عنوان الموضوع : والله تعبت ساعدوني
مقدم من طرف منتديات نساء الجزائر

والله تعبت ساعدوني



السلام عليكم ورحمة الله وبركاتة
مشكلتي خالتي تكرهني وتتمنى اموت والله اني ماسويت لها شي تحب تجرحني بكلامها رحت عند جداني وكانت هي هناك عندها بنت عمرها4تخيلو يوم جيت تقولي انقلعي بيت ابوك ليش جايه جعلك المرض واذا تجمعنا انا وبنات اقاربي اللي هم بنات خيلاني وبنات خالاتي الباقي تقول لهم هلا وغلا وترحب فيهم الاانا والله لايحرمني منكم ومن هالكلام كل ذا عشان تغيظني بس انا اتضايق اذا شفتها تعامل بنات خالي وبنات خالاتي بزين وانا بالشين طيب انا بنت اختها ليش تعاملني كذا ومعا امي تمام وعادي الا انا والله اني ارسلها بالواتس رسائل حلوه بس ابدا تكرهني وتنافق على عند بنات خالي تقول شوفوها ماتحبكم ومادري ايش من زمان من يوم انا صغيرة اذكر مرة وانا عمري 6تفلت في وجهي الله لهذا الدرجة تمنى موتي الله يحرمها عافيتها وصحتها يارب فأن في قلبي جرح منها صارت هي والزمن على ساعدوني الله يعطيكم الاجر ايش اسوي

>>>>> ردود الأعضـــــــــــــــــــاء على الموضوع <<<<<
==================================


طيب حاولي تعرفين الاسباب مو معقول تكرهك كذا واسألي امك ليش خالتي تكرهني واحسن حل انك تتجاهلينها ولاتفكرين في هالموضوع كثير ولاتشغلين بالك وخلي علاقتك فيها رسمية يعني بحدود السلام والتحية ولاتسترسلين معاها في الحوار عشان مايجيك قصف من صواريخها وانتي بكذا تكونين سويتي اللي عليك واذا هي مصممة على كرهك عاد الشكوى لله انتي مابيدك سلطة عليها


__________________________________________________ __________

خالتك تصرفها غريب معك وأكيد في شيء مؤ طبيعي. أجل تكرهك من غير سبب ؟! يمكن امك تعرف شيء أسئلي امك ؤحاولي تعرفين السبب ؤحاولي تتفأهمين مع خالتك واسئليها عن سبب كرهها لك. ممكن فيه سوء تفاهم. ممكن يكون أحد قال لها كلام غلط عنك. كلام غلط بحقها ؤلاشي. إذا مافي سبب ممكن تكون غيرانه منك تغار من تفوقك مثلا أو جمالك. أو سبب ثاني. إذا هي غيره وحسد لاتهتمين ولأتضايقين صدرك. طنشيها. وإذا قابلتيها مؤ تتضايقين بالعكس أضحكي وابتسمي وقهريها هههه. لاتشيلين همم.والله يهدي خالتك ويسامحها. والله يوفقكك


__________________________________________________ __________

إدي الواجب في السلاام وطزززز. مو لازم تحبك. اهم شئ يا قلبي كرامتك. تجاهليها وشغلي نفسك مع البنات وحاولي تتجنبينها. في ناس تحب تستفز الآخرين. منتي مظطره تجالسينها. المحبه. وكسب قلوب الناس شئ صعب حتى من اقرب الناس لك. فلا تتعبني نفسك. وطنشيها. أدا هي ما حبتك. وتتمنا لك السوء. خلاااااااص. اش ابغابها ادور رضاها. لا حبيبتي. ما يهمك عيشي حياتك. وطنشيييييي. بس اهم شئ انك تسلمين عليها وتتجنبينها بعد كذا. بالعكس إذا شافتك مطنشتها بثقه مو خوووف بتحل عنك وتقلل من استفزازك


__________________________________________________ __________

اكيد في سبب يخليها تكرهك ... يمكن عندها مشاكل مع ابوك او شي من الماضي ... بس ادعي لها بالهداية ...


__________________________________________________ __________

أنا كانت خالتي تعاملني كذا .. تقعد تقول شوفي فلانةة أحلى منك شوفي ذي أعقل منك ودائم تحاول تحطمني .. لكن كنت اتجاهل واقولها إيه عارفةة ومن ذا الكلام .. وارتحت صرت ماعأد اتحسس زي أول سوي مثلي وجربي