السلام عليكم ورحمةةةة الله وبركاته
يابنات انا عندي مشكله وماجيتكم من اولها لاني بصراحه حاولللللت لما حسيت حالي بنفجر
انا ما اعرف عن نفسي شي وولا فيني ثقه :/
ما اعرف كيف ابدأ لكم بس انا دي السنه نقلت لمدرسه التانيه بسبب ضروف..
ومن يوم نقلت وليومكم دا ماتعرفت ولا على وحدا !!!! احس ماني قادره مع انو كتيييير جلسوا يلمحوا والي والي بس والله ما اعرف كيف اتصرف، مع انو لو وحدا جات وسأتني شي او طلبتني طلب ارد رد عاااادي جدا.. لكن لما تجي وحدا تسولف معايا احس ما اقدر يعني نتكلم في الموضوع لما نخلص من الموضوع نفسو اسكت مني زي الناس اتواصل وادخل موضوع ورا موضوع ودا الشي احسوا خلى الناس تمل مني :"( ودايما لما ابا اسوي شي اتردددد كتييييييرر وربي جنني استغفرالله!! لدرجه احيانا اشوف ردة فعلي الي افكر فيها في ناس يسوها لكن ماا اعرف ليش مرا يقهر ودايما انا ياعجوله واندم احيانا او اقعد اتردد ومالي حس ولاخبر ولاكان ولاصار ،، والمشكله الاكبر انو بنص الترم جاتنا بنت جديده ومااااااشاءالله ماقعدت اسبوعين إلا وهيا لها صحبات تبارك الله وربي احس قلبي ينغزني مو من شي مني أناااا ليش كدا ليش شخصيتي كدا اكره التعبير عن نفسي نادرا
وع فكرة ترى مدرستي الي قبل ماكان ليا غير صحبه وحده وبس والبقيه لاني كنت اعرفهم من الابتدائي وكدا ف في كلام من بعيد لبعيد واستهبال لاننا عارفين بعض شوياات.. ولو جيتوا معايا هنا في النت اقدر اتكلم واستهبل بالراحه لكن في الواقع ما اعرف ايش فيه وليش؟ احس ما أقدر اتداخل مع اي احد بسهوله ولما اجي البعض تقريبا يسكت وبعضضضضضهم يقعد يجامل شفقه ..مع انو جوايا احس عكس برا كتير ،يعني افهم كل شيء يصير وذكيه واعرف استهبل وكل شيء لكن ما اقدر اطلعها
(((
مافي احد معتبر ليا وجود ...زي عدمي استغفرالله ولوجيت اتكلم مع وحدا على طول تحسي تعبيرات وجهها كأنو تقول ياليل او ايش جابك زي كدا والبعض يعرف دا الشي ويتكلم معايا ع اساس شفقه وحزنان عليا وانا ما احححب كدا غير انو احيانا احسوا يسلك ليا ويجامل مع اني اول ما اجلس ما اشيل هم انو حيسلك وكدا.. اقعد احاول واعطي لنفسي امل اني حقدر بس مدري ايش فيه ووين الغلط بالزبط؟؟؟
يابنات بليييييزز ساعدوني ابا شي يعزز فيني الثقه واتجرأ اكتر وما اخاف من حاجه ومما اتردد وربي حموووت من نفسي ومن وسوستي الزايده وكيف اتعرف على نفسي واتعمق فيها لانها احد الاسباب اكيد في التردد على الاقل لنفسي، وكيف اتواصل مع الي قدامي واقنعوا وكمان كيف اعرف لغه الجسد وكدا... يعني لو في دورات بالنت امو مواقع يعني اقدر اقرا او اسمع عن طريق النت او اللابتوب ... + ابا كتب حلوا وجميله ومفيده سواء عن الثقه او شي من هادي المواضيع ويكون اسلوب الكاتب حلو وكتب عاديه زي انا واخواتها لسلمان العودة او اي كتاب مفييييييييد اطلع منو بفايده وكدا
اسفه على الاطاله لكن بجد الموضع مايطمن بخيرر ونفسيتي تعبت من دا الموضوع ولازم لما اداكر لازم لازم تجيني دي الكوابيس لا اله الا الله مع اني احاااول ..واكيد بالنت انا غير عن الواقع والكل تقريبا نفس الشي :/ ... ودي تعتبر نص مشكلتي :/
ولاتنسون يابنات تدعوون لي ولكم بالمممثل
!!
ويعطيكم أألف عافيه ()
مالي حس ولا خبر :( -لصحتك
لا تهتمي عادي
رد مع اقتباس
