عنوان الموضوع : اكره امي
مقدم من طرف منتديات نساء الجزائر

اكره امي



السلام عليكم

انا ما كتبت مشكلتي الا بعد عناء وتعب نفسي
انا باقي لي كم اسبوع واتزوج وامي تحب زوجي وتكلمه كثير وتمثل عليه انها تهتم فيني وتعلمني الطبخ وتعلمني السناعه وهي تكذب وتشوفني اروح السوق لحالي اجهز نفسي وتروح توصف له انها شرت لي واهتمت لي وانها راحت معاي تشتري قمصان نوم وتقوله بنتي بتدلعك دلع وكلللللللللللللله كذب اقسم بلله اني اروح اجهز نفسي لحالي ماتدري عني وماتعلمني شي وهو ماخذ مقلب فيها وانا كرهتها اكثر واكثر سافرنا للشرقيه نشتري اغراض المهم راحت وخلتني بشقه تسلم على قريباتنا الي هناك ومرات تنام عندهم وانا مهمشه بكيت وجتني الشهقه من كثر البكاء ورحت كلمتها وقلت لها هذي مو تصرفات ام قامت ضربتني وقلت لها اني اكرهها ما اطيقها وكررتها لها لاني من قلب قلتها انا اكرهها كره مو طبيعي واقول لابوي اني اكرهها يقول اصبري يابنتي كلها فتره وتروحين وفوق هذا اني بتغرب اقل شي سنه مابتشوفني وماهي مهتمه فيني وماتحبني زي خواتي وتخيلوا تحب تكسر فيني مره قالت لاختي انها اجملنا رحت وقلت وانا ؟ قالت انتي اشين بناتي وتتكلم عن طبعي واخلاقي كثير واني مغزلجيه وماني مؤدبه طبعا هذا ماضي وامس كررته قدام اخواني الصغار وانا الحين متزوجه ليش تقولي كذا ليييييش ؟
وامس دق زوجي ورحت قلت له امي بيني وبينها مشاكل وتقول ماتبي تحضر زواجي قام هو قال امك تبي تقهرك بس مافي ام تسوي كذا وقلت له ابيك تخفف سواليف مع امي لانها تتكلم كثير وتعلم الكل بالي بينكم وعلمته كم سر بينه وبين امي صدق انتشر . قام قال انا اكلم امك واحترمها عشانك غير كذا مالي علاقه فيها وخلاص انا بخفف منها مره بالاسبوع ولا الاسبوعين بكلمها وقربت اخذك وبتكونين معاي للابد ومحد يزعلك. لان زوجي يفهم ومو غبي وكم مره امي تلمح له اني عاقه واني ارد عليها وتقولي حسافه فيك هالرجال يعني تحب تكسر فيني مع ان زوجي انسان راقي وولد ناس وتضبط نفسها معاه وانا كارهتني ماتحبني ولا ساعدتني بشي اقسسسسسسسسسسسم بلله يابنات اني اكرهها وماني قادره استحمل شي منها تكفون انصحوني وساعدوني بالي تقدرون عليه انا صغيره واحس قلبي يوجعني من الي تسويه فيني امي والله انا حزينه وامثل اني مبسوطه وخصوصا مع زوجي بالجوال واذا شفته اقوله امي شريره صح بس احبها واعشقها وصح ابيك تخفف منها بس عشان مابي تكبر السواليف بينكم وكثرتها تسبب مشاكل يعني جبتها بالطريقه ذي اني مابي مشاكل وعرف اني متهاوشه مع امي .. تشوفوني غلطانه ولا وش رايكم بالامانه ولي يومين ماتكلمني هي واذا مريت تقول الله ياخذ عمرك

الله يوفق الي ترد وتساعدني انا مهمومه مره

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الا بالله


__________________________________________________ __________

الله يفرج عليك بس ليش تفضحين بامك عند زوجك كذا بتفهمينه اولا انك لازلتي بعقلية غير ناضجه تختص باسرار بيتها وسيئة العشرة لاهم واقرب انسان عندها يعني من السهل تجحفين وتفضحين بغيرها الشئ الثاني بيفهم انك مابتفارقين بالصفات عن صفات امك اسفه انا داريه باللي تحسين فيه بس الرجال بيعرفك بالبدايه من كلامك وبيفهم جوانب من حياتك وتصرفاتك ـــــــــــ هذا اللي اشوفه والله ييسر امرك


__________________________________________________ __________

الله يكون بعونك


__________________________________________________ __________

اختى الله يييصلحك اممك

ماعرف ليشش تعمل هييك

وانتى المفرووض ماتشتكى لززوجك

واسمعى كلالام ابووكى اصببرى خلاص رح تتزوجى

وتروحى مع زوجك

ولاتحااولى تسوى اي مشششاكل مع امك

وكونى عل طبيعتك

وادعى الله

واسسستغفرى

الله يكوون بعوونك

اختى

مبببببببببببببببروك مقدمآآآآآآآآ
^_^


__________________________________________________ __________

بسم الله الرحمن الرحيم

تعالي بمسكك مع اذنك .... قرررررررررررربي
ياماما امك ثم امك ثم امك ؟؟؟؟؟
قليبي اخطائتي بثلاث اشياء اولها مهما اسائت تذكري باعماقها تحبك وتموت لو جاك شيء ماعليك من قساوتها الظاهره
ثاني غلط ابوك باسلوبك بيكره امك ؟؟ والله لو تقطعني ماشكيتها لاحد بالذات ابوي شريك عمرها
ثالث غلط واكبر غلط ؟؟ زوجك ليه تفتحين له باب على امك بكره يقول انتي مثل امك مهما بلغ في طيبه يقلب بيوم عليك كبري امك بعينه مهما صار علميه يحترمها لاقدر الله لو صار بينك وبينه مشكله من بيوقف معاك ؟؟؟ امك اقله احترامه لها يخليه يحترمك لاتجرأين مخلوق مين ماكان على امك تذكري الجنه ورضى الله من رضاها
يابعد عيني فيه امهات مو كره لكن نسميها بلغتنا رفلا او بارده غير مباليه مفهييه كتبتها بككل اللغات ههههههه السعوديه ماعندها حسن تصرف لكن والله لو تدخلين قلبها لك فيه الكثير والكثير
تدرين ليه تدعي عليك مو كره والله اثبتت بدعائها انها تحبك اقولك ليش بنظرها تشوف انها تحبك ليه انتي كذا معها بتعاملك وتنقهر لان اللي بقلبها عكس اللي انتي تسوينه كيف احبها وهي تسوي مشاكل معاي وتقوم تدعي عليك وعلى قدر حرتها تدعي من كثر حبها لك
وكل ام ومافي ام اتوقع ماسبت ولعنت وضربت عادي ام ام يابنت هذي امك قدرك من قدرها تخيلي زوجك يكبر بامه ويمدحها وانتي تسبين بامك وتلمحين بانها حقت مشاكل خليه يحب اهلك عشان يحبك يحب امك عشان يحبك مايقول انتي نسخه من امك وانتي قلتي في امك كذا وكذا ووجهك يطيح بكره عندها مهما صار ماحد بدنياك احن عليك منها تعبت عليك عمرها كله عشان تجي تكرهك سبحان الله من تفكيرك ترى الزعل يدفع ابن ادم لتهيأت غير منطقيه
قومي وبوسي يدها ورجلها مو شينه واطلبي رضاها ربي يباركلك في زواجك واولادك وحياتك ويومك
قومي وقوليلها لو قطعتيني عناد فيك باحبك
قولي لها الله لايخليني من مشاكلك بضحكه بس اهم شي تكونين حواليني ومافقدك في يوم
ياماما ترى مالها الا انتي وخواتك صيرو مثل الحبل اللي يشد بعضه
تصدقين بالله زوجي من حبه لامي مايبيني ازعل ويحترمني ووووو كله عشان ماينحرج قدام امي وبعد ماماتت الله يرحمها يقول لو كانت عايشه ماعملتي كذا واحيان يتمنى وجودها عشان يشتكيني عليها
ههههههههههههههههههه حسيتني مجرمة حرب
الام الام الام مثل المحاره خارجها يكون قاسي ولكن لتحمي داخلها ونحن اللؤلو افهم يافهيم
الله يطول بعمرها ويخليها لك واعذريني اسلوبي عفوي واحس الناس مثل اهلي واعتبرك اختي الصغيره وزعلي والله لصالحك يابعد قلبي
اختك شماليه كفووووو