عنوان الموضوع : زوجي ما يشوف حقيقتي (فضفضه) -تم الاجابة
مقدم من طرف منتديات نساء الجزائر

زوجي ما يشوف حقيقتي (فضفضه)



عشت طفوله مراهقه صعبه بيئتي وظروفي كانت صعبه غير ابوي توفى ما ترك لنا شي و بالتالي صدقات الناس والناس الي كانت تجيب لامي شايب غني عشان يتزوجها ويصرف علينا واشياء اكره اتذكرها خلتني جديه رسميه علاقتي سطحيه مع الكل تقريبا ما عندي اصدقاء يمكن بس صديقه واحده معتمده على نفسي اشكر ربي لان ماشاءا لله تغيرت ظروفنا وتحسنت كثير في عملي الكل يسوي الف حساب وما احد يغلط معي او يهمل شي ولين وكلت احد بشغله يسويها بسرعة البرق هدوئي و رسميتي خلتهم ماخذين عني فكره اني شديده وصارمه
تعاملي راقي معهم واكلمهم باحترام واطلب منهم الامور بادب واي احد فيهم او غيرهم عنده ظروف صعبه اساعده وما ارد فقير
طبعا زوجي كان يشتغل بقسم ثاني مختلف عن قسمي بس يحتاجونه عشان التقنيات الي فيه شافني اكثر من مره وحاول يتكلم معي بس ما كنت اعطيه وجه وكان يسمع عني وعن كيف علاقتي بالناس واني غامضه وهاديه رسميه جدا احاديثي مختصره مافيها لا مدح او مجامله او نفاق وينطبق علي المثل احذر شر الحليم اذا اغضبته
ومع كذا طلبني وما خلى وسيله عشان اوافق عليه حاول كل المحاولات عشان اوافق فقلت له شوف شخصيتي الي تشوفها هنا هي نفسها باي مكان ثاني انا احب الهدوء اميل للوحده اكثر ومارح اتغير وضحت له اكثر من امر ووافق
قالي سوي الي تبين المهم اتزوجك
وافقت وتم الزواج واعامله معامله محترمه ويظهر في تعاملي معه حبي له وقايمه بكل واجبته وفعلا حبيته
الان بعد كل هالسوالف الي صارت ومضى كم شهر صار يلمح اني لازم اتغير واصير اجتماعيه اكثر واحضر كل عزايم عيلته واعراسهم وغير كذا يبني كل ما راحو خواته مكان اطلع معهم
ادري انه يبني استانس و اتمشى ومايبني اقعد في البيت ساعات طويله لحالي بس هذا الجو مو جوي وبعدين خواته سوالفهم مو ذاك الزود سوالف الحريم فلانه راحت فلانه جت شرت سوت تزوجت مالي خلق لذي السوالف

بعدين صار يقولي ابي حب ابي احس بعاطفتك اكثر ابي حنان اكثر احسك قاسيه ما احسك تحبني اغلب وقتك ساكته وماتبين تطلعين مكان

قلت له انت عارف اني كذا من قبل وقلت لك مارح تتغير وسالتك رح تتحمل قلت رح اتحمل دامك مو قد كلامك ليش تصر اني اتزوجك وليه ماخليت طريقه الا و حاولت تقنعني فيها
كنت واضحه وصريحه معك ليش الان جاي تنتقد الحب والحنان مو اني طول الوقت اتغزل فيك واسمعك كلام حلو هذا مو حب ترى

قالي بس اصلا طريقة تعاملك معي مثلي مثل غيري ما احس فيه فرق كأنك تأدي واجبتك نحوي كزوج

قلت دام مو حاس بحبي وشايف مشاعري بارده ليش باقي معي خلاص طلق

انصدم من كلامي وزعل بالمره وما توقع تكون ردة فعلي كذا وقالي شفت ان كلامي صحيح لو انك تحبني او مهتمه فيني ما كان هذا ردك وله فوق الاسبوع تقريبا مايكلمني

هو استفزني بكلامه كثير لاني حسيته مايعرفني والا يشوفني على حقيقتي لاني مو بس اسوي واجبته كزوج او اعامله مثله مثل غيري بالعكس هو كل حياتي لان ربي عوضني فيه عن اشياء كثيره وفعلا احبه
وما اقدر اقوله عن حياتي الماضيه والبيئه الصعبه الي كنت عايشه فيها لاني لو تكلمت بالموضوع رح امرض واتعب ومابي ارجع واصير حبيست الماضي ولانه باثر على حياتي وبخليني انسانه سيئه مابي افتح هالسوالف
وحياتي هي الي خلتني ماعندي شي اخسره و ان الحياه تمشي باصدقاء بدون بزوج بدون بحب بدون لكن بعد ما تزوجته تحسنت نفسيابس كلامه والله قهرني من قلب يعني من الاول تكلمت معه وقلت له كل شي يجي مره واحده يقولي هالكلام ويتهمني بالقسوه والبرود طيب هو عارف اطباعي من قبل ليش يقولي كذا وانا مو مفكره ابدا اني اكلمه ياهو الي يكلمني ياخلاص لان هو الي غلط بحقي ومارح اعتذر منه او اراضيه لاني ما سويت له شي
ما اشوف نفسي قاسيه او بارده كيف يبي حب وحنان اني اسمعه كلام حلو واحضنه طول الوقت طيب وبعدين ؟

>>>>> ردود الأعضـــــــــــــــــــاء على الموضوع <<<<<
==================================


واضح ان شخصيتك شمالية شرقيه
مثلي تماما

وزوجك جنوبي شرقي
يعني عكس بعض


افهمي زوجك وتوددي له وحاولي قد ماتقدري تغيري من طباعك شوي عشان زوجك



موفقه اختي


__________________________________________________ __________

انا كنت زيك تماما لاني عشت في ظروف صعبه وموت امي خلتني قاسه وعديمه احساس بس تغيرت وغيرت من نفسي بعد الزواج والحمد لله وفكيت من نفسي مااخليها دايم مقيده وعليكي بالدعاء


__________________________________________________ __________

شو رح اكولك انت مصرة على رايج ومحد يكدر يلومج حسب ماتكلمتي بس حبيبتي الظروف الحمدلله اتغيرت نحو الاحسن مثل مكلتي وحاولي انت كمان تتغيري وفرفشي وانسي الماضي و ألمه بس كوني دايما قريبة من الله تعالى موفقة


__________________________________________________ __________

سلام اول شي حبيت ان اقولك انا كنت مثلك مااحب الاخذ والعطاء مع الناس بس الانسان مايقدر يعيش بدون الناس في حياتي الظروف الي تكلمتي عنها انتهت خلاص ودخلتي حياة جديده ودخل فيها شريك معاكي في الحياة وباين من كلمك انه يحبك فلاتخسري زوجك من اجل شخصيه كونتها ظروف قاسيه فعيشي حياتك حبيبتي اضحكي وكوني علاقات حلوه مع الناس الي حواليك وارضي زوجك بالحب و الحنان ولاتقولي ما اقدر فانتي انثي وكل الاحاسيس الجميلة فيكي بس انتي خليها تطلع و لاتخبيها والاتحرمي نفسك و لا زوجك وخليك علي جزء من حياتك السابقه لانه مستحيل بتتغيري لانها جزء منك راح تحني لها كثير والله يسعدك


__________________________________________________ __________

حاولي تتفهمي زوجك هو طالب حقه لا اكثر حاولي تكوني اجتماعيه اكثر ليروح زوجك يطالع غيرك تحياتي الك