عنوان الموضوع : مشكلتي نفسي مجابة
مقدم من طرف منتديات نساء الجزائر

مشكلتي نفسي



بسم الله الرحمن الرحيم
السلام عليكم
أنا عمري 20 سنه واحسن وصف لي وحده عمرها 50 سنه
حيث انني انتقم من نفسي لا احب شيء وأمل من كل شيء جلدي مجعد كالعجوز ولا أهتم بنظافتي ولا حتى بشعري فهو يتساقط وعلى وشك الصلع انا سابقا لم أكن كذلك مطلقا قبل في السنوات السابقة وأي شيء يمت للنظافة ماأسويه
طيب بتكلم عن حياتي أنا أهلي محطميني ومخليني أفقد الثقة بنفسي وأكرهم وأبي أطلع من البيت أحس أهم سبب فشلي في الحياة بداية أنا حساسة حيل طبعا نظام بيتنا ومن وأحنا صغار أبوي مايسوق ولا فيه العاب مانروح مكان كله بالبيت وابوي يعمل بمكان بعيد مايجي الا يومين واذا جا مانشوفه يروح بيت عماتي يعني باختصار مااتعامل معاه بس مع امي طبعا وامي مثابره وقامت بكل مسؤلياتنا وهكذا
المهم معاملة أبي لي كانت بتوجيه الاوامر
مثلا أنتي تعالي شيلي هذا حطي هذا
وإذا مواقف منذ صغري أذكرها يعني مجتمعين أحنا مع أهلنا وأحد الاطفال سكب عصير الوالد عصب علي قدامهم مدري ليه انا مع انه كان عمري 10 سنين انتي ماتفهمين وجذي
طيب وبعد وانا بثاني متوسط ابوي سوى عملية وعاد انا كنت كله اروح له المجلس كان نايم فيه
عشان يزورونه الرجال وانا دائما اسير عليه اذا يبي شيء واهمزه وكذا بس ابوي فجأه مايحبني ويقلب علي ويعصب بدون سبب وانا اسكت ولا ادري ليش
وبعد وانا بثنوي كنت حاطه لي حمره بالبيت وابووي يعصب علي أنا لو اشوفه يعصب على خواتي كان عادي بس ليش انا
وبعد في موقف مرة اختي الكبيره قالت لي تعالي معاي المستشفى ورحت معاها ومع ابوي واخوي السواق عاد ابوي يقول لاختي وانا معاهم هذه ليش تجيبينها ليش مأخذتها
وبعد أول في موقف مع عمتي قالت لي اغسل رأس المميه وأنا ماعرفت ايش اغسل ورحت المطبخ كبيت الحليب الموجود بالممه وأختي قالت لي عمتي تقول شفيها هذه غبيه لمن مشيت
ومواقف عديده عقلي يسترجعها الآن والمشكلة كلها سيئه مايتذكر الشيء الأيجابي
وأنا حبيسة البيت منذ نشئتي ماأعرف شيء غبيه بالحياة جدا ولا اعرف اتعامل مع الناس
وايضا عندي اخوي يوم أول كان عندنا زواج اختي وحيل كنت متحمسة واسوي لي خلطات وليمون وادعج بالركب والأكواع عشان أوخر السواد واخوي كل يقولي يابقره خلصتي ليمونا وحمد الله والشكر ويعصب وانا اسكت مااتكلم بس اطالع
وكله انتقاد سيء بسيء وموقف بعد وانا صغيره جات زوجة عمي بيتنا وانا جالسه مع امي وزوجة عمي وعمري 6 سنوات وكله زوجة عمي تقولي روحي لعبي مع العيال وأنا أقول لا بأضل هينا اهم قصدهم يصرفوني بس انا ماأفهم صغيره وبعدين كنت جالسه جنب امي واخواني وأقلد على اختي شلون تضحك والا السطار اللي يهفهف على خشتي من ماما قدام اخواني وانا مدري شسالفه عشاني ماقمت من جنبهم
واخوي بعد مرة تأخرت مافتحت الباب وجان بسطار وكله انتقاد شف شلون تمشي الحمد الله والشكر آدميه زي كذا بقره ماتعرفين فسلة غباااء
أنا حتى لبس ماأعرف البس سابقا كنت البس واتشيك وكذا بس ابوي يعصب ليش لا بسه كذا يلا روحي غيريه البس احمر غيريه واذا لبست دشداشه عادي
واختي كله تقولي انتي تفشلين خشمج كبير والثانيه تقولي شخصية انانيه انتي مدري ليش والله استغرب بس اصدقهم
يعني مثلا انا اسمع انشوده ومعليه الصوت يجي اخووي هي انتي بقره قصري الصوت والا إذا اتكلم في السوق عن شيء يقول هي انتي قصري صوتج صوتج عالي وانا مااشوفه عالي وكذا
وإذا أتكلم أحد يتكلم زي كذا أنا الآن جميع الذكريات السيئه تمر علي كأني أعيشها الحين وأصيح وأقوم أنتقم من نفسي أقول ليش انا كذا حاليا حققت انتصار بأن شعري نصه خليته يطيح ووزني نزل لأنه اصلا مازاد ماأكل و|أحس إني بستجن وجاء اليوم اللي اتخرج من الثنوي وأروح الجامعه واخترت جامعه بعيده عشان ابتعد عن اهلي وابدأ حياة جديدة وأحمل عقدي النفسية معاي الله وكيلكم بقيت أربع شهور ماأكل الى أن فشلت في الجامعة ورديت لبيتنا يعني ماتأقلمت مع البنات ابغى اضحك وأذكر اخوي يوم يقولي ليش تضحكين فما أضحك والدراسة كارهتها من كل شيء امل ولا أحس بمتعة شيء وعرس اخوي قريب وماأبي أحضر ماأبي أحد يشوفني كذا
الحين وصل بي الحال أخاف أتكلم أو أسوي شيء والله ماأجذب المششلول أحسن من حالي حيل فاقدة الثقة بنفسي وتقديري لذاتي منخفض وهالأفكار كله تجيني ويتجدد الكره والحقد على أهلي
مدري شسوي

>>>>> ردود الأعضـــــــــــــــــــاء على الموضوع <<<<<
==================================


ياحبيبتي حزني كلامك ماحزنت على كلامك بقدر ماحزنت عليكي ياللي رضيتي لنفسك تعيشين هالحياة
شوفي أبقولك شي أنه كلنا أنطقينا وتفشلنا واتهزئنا أنا انا شخصيآ وربي يشهد علي اخواني يضحكون علي ويهزؤني ويضحكون بشكلي وامي تخانق وابوي يخانق بس طبعآ ابدآ ماأسكت لأني أول شي ادري ومتاكده انهم يحبوني كلهم وأصلن الأخوان دايم يتخانقون ونتزاعل ونبكي ونرجع نتصالح أنتي مشكلتك انك سكتي لهم وهذا أثر على نفسيتك والشيطان ماقصر وسوس لك وانتي صدقتي وعشتي الهم
لييش ليش ترضين على نفسك يعني الغالب أنه الآباء والأمهات يكونون جاهلين ومايحبون اللبس ولا الحمره ويحبون اللبس الوسيع وطبعهم حاد شوي وفيهم جهل بالعاطفه بس هم من جوا يحبون عيالم وبناتهم أكيد
والاخوان والخوات دايم ولازم يصير بينهم ضحك ببعض واستهزاء وكل شي
أنتي خليتي من نفسك لاوشي بسبب تفكيرك الخاطئ وخوفك وجهلك ياحبيبتي
أنتي لسا صغيره الحياه قدامك يعني الحين ابقولك طبيعي انهم يقولن وش فيك كذا وليش شكلك كذا لأنك انتي مهمله نفسك يعني مثلآ يوم قال اخوك خلصتي ليموننا أنتي بس سكتي وحزنتي وبكيتي ليييش ؟؟ كان قايله مو من حلالك يالدب من زينك عآد ووش دخلك وقايمه ورافسته يعني عادي أخوان وتضاربو وبعدها بكم يوم تتصالحون بس هم شافوك مسالمه واستغلو الفرصه
الحين ابدي حياتك من جديد اهتمي بنفسك وبشعرك وببشرتك وبريحتك وبلبسك
ونبيك من الحين تخططين لزواج اخوك وتصيرين احلى وحده بالزواج لاتيأسين ولاتهتمين للكلام والللي يقولك كلمه ردي بعشر
واهتمي بشكلك وارجعي للجامعه وان شاء الله نشوفك أحلى عروس يارب


__________________________________________________ __________

أيها الشاكي وما بك داء
كن جميلا" ترى الوجود جميلا


__________________________________________________ __________

ياحبي عيشي حياتج انتي بعدج صغيره وهذا احلى عمر لاتفوتينه عيشيه بالطول وبالعرض ولاتخلين شي بخاطرج لكن بدون معصية ربك وعليج بالقران و بالاستغفار رضى لله وراحه للنفسيه وعلاج لكل المشاكل ... وبعدين ياقلبي هالاشياء وهالكلام بكل بيت وكلام تافه وعادي ذولا اهلج واكيد يحبونج بس انتي حساسه ... وبالنسبه لكلام اخوج هم كذا الشباب اسلوبهم بالمزح دفش ... طنشي واهتمي بنفسج واكيد فيه واجد اشياء حلوه بحياتج بس انتي تفكيرج سلبي ولازم تغيره علشان تقدري تعيشي ولادققي بكل كلمه تنقال لك وبلاش الاستهانه بنفسج ويلا شدي حيلج وجهزي لزواج اخوج وارجعي للجامعه اهم شي الدراسه ... والله يرزقج بالزوج الصالح الي يسعدج


__________________________________________________ __________

ديمة ابنتي الغالية أيها الشاكي وما بك داء
كن جميلا" ترى الوجود جميلا


__________________________________________________ __________

حبيبتي ليه عامله بنفسك كذا
انتي صغيره بنفس عمري وقدامك عمر
ومومعقول انه ماعندك ذكرى حلوه لييه ماتسترجعيها
ليييه حابسه نفسك بالماضي تري شي راح وخلاص ماعاد يرجع
وانا ملاحظه انك متذكره اشياء وانتي بعمر 6 و10 سنين ؟
ليه تعذبين نفسك كذا
يختي طنشي وارمي كل شي وراكي معذبه نفسك عالفاضي
واخوانك واخواتك شوفيهم عايشين حياتهم مثل مايبون
وانتي ايش ناقصك عنهم كامله والكامل الله
ليه ماتعيشيها مثل ماتبين ....
ابدي من اليوم اهتمي بنفسك واهتمي بجسمك ورشاقتك واهتمي ببشرتك وشعرك
سوي جدول يومي وامشي عليه وفيه بالنت برامج عنايه لليل
انسي الماضي .. ربي رزقنا نعمة النسيان عسان ننسى
وترى لكنا عندنا ذكريات بس خلاص لمتى بنتذكر طفشنا وزهقنا وبعدين
اسئلي نفسك هالسؤال وبعدييين ؟!!
اوقفي قدام المرايه قولي انا حلوه استحق اعيش حياه احلى وانا ابتغير
وابسوي كل شي لنفسي مو لاحد ثاني

اضحكيي انبسطي عيشي بسعاده اصرخي ارقصي العبي سوي كل شي ببالك
وقولي قدام الكل انا اهم ماعلي رضى ربي ثم والديني ثم نفسي ونفسي ونفسي
ارضي على نفسك نقي فيها حبيها اعشقيها دلليها وكافئيها بعد
ايش ناقصك عن اللي عايشين بسعاده ايش ناقصك عن اخواتك
مو ناقصك وربي شي غير الثقه والثقه والثقه
واذا قلتي جمال ترى الجمال مو كل شي بس الاهتمام والعنايه والنظافه تجملك بعين كل الناس
الجسم الحلو البشره النظيفه والنقيه والنعومه والثقه انتي كذا بتكوني كامله

ابدي من اهتمي بنفسك وحبي نفسك واسعدي نفسك بنفسك
وعاملي اهلك بالحسنى والكلمه الحلوه وحتي لو لقيتي العكس طنشي
واستعدي للي بيحبك وبيتزوجك وبعيشك بهنا وسعاده باذن الله

ترى الدنيا حلوه بس يبغالها صبر وقلب قوي وعقل يحسن التصرف

عيشيهااا بطولها وعرضهاا عيشيهااا بحب وتفاهم
وعيشيها بمرح طفله ورزانه امراه ناضجه
عيشيها يختي عيشيها ههههههه

وسوري عالاطاله بس وربي ودي اساعدك
والله يرزقنا الهنا والسعاده