عنوان الموضوع : كيف اغير من نفسي وتفكيري؟ّ -تم الاجابة
مقدم من طرف منتديات نساء الجزائر

كيف اغير من نفسي وتفكيري؟ّ



السلام عليكم ورحمة الله وبركاته
انا وحيدة امي وابوي وعندي اخ واحد فقط اصغر مني
ابوي شخص متعصب وقاسي وجاف جدا والحديث معه لايتجاوز الامر والنهي بصراخ فقط
ومااله أبدا اي دور بحياتنا
فصارت عندي عقده صرت اكره جميع الرجال المتعصبين والي يتحكمون بالمراه
بس امي الله يحفظها كانت بالنسبه لي الأم والأب
حااولت تعوظنا عن كلشي
ماكانت تبي تحسسسنا انه ناقصنا شيئ
فعشت في بييئه مدلللله ومنفتحه من جهة امي واهل امي
و ماكانت متعصبه كانت ملتزمه ومعتدله تؤدي حقوق الله وفي نفس الوقت تطلع وتستانس
وتستمتع بالحياه
لكن لابد من الاحساس بالنقص
بس كنت دائما متفائله انه زوجي بالمستقبل بكون عكس ابوي وبعوضني عن كلشي
وجا اليوم اللي تقدملي ولد عمي
بالبدايه كنت رافضته لانه جاي من بيئة ابوي
فكنت اشوف اهل ابوي كلهم نسخه من ابوي
بس بالنهايه وافقت وحكمت عقلي انه اهم شي الدين والاخلاق وتوكلت على اللله
المهم عقب كتب الكتاب اكتشفت انه فيه صفات كثيره من ابوي
وهالشي خلاني منعميه عن صفاته الايجابيه
وعقلي مشوووش وماعرف اتصرف معاه ..
زوجي بدا يحسسني انه صفاتي ماتعجبه بحكم بيئته اللي عاشها
اللي اهي عكس بيئتي تمااما ..
واحس بدا شوي يبي يتحكم فيني ويغيرني واكون مثل خواته او الصوره الي راسمها بمخه..
فهالشي زااد الطيين بللله..
فصار عندي ردة فعل
صرت متمرده
اشووف كل شيئ يبييه مو من حقه
ومو من حقه يقولي شسوي وشنو ماسوي
احااول اذكر نفسي انه هذا الشرع أمر وانا لازم اطييعه وانه هالشي من حقوقه
لكن ماادري شمكلة مخي العوييص,,
احيانا اقول يمكن لو انه زوجي مو من اهل ابوي من اهل امي او من بيئه مختلفه
كاان تقبلته لاني كنت راسمه صوره متفائله عن زوج المستقبل
لكن لما جاني ولد عمي انكسر هالصوره وصرت ماشوفه اللى انعكاس لصورة ابوي
اللهم لا اعتراااض
انا رااضيه بما قسمه اللله لي وادري انه في خيير كااامن في اللي اللله كااتبه لي
لكن..
ياجماعه
قولولي كيف اغير من تفكيري..؟!
واقهر نفسي المتمرده ..
والله انا بنت اخااف من ربي واسعى لنيل رضااه
ورضاا زووجي
بس تفكييري المتمرد والعقده الي عندي تسييطر علي وبدمر حيااتي
فماذا افعل؟

>>>>> ردود الأعضـــــــــــــــــــاء على الموضوع <<<<<
==================================


لو طلباته معقوله وتتماشى مع الدين الافضل طاعته,, ولو عادات وتقاليد حاولي تحكمي العقل وتحاولي تقنعيه,, اياك يطلع الفرح وتفكيرك يخالف تفكيره,, انت وشطارتك ودائما اللي يتنازل هو الرابح عكس اللي يعاند


__________________________________________________ __________

لما يتكلم معاكي حاولي تشوفين ايجابياته وانتي مبين عليكي متخرعه من عصبية ابوكي مشان كذا ادعي واستخيري وبالليل يوم الجمعه والله يوفقك


__________________________________________________ __________

صح كلام نور عيني m


__________________________________________________ __________

الحين هو يحاول يغير شخصيتك
بس صدقيني بغد الزواج يتغير
انا زوجي كذا الحمدلله
الله يوفقك


__________________________________________________ __________