عنوان الموضوع : بنات الله يجزاكم خير تعبت مع اختي شالحل معها؟
مقدم من طرف منتديات نساء الجزائر

بنات الله يجزاكم خير تعبت مع اختي شالحل معها؟



السلام عليكم ورحمة الله وبركاته


انا بدخل بالموضوع دغري ارجوكم ابي منكم المساعده اختي اللي اصغر مني مطفشتني اهي عمرها 16سنه وأنا عمري 27سنه مشكلتها لسانها طويييييييل بشكل كبير ماتتصورونه تسب وتشتم فيني ولصرخت عليها وبغيت أأدبها عن طوالة لسانها تجي أمي وتدافع عنها وتطلعني انا في الأخير الغلطانه ولما قلت خلاص انا راح ابتعد عنها ولاأكلمها قالت عادي أبركها من ساعه والوضع عندها عادي وكثير مستانسه تخيلوا أنا وهي بغرفه وحده دايم ترمي أوصاخها في الارض وماترضى تساعدني بترتيب الغرفه ومكانها قذر بالمره والله ماكذبت وهذي الحقيقه بس في نفسها تعدل وتترتب كثير حتى وصلت فيها المواصيل انها تخرب كل شي يخصني مثلا ترمي ملابسي في الأرض او انها تكتب لي عبارات قذره وترميها اي مكان أمر انا فيه عشان اشوفهم والمشكله اني من قبل تفاهمت معاها بالهدوء عشان تغير أسلوبها ومافاد وكتبت لها عبارات من أخت لأخت تحبها وتغليها وتخاف عليها وبرضو مافاد ولجأت لها بالصراخ وبعد مافاد وكلموها اللي اكبر مني ومنها بس تنكر وفي الاخير يكلموني ويقولون لي لازم تعاملينها بهدوء واطلع أنا الغلطانه طيب شوالحل انا بديت اكرهها بصراحه دايم تسبب لي مشاكل وانا ماودي أكرهها اهي أختي بس شالحل ؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


اختك مراهقة

جيبيها بأسلوب حلو

ويناسب تفكيرها في هالسن الخطير


__________________________________________________ __________

حاولي تبتعدين عنها لفتره وفتره يعني فتره00نقول شهر00لاتكلمينها ولا تحاولين تجلسين في المكان اللي تكون فيه00ولما تجي في مكان انتي فيه قومي00ولما تحاول تتحرش فيك علشان تنطقين خليك خرسى<بعيد الشر عنك

باختصاار00ابعدي بمعنى ابعدي00لا كلام 00ولا ضحك 00ولاتاكلين معها00وشوفي وش راح يصير00رايحه تفتقدك كثييييييييير وانا متأكده000صدقيني حركات اختك حركات مراهقات تبي تحس انها الافضل00وان الكل يدلعها 00بكره لما تشوف ان حركاتها ما صارت تجيب نتيجه 00رايحه تعمل العكس حتى تكسب ودك

انتي جربي ماراح تخسري شيئ00ومعليش هدي حالك هذي اختك الصغير اذا انتي ما استحملتي مراهقتها وعدلتي سلوكها مين بيستحملها غيرك 00خليك الكبيره العاقله00واعتبريها تجربه تفيدك في تربية بناتك في المستقبل ان شاءالله00الله يصلحها ويهديها 00ويجعل اخوتكم كلها خير في خير يارب


__________________________________________________ __________

الله يعينك خبري الوالد او خبري امك انها كذا واذا عن الغرفه كل وحده فيكم تنام في غرفه ازيين لها


__________________________________________________ __________

دعواتك لها بالصلاح وانتي في صلاة الليل
وانا مع ام حاتم
وان شاء الله فتره مراهقه وترجع اختك لصوابها
انا عندي نفس المشكله واحيانا تصل الى الضرب وكله طبعا بسبب الدلع بس اختي اصغر ياربي كيف لاصارت فالمراهقه


__________________________________________________ __________

طنشيها حتى لو سوت شي ينرفزك
بيني لها انك عايدية هي اصلا تسوي
هالحركات عشان تغيضك وزود
شايفة الكل يدافع لها في مثل دايم
انا اتبعه(اذا بغيت تغله اسكت وخله )
يمكن تتعدل معك اختك
الله يهديها ان شاء الله