عنوان الموضوع : زوجي يبي يسافر ومايبيني معاه.. مجابة
مقدم من طرف منتديات نساء الجزائر

زوجي يبي يسافر ومايبيني معاه..



السلام عليكم
بقولكم عن حياتي مع زوجي واحكموا مين الغلطان لاني
اوقات من كثر المشاكل اشك في وارمي اللوم على نفسي واقول اكيد انا السبب مثل مايقول زوجي
بقولكم عن بعض المشاكل اللي صارت لي معاه وشوفوا مواقفه معاي
اول ما ملكنا انا ماشرطت بالعقد شقه خارجيه
وابوي ماشرط شي غير المهر
في الخطوبه اقترح علي نسكن عند اهله وقالي باخذ غرض من البنك وببني شقه صغيره على قدنا وافقت بس شرطت عليه يكون الباب خارجي وافق
وبدأ بني وجاني بوقت البني وقالي ان عيال عمه واهم يعتبرون جيرانا الطوف بالطوف رافضين نسوي لنا درج من طوفهم وبكذا بيكون الباب نفس باب بيت اهله والدرج في صالتهم تهاوشنا على الموضوع وضلت علاقتنا متوتره لحد ماخلص بني تزوجنا عشت معاه شفت اهله شلون يتليقفون في كل شي وامه تتدخل بكل شي وصارت مشاكل والكلام اللي تقوله مايترقع واسامح وارجع وافتح صفحه جديده
ونفس الشي تدخل ونغزات وكلام يسم البدن
طبعا زوجي موقفه من كل هذا ان انا افهم امه غلط وامه ماتقصد وامه تمزح وماعمره حط حد او طيب خاطري بكلمه
وصلت الامور لدرجه ماقدرت اتحمل زوجي انسان عصبي وصوته دايما يعلا على اتفه شي وامه من تسمع صوتي او صوت زوجي عالي جات لنا وتبي تعرف الموضوع
وتصف بصف زوجي وتفط علي كلام
وبقول لكم اخر موقف صار مشكله تافهه وعلا صوت زوجي وامه جت تسأل وش صاير
وقال لها زوجي الموضوع كله وقامت تقول لزوجي الحل انك ماتجلس معاها لانها راح تمرضك اكل واطلع
هذي نصيحتها له وقدامي قالت له الكلام
وصار شد بالكلام بيني وبينها انا اقولها حرام عليك بدل ماتقولين كلمة حق وتقولين لولدك يحترمني
ويقصر
صوته تنصحينه هالنصيحه لحد مازوجي صار يصرخ علي قدام امه ويقولي حتى لو مانصحتني هالنصيحه اصلا انا كنت افكر فيها وان شاء الله بطبقها
وامه تقول ايه اذا بتنرفزك كل ساعه ليش تقابلها
وكبر الموضوع وتجمعت عايلته كلها عندي بالشقه وكل واحد يتفلسف من صوب
واهو ينافخ علي قدامهم
وطردني ورحت عند اهلي وضليت عندهم شهرين
وصارت مفاوضات بين اهلي وزوجي عشان السكن ابوي عرض عليه يدفع له قيمة الايجار سنويا ورفض
وصار يغلط علي وعلى اهلي وسمعنا كلام حسسنا فيه ان احنا قاعدين نطر ونشحد منه السكن
لحد ماوصلت معاه يطلبني بيت الطاعه
وحسبي الله عليهم المحكمه صافين بصف الرجال وكل كلمه والثانيه يقول مو من حقك
ومن حق الرجال تكون له زوجه في بيته مو شهرين هاجرته وساكنه عند اهلها
قلت لهم انا انطردت وانهنت وابي سكن يحفظ كرامتي قالوا كرامتك عند زوجك حتى لو سكنك في غرفه عند اهله وانتي عندك شقه يعني مفصوله عنهم
قلت لهم مشاكلي مع اهله قالوا بسيطه
لاتناقشينه وماراح يعلا صوته وماراح تسمع شي امه وماراح تجيكم وغضي الطرف عن امه لانها جنته وناره وما بتنفعينه انتي لو زعلها
ذلوني حسبي الله عليهم
خيروني ياأرجع معاه ولا بيطلق
في البدايه قلت ماراح ارجع وخله يطلق لكن يوم حسيت الموضوع صحيح بيصير
تراجعت ورجعت معاه عشان عيالي عندي منه بنت وولد
رجعت للهم
امه الله يسامحها مازالت تتدخل بأتفه الامور وانا اسكت وامشي عشان حياتي تمشي
وزوجي الله لايسامحه كل يوم له موضوع
اليوم موضوعه يبي يسافر يشتري سياره من دبي ويوم قلت له فرصه عشان نغير جو قال لا
ماراح تروحين معاي انا بروح معارض سيارات ليش آخذك
تخيلوا يقول بيروح مع شباب ومحلات سيارات ليش تروحين معاي
انقهرت رفع صوته علي وجرحني يقول غصب عنك لو بغيت اروح ماتمسكيني
قلت له تزعلني عشان السياره يقولي بالطقاق
قلت ماني قاعده عندك لو رحت قالي الحقي امك ولو بفيتي شيلي عفشك من اليوم

بس والله وهذا أنا حلفت مايروح ولو راح بسوي مشكله ولاتلوموني يابنات
اكيد بيبات هناك ليلتين على الاقل وهالليلتين اكيد مو كلها معارض سيارات اكيد فيها مطاعم وسينما واسواق
وانا ويني
في البيت أكرف مع عياله
تخيلو لما كنت في بيت اهلي يوم يطردني آخر مره سافر البحرين والكويت والامارات وقطر لف مدن الخليج كلها وانا مو معاه
وش يبي بعد
بنات الحين فيها شي لو رحت معاه بالطياره تفسحنا
وشرى له سياره وررجعنا فيها وين الغلط
يعني الامارات مو مثل السعوديه
عادي المراءه تدخل معرض سيارات وتفتر مع زوجها ما أتوقع فيها شي ليش

رافض ياخذني...





واهي تزيد في كلامها

>>>>> ردود الأعضـــــــــــــــــــاء على الموضوع <<<<<
==================================


صارحيه قولي انا اتمنى اسافر ماحب اجلس بروحي ، وقولي فلانه تسافر مع زوحها وفلانه تطلع وانا ودي نكون مثلهم . من حقك تطلعي وتتمشي


__________________________________________________ __________

وانتي مو غلطانه ابداً ، بالعكس هو المفروض ياخذ الامور بعقلانيه وامه مو لازم تتدخل في الحياة بهذا الشكل ، المفروض هي تهدي الوضع عشان ماتظلم احد ولاشي
والله يعدي سركم


__________________________________________________ __________

باسلوب حلو حاولي تقنعينه وهو راح يحب انك اتروحين معو


__________________________________________________ __________

حبيبتي الرجال ضعاف جداً أمام السيدات جودك شكلو ما يحب المراه العنيدة. لا تمنعيه من السفر قولي له متل ما تبي لاكن انتي بشطارتك ودهاءك ودلعك. تقدري. تخلي يسفرك. معه. وتكسبي لصفك بس بهدوء وحب ودلع ليه. والله يوفقك يا رب


__________________________________________________ __________

انتي مو غلطانه ابداً واكيد أي ام بتوقف بصف ولدها والله يسخره لك ويحنن قلبه عليك بس لاتسكتين له اذا تطاول عليك وعلى اهلك وقفيه عند حده