عنوان الموضوع : تعبت والله تعبت من.....أماانة ساعدوني
مقدم من طرف منتديات نساء الجزائر

تعبت والله تعبت من.....أماانة ساعدوني



بسم الله الرحمن الرحيم
السلام عليكم ورحمة الله وبركاته
احوالكم بنوتات؟؟؟عساكم بخير ..
بنات والله مالي غيركم من بعد الله ...بنات تكفوون اقروا مشكلتي للنهاية وساعدوني لاني والله تعبت..بنات انا طالبة هادية ومتفوقة وخلوقة ولله الحمد ولا معلمة ولا طالبة تشتكي مني وهذا من فضل ربي ...لكن ع كل هذا في معلمات ما يعاملوني بإحترام ابدا ...واخص بكلامي معلمة من معلماتي تعبت والله وانا صابرة ع اسلوبهااا معااي ..كرهت المدرسة بسببها يعني في السنة الي فاتت ماغير تخزني ..طول السنه تخيلوا تخزني ولا ادري شنو السبب لكن طنشت السالفة ما حبيت اكبر الموضوع..وهذي السنة صاارت اسوء من قبل صاايرة تطنشني لمن اشاارك وتعصب علي بدون سبب حتى من تصرفاتها احسهاا ماتبلعني رغم اني مو كثير اتعامل معهاا كلمت صديقاتي عنهاا وقلت لهم الموضوع وقالوا لي كلميهاا طبعاا ترددت في البداية لكن صار اني احتجت اسئلها عن شي مو عارفته وقلت خل استغل الفرصة واكلمها طبعاا ما قلت لها عن تصرفاتها بس سئلتها عن نفسي ....انصدمت ياااابنات من كلاااامها صدمة كبيرة قعدت تمدحني مدح لدرجة اني مااستوعبت الي تقوله لدرجة صديقاتي لين قلت لهم ماصدقوني ...لكن يابناات هي الى الان معاملتهااا ما تغيرت يعني لمن تبتسم وابتسم لهاا "الابتسامة في وجه اخيك المسلم صدقة"احسهاا تتضايق او...مش عارفة شنو اقول لكم بس يعني انهاا مو بالعتني ابد يعني مرة كلمتني خلصتي الشي الفلااني قلت لهاا اي وابتسمت هي ابتسمت متغصبة يعني ماادري وش اسوي وحتى لمن اتكلم مع صديقتي بصوت خفيف تهزئناا ع الرغم ان البنات صوتهم اعلى واللي قاهرني اكثر انهاا مستحيل تطالعني وهي تشرح ليه ماادري <<مو المشكلة هنا المشكلة انهااا استفزني اسلوبها يعني كان في الفصل ثلاث بنات يشاركون وانا من ضمنهم تقول بس فلانة وفلانة يشاركون والباقي ..طيب وانااا من ضمنهم ومطنشتني ليه ع الرغم اني قداام وهي قبالي ولا ع بالهااا...لا تقولون طنشيهااا طنشتهااا بما فيه الكفاية لدرجة اني تعبت ..ولا ابي اكلمهاا مرة ثانية لان المرة الاولى لمن كلمتهاا دخلت علينا الفصل اليوم الثاني وهي معصبة وتعلق ع بعض الاشياء الي كلمتها فيهاا بس بطريقة مش مباشرة لدرجة اني ندمت اني كلمتهاا...تكفووون خواتي عطوني حل ؟؟كيف اتصرف معهااا؟؟

>>>>> ردود الأعضـــــــــــــــــــاء على الموضوع <<<<<
==================================


افففففف من المدرسات وحركاتهم البايخه

انتي ليش مهتمه خلها تولي هي مجرد مدرستج بالفصل لا اكثر ولا اقل لو انا مكانج

بطنشها يعني من تدخل الكلاس تشرح لين تطلع كانه مالها وجود ولا برفع ايدي يوم تسأل يعني حدي اركز ع الشرح وافهم عشان مصلحتي

مريت بنفس هالحاله م قبل بس كل اللي سويته اني كنت احضر الكلاس وانا محضره الدرس عشان اذا فكرت تسألني اجاوبها واحرق دمها عشان لا تفكر تفشلني جدام البنات في الكلاس .. بس ما كنت ارفع ايدي ولا اتفاعل معاها في الكلاس يعني م الاخر طنشتها وعقب ما انا تغيرت عليهاا هي بروحها غيرت تعاملها معااي وصارت تحترمني وتعاملني احسن معامله ..

شوفي يالغاليه انا بقولج هي ليش تتعامل معاج بهالاسلوب حسب كلامج طبعا :

السبب الاول : احتمال تكون سامعه عنج كلام يعني من مدرسه او طالبه وخذت فكره غلط او حقدت عليج بس طول الفتره اللي درستج فيها ما مسكت عليج الزله لهالسبب ما عرفت ترد عليج يوم واجهتيها وبينت العكس

السبب الثاني : يمكن من الله ما حبتج سبحان الله تصير في ناس ما نتقبلهم ف حياتنا من غير اي سبب

السبب الثالث وطبعا مو من راسي بس لاني قريت عن حالات مماثله: يمكن تكون معجبه فيج ومب عارفه تعبر او خايفه تبين هالاعجاب ولهالسبب تحاول قدر ما تقدر انها تتفاداج ولا حتى اطالع بعينج يعني م الاخر هالتطنيش كله عشانها خايفه تفضح مشاعرها الغير سويه

والسموحه ع الاطاله بس خذيها مني يالغلا ابتعدي عنها وطنشيها لانه ما بييج من وراها غير عوار الراس

اتمنى اكوون فدتج


__________________________________________________ __________

ياربي لك الحمد ذي من حطها معلمه
أسمعي يا أختي ماعليك منها ولا تهزك
أهم شي شدي حيلك في الماده هادي وأعمي عيونها بدرجاتك في الامتحانات وأكسري خشمها بمشاركاتك في الحصه
لأتقولين ماتخليني أجاوب مو مهم تقومك تجاوبين المهم تشوفك تشاركين لأن المشاركه عليها درجات
انتي من ناحيتك خليك مضبطه أمورك وفي حصتها قللي السؤالف
وترا أقصاها معلمه يآقلبي لا هي امك ولا هي صديقتك حتى
مووووووفقه فديتك ربي يرزقك النجاح وتبيضين وجه أهلك يااااااااااااارب


__________________________________________________ __________

طنشششششششششششششششششششششششششششششي اهتمي بعلاقتك مع زميلاتك ام هاالمعلمه اذاهي شخصيتها ضعيفه واحد قاله شي عنك مو فيك فهي الخسرانه لانه معلمه غير كفؤبصراحه الله يهديها


__________________________________________________ __________


__________________________________________________ __________