عنوان الموضوع : ساعدوني ودي اغير من نفسي بس مجابة
مقدم من طرف منتديات نساء الجزائر

ساعدوني ودي اغير من نفسي بس



السلام عليكم بنات ..
انا متضايقققة من نفسي كثير احيانا احس حياتي نفس حياة البهايم
ما كنت جدي والله
اول مشكلة عندي الصلاة اذا اصلي ستغفر الله جنه بليس في راسي ما اركز في صلاة يعني بما معنى ما اصلي بخشوع وجنه مخي يقول يلا بسرعة بسرعة قولي عشان تكملين وتفتكين :s
بذات هالايام ونادرا ما اصصلي صلوات في أوقاتها يعني لازم في اليوم اجمع علي صلوات شسوي بنات كل ما اقول هالمرة بتوب ارد ارجع نفس قبل اقول خلاص اليوم صفحة جديدة وراح اصلي الصلاة في أوقاتها وارد لنفس المنوال!!!
واحياننا نظام نومي يخرب على الصلاة لأني اسهر معني عدلته بس يرجع يخترب يعني جني صرت مدمنة سهر شلون اتعود على نظام نوم معين ؟!

ثاني مشكلة تظيف الاسنان خااااااااايبة حدي اتخايب حتى افرش اسناني يعني حدي افرشهم في اليوم مرة وساعات في الاسبوع مرة بعد

ثالث مشكلة دائما اقول اشياء واتحلم بس ما اطبق يعني مخي شي واللي اسويه شي ثاني !
شلون اكون على قد الكلام ؟!

رابع مشكلة وهي ممكن تكون رأس كل هالمشاكل إني مدمنة انترنت يعني بشكل مو طبيعي حتى لو ما عندي فيه شي يعني جنه اكسجيني ؟! وهاي الشي مو زين لان يسبب لي ضعف نظر ويلهيني عن الصلاة و الدراسة و .. الخ

خامس مشكلة تنظيم وترتيب شلون اصير بنت مرتبة منظمة يعني لاني مبهدلة اقعد من النوم ما اعدل سريري والبرنص يكون على الارض والحالة حالة
وما اعرف انظم وقتي ابدا

سادسس مشكلة الدراسة شلون اكون بنت شاطرة ومميزة ومتفووقة

سابع ششي شلون انسى حبيبي السباق اللي انا هديته بدون سبب وكان يبي يتزوجني بس كل هذا من غبائي ما ابي اقول القصة والله من كثر القهر اللي فيني

وانه خايفة بصراحة على مستقبلي من هالموضوع وايد يعني لان مخي على طول مشتت
لدرجة إني كل يوم احلم فيه
يا بنات انا محتاجة لمن يواسيني
ما اقدر اقول لصديقاتي او اشكي ليهم همومي عن هالموضوع لاني انسانة خجولة جدا
ودائما احس إني بفشل في هالكورس وبجيب معدل منخفض لان مخي مشتت على طول افكر فيه ليل نهار نوم تعبت مو بإيدي المشكلة وكلا في البيت قاعدة ما عندي من يطلعني ابي اتنفس شوي مخنوقة حدي
ساعات اقول اكيد ما بجيب معدل زين الا اذا حبيت واحد ثاني ونسيت هاذا اللي كلا في مخي عايش شسوييييييييييييييييييي حالتي النفسية تعبانة جدا والمشكلة دائما امثل إني مو مهتمة فيه وإني خلاص نسيته والله تعبت من التمثيل والكذب على نفسي
شعري يتساقط بشكل مو طبيعي من حالتي النفسية !!!!
مخي طااااااير طاير مرة ارقع رجلي بالباب وتعورني مرة اطيح قلاص مرة اكت حليب ساعدووووووووووووووني الله يرحم والديييييكم

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممممممممممم *.*
حبيبتي دايما في موضوع الخشوع انا انصح انه نهيأ انفسنا للصلاة
كيف تهيئين نفسج للصلاة قبل الاذان ب 5 دقايق على الاقل اتركي كل شي شاغلج و روحي توضي وافرشي سجادتج وايلسي اذكري الله لين يأذن لو سويتي هالشي صدقيني ما راح تستعيلين بالصلاة وما راح يكون قلبج مشغول بشي ثاني غيرها ...
وشي ثاني احب اقوله ليش احنا ما نخطط لصلاتنا مثل ما نخطط ليومنا شو بنسوي ووين بنروح ؟
اشرح هذي النقطة اذا مثلا قررنا انه اليوم بنطلع بنروح المول ما بتشوفينا الا يالسين نخطط شو بنشتري وشو بنسوي واي محل بندخل واي لون واي ماركة وغيره وغيره ...
طيب ليش ما يكون لنا تخطيط يومي لصلاتنا طبعا التخطيط هذا ما يكون واحنا نصلي لا قبل ما نبدأ بالصلاة نخطط في الركعة الاولى شو بقرأ اكييييد سورة الفاتحة ووياها سورة ثانية وهي مثلا سورة الكافرون والركعة الثانية اخطط شو بقرأ والثالثة و.... وحلو انوع بالسور عشان ما يصيبنا ملل والصلاة مب حركات وروتين و بس من فترة سمعت حديث صدمني لحظة بيييبه >>> الحديث
(( ان العبد ليصلى الصلاة ما يكتب له منها الا عشرها تسعها ثمنها سبعها سدسها خمسها ربعها ثلثها نصفها ))
يعني لازم نعقل في صلاتنا ونتأمل الكلام اللي نقوله والسور اللي نقراها عشان نحصل اجر الصلاة كاملة ولا ممكن ما ناخذ من صلاتنا الا اجر نص صلاة او ثلثها .... مثل ما هو مذكور في الحديث
اخر شي بذكره في موضوع الصلاة انتي ما يحق لج جمع الصلاة لانه الجمع له شروط مثل انج تكوني مسافرة وغيره وانصحج تقرين في قصص عاقبة مأخر الصلاة وممكن تسمعي محاضرات لمشايخ على اليوتيوب لقصص من هالنوع ....

اسنانج اذا ما حافظتي عليها من الحين بتندمين بعدين صدقيني ...

النت وتعلقج فيه خصصي لج وقت تدخلينه و اذا ما عندج شي مهم في النت اقرئي قرآن او يلسي درسي وممكن تخلي اهلج ما يخلونه دوم شغال عشان تخففي من دخولج على النت وتضيعين وقت عليه وانتي قلتي انه يشغلج عن اشياء ضرورية مثل الصلاة والدراسة ...

استغفر الله العظيم الذي لا إله إلا هو الحي قيوم و أتوب إليه **


__________________________________________________ __________

امممممممممممممممممممممممممممممممممممممم *.*
بالنسبة للنظام اول ما تصحي من السرير رتبي سريرج على طول منتي خسرانة شي و رتبي الغرفة على طول ما بتاخذ منج وقت وافتحي الدريشة بتحسين بنشاط والكسل كله بيروح منج وادعي (( اللهــــم اني اسالك خير ما في هذا اليوم و خير ما بعده واعوذ بك من شر ما في هذا اليوم و شر ما بعده ربي اعوذ بك من الكسل و سوء الكبر ربي اعوذ بك من عذاب في النار و عذاب في القبر )) ...

الدراسة حاولي تسوي جدول تنظمي فيه يومج مثلا بس ترجعين من المدرسة روحي تغدي وريحي شوي وبعدين حلي واجباتج وابدي ادرسي المواد اللي عليج في اليوم الثاني ... وعلى فكرة لو درستي اول بأول بتكون عندج الدراسة امرها سهل خصوصا وقت الامتحانات

الحب خلي قلبج للي بييي يطلب ايدج من اهلج ...
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

السلام عليكم


حبيبتي انا عضوة جديدة بس لفت انتباهي موضوعج

موضوع الصلاة كانت تجيني ايام اكون مثل حالتج وتجيني تنبيهات من رب العالمين الحمد لله كأن احسن اموري كلها تتخربط واحس مايمشي شي عدل معاي ومثل ماتفضلتي اكت الحليب واتعثر بطريقي واموري كلها تتخربط ... من اوصل هالمرحلة احس اني مقصرة ..
الحل الوحيد ... الاستغفار ثم الاستغفار ثم الاستغفار مفتاح كل الابواب المغلقة وحل اكيد لجميع المشاكل

الحي بالاستغفار اختي وان شاء الله امورج كلها تنحل وربي يسعدك دنيا واخرة ..


اختك سوسو


__________________________________________________ __________


__________________________________________________ __________