عنوان الموضوع : قولوا لي شالحل والله تعبت معاها؟ -لصحتك
مقدم من طرف منتديات نساء الجزائر

قولوا لي شالحل والله تعبت معاها؟



السلام عليكم ورحمة الله وبركاته
بطرح عليكم مشكلتي وهي من شقين الاول
انا مااحب امي ولا احس بناحيتها من حنيه ودايما انا وياها هواش على اتفه شي رغم اني اصغر بناتها وانا اللي بقيت عندها
موعارفه ليش اغلب الوقت سوء تفاهم بينا واغضب عليها على اتفه شي واقعد ابكي ودي اروح اعتذر لها بس مو قادره فيه شي يمنعني موقادره
ودي تحضني
تصدقون عمري ماحضنتها
بالليل ابكي وخايفه من عقاب ربي بس مااقدرمااقدر فيه شي رادني والله تعبت
وهي بعد تدعي علي
وتعصب على اقل شي
صدقوني مو عارفه ليش
الناس كلها تحسدني على باله انها تدلعني ومهتمه فيني مايدرون بلي يصير بينا وهي مع غيري عادي تعبت تعبت
وصفت هالشي لشيخ قال بينكم حسد
اننا استمرت على رقيه لي فتره الحمدالله خف هواشي معاها بس للحين الوضع مو طبيعي تعبت شسوي
ادري تقولون امك وحرام عليك بس والله غصب عني انا مااودي اسوي كذا ولا انا عاقه لها
حسووووووا فيني......
ودايما ادعي بصلاتي يحنن قلبها علي ويحنن قلبي عليها
تكفون ادعولنا
شسوي معاها قولولي

الشق الثاني من مشكلتي
ان امي مختلفه مع ابوي ولابينهم اي صله نهائي مجرد سلام مع انهم عايشين بنفس البيت
ابوي تزوج ثانيه
زوجته حليله وطيبه معاي
وحتى طيبه مع امي
عقدتي في امي تشوفني طييبه معاها ولاتشوفني اسوي شي لها تهاوشني
وانا والله حتى امي اسوي اللي اقدر عليه
شسوي تعبت انا الضحيه بين امي وابوي
ابوي يحط حرة امي احيانا فيني
وامي اذا سويت شي لزوجة ابوي تهاوشني
تعبت من حياتي كلها
ادعوا لي الله يفرج همي ويرزقني زوج صالح يعوضني
ولا الله يااخذ عمري يفكني

>>>>> ردود الأعضـــــــــــــــــــاء على الموضوع <<<<<
==================================


ماعليك ياقلبي يمكن امك تعبانه نفسيا عشان كذا تحط حرتها فيك انتي بنتها مهما كان تحمليها وصدقيني مافيه ام تكره بنتها اذا صار لك شئ لاقدر الله اول من يجيك يركض هي بس الواحد احيانا يمكن يتضايق من شي يمكن بسبب مشاكلها هي وابوك تكتم في نفسها وتطلع حرتها فيك ماعليك اصبري وترى صبرك هذا كله لك فيه اجر باذن الله ونصيحتي لك استغفري بنية ان ربي يسخرها لك ويحنن قلبها عليك انا والله مره صار سوء تفاهم بيني وبين امي وانا والله مالي ذنب بس امي الله يهديها كبرت الموضوع وجلست 3ايام ماتكلمني ابدااااا وتضايقت والله 00 استغفرت بنية انها ترضى علي والله ماجلست يوم الا وهي جات لي تكلمني وماصدقت بهالسرعه بس الحمد لله جربي الاستغفار وماراح تندمي وربي معالك ياعسل وطمنيني وش يصير معك
تكفين ادعي لاخوي بالرحمه ولي بالذريه الصالحه


__________________________________________________ __________

حبيبتي والله نفس قصتي مع بنتي لكن الفرق بيني وبينك انها بكري كل مااتقرب لها او اناقشها باخطاءها ماتحمل اوماتقبل انتي اعرفي السبب المشكله شنوالي اثير المشاكل وحليها مثلا ان امك ماتبيك اطيعين زوجة ابوك هذا من دافع الغيرة امك حاولي ماتحتكين بزوجة ابوك كثير لارضاء الوالده افهمي امك اولا وتقربي اليها واعتذري لوالدتك دائما حتي لو تكون غلطانه راضيها واذا رضة عليك راح اتشوفين من دعاء لك بس يعني ابردي كبدها فهمتى علي وعليك بالدعاء في السجود وبين الاذان والاقامه الله يشرح صدرك ويسر امرك ويهديك انتي وامك وجمعكم بالطاعه وحسن العباده الهم احفضهم من شرالحاسدين والحاقدين يارب


__________________________________________________ __________

الله يحنن قلبها عليك ويحنن قلبك عليها
ويفرج كربتك ياقلبي ويشرح لك صدرك
ويرزقك الزوج الصالح والذريه ياربي
ولا يفرق بينكم
ولا تفكري ان الزواج هو الحل بالعكس يمكن تقولين ياليتني عند امي ولاتزوجت
واخير عليك بالاستغفار فله نتائج مبهره وعظيمه
امك ثم امك ثم امك والله المستعان

اللهم لك الشكر ولك الحمد ولك الثناء كما يليق بجلالة وجهك وعظيم سلطانك


__________________________________________________ __________

الله يحنن قلبها عليك ويحنن قلبك عليها
ويفرج كربتك ياقلبي ويشرح لك صدرك
ويرزقك الزوج الصالح والذريه ياربي
ولا يفرق بينكم


__________________________________________________ __________

ياقلبي امك اغلى من كل البشر لازم تجبري نفسك على برها ومحبتها لا تتركي الشيطان يفرق بينكم لما تشوفيها حبي راسها واسمعي كلامها بروا آباكم تبركم ابناؤكم لا تقولي ماقدر لا ابد تقدري 00(وما تدري نفس بأي ارض تموت )فكري في اليتيمات !!!يتمنون ان امهم موجودة ولو زعلانه منهم عشان يراضونها المهم يشوفوها ويطلبوا دعواتها !!دعوة الوالدين مستجابه 00 \تحياتي