عنوان الموضوع : اخوي بيجيب اخرتنا ساعدوني -تم الاجابة
مقدم من طرف منتديات نساء الجزائر

اخوي بيجيب اخرتنا ساعدوني





السلام عليكم
اخواتي اخوي الصغير بيجيب اخرتنــا هو اللحين عمره 16 سنه
هو انسان عنيد جدا جدا يدخن قليل ادب مع اللي اكبر منه مايعرف يتعامل مع الناس
تفكيره كله جنس وقلة ادب ويتطاول بالكلام على ابوي ويضرب امي
ويشتمهـا على قد ماكلمناه بكل الطرق مافي فايده ابد انسان حقير بمعنى الكلمه صاير
اهم مافي الدنيا اصحابه والبنات اللي متعرف عليهم تخيلوا اليوم بغى يضربني على سالفه مالها داعي
لاني كنت اتكلم بالجوال عن وحده وذكرت اسمها وكنت جالسه اقول هي انسانه صايره ماتستحي الناس مايهمونها انا ماعاد اكلمها خلاص
ومن الحكي جالسه اكلم صديقتي بالجوال
شوي يجيني يقول لي انتي تعرفين فلانه؟
والمفترض يكون اسمها مريم مثال
وانا اللحين مريم زميلتي بالدراسه وهو يعرف مريم انسانه ثانيه غير اللي اعرفها
يقول لي تعرفين مريم اقول له اي صاحبتي يقول وليش تتكلمين عليها
هذي اشرف منك يالــ×××قلت له ليش الغلط ومن وين تعرف البنت انت
قالت مايهمك انتي وش لك انتي انسانه سافله وبغى يمد ايده علي بدون سبب
وتركته ودخلت غرفتي ماكلمته ابد ماهو خوف منه بس لاني ماابي اسبب مشاكل اكبر
خصوصا انه عصبي بجنون يعني يجي عليه يضربني بسكين
عشان كذا بعدت عن الشر .
والله ياخواتي مدري وش اقول لكم انا اكبر منه ومسوي لي رجال على غفله
ورب البيت جننا هبل فينا
كل مايكلمه ابوي يطنشه ولا كانه موجود مايسمع له
حقووود جدا وعنيد وقليل ادب بشكل رهيب
ويتطاول على اللي اكبر منه وعاق بوالدينه ويدخن والخافي اعظم
مايطيق اي كلمه من احد يقول لي انا الرجال هنا بالبيت واللي مو عاجبه يشيل قشه ويطلع برى البيت
ولا كاان في والي بالبيت طبعا ابوي متزوج من حرمه ثانيه ويوم يكون بالبيت الثاني
يفرض رجولته علينا بس يكون موجود يخاف منه
اخواتي انا تعبت معه مره كم مره انصحه عشان الصلاه يقول لي شوفي نفسك اول
عاد والله يحرجني وش اقول له مااقدر عشان ظروف شهريه ؟!
عاد اقول له انا اصلي بس انت ماتشوفوني صرت حتى وقت العاده الشهريه
ادخل غرفتي وقت الصلاه عشان لايشك بشي
اخواتي عشان اقربكم للحل اكثر
هو يوم كان صغير ينضرب من امي كثييييير ومن ابوي وتعرض للتحرش الجنسي
لين صارت هالعاده بدمه وكانت امي مهملتنا بدرجه كبيره وتسلط ابوي علينا
وابوي ماكان يدري من يوم يشوفنا خفنا يفكرنا بجد مسوين شي ويهاوش
امي مريضه نفسيا بس للاسف محد اكتشفها غير يوم كبرت وتصارحت مع ابوي
وقلت له مشكله امي انصدم منها لانه من يوم كان يدخل البييت تعرفون الرجال يجي تعبان
تقوم تقول ولدك سوا سوا سوا وهو كله كذب بس تبيه ينضرب عشان تنبسط
وغير كذا كان ضعييف شخصيه اخوي ولليوم مايقدر ياخذ حقه ابد
على طول يسوي مشاكل وفيه سذاجه مو معقوله غبي مره مره
يعني يجلس الواحد يفهمه ساعتين وزود يجي بكل بساطه يقول لك مو فاهم ولا شي
وربي شي يضيق الخلق وربي اوقات يجي في بالي اتصل على الهيئه ياخذونه عندهم يرجولنه
بس يوم افكر بالناحيه النفسيه لاهلي وله هو لانه راح يزيد مشكلته
ومن الناحيه الاجتماعيه راح تضرب السمعه مره
والله مدري شقول وش خلي
لدرجه انه يوم واحد من الصيع اللي يعرفهم يقول كلام علينا يضحك معه ولا كانه قايل شي
ويتريق على ابوي قدام الشباب ماعاد احترمه لدرجه انه محد قام يحترمه من الرجال
والسبب اخوي حسبي الله عليه من اخو
وربي هبل بنا جننا
ياليت تساعدوني لاني بجد عجزت عن التفكير
ومالي غيركم افضفض لكم

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بلله بس لازم الاب يقوم بدورة والام لها دور لا تهملونه نصيحتي راح يضيع ويضيع نفسه وهو بسن المراهقه وخلاص مايحتاج نصايح مايبي احد يكلمه ولا يعلمه يقول انا كبير ولنا رجال ووو وانتوا اي كلمه لمى بيعصب لاتردو عليه لانه بيزيد عليكم وينقهر اكثر نصيحتي انكم تتقربوا منه وتحنوا عليه شوي وتقولوا له نحنا اخواتك وامك كمان لازم تعطيه شوي من حنانها اللي فقده0اتمنى افدتك 0


__________________________________________________ __________

عزيزتي

ما قرأته بين السطور هو ليس شكوى من اخيك بقدر ماهو خوف عليه

ولكن عزيزتي ما يشعر به اخاك هو شعور قوي بالكره لهذا الوسط الذي يعيش به من جراء تعرضه

لكل ماسبق ان ذكرته

هل تظنين انه من السهل التعرض لكل تلك الامور وينشأ الانسان بعدها شخصا سويا مسالما ؟؟؟

لاتنظروا الى أخيكم على حاله الآن لانكم ستكرهونه

بل انظروا اليه منذ بدء تعرضه لما تعرض له ، فحينها ستنظرون اليه بعين الحب والعطف والرأفة

والرغبة بالمساعدة والاحتواء

مايجب عليك فعله ليس القاء الاوامر عليه واتباع اسلوب الشدة والقسوة معه

فقد رأى منها في حياته مايكفيه

بل كوني كصديقته الوفية التي تستمع اليه اذا ما احتاج للتحدث

اقضي معه اوقاتا مسلية وسعيدة

قدمي له الهدايا التي يحبها ومن ضمنها اشرطة دينية وتربوية تخص عمره

حسسيه انه المسؤول عنك فمثلا لو تعرضت لمشكلة ولو حتى مشكلة انتي اخترعتها دون ان يعلم بذلك

فالجأي اليه واستشيريه واطلبي منه المساعده فهو يحب الشعور بذلك وستنمين فيه روح الثقة والمسؤولية

ويشعر بانه شخصا مهما في الاسرة وليس زائدا عليها ومنبوذا منها

قد تسمعين خلال ذلك كلاما قاسيا وقد تلحظين تصرفا سيئا ولكن اصبري

فما تعرض له في شهور لايمكن تغييره في لحظة

ولاتنسي اولا واخيرا الدعااااااااااااء فالله الله بالدعاء من صميم قلبك بان يهديه ربك

والله الموفق


__________________________________________________ __________

مرحبا صبيا
انا بحس انواخوك انظلم كثثثثثثثثثثثثثثثثثثثثثثثير
وهذا اللي خلاه يفرض قوته وبذات انو ولد وبفترت المراهقه ومن كلامك انو ماعندة اخو لانو بطبيعة الاولاد مايسمعون إلا أخوانهم وهذي من تجربه معي
وإذا على إمك كثييييييييييييير ناس كذا لما يكبوا يصيروا بحالة عصبيه واقرب للامراض النفسيه
وانتي حالتك قريبه مره من ناس بعرفهم وفيه ولد بالمراهقة ماتغير إلا من أخوة واللحين يبضرب فيه مثل الولد الخلوق


__________________________________________________ __________

صادقيه
اقعدوا حسسيه انك شبابيه وصديقه مو اخت وناصحه خليه يحكيلك شو سوى واذا مانفع جربي مره ومرتين واكثر حتى تكسبيه
واتقبلي اي شي يسويه عاااااااااااااااااااااادي المهم يكون يخبرك بكل شي
بعدها ابدأي بالنصح بشكل هادئ لاتبدأي بالصلاه وووووو لان الشيطان يخلي الواحد يعاند ابدأي بالعلاقه بينه وبين امك وابوكي وشوي شوي ولاتنسي الدعاااااااااااااااااااااااااااااااااء


__________________________________________________ __________

حبيبتـي


طريقة كلاامك عن إخوك شـوي فيهـآ عنف شوفـي يالغـلأ الإخوان فـي هذهـ المرحـله يكونون مراهقيـن مررره ويبون يثبتون شخصـيتهم حـآولـي معه بيني له إنه هو المسـئول عنكم مهب تنقهرين منه لمـآ يبي يفرض شخصيته علـيكم صدقيني وعندي إحســـــــآس كبيـر إنه لما يكـبر بيتغيـر كذا أحد إخواني كااان مجنن بأمـي ومهبـل فيهآ مرررهـ وماكان لها إلا الدعـآء واللحين الحمـدلله عقــل وربـــي ياإختــي إن إخوي الكبيــــــــــر كآن مايصــلي في الحـج أمـي دعت لـه وربي تقول كنت أدعــي وأصيــح والحمـد لله اللحين مآيفوت الصــلاة

ياإختي اللــه مايخــيب عبد يتـرجـآهـ إفرشــي سسجآدتكِ باللـيل وإدعـي لأمك ولأبوكِ ولإخوكِ نزلـي دموعكِ وإبتهلـي له مافــي أكرم منه ولاألطـف منه سسسبحـآنه واللـه ياإنكِ تحســين بلذة مهب طبيعيه إحســني النيــه وبتشوفيـن النتيجـه

أصلـح حـآل إخوكِ وإخوانـي وكل مسسسـلم ومســلمه

وفٌقـتِ لكـل خيــر