عنوان الموضوع : المشكلة اني ماعرف وين المشكلة..
مقدم من طرف منتديات نساء الجزائر

المشكلة اني ماعرف وين المشكلة..



االسلام عليكم ورحمة الله وبركاته
خواتي اريد اعرف وين المشكلة فعلاقاتي مع الناس, انا الحمدلله انسانة اجتماعية مو كثير بس اقدر اندمج مع الناس وابدا اتكلم معهم من أول مرة... واحب اتعرف على البنات وعاادي ندردش من اول مرة كأنا نعرف بعض,,بس مو احتك كثير معهن او طول الوقت اركض وراهن لا والف يعني عالخفيف ومن بعيد لبعيد,, بس الي اشوفه ان البنات يوم يومين وينفررن او يبتعدن او يحاولوا انهم مايحطوا عينهم بعيني وفي بعض البنات احسهن مايريدوا يتكلموا معي يعني ردودهن تكون باردة ماعرف شنو المشكلة أحيانا أقول يمكن انا فيني شي غلط مع اني مو شايفة حالي او مغرورة بالعكس احب ارحب فالبنات واسأل عنهم..أنا تعبت يابنات الله يخليكم ابي اعرف شنو المشكلة..

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته
ياعزيزتي انا ابدا ماا اشوف انه فيه مشكله اصلا
هذه هي طبيعة العلاقات بين الناس والتي عمرها قصير
او لنقل التي لم يمضي عليها فتره طويله
انت فقط كوني على طبيعتك وخلي اللي يهرب يهرب الله وياه واللي يبقى وياك اهلا وسهلا
من وصفك لطبيعة شخصيتك اراها شخصيه طبيعيه جدا ومستقيمه
ربي يكملك بعقلك ويوفقك في حياتك ويسعدك
امين يارب

تحياتييييييييييييييييي


__________________________________________________ __________

يا حبيبتي انتي زيي انا كذا احب الناس واحب اسأل عليهم بس على قولك ينفرون صدقيني المشكله في الناس مو فيكي صاروا مايحبون الطيب وهذه الحقيقه شكلهم يحبوا إلي مايعطيهم وجه والله ناس كثير كسروا قلبي لاني طيبه وماحب اللف والدوران بس الطيب زينا يحبنا واكملك بشعر
إن راضيتهم عادوك................ وإن عاديتهم طلبوا رضااكالزمن ماتغير بس اهل الزمن متغييرين والله يعين بس


__________________________________________________ __________

وعليكم السلام ورحمة الله وبركاته

ياقلبي أنتي انا ثاني وحده اقولك انتي مثلي
ومثلي بالضبط
وكنت مثلك اشك بحالي ان فيني حاجه غلط او لا
لدرجه اجلس مع نفسي افكر بهالموضوع مرات يوصلني للبكاء
دورت فيني حاجه تشفع لهم ينفرون لكن مالقيت
أنا اللحين بالكليه وعرفت قيمتي مع رفيجاتي
لأن شخصيتي كانت نفسها بالضبط ماتغيرت
يعني البلى مو فيك ولا فيني وانهم ينفرون هذي مشكلتهم وراجعه لهم
بس انتي خليك على شخصيتك الإجتماعيه
الله يوفقك ويسعدك


__________________________________________________ __________

pakiza ردها عين العقل


__________________________________________________ __________

pakiza ,أم حنين وخلودي , فجر الحياه , ♥سبحان الله وبحمده♥
أشكركم على ردودكم الي تثلج الصدر لكن والله من القهر الي فيني ماتوصل الى هالدرجة انا كثير مصدوومة وهالشئ مو من يوم يومين من زماااان أحاول أكون صداقات بس ماكو فايدة الى متى بظل اطنش البنات مثل ماتقولوا تعبت من الحالة كله قاعدة مع حالي وثقتي بنفسي انعدمت صرت أكره اطلع واتمنى حد يكون معي خاصة هالايام صعب الواحد يعيش وحده..
اتمنى انكم فهمتوني,,