عنوان الموضوع : ساعدوني اخوي بنجن
مقدم من طرف منتديات نساء الجزائر

ساعدوني اخوي بنجن



الله يوفقكون اطرحو مشكلتي

بدي احاول اختصر لان القصه طويله

احنا الحمدلله عالتنا كلها محجبه وفيه منهم منقبات وكلنا تحجبنا بعمر صغير اغلبنا بس وصل العشر سنوات اتحجب من نفسو اهلنا ما اجبرونا او غصبونا بالعكس علمونا الدين ووصلوه النا بطريقه صحيحه وسهله اخوي mybest friend كتير احنا مقربين من بعض واي مشكله تواجهني او تواجهو بنحكي مع بعض اصغر مني بسنه مره اجى حكالي انو معجب ببنت كتير استغربت منو لانو اخي بالمره ما بحتك او بحكي مع بنات ودايما بحكي عنها هي اجت تدرب على شغله و صاحبو كان مشرف عليها وكان يخلي اخي يشرف عليها لما يكون عندو اجتماع او محاضره اخي كان بمتدحها مدح كيف ذكيه وشاطره و الي كان مخليه تلفت انتباهو انو مجرد ما يادن بتترك كل شي وعلى طول بتروح تصلي و مابتحكي او بتتعرف على متدربين ذكور معها لكن مع الاسف هي غير محجبه و لبسها شبه فري لكن بحدود مو بالمره

لما خلصت تدريب حسيت انو اخوي زعل كتير لانو مو ع قولتو كان معجب لا كان واضح انو بحبها بس ماكان يجرء انو يحكي بهيك موضوع ومابدو ينجرف ويخوض علاقه حب من دون رابط رسمي

دخل في فترة هدوء وسكون مو معقول واغلب الوقت لحالو اربع اشهر وبعدها رجع مبسوووط كتير فرحان بالمره وقلي انو بتتذكري فلانه هادي اجت و شغلوها عنا لانهم اعجبو فيها كتير وقت ما دربت لكن بالفرع التاني كانت البنت مسيطره على عقلو كتير وكل يوم يحكي عنها بعدين قلي انا بدي اخطبها قلتلو بس انت بتحكي انو هي مو محجبه وانت بتعرف راي اهلنا بهيك موضوع قلي رح خليها تتحجب رح اقنعها بس هي توافق

كلمت امي بالموضوع وامي كانت متردده بعدين قالت مدام بتحكو انها محافظه ع الصلاه ومابتخالط شباب و اخلاق ومحترمه بكرا بتتاثر فينا وشوي شوي ممكن تتحجب وتلبس جلباب بس ان اقتنعت لانو فيه بنات بكونو هيك بس مش مقتنعين بالحجاب كلمت بابا المهم

لما رحنا سالنا عنها الكل كان يمدح فيها وامي لما شافتها اعجبت فيها كتير البنت بالمره راقيه راقيه جدا كتعامل واسلوب وجدا انيقه وحلوه

خطبنا البنت و قعدت تقريبا اكتر من شهرين على ماردت النا خبر انها موافقه كل ماتتصل فيها ماما يحكو لسا بدنا وقت طبعا اخي لما وافقت كأنو نحج بانتخابات الرئاسه


وكتبنا الكتاب وكانت كل الامور تمام لحد ما بدا اخي يلمح الها بموضوع الحجاب وصار كتير يدايق وكتير يغار ويحكي الكل محجب الا هي والشباب كتير بعلقو عليها ولسا فيه شباب بدهم يتعرفو عليها انا مارح اتحمل هيك وضع وكتير صار يعلق على لبسها و تصرفاتها

قلو ابي انت ماحد غصبك انت جننتا عشان نروح نخطبلك البنت وقلنا الك بدك تتحمل و قلتلك خدلك واحده محجبه رفضت واصريت الا بدك هاي بدك تتحمل وتصبر مافي شي بجي بالغصب وعلى طول بكرا البنت بتنفر منك وبتتركك مو كل ما شفتها بدك تقعد تلمح ع لبسها وشعرها ما بتكون الامور هيك

وفعلا كلام بابا صار البنت صارت تزهق كل ماحكى معها اخي بالموضوع وحتى انا كنت نطلع ونحكي مع بعض بطلت تعبرني وامي لما بتتصل عليها ما بترد احنا كتير مبسوطين فيها بس اخوي للاسف اتسرع كتير شو صار هلا انو هو راح يقابلها ويحكي معها بموضوع العرس وكل شي وخرب الدنيا ياريتو ماراح حكى الها ايها بصريح العباره انا حاب قبل ما يصير العرس تكوني متحجبه ردت شو يعني ان ما تحجبت مارح نتزوج الها مو هيك بس بفضل هالشي يصير
ردت عليه رد صريح حكتلو انا من اول عارفه انو بدك اياني اتحجب وحجاب كامل تماما وهالشي واضح لكن انا لو بدي اتحجب مارح اتحجب عشانك او عشان اهلك او غيرتك لا لانو الحجاب عباده ولو بدي اتحجب بتحجب عشان ربي و هالموضوع انا مفكره فيه وماخدعتك وقلتك بعد ما يصير كل شي رسمي رح اتحجب انا مقتنعه بالحجاب تماما وعارفه حكمو لكن انا غير مطبقه لا اكثر ومابفتخر بهالشي حلو انك حاب اني اتحجب وبتخاف علي لكن انت بتعرفني من وقت ماكنت بدرب عندكو ومدام مو قد تتحمل نظرات عيلتك او المجتمع الك كونك ماخد واحده مو محجبه ليه تبعت اهلك ان شايف الوضع هالقد مدايقك فينا ننهي كل شي
واحتد اخي بالكلام معها قامت وتركتو

اخي انصدم كتير كتير انو كتير بحبها ومتعلق فيها وهيك ترد عليه وماتوقع يكون منها هيك رد وهي من بعد هالمقابله ما تواصلت معو نهائيا واخدت اجازه من شغلها وماما راحت لعندهم بتقابل امها وخواتها و حكت معهم وقالت الها امها انو هي سافرت عند خالها كم يوم خلي الامور تهدا وبنشوف شو يصير

اخي خلص رح ينجن نحف كتير ومرض خلص رح يموت يمكن لو تتركو

انا زعلانه على اخي كتير و بنفس الوقت على خطيبتو لانو البنت كتير كويسه واسلوب اخي معها كان شوي منفر اخوي لانو شايفها ملاك وحرام بنت زيها ماتكون ملتزمه بحجاب ومتستره تماما

يعني لما رحت عندها اول مره و قعدت معها بغرفتها المكتبه تبعها كلها كتب دينيه وكانت تروح تحفيظ القران وهي صغيره وثقافتها الدينيه قويه جدا وامها وخواتها محجبين بس هي واختها الكبيره لا يعني فيه امل كبير انها تتحجب وحكيت هالشي لاخي لو بدك تفتح معها موضوع الحجاب بدك تفتحو على مرات متفرقه مو كل ما تطلع معها او تشوفها تلمح

خايفه كتير انها تترك اخي وضعو الصحي والنفسي صاير زفت وبنفس الوقت خايفه انو البنت حتى لو كان عندها تفكير انها تتحجب يكون اخي نفرها من هالشي وخلاها تشيل الفكره نهائيا

كل شوي بسال امي ومجنن امي ومجنن العيله فيها وبحكي لامي اعرفي وين عنونها بدي سافر الها روح لاهلها خاصه انو ماتواصلت معو ابدا

>>>>> ردود الأعضـــــــــــــــــــاء على الموضوع <<<<<
==================================


ان شاء الله خير
اخوكي اتسرع بتعامله معاها مو هيك يقنعها
والبنت مشان مايشتد الكلام مع اخوكي
لهيك قامت وتركتو لما كانو يحكوو
لازم تفهموه مادام البنت كويسة ومحترمة متل ماقلتي
وعندها كتب دين وتعرف كل شي عن دينها
يتركها لحتى تقتنع تتحجب بنفسها يكون هاد قرارها
مو يغصب عليها حدا
اتركو البنت بس ترتاح شوي وتنسى الي صار
لما ترجع تصلحو الامور بينهم


__________________________________________________ __________

الله يفرجها عليه يا رب ...
صحيح كان اسلوبه منفر . بس من رأي خلي بعيد هاي الفترة عنها مشان ما تزيد الخلافات . هاي الفترة لازم كل منهم يفكر لذلك لا يضغطها ويتوكل ع الله لحد ما تروق .....


__________________________________________________ __________

الله يفرج همه ويصبرة


__________________________________________________ __________

لا اله الا انت سبحانك اني كنت من الصابرين اذا الو نصيب اخوكي بيوخدهاوربنا يقدره الخير


__________________________________________________ __________

ربي يفرج همه