عنوان الموضوع : كرهت زوجي كره فظيع (فضفضه) -تم الاجابة
مقدم من طرف منتديات نساء الجزائر

كرهت زوجي كره فظيع (فضفضه)



ما ابالغ لو قلت لكم زوجي حفى عشان اوافق عليه ما تتصورون الاغراءات الي قدموها اهله لي عشان اوافق عليه رفضته المره الاولى المره حاولو يقنعوني باي طريقه واخته صادقتني وقالت اخوي يوم امي كلمته عشان يتزوج قالها اذا بتزوجيني زوجني فلانه وسالتها من وين يعرفني قالت والله مارضى يقول لنا وهو الي جاب عنوانك وكل شي عشان نجي نخطبك وكانت تلمح وتحاول معي وقلت لها اذا انت صرتي صديقتي عشان اخذ اخوك بس اسمحيلي مابي هالصداقه زعلت وقتها وتضايقات وقالت والله انك تنحبي غصب وماالوم اخوي فيك المره الثانيه خطبوني وترجوني عشان اوافق ووافقت طلع يعرفني من مكان العمل بس مابحياتي كلها انتبهت له لانه يشتغل في قسم الهندسه وافقت والحمدلله حياتي جميله بس الشي الي ضايقني وخلاني انفر منه هو ان اهله كل شي في حياته هالشي حلو بس مو لدرجة اني صرت احس اني اخر اهتمامته العمل واهله اهم شي هذا حق اهله عليه بس بعد انا لي حقوقي الخاصه
مثلا يوعدني اليوم بنطلع انا واياه تدق عليه اخته تقوله ابيك توديني مكان يقولي بروح اوديها بعدين بوديك امه تتصل فيه تعال وديني ماادري وين يروح يوديها يعني ياجل اي شي انا واياه متفقين عليه عشان يودي اهله
والي قهرني اني رحت على الدوام لقيتهم مسوين لي حفله كبيره جايتني ترقيه وحبو يسون لي مفاجاه ومن الصغير للكبير حتى عاملات وعمال النظافه حاضرينها مسويهنا في قاعات الاجتماعات رجعت البيت محمله هدايا شافني سالني وش هذا قلت له الموضوع وانا مبسوطه رد علي ببرود مبروك تستاهلين وسكت قلت يمكن هو من النوع الي ردت فعلهم عاديه بس بداخلهم فرحانين
اخته تخرجت تخيلو حجز لها بفندق وعزم كل صديقاتها وسوى لها حفله كبيره وكان مبسوط على الاخر من الفرحه الكل كان يقول على الحفله الي مسويها كانها حفلة خطوبه الكل كان يقول كانها خطوبه مو حفلة تخرج كان مبسوط ومستانس ويتكلم عن اخته طول الوقت وانا الي تجيني ترقيات وتصير عندي مناسبات مافكر يسويلي شي كنت طول الوقت ماسكه نفسي بصيح خلاص

هذيك المره طلعنا للغدا تونا ما مرت نصف ساعه بالمطعم قالي يالله بنروح قلت وين قال بروح اخذ اختي اوديها قلت ليه مايوديها احد من اخوانك القاعدين او ابوك او السواقين يعني انت متزوج مو اعزب عشان كل مره تودي خواتك وتجيبهم قالي وش فيك عصبتي خلاص مابوديها ماكملت غدا انسدت نفسي وقلت له خلينا نروح البيت


من بعدها مو طايقه اشوفه او اكلمه والا اخليه يقرب مني وهو يقولي وش فيك متغيره علي اقوله والا شي مرهقه ابي ارتاح مره حسيت بتعب بالدوام اتصلت عليه عشان يوديني قالي مشغول ما اقدر بخلي اهلي يرسلون لك السواق ارسلو لي السواق

وبعد يومين رحنا عند اهله فقالت اخته والله ذيك المره طلعت انا وفلان تغدينا ورحنا السوق كانت وناسه قلت متى قالت يوم الاثنين انا خلاص حسيت اني بقوم اذبحها والله اني كرهتهم كره فظيع وشديد هو نفس اليوم الي الي دقت وقلت له اني تعبانه وقالي مشغول مايقدر ليش يكذب علي ليش يهتم بخواته
قلت له ودينا بيتنا قالي ليه خلينا قاعدين قلت له قوم وديني البيت مابي اقعد عند اهلك قالي احد مزعلك مضايقك قلت قوم يعني تقوم وداني البيت قالي وش فيك معصبه
عسى ماشر من ضايقك زعلانه من شي
قلت له لين صرت اخر اهتمامتك وانك تاجل اي شي يخصنا عشان اهلك وتصير تكذب علي عشانهم وماتهتم فيني بسببهم ماتبني ازعل
قالي انت متغيره علي عشان هالسبب البسيط
قلت لا والله انك تكذب هذاك اليوم ادق عليك اقولك تعبانه تقولي مشغول وفي الاخير تطلع انت واختك مشورين قالي والله صدفه صار الموضوع بالغصب قلت له مو اول مره كذا مره ولين قلت لك خلي احد يوديهم مايعجبك وتتضايق لهم حق عليك بس مو لدرجة انك تهملني
بصراحه انا كرهتك كرهت كل شي فيك حتى اهلك كرهتهم بسببك انت ناسي الاشياءا لي سويتها ورجاكم عشان اخذك وفي الاخير هذه سواتك كل حياتك واهتمامك في اهلك ليش تتزوج ليش تسولي لهم اي شي يبونه وانا ماكاني موجوده
بكى واعتذر مني وقالي انا متعود على هالشي وخواتي مايحبون يروحن الا معي قلت والله خواتك وانت لازم تفهمو انك متزوج الان وان عندك اخوان قاعدين في البيت لا شغله والا مشغله غير السواقين الي جايبنهم منظر مثلا وابوك موجود ليه يتصلون فيك

ترجاني وكان يبكي ويعود انه يتغير رفضت وقلت له توديني بيت اهلي والله العظيم مارح اقدر اعيش معك ان ماوديتي بروح انا او بخلي اهلي يجوني قالي مافيه تروحين خليك عندي
مارضى يوديني خليت اهلي ياخذوني
ويتصل علي مارديت سكرت جوالي واليوم الثاني جى عند اهلي مارضيت انزله وابوه وامه جت مارضيت قلت لاهلي مابي اشوفهم يعني ماابي اشوفهم
والله يابنات كرهته كره فظيع مابي اشوفه والا اشوف اهله ابيه يتركني خلاص حسيت اني خذيت مقلب ترى الكلام هذا شوي من الي كان يسويه حتى لو كان يحبني وش فايدة الحب من دون اهتمام احس نفسي عافته مابيه ماودي اشوف وجهه حتى والا اسمع صوته وطول الوقت بس اقول وش الي خلاني اوافق عليه يوم خطبني مره ثانيه لو اني رفضته كان ماتعرضت لهلامور

>>>>> ردود الأعضـــــــــــــــــــاء على الموضوع <<<<<
==================================


تاكدي الي مافيه خير ل اهله مافيه خير لك بالعكس زوجك كفوو وطيب
بس العيب فينا حنى ي الحريم اذا تزوجنا نبي ازواجنا لنا بروحنا واهلهم مالهم حق عليهم
عموماإ منتي مجبوره عليه تطلقي منه خخل يلقى وحده تحنن قلبه زياده ع اهله مو تغار منهم
موفقه^_^


__________________________________________________ __________

المشاركة الأصلية كتبت بواسطة فزة شوق
تاكدي الي مافيه خير ل اهله مافيه خير لك بالعكس زوجك كفوو وطيب
بس العيب فينا حنى ي الحريم اذا تزوجنا نبي ازواجنا لنا بروحنا واهلهم مالهم حق عليهم
عموماإ منتي مجبوره عليه تطلقي منه خخل يلقى وحده تحنن قلبه زياده ع اهله مو تغار منهم
موفقه^_^

اعووووووذ بالله يالنحيسه ردك بايخ ماتفهمين وش مكتوب اصلا
تقولك ساحب عليها مره مزودها عندهم اخوان ثانين يودونهم وسواقين ليش يتصلون فيه

اقولك ارجعي ليه واشترطي عليه ما يروح لاهله الا اذا مافي احد يوديهم

تعوذي من ابليس صح حركته سخيفه يخليك تعبانه ويروح مع اخته بس انت اشترطي عليه


__________________________________________________ __________

استهدي بالرحمان

ابقي شوي عند اهلك حتى ترتااح نفسييتك

وكل شيء بالتفااهم والترااضي ان شااء الله

يمكن الان هو ندماان عرف غلطه
وان شااء الله اقعدي معه وتفااهموا

ومثل ما قالت اللي قبلي اللي ماافيه خير لاهله ما فيه خير لك

وانتي الوحييدة اللي رااح تدومي له
ان شااء الله خوااته رااح يتزوجو شيء يووم
وينشغلو ويلتهو بحياااتهم

وان شااء اله ربي يقدملك اللي فيه الخير
ونسالك الله لك ان يفرج همك ويسخرلك زووجك ياارب


__________________________________________________ __________

الله يعين


__________________________________________________ __________

لن اقول كما قالو لك الاخوات..... فلكل واحد منكم له حق الاهل وانتي واذا بغي حق علي الاخر اصبح ظلما وواجبك ان تعودية علي ما تحبي كما يقال حقا الزوج علي ما تعود والابن علي ما تربي استريحي عند اهلك حتي تهدئي ثم عاتبية وليعرف طبعك وربنا يصلح لكي الحال