عنوان الموضوع : مالي أمل بالزواج -لصحتك
مقدم من طرف منتديات نساء الجزائر

مالي أمل بالزواج



السلام عليكم
ببدأ في المشكله على طول
أبي توفى قبل لأنولد و أمي تحملت مسؤليتنا انا و اخواني أمي غير موظفة و لا عندها شهاده عشنا حياتنا على أشياء أمي تشتريهم بالجمله و تبيعهم بالحبة على الأهل وعلى الضمان الأختماعي و أحنا ساكنين في أجار يعني الفلوس يدوب توكلنا كل ملابسنا كانت من بو 5 حتى للعيد حاليا تحسنت أوضاعنا المادية أشوي الحمدلله و الفضل بعد الله يرجع لحسن تدبير الوالده الله يطول في عمرها بعافية
انا دخلت الجامعة و المكافأة يدوب تغطي المصاريف و الباص و أعطي الوالدة أشوي
المشكله أني أدرس تمريض سمعت أنتقادات و اجد من قبل في بداية دخلتي للتخصص خصوصا ان معدلي كان عالى جدا و فوق ال90 بس الواسطات ماخلت لي مجال الحمدلله على كل حال الواحد مايدري شنو أصلح له. رضيت بالوضع و تأقلمت
بس أحس أني مب أتزوج لأني ممرضة و قصيرة طولي 145
تقريبا كل شهر يجون لنا ناس يخطبون و الحمدلله فيه الزين و الشين و المتوسط بس كلهم يخلوني أقوم و أطاول مع وحدة من اللي جاين و يقولون يو قصيرة أهو يبي على الأقل طول فلانة.. تالي يسألوني شنو تدرسين أقولهم تمريض و يقولون بس أهو مايبي تمريض التخصص فيه اختلاط و من هالكلام إذا الله كتب تحولين تخصص ثاني
أمي ترفض و تقول لهم انتو ماخطبتوها إلا و اهي تمريض ف ياتخذونها كذا يا كل واحد يروح في طرقة و الله يوفقكم وانا مع امي علما بأن أمي تبين لهم من اول مرة يتصلون البنت مب طويلة طولها 145 وتدرس تمريض و يجون يعني المفروض يصير ماعندهم مشكله يحرجوني حيل إذا خلوني اوقف و أطاول طيب احنا معطينكم الرقم بالضبط ليش ما تقيسون طول بنتكم و تقولون له أنها أقصر بشوي (لأن الفرق غالبا يكون قليل) وعلى الدارسة يعني خلاص ماتحلم بالزواج لأني ممرضة و الله اللي يبي الحرام يلاقه حتى لو أنها محبوسة في البيت و لاموظفة و لاب داسة بعد و اللي يخاف الله و يتستر بيتستر لو شصار و بنات واجد معاي في الكلية أقصر مني و اقل جمال مني و اسمر مني و طبعا تمريض يتزوجون اللهم لا حسد و الله يوفقهم بس أنقهر على حالي رغم اني جميلة حيل الحمدلله و لوني حنطي فاتح و شعري ناعم و طويل و جسمي زين. بس شسوي ابي اتزوج ومن كل اللي جاو بس وحدة اللي رجعت و تقول بشرط تترك دراستها و رفضنا.
أنا إذا شفت حياة امي و شلون عشنا و لو كان عندها شهادة كيف ممكن أوضاعنا كانت احس بأهمية الوظيفة و الشهادة و أن الزوج مايدوم و ممكن يصير أي شيء و يخلي الوحدة تحتاج خصوصا ان الوالد كان ميسور جدا الله يرحمه. وأسمع دائما تعلقات سيئة من اللي من حولي بسبب طولي مثل لوانتي طول فلانه على الأقل ( و الفرق بينا أقل من 5سم) رغم اني أنجرح حيل بس ما أبين ولا أعلق.
و المصيبة:
أني و رغم ان مافية ناس يبوني قاعدة اتشرط و اتحلم يعني انا عشت ظروف صعبة مادينا خلتني اتمنى واحد غني و طبعا الأخلاق و الدين و الكرم و يكون عمرة قريب من عمري و هيك اشياء ودي يكون مسماه الوظيفي حلو يعني مهندس دكتور محامي علشان أقهر أقاربي اللي دايم يضايقوني بكلامهم و طبعا علشاني ماودي بواحد مستواه التعليمي أو العقلي أقل مني لأن التكافىء مهم علشان نفهمبعض و نستقر (علما بأن انا ذكيه جدا ولله الحمد)
أدري صغيرة و العمر قدامي بس ملييت و صرت أنحرج كل مرة يجون ناس و احس أني بس بخسر أهلي للضيافة و اهم مارح يرجعون أصلا كل مره أمي تقولي عن ناس اقول لها لايجون أصلا انا ما أبيهم إذا أحد سألني أقول أصلا تو الناس على الزواج انا تخصصي صعب أبي أخلص دراسة أول و داخلي مقهورة حيل خصوصا بنات عيلتنا يتزوجون على ال17 أو ال18 و انا عمري 21 ولا تزوجت ولا في أحد راضي فيني أصلا
ساعات من اليئس أقول أصلا انا ما أبي أتزوج و بنذر حياتي للعلم باخذ الماجستير و الدكتوراه.
بس أبي أصير أم أبي يصير عندي عيال بيت و أسرة حالي حال غيري
ساعات أقول يمكن إذا توظفت و بحكم الأختلاط (طبعا ما أفكر أكشف أو أسولف مع رجال) ينعجب فيني و احد من الموظفين او المرضى و اتزوج ...بس و إذا ما صار أصلا هالأشياء ما تصير في مجتمعنا (سعوديه) إلا واحد يبي يلعب مافي واحد يروح علطول يخطب و حتى إذا أهله مرح يرضون بالنسبة لهم ولدهم لقط وحدة من الشارع
أصلا الواحد هنا ما يتزوج وحدة موظفة إلا طمعا بالراتب أو على الأقل بأنها تصرف على نفسها و بالذات التمريض ... و خايفه أطيح على واحد كذا...
إحيانا أقول كل تأخيره فيها خيرة و ربي مب يخذلني و بيكافأني على الصبر و الفائز بالمرتبة الأولى ينعلن عنه في نهاية الحفله بس مقهورة و ابي أتزوج عاجل غير آجل مليت من نحزات العالم و كلامهم احس اني عنست دعواتكم

آسفة على الأطالة بس حبيت أفضفض و أسمع رايكم و حدة مثلي ممكن تتزوج ؟؟ وشخص نفس هذي المواصفات؟؟!! و شيء أخير إذا خطبني واحد كيف أعرف إذا اهو بخيل أو لا و إذا أهو طمعان براتبي أو لا و إذا اهو عنده نظره دونيه للمرأه او لا؟ و هل أني أطاول مع اللي يجون عادي أحسها موحلوه في حقي ومحرجة جدا طيب و إذا مو عادي شلون نرفض إذا طلبو؟

رجاء بدون تجريح من ناحية التخصص:
دراسة التمريض و العمل به و الأختلاط فيه شيء مباح شرعا بدون خلوه و مع الحشمه وهذا الشيء أكيد و فيه فتاوي عليه و الممرضات (النساء) كان يطلعون مع النبي محمد صل الله عليه و آله و سلم للجهاد و يداون جرحى المسلمين و اللي أكيد أهم رجال..و التمريض وحدة من أنبل و أشرف المهن رغم الأختلاط .. وفي أقسام واجد بدون أختلاط بس الواحد مايدري وين يصير تالي.

و شاكرة لكم على هالأختراع البطل (عضوية مشكلتي ) و شاكرة لجميع الأخوات اللي يردون و يتفاعلون علشان يساعدون وأو يخففون عن خواتهم و الله يفرج عنا و عنكم و عن جميع المسلمين و المسلمات كل همومهم

>>>>> ردود الأعضـــــــــــــــــــاء على الموضوع <<<<<
==================================


والله يابنتي النصيب بيد الله ادعي دايما في الثلث الاخير في الليل وان شاء الله تتيسر الامور
طبعا اي متقدم لك لازم يكون مستواه مثلك او اعلى لانو لو رضيتي باقل لازم ياخد من فلوسك هادي مافيها كلام وحيستغلك رأي اننك تتزوجي ممرض زيك او دكتور هما اكثر ناس حيكونوا متفهمين لطبيعة عملك ولا الشي اللي بنشوفوا في المستشفيات من اختلاط وفجور صريح بين البنات والاولاد يخلي الرجل يفكر 100 مرة قبل لا يرتبط بممرضة ( انت ان شاء الله بنت ناس بس برضو كثرة الاحتكاك مع الرجال تقلل حياء المراة وتصبح جريئة مع الوقت ) والله يوفقك


__________________________________________________ __________

إدعي حبيبتي يرزقك الزوج الصآلح التقي اللي يخآف الله فيك
القصر موعيب بآلعكس النآس تبغى القصيرة دحين
نصيبك بيجي يآروحي إلزمي الاستغفآر دمتي بخير


__________________________________________________ __________

الله يرزقك باالزوج الصالح لاتأيسي ومافيها شيء اذا كنتي تشتغلي ممرضة اهم شيء شغلة شريفة ماعليك من احد بعكس احلى وظيفه تساعدي المرضى وطولك شوية قصيرة ولاتهتمي ربي خلقك كذا


__________________________________________________ __________

اختي ليس الغني من يسعدك
انما العقل الذي يفكر به
لا تنظري الى الى الرجل الغني انه من يعوضك عن الايام السابقة


__________________________________________________ __________

بتعرفي كل ما يتاآخر و تكبري يزيد طلبات في العريس
و اعتقد ان شيء طبيعي ... لان الله ما رح يعطينا آحنا الى سكتنا و كتمنا بقلبنا
و شايفين غيرنا يخطب و تمشي فيه الحياة و احنا نعاني متلهم
الطول ما تقدري تغيره لا زيادة ولا نقصااان
و نصيبك الله وحدة عالم فيه .. مالها التمريض انتي تصرفي على طبيعتك و ما تهتمي بغيرك
لان الله ععارف بالنوايــا
و انسي كل كلامهم و ما تخليه ببالك >> بس كيف؟؟!! عليكي
اكيد في واحد رح يكووون مناااسب لالك و كل تآخيرة خيرة
و كملي تمريض و الله اعلم لوين ماخدك هالزمن
والاسئلة الى سآلتها للاسسف ما عنديي خبرة بهالمواضيع .. ^_^