عنوان الموضوع : زوجي عجزت معاه مجابة
مقدم من طرف منتديات نساء الجزائر

زوجي عجزت معاه



السلام عليكم

اعرض عليكم مشكلتي واسال الله اني الاقي من بين ردودكم حل او مواساة

ادري انكم بشر مثلي ما بيدكم شي بس " ما خاب من استشار "

مشكلتي تتخلص في عيوب زوجي اللي مو قادره اتغلب عليها يعني عنده مشكله فيه نفسه ومشكله في تسلط اهله

تصدقون يا بنات اهله مسيطرين علينا بشكل زايد عن حده لدرجه ما نقدر نخرج نتمشى لوحدنا غير بالدس وينبه عليا ما اجيب لهم سيره مع انهم يخرجون ويتمشون ويروحون ويجون على كيفهم وكمان يجون يحكوني عن خرجاتهم باسلوب مستفز يعني احنا احسن منك واذا قلت لهم ايوه انا رحت هذا المكان قبل شهر على طول تنقلب وجيههم ويسكون ويبان القهر في عيونهم زوجي مو وحيد امه عندها غيره 5 الله يحفظهم وكلهم يخرجونها ويمشونها

ما احب اخرج معاهم كل خرجاتهم يدققون على حركاتي ايش قلت وايش سويت احس اني اتصنع قدامهم الضحكه والهرجه

وغير كذا زوجي في وجودهم يسوي نفسه شديد على وانه ماهو معطيني وجه وان اهم شي عنده امه واخواته وانا اسوي نفسي عادي ماعلي واحيان يطفش من هذا التصنع ويجي يجلس جمبي ويسلم على قدامهم

ويكذب علهم انه يحرمني من صديقاتي ومن حضور الزواجات ولمن يجون يسالوني اقلهم كذاب وهو يكون موجود ورده فعله بس يتبسم

لان امه حاطه في باله ان الرجل اللي ما يعطي الحرمه وجه ويحب امه واخواته

والحين انا نفسي في خرجه لوحدي مع زوجي واطفالي وهو رافض ويقول تبيني اخرجك نروح مع جارنا اللي هو يصير اخوه

احسه يهتم بالناس اكثر مني ومن عيالي اهم شي عنده يداري خاطر الناس واحنا في المقام الثاني عنده

بصراحه تنتابني الغيره لما اشوف الرجال المهتمين بحريمهم وحتى قدام امهاتهم عادي يقول انا احبها وادلعها ماعليه من احد

ويحط زوجته وعياله في المقام الاول


اووه اتمنى تكون وصلتكم معاناتي وفهمتوها

>>>>> ردود الأعضـــــــــــــــــــاء على الموضوع <<<<<
==================================


وصلت مشكلتك وفهمتها

لكن الصدق مره ماعندي حل


__________________________________________________ __________

الله يصبرك حبيبتي عليك بكثرة الاستغفار وربك يعينك ان شاء الله


__________________________________________________ __________

عزيزتي

انا عن نفسي صراحة زوجي عنده ابوه وامه بعدين اخوانه واخواته بعدين انا بعدين عيالنا

ولا عمري زعلت بالعكس انا انبسطت منه لان مامتي كانت تقولي الولد مولود والزوج موجود والاخ مفقود

بس نصيحة اخت تعزك لا تحاولي تقللي من قدر زوجك عند اي من كان سوءاً اهله او اهلك عشان ما يقلل من قدرك

انتي اتقبلي الوضع بس حاولي تغيره مو تتقبليه وتسكتي
تعالي له بأسلوبه اللي يحبه واطلبيه
انتي قولي له ان امه واخواته في المرتبه الاولى وانتي وعيالك في المرتبه الثانيه
وان شاء الله مع الايام يتغير ويتحسن الحال

انا اللي اكتشفته في حياتي ان الزوج اهله عنده كل شيء

والله يسعدكم ويهدي نفوسكم


__________________________________________________ __________


__________________________________________________ __________