مشكلتي ما اقدر اعبر عن نفسي مجابة
عنوان الموضوع : مشكلتي ما اقدر اعبر عن نفسي مجابة
مقدم من طرف منتديات نساء الجزائر
مشكلتي ما اقدر اعبر عن نفسي
السلام عليكم
انا عندي 15 سنة و مشكلتي بدأت من و انا صغيرة ما كنت أحس بالاهتمام من أمي مع أنها مرة طيبة و تحبنا و تهتم فينا بس لما كنت صغيرة كان فيه ظروف خلتها مي قادرة تهتم فينا حتى لما كنت أمرض ما أقولها مباشرة و انحرج منها جداً زادت المشكلة لما دخلت المدرسة كان صوتي واطي و كنت لما أكلم ما حد يسمعني عشان صوتي و بعد ما قلت لامي و لا لأي حد و بعدين صرت ما أتكلم مع احد و لما صرت بألمتوسط صارت هذه عادتي ما أتكلم مع احد إلا صديقاتي المقاربات و هم اثنين و ثلاثة و كثير انتقدوني و قالولي انت هادية زيادة عن اللزوم و ما تسول فين معانا و انا ابينلهم ان هذه طبيعتي بس مرك إنجرح من هذا الكلام و دائماً ابكي منه و بعد ما قلت لامي أحس هذه صارت مشكلة نفسية عندي ما اقدر اسولف مع احد ما ألاقي مواضيع افتحها و إذا لقيت أحسه موضوع سخيف و ما راح يتجاوب الي قدامي فاسكت ما ادري ايش أسوي انا كرهت نفسي و أبغى اتعالج نفسيا بس ما اقدر أروح لاحد فهل في مواقع للعلاج النفسي تقدر تساعدني؟؟؟
>>>>> ردود الأعضـــــــــــــــــــاء على الموضوع <<<<<
==================================
بليييييييييييييز بنات مساعدة
__________________________________________________ __________
سبحان الله حتى لما افضفض في النت ما ألاقي احد يسمعني و كالعادة ما اخترت موضوع يشد الانتباه انا دائماً كذا و لا راح اقدر اتغير
__________________________________________________ __________
ايش فيك ..!
انتي تحكمين على الاشياء بسرعة ..!
انتظري ابقرأ موضوعك وافصفص بمخي وابحاول اساعدك قد ما اقدر ..!
انا قريت ردودك قبل موضوعك ^^ لحظة ارجع اشوفه ..!
__________________________________________________ __________
اولا بخصوص المواقع فيه مواقع فيه استشاريين تحطين مشكلتك يحلونها له بسريه تامة وهو اطباء نفسيين .. بنت خالتي زمان اعطتني موقع وضيعته .. اسفه لو لقيت موقع بقولك اكيد ..!
ثانيا انتي مافيك شيء كل ذا خجل او عندك معوقات الاتصال بالآخرين ..!
انا درست مهارات الاتصال لسنة بحاول افيدك على اني مو شاطرة مرة ..!
معوقات الاتصال مع الاخرين هي :
1- التسرع في الحكم على الاخرين قبل انتهاء الحديث .. وانا اثبت لك ان عندك هالعادة لانك حكمتي علينا بسرعة قبل ما نرد او نشوف الموضوع ..!
* الحل لذي المشكلة بيدك ..لا تحكمين على الناس قبل ما ينتهون كلامهم لان هذا يوتر اطراف الحديث .. وحتى ان حكمتي لا تقولين حكمك قبل ما يخلص اللي يتكلم معك او اللي انتي تتكلمين معه تحكمين انه مايبغى يسمعك او اي حكم ثاني هذا يسبب لك توتر ما يخليك تكملين كلامك ..!
2- مقاطعة الناس :
* لاتقاطعين الناس بكلامهم ولا تخلينهم يقاطعونك ..! اذا قاطعك احد بدون اذنك قولي له انا اتكلم ..! او خليني اخلص كلامي اولا بعدها اتكلم ..! وهذا من الادب مو قلته ... والمؤدب ما يقاطع احد ..!
3- عدم رغبة المتحدث في الاستماع لرد فعل المستمع :
* اعطي كل شخص حقه .! اسمعيه حتى لو كان ضدك ولا تحكمين عليه قبل ما ينهي كلامه ..!
4- التوتر والقلق عند المقاطعة والاستفسار :
* اذا كنتي تقولين قصة لك مثلا انك رحتي سوق واعجبك فستان واخذتيه وقعدتي توصفينه لهم .. وفجأة احد سألك وين كان المكان او اسم السوق .. لا تقعدين تتلعثمين وتتوترين جاوبي بكل ثقة وبسرعة حتى لا تنسين وين كنتي بقصتك ..!
5- عدم السماح للآخرين بإدلاء آرائهم :
* اذا حكيتي قصة نكتة سؤال اي شيء يخلي اللي يسمعونك يكون لهم آراء او فكرة اسمحي لهم يستفسرون وحاولي تفهمين تفكيرهم ولا تسخرين ابتسمي وجاوبيهم بوجه بشوش ينتظر مزيد من التفاعل ..!
6- التعالي في الحديث والتجاهل :
* لما يتكلم معك احد لا تسوين نفسك مرة ولا تبين تسمعين اسمعي له وخليك مبتسمة اهم شيء الابتسامة .. واستقبليه بفرح .. ولا تتجاهلين حديثه ولو كان سخيف ..!
7- البيئة والمشوشات :
* اللي يتوترون ويخجلون ما يقدرون يتكلمون ببيئة مليئة بالمشوشات اللي هي المزعاجات الاصوات وغيرها يمكنك اختيار مكان يناسبك قبل الحديث حتى يكون اكثر فعالية ..!
8-الاستمرار بالنصح والارششاد :
* للمعلومية الناس يكرهون من يكثر عليهم النصح لا تكونين ناصحه وبزيادة كل ما سووا شيء لا خطأ مايصير حطوا كذا سووه كذا هاتوه هناك ..!!
9-السخرية والتهكم والمزاح الثقيل :
* لما احد يسخر من احد لا تسخرين معه كمان لانه انسان وله مشاعره ..! وحتى ان فيه نكته وشيء يضحك لا تتعدون حدودكم بالسخرية والتهكم .. والرسول صلى الله عليه وسلم كان يمزح مزاح صادق وخفيف ..! المزاح الثقيل قد يسبب الكره والبغضاء ..!
10- الانشغالات الجانبية :
* لما احد يتكلم معك لا تجلسين تطقطقين بجوالك او لابتوبك .. لا طالعي له بعيونك وابتسمي ابتسامه لطيفة وخليه يحس انك مهتمه وتبين تسمعينه ..!
11- التركيز على الاخطاء والعيوب :
* لما احد يتكلم معك وعنده عيوب نطق ماينطق الحروف تمام او غلط بكلمة او شيء او عنده اعاقه في مكان من جسمه .. لا تحرقينه بنظرك له .. لا تهتمي بغلطه او مرضه اتواصلي معاه بالكلام ولا تخلينه يحس بشفقتك عليه ..!
12 - المجادلة والبعد عن الموضوع الاصلي :
* لا تتجادلين مع اللي ضدك وبسبب مجادلتك تبتعدون عن الموضوع الاصلي وتكثر الخلافات بدل من توضيح النقاط المهمة وتعديل الوضع ..!
انا بجيب لك كتابي ^^ كتابي فيه كل شيء عن التواصل مع الاخرين بس هو شوي كبير اظن فيه 388 صفحة مو متأكدة بس بجيبه من جامعتي لعيونك ^^ .. انتي بس حمليه وشوفي شنو المفيد فيه واقرئيه.. او ما تقرئينه بتحسين انك ما تفهمينه بس من تتعمقين فيه تفهمينه اكثر + فيه طرق يخليك تكتشفي اللي حولك اكثر من حركة عيونهم او يدينهم تعرفي هذا الشخص معاك او لا .. يبغى يسمعك او لا وكذا يعني
بالتوفييق انتظري اسرق الكتاب وارجع.. على فكرة هو كتاب مجاني خخخ بس لا تعلمين علي يطردوني ..!
__________________________________________________ __________
ما ادري يغسلون شراعي او لا بس .. هدية لك خخخ الله يستر بس ..!
https://www.******************.com/do...8%A7%D9%84.rar
الرابط انسخيه وبعدين حطيه فوق بمكان الروابط ويطلع لك
بالتوفيق
رد مع اقتباس
