عنوان الموضوع : عطوني حل للزوجي .. تعبت نفسيا -تم الاجابة
مقدم من طرف منتديات نساء الجزائر

عطوني حل للزوجي .. تعبت نفسيا



السلام عليكم ..



مو عارفه كيف ابدأ بس احس اني تعبت وماني عارفه كيف اتعامل مع زوجي

انا متزوجه وصار لي سنتين عندي بنت وحامل الحين



زوجي مزاااجي جداا وعصبي والي في راسه يبغى يسويه يعني مايقتنع مني بسهوله

عانيت وياه من بدايه زوااجي واكثر من مره اروح بيتنا ويتكلمو وياه اهليي بس مافي فايده الي براسه يسويه



احيانا اشوفه حنون وطيب بسس تخرب عليه اشيااء واجد وتغطي على الاشياء الزينه فيه





المهم في الموضوع اني من قبل فتره كننا بالسياره وهو نازل مطعم وفتحت درج السياره ولقيت فيه علبه تخص السياره صغيره فتحتها شفت كيس صغيير فيه حبووب دائرية ولونها ابيض

شكيت في الموضوع وقلبي نغزني اخذت حبه منه وخشيتها عندي بس ماعرفت وش اسوي فيها ورميتها وماسألته عن اي شي



اليووم واني نايمه بالغرفه كان هو بالصاله اوتعيت واسمعه يكلم جوال

الا يقوول موجود عندك ولا قال طيب ال 25 حبه بكم ؟ وكأني سمعته قال ب 300 او 900 مادري

بس بعدين قال عدل ولا ؟؟ بعدين قال خلاص المغرب انا امرك واشووف



انصدمت مرره وقعدت ابغى اتأكد يمكن اني كنت احلم او ماسمعت زيين ماجاني نوم وقمت



مادرررري خفت وااجد معقوله يكون زوجيي ياخذ حبوب



طيب ليش وكيف اتعامل وياااه ؟؟ اوااجهه بالي اعرفه او اسكت



وربي تعبت خلاص وتحملت واااجد بس ممكن اتحمل عصبيته ومزاجه واسلوبه الي مايعجبني

بس اني اكتشف انه يطلع تبع حبووب ويدفع فلووووس عشاان سم



ويقصر عليي وكله كلمه ماعندي فلوس على لساانه قهرر وربي قهررر



بلييز انا حامل وتعبانه نفسياا جدا من اشياء واجد منه ومن تعامله وياي يوم زيين ويووم شين

وانا امشي وياه الحيين هل امشي هالموضوع هذا بسهوله او وووش اسووووي ؟؟؟!!! افيدووني رحم الله والديكم

>>>>> ردود الأعضـــــــــــــــــــاء على الموضوع <<<<<
==================================


مرحبا اختي
الله يسخرلك زوجك ا
الي بنصحك فيه
1 في كل سجود ادعي ان الله يسخرلك زوج
2اخذي سبحه واستغفري وسبحي واكثري من ذكر القادر القدير
3 ان مرااا طحت في نفس هالموقف مع اخوي وشكيييييت لان بعض تصرفاته ومن مكالمات يطلب فيها حبووب وطلع الرصاص بعض الناس يسموه حبوووب


__________________________________________________ __________

الله يوفقك ويشرح صدرك ويحقق لك الي في بالك ويهدي بالك ويكتب لك الي فيه الخير ويستر عليك يسخره لك ..
لا ان شا الله مو حبوب ..ياكثر مصطلحات الشباب الغريبه ..بس عشان نفسيتك تعبانه مع الحمل ..
وسوستي ..
يارب يسخره لك ..ويريحك ويحقق لك الي في بالك ..
والله ما املك الا اني ادعي لك ...


__________________________________________________ __________

هذي حبوب كبتقون او ابو ملف


__________________________________________________ __________

خذي حبتين منها ووديها المختبر يحللها

او روحي بها الصيدليه واسالي الصيدلي عنها

والله يكتب لك مافيه الخير


__________________________________________________ __________

حبيبتي هذي الحبوب المسهره اللي تخلي الواحد ماينام
وهذي سعرها كذا سمعت من كثير كانوا يستخدمونها
وياقلبي المزاج السيء اللي فيه وجك بسبب الحبوب ذي لانها تسوي تلف للاعصاب من قلة النوم وتلاقي الواحد من ياخذها مايقدر يجلس على طول يبي يتحرك يمشي يغسل السياره او يمكن يقلب البيت كله فوق تحت ويرجع ينظفه كله بدون تعب ومن عوارض الحبوب هذي انها تسبب هلوسه واستخدامها بكثره راح تسبب كثير عوارض منها العصبيه والهلوسه والشك والصراخ ويمكن مد اليد لانه تخلي خلايا المخ كلها شغاله على طول وانا عرفت هالشغلات من ناس ادمنوا عليها وصاروا مايقدروا يجلسون ولا يتحركون الا لما ياخذونها
الله يرحمه ويرحمك برحمته يارب