> ردود الأعضـــــــــــــــــــاء على الموضوع <<<<<
==================================


الله يصلح الامور


__________________________________________________ __________

شوفي يا حبيبتي انتي دامك تخافين عليه اكيد تحبينه
بس انتي مو متقبله النقص في شخصيته

اغلب الي يطرحون مشاكلهم بالقسم
يصير الحل المصااارحه

لا تقولين ما اقدر اصارح زوجي
لان هاذا هو الحل الوحيد
خليك انتي الشخصيه وصاارحيه
بس صاارحيه بسلوب حلو يعني لا تتفاعلين مرره
وترفعين صوتك اشتكي له شوي شوي
ابكي عنده تمسكني
هاذا زوجك يعني المفروض روحكم تصير وحده
اذا شكيتي له وقلتي له انا ودي انك تخفف المشاكل علي
تصير درع لي ومن هالكلام

صدقيني بعدها كل شئ بيتغير

المصااارحه هي اهم شي صدق يبي لها شجاعه بس لابد منها


__________________________________________________ __________

الان
مفتاح سعادتك هو حب زوجك والاهتمام باطفالك
تعوذي من الشيطان
وادعي من الله
واقري القران,.


__________________________________________________ __________

المشاركة الأصلية كتبت بواسطة Misk Queen
الان
مفتاح سعادتك هو حب زوجك والاهتمام باطفالك
تعوذي من الشيطان
وادعي من الله
واقري القران,.

لا تخلي الشيطان يوسوس بينكم
ما دام زوجك طيب


__________________________________________________ __________

ربنا يصلح الحال لكن المواجهة اهم شيء لحل معظم المشاكل