عنوان الموضوع : انا اكره امي
مقدم من طرف منتديات نساء الجزائر

انا اكره امي



امكن انتو تستغربون معقوله فيه احد مايحب امه
وراح تستغربون اكثر اذا عرفتو ليش انا مااحب امي وامكن ماراح تصدقون كلامي او تشوفون اني ابالغ فيه
بس ورب الكعبه اني راح اكون صادقه بكل حرف اكتبه
انا ماني عارفه من وين ابداء
بس كل الي اعرفه اني قاعده اكتب الموضوع وانا ابكي ومقهوره
عمري ماحسيت انها امي
طول عمرها تعاملين بقسى
عمري ماافتكر انها ضمتني اوسلمت عليه اوقالتلي اقل شي يابنتي
فتحت عيوني وامي مقسمتنا احزاب
حزب تحبهم وتموت فيهم وتخاف عليهم من نسمة الهوا
وحزب عادي عندها
وحزب تكرهم
انا كنت من الحزب الي امي تكرهم
وفوق هذا كانت شخصيتي ضعيفه
كنت اي شي اسوي على طول امي تصفقني على وجهي
حتى اخواني اذا تخاصمت مع اي احد فيهم على طول توقف معاه بدون حتى ماتسمع الي صاروتخليه يضربني
صرت انسانه ماعندي شخصيه ومهزوزه
ورب الكعبه انها كانت تنزل السوق تشتري لاخواتي كلهم الا انا واذا قلت لها لي ماجبتيلي تقول نسيتك
كنت انقهر واجلس ابكي ليش تفتكرهم وانا ماتفتكرني
كنت احس بالفرق الكبير بيني وبين اخواني
اخواني الي تحبهم اي شي يطلبونه تجيبه على طول وحتى اذا سو مشكله ماتعلم ابويه عشان ماينضربون بس انا كانت تسوي معايه العكس
كنت دايم انضرب وانهان
مره كنت اولى ثنوي وغبت من المدرسه وامي كانت تبغاني اداوم
تدرون اش سوت فيه
حرقتني بالنار
تصدقون ان فيه امي تحرق ضناها
انا امي حرقتني والله عمري ماانسا هذا الموقف
حرقتني وحده في رجلي في القدم من فوق والثانيه في يدي على الكف من ورا
لدرجت ان الي في رجلي كانت حمرا وتنزف ومره كانت كبيره
وهيه ماهمها ولا حتى فكرت توديني المستشفى او على الاقل تعقمها
لا كانت فرحانه بالي سوته
كل يوم كانت تعاملني اقسى من اليوم الي قبله
كبرت ودخلت الجامعه وكنت اطلع من الجامعه العصر وارجع البيت وانا تعبانه
واول ماانسدح عشان انام
على طول تخاصم وتصيح وتطفي المكيف وتقومني ارتب البيت
كنت اترجاها من التعب اقلها انام وبعدين اصحى ارتب
تقول لا الحين ترتبين
كنت اشتري لها هدايا من الجامعه وبعد فترها الاقيها اعطتها احد ثاني
مع ان اختي الي امي تحبها لماكانت تجي من الجامعه امي ترتب لها شغلها عشان اذا جات تنام
تخيلو اني صرت في الجامعه وهيه باقي تضربني وتمد يدها عليه
كانت دايم تسبني وتدعي عليه بدون سبب
لدرجة انها كانت تقلي انا اكرهك
والحمدلله تزوجة وطلعت من البيت
بس كان باقيلي ترم في الجاامعه ولازم اكمله عند اهلي لاني كنت ساكنه بمدينه ثانيه وكنت وقتها اتوحم وما كان عندي دوام الا يومين في الاسبوع
تدرون امي اش كانت تسوي كانت تصحيني الصباح تقلي يالله قومي رتبي البيت
اجل تجلسين عندي كذه بدون مقابل
والله العضيم اني كنت اقوم ارتب البيت وانا تعبانه بالعافيه اوقف
وانتو عارفين الوحم زين
وفوق هذا كان اذا احد من اخواني يبي فلوس تقله روح خذ من فلانه
والحمدلله خلصت الترم وتخرجت
بس باقي امي ورايه
اي شي يصير تروح تعبي ابويه عليه ولمااتصل على ابويه الاقيه يخاصم ويصك الخط بوجهي
وهيه والله فوق ماتتخيلون حاولت اتقرب منها
فلوس واعطيتها هدايا وجبت لها كل شي سويته عشان تحبني
بس هيه تكرهني على قولتها
والحين كل مادقيت عليها اسالف معاها على طول تقلي مع السلامه وتقفل الخط وانا باقي اتكلم
دايم تكسر بخاطري
والي زاد الطين بله ان اختي الكبيره امي تحبها مره وتسمع كلامها وهيه مستغله هذا الشي وتسوي مشاكل معايه انا واخواتي الثانين
وامي توقف معاها بالضلم
واذا دقيت على امي تهزئني وتقفل الخط في وجهي
واي احد تصير بيني وبينه مشكله تدق امي عليه وتقله انا عارفه ان فلانه هيه الي غلطت عليكم وتتعذر
ودايم توقف مع الناس ضدي
لدرجة اي شي يصير معايه تجلس تتشمت فيني وانا اسمعها
تعبت منها
وانا الحين ساكنه في مدينه ثانيه وتجلس تسب فيني دايم وتدعي عليه بدون سبب
وتسب في زوجي مع ان زوجي اطيب واحد في ازواج اخواتي
تخيلو انها اكثر من مره تدعي على ولدي انه يموت وانا اسمعها
خلاص احس اني كرهتها ومعد احس ان فيه شي يربطني فيها
احساسي اتجاهها مات
وفيه اشياء كثير ماقلته
نفسيتي تعبانه ودايم اجلس ابكي

>>>>> ردود الأعضـــــــــــــــــــاء على الموضوع <<<<<
==================================


الله يهدي لك امك يارب ويحنن قلبها عليك


__________________________________________________ __________

اختي الغاليه انا سمعت واعرف ان فيه امهات قاسيات ويمكن امك فيها شي انتي ماتدرين عنه ؟؟
يعني انتي لو فيك حاله نفسيه راح تتصرفين بشي انتي ماتعقلينه ؟؟تبغين عيالك بكرة يقلبون عليك ومايعطونك فرصه ممكن امي تعبانه ممكن امي مريضه نفسيا ممكن امي صادفتها مشكله يوم كانت صغيرة وماثر فيها وفي اسلوبها الخاااطئ
شوفي يالغاليه اذا امك قاااااااسيه لها الدرجه اسمعي كلاامي بحذافيرة اذا تبين الجنه واولااد بكرة يبرون فيك لانك اذا قويتي على امك فلااتتستعجلين فعيالك ماهم اشطر منك !!
الدنيا سلف ودين

وانا اقولك كيف تعاملينها
عامليها بما يرضي الله اولاا لاتقاطعينها واهديها وعيالك يبوسون راسها ويدها حتى لو صدت
كثر الدق يفل الحديد
المكالمه بالتلفون لاتطولين معها كيفكم واخباركم ومع السلاامه ؟؟
اذا تبي اخبارك راح تسالك واذا ماتبي ؟؟خليها على راحتها
الايام راح تخليها تشتاق لك وتحن وتسال
اصلي خالاتك وعماتك .....وادعي بصلااتك وحتى باوقات الاجابه ان يلين الله قلبها عليك
والله يخليك لها وتشوفينها راجعه لك ان شالله


__________________________________________________ __________

خليكي مع زوجك لى طووول

واهلك زوريهم مع زوجك زيارة وروحي على طووول وطبعا اكيد لاتقطعينهم

والله يعينك
الله يعييييييييييييييييييييييييييينك


__________________________________________________ __________

والله انها مصيبة
الله يعينكِ


__________________________________________________ __________

الله يهديها ويحنن قلبها عليك

بس اختي هذي مهما نكون امك....

حاولي انك ترضيها


ان الجنه تحت اقدام الامهات ..



فمابلك با الرضاء

اللهم اجعلنا من البارين بوليدينا


تحيياتي...