اعدك بالرحيل لكن لا اعدك النسيان روايات
عنوان الموضوع : اعدك بالرحيل لكن لا اعدك النسيان روايات
مقدم من طرف منتديات نساء الجزائر
اعدك بالرحيل لكن لا اعدك النسيان
بسم الله الرحمن الرحيم
السلام عليكم ورحمة الله وبركاته
احبتي في الله ......
اقدم لكم اولى اجزاء روايتي التي لم تكن ستولد وترى النور لولا اشتياقي لاتواصل معكم وأتنور بارائكم وتعليقاتكم ......
فأما موهبتي لم تكن لولا قراءتي المكثفة للعديد من الروايات التي جعلت من قلبي مرتعا لها ولكاتباتها ،
هناك كاتبات ادهشنني باسلوبهن وروعة افكارهن ومنهن من جعلت دموعي تنذرف لاحساسهن المرهف في الكتابه هناك من جعلت لي حافزا لأبدأ اولى اسطري في هذه الرواية التي اتمنى ومن كل قلبي ان تعجبكم
وتنال رضاكم واستحسانكم ......
ولا تحرموني من تعليقاتكم وارائكم وانتقاداتكم التي سآخذها بعين الاعتبار لتنمي من لغتي وافكاري.
لن اطيل الحديث فهناك من ينتظر منكم التعليق ...ببساطة انها روايتي اقرأوها و لكم حرية التعبير عنها.
"أعدك بالرحيل لكن لا اعدك النسيان"
بقلمي:سمرة و نشمية
>>>>> ردود الأعضـــــــــــــــــــاء على الموضوع <<<<<
==================================
"اعدك بالرحيل لكن لا اعدك النسيان"
"بسم الله الرحمن الرحيم "
:يمه قومي...ايييي قومي حبيبتي اذن الفجر. قومي صلي
:اممممم يمه خلاص اللحين اقوم
:يلا قومي قبل لا تطلع الشمس يلا بسرعة
:خلاص هذا انا قمت يمه ..صباح الخير
:صباح النور والسرور يمة يلا حبيبتي صلي واذا تبين نامي بعدين
:لا هذا انا قمت ما اقدر ارقد مرة ثانية اذا صحيت .
راحت امها وقامت تصلي وتقرأ وردها ..وبعدين راحت المطبخ تصلح فطوور حق العيله الي ما يتجاوز افرادها ال4اشخاص أمها وأبوها وأخوها سالم الي يصغرها ب7سنوات
اللي رزقهم الله فيه بعد ما فقدو الامل انهم ينجبو لكن ارادة رب العالمين فوق الجميع..على الساعة سبعة كانوا كلهم مجتمعين على طاولة الفطور
ابوسالم:الا من اللي قام من صباح الله خير وصلح هذا الفطور؟معقول انتي يا كريمة؟؟لالالالالا ما اعتقد لانك ما طلعتي من الغرفة!!
معقول انت يبا ياسالم؟؟اييييه لالا بس انت توك صغير لا ما اعتقد انك انت اللي صلحته!خلاص مو مهم من صلحة لنا المهم ان نفطر يمكن فاعل خير جزاه الله خيير ...
سوار كانت تطالع ابوها بنص عين وقالت:ايه والله جزاه الله خير كسب اجر فيكم وصلحه لكم وهذا فاعل الخير اعتقد انه صاحي من الفجر يناقز في المطبخ بس معقول ماحد شاف هذا المحسن ؟؟
امها تسايرها:مادري يمه انا بعد ما صحيتك للصلاه رحت ارقد ما دري من كان يخابط بالمطبخ؟
سالم وهو مو فاهم شي:يمه معقول حرامي فاعل خير ؟؟
سوار:ايه اكيد كذا ما له تفسير ثاني
بس زين انه ما دخل غرفتك وفكر انك خروف الجيران حق العيد وخذاك معاه رحله ابدية
سالم:وانت ان شافك فكر انك عود خيزران وهدك ماله مصلحة وفايدة منك .
:ايه انت ووجهك اسكت بس..والتفتت لأبوها وقلت:يبه ترا فاعل الخير سأل قبل يطلع من البيت اذا عجبكم الفطور؟
ابو سالم:ايه والله يبه وانا اشهد فطور ملوكي.
سوار مبتسمه:خلاص بقوله كل جمعة يصلح لكم فطور مثله
سالم:الحين انتي اللي صلحتي هذا الفطووور؟؟
سوار:تصور!!
سالم:وانا اقول اش به الاكل مالح!
سواروهي تاخذ الصحن من قدامه :
هات اقول لا يرتفع ضغطك اللحين دام انه مالح
سالم وهو يعاود ياخذ الصحن:لا من قال مالح ؟هذا الا فطور امبراطوري مو ملوكي
سوار بابتسامة نصر مزيفة:ايوة كذا ابغاك تسكت وتاكل
الكل:ههههههههه
وهذي هي عائلة ابو سالم عائلة على قد حالهم بس ولله الحمد سعيدين بحياتهم بدون اي تعقيدات .
بس هل تعتقدون بتستمر الامور هاديه كذا!!!!!
*******************
بنفس المدينة لكن عكس الحالة المادية عائلة اخرى وهي من اكبر العائلات واغناها بالمنطقة عائلة تمتلك الشركات والمشاريع والاموال وخير ورزق من رب العالمين وفي بيتهم تحديدا كانت في بنتين جالسات مع بعض..
:ها شيماء متى بيوصل فستانك؟
:ان شاء الله اليوم قالو
:متشوقة اشوفك بالفستان الابيض
:والله؟مشكورة
:لا اش حقه تشكريني؟والله هذاك اليوم انتظره يجي بسرعة يوم اشوفك ماشية بين الناس للكوشة باللون الابيض اللي بتخرعي الناس بشوفتك ويهربوون
:انا!!اها بس لا تكوني غيرانه وتبين العرس!!
:اييييه ابي العرس انتي ووجهك ،ثم ابتسمت بخبث :انا ابغى اشوف شكلك وانت شبه"كاسبر"الشبح الابيض هههههه.
:انا شبح؟؟انزين اشوفك يوم عرسك يالبومة
:صح لسانك ..والله بومة وغراب بعد
:والله ما غيرك انت واختك بومة وغراب
:فهوووووود شوفهاشتقول!
:ما عليك منها حبيبتي بس هذي محتاسة علشان تبي العرس ومو لاقية حد يطرق بابها
:اه وانا اقول اش فيها علي من الصبح اثريها مشفوحة على الزواج..
الريم تناظر بفيهم بنص عين:يا شين بعض الناس لا غارو من الشيخة "ريم "بس هين انت وهي
بس يرد هو من السفر اشوفكم مثل قطاوة الشوارع ولا حس ولا صووت عنده ..الله يرده بالسلامة وياخذ حقي منكم
:من هوو؟
الريم بابتسامة فخر:شيخ الشباب كلهم نظر عيني "عمر بن محمد .."
يا الله ما اجمله من يوم لما اشوف فهد مثل القط لا يقدر يفتح حلقه بكلمه من الخوف.
فهد باستهبال:يمه!!ارعبتيني..
شيماء بمزح: بس تدري فهد..احنا نصير قطاوة عند عمر لا تكابر خلاص انا اعلن استسلامي ما اقدر اعادي وحدة لها حليف قوي مثلة
ريم:امممم يا فديت الخوف شيسوي ببعض الناس.
فهد :لا والله يا القردة انتي واختك قال وانا اللي واقف معاها بس الشرهه مو عليك الشرهه علي انا اللي ادافع عنك صج انك ما تنعطو عين.
ريم:تستاهل يالاخو انت تدري انك مو قده ليه تقارن نفسك فيه؟؟! ترى هذا الشيخ "عمر" مو اي احد .
فهد :وانا الشيخ" فهد ولد محمد" ومو محتاج رايك
ريم:عالعموم هو يوم الاربعا جاي ان شاء الله خليني اشوفك اشبتسوي يومها
شيماء:بس يرد هو في السلامه وما نبغى شي
:ان شاء الله
******************
وفي مكان وارض وسما ثانيه وبلاد غربة كانو اثنين يتمشون مع بعض في شوارع نيويورك اثنين جمعتهم الاخلاق الطيبة والصفات المشتركة والافكار الواحدة والمبادئ الصادقة واهم شي حب كل واحد واحترامه للثاني كانت علاقة مبنيه على الثقة المتبادلة بدون اي حواجز وتعقيدات ما يدري كل واحد شلون صار كذا بالنسبه للثاني بس المهم انهم ما يقدرون يفترقون ولا لأي سبب صداقتهم ابتدت من اربع سنين لما التقو الاثنين في الطيارة وبسبب انهم من جنسية وحدة واصل واحد تكلمو مع بعض وتعرفو ومن الكلام عرفو انهم رح يدرسون بنفس الجامعة والتخصص يعني في نفس المدينه وسكنو بشقة كانت ملك لواحد منهم لانه يسافر امريكا اصلا للعمل بس ما يقعد كثير واللحين جاه وقتها ويقعد فيها هو وصاحبه اللي حمد ربه انه لقي واحد مثله يكون معاه بالغربة ومع الوقت والعشرة اكتشف كل واحد فيهم انه ما يقدر يستغني عن الثاني وحتى في اجازاتهم يروحون ويردون مع بعض واللحين بعد هذي السنوات في الغربه هم باخ اسبوع من امتحانات الدكتوراه ويردون ديرتهم واهلهم..
وهم يمشون في الشوارع الصاخبة والمليانه ناس اشكال وألوان قال واحد فيهم:ها بلغت الاهل بردتك؟؟
:اي اكيد اتصلت وكلمتهم
:الا قول وش بتسوي بس ترد السعوديه؟
:اش بسوي بعد!بمسك وحدة من الشركات واديرها ولا ليه درست ادارة اعمال؟
:وبس؟؟؟
:وش بس؟اي بشتغل ولا تبيني اظل مقابل خشتك بعد لما نرد ترى كافي خمس سنين
:هههههههه لا اقصد ما تبي تعرس؟؟
:ضحك ضحكة خفيفة ماكرة وقال:اتزوج؟؟اكيد انت جنيت .
:ليش؟؟انا قلت اعرس مو انتحر!!
:انت تدري عدل ان هذا بالنسبة لي الانتحار بعينه تبيني اجيب بلوة واحذفها على نفسي؟وهذا وانت تدري اني ما اواطن جنسهن
:اي انا اللي ادري وما يحتاج حد يقول لي عنك انت من شفت البنت تمشي بطريق الاقيك بطريق ثاني وانا ما دري ليه البنات من يشوفونك يستخفووون يعني ادري انك حليو بس اللي يشوفهن استهبلن كانك بجمال سيدنا يوسف يقول معاذ الله ما هذا ببشر !
بضحكة وقورة متزنه:انت يا ولد اعقل بتدخل الثلاثين وانت تفكر بعقل صبي عمرة13 هذول بنات اللي تكلم عنهم بنات مضيعات المذهب وما يدرين وش يسون بعمرهن قليلات ادب واخلاق وا لهن دين ولا مله
:يا عمر وش ذنب البنات شب بالزين هذا اكيد بينتحرن لانك ما تعبرهن !
عمر بابتسامه :وش رايك تتغزل فيني انت بعد؟
فيصل: لا عادت زودتها اصلا البنات ويطالعن خشتك الا لاني رفيقك ولاني مو معبرهن يعطونك الارقام علشان توصلي انا عن طريقك يعني تمويييه!
عمر:لا الاخ واثق بزيادة
فيصل:انت لا عاجبك ذا ولا ذا وش اللي تبي انت؟؟
عمر:ابيك تسكت وعن الهبال هذا اللي يسمعك يقول" دون جوان " مو عندك اللي يكفيك
فيصل :ييييي خلاص لا تذكرني
***********************
__________________________________________________ __________
تحديدا شركة ابو عمر:
:طلبتك يا بو جميل اصبر علي ان شا الله اردهم قريب بس اعطيني وقت.
:ما عاد فيني صبر عطيتك فترة طويلة تسدد فيها الدين وللحين ما رديتهم المفروض الفلوس عندي من كم شهر وانت كل يوم اليوم وبكرة لا خلاص انا ابي الفلوس او انك "وهو يأشر على ايدينه "تدخل السجن بتهمة النصب والاحتيال
:لا الله يهديك وش سجنه يا بوجميل خلاص هذا انا كم يوم وادبر المبلغ بس انتطر شوي
:انزين اسمعني عدل انا بعطيك فرصة تعوضني فلوسي من غير لا تسددهم لي !!
:شلووون ؟؟ما فهمت ؟؟
:شوف انا ادري ان عندك بنت بسن الزواج وهذا اعطيك فرصة اتزوجها وانسى الدين اللي عليك.ها اش قلت؟ انا ادري ان مبلغ المديون فيه 200،000مو مهر بنت بس ما عليه مو خسارة فيها .
الرجال كان فيه عقل وطار :تخسي يالخسيس ازوجك بنتي هذا وانت كبر جدها ولا بعد متزوج بدل الوحدة ثلاث.
ابو جميل بوقاحة:والشرع حلل اربع
انت بس شاور الاهل ورد خبر واتمنى الجواب يكون واحد بس والا.......
الرجال بطل عيونة على الاخر وقال:تدري شنو ،لو اقضي عمري بالسجن ما ارمي بنتي الغالية هالرمية هذي !انت صاحي انت ؟من عقلك ولا من نصه !
ابوجميل معصب:شوف انت طيرك عالي والله انت شلون بتسدد دينك ها!انت ما عندك خيار ثاني علشان تقفل صفحة الدين وانا ما رح استنى اكثر من 3ايام فاهم ''او اقدم فيك شكوى واقطك فالسجن
:لو يقطعون رقبتي ما تشوف ظفرها يالخسيس الوصولي ..وغادر المكان وهي واصله اخرتها معاه شلون؟شلون يفكرو بس تفكير ياخذون بنته حبيبته منه ها شلون؟هو اللي رباها بكل حب وما حرمها من شي ويتمنى لها الخير والافضل يرميها رمية شينه مثل هذي؟؟؟لا والف لا
الاثنين ما كانو عارفين ان في شخص اخر سمع الحديث كله وما طاب له اللي سمعه وقرر ان ما يقعد مكتوف اليدين والا يساعد الرجال وبنته!!!!
******************************
قاعدة تطالع كتاب وهي قاعدة على الكنبه في الصالة وامها طلعت من المطبخ وهي تطالع بنتها ماسكة رواية،،هاملت ،،،"لشكسبير"باللغة الانجليزية كانت تطالع بنتها بحزن عميق خفي هي تدري مقدار حب بنتها للدراسة والعلم خصوصا " ادب الانجليزي"اللي كانت دايما في المدرسة تقول انا بدرس هذا التخصص بالجامعة وكانت متميزة جدا في اللغة الانجليزية بس "ليس كل ما يتمناه المرء يدركه "...
سوار لاحظت ان امها تطالعها فقالت:يمه حبيبتي ترى التلفزيون قدامك مو بوجهي !!!
امها بابتسامه:ادري بس انتي وش قاعدة تسوين؟
سوار تتفلسف:هذا يا طويلة العمر الشيخ شكسبير يرغي ويتكلم بهذرة زايدة مالها معنى بس انا من الناس اللي احب هذي الهذرة واندمج معها بعد وبكذا اضيع وقتي اللي وش كثره
امها بتأثر من جماتها الاخيرة:لا يمه لاتقولي كذا ان شا الله بتدرسي وبتحققي حلمك يمه الله كبير وعلى كل ظالم ...وبعدين ابوك قالك كملي دراستك بس انتي الله يهديك راكبه راسك وما تسمعين الكلام
سوار بضحكه حلوة تبي تضيع الموضوع:يمه خلاص عادت ما صار شي ....الله بيسهلها وشافت اخوها يلعب بلايستيشن وقالت:هيه انت ترى اللعبه هذي ما تنلعب كذا قوم قوم اراويك شلون وخذت اليد الثانيه ولعبو وحدة جديدة وهم يناقزون ويصارخون ويضحكون
هو يقولها غشاشة وهي تقوله العب وانت ساكت وتطالع لسانها له تقاهره وامهم تطالع خبالهم وتضحك وباللحظة هذي انفتح باب البيت........
**************************************
هذه اول اسطر من روايتي الاولى اذا اعجبتكم كبداية سأتابع كتابتها وبانتظار تعليقاتكم ...
مع تحياتي لكم...
سمرة و نشمية
__________________________________________________ __________
مرحبا اخواتي ودقات القلوب...
كان الجزء الاول بداية تعريف ببعض الشخصيات وبيان لأول المشاكل اللي بتظهر معانا في الرواية والجزء الثاني ان شاء الله بيكون تابع للجزء الاول بالتعريف عن شخصيات اخرى ستظهر في احداث روايتنا .........
اللحين ننتقل للجزء الثاني وعلى بركة الله
الجزء الثاني
اعدك بالرحيل لكن لا اعدك النسيان
*سمرة و نشمية*
بسم الله الرحمن الرحيم
سئل حكيم لما السماء صافية؟؟ فابتسم وقال :لأن البشر لا يعيشون فيها!!
فتح باب البيت وكان ابوهم جاي من العمل طالعو ابوهم وشكله تعبان مرة ..سوار خفت مسكتها على يد البلايستيشن بسبب شكل ابوها اللي ما يبشر بالخير امها اتجهت له متخوفة من اللي جاي به اش فيه يا ترى؟؟كان وجهه مسود وجسمه مهدود كانه عمره زاد 10سنين ما يدرون اش في بس المهم انه اليوم مو طبيعي. وفيه شي صاير معاه معقول ابوي انطرد من الشغل؟او معقول متمشكل مع احد ؟لا ابوي ما يخانق احد اش فيه يارب؟؟قررت تقطع الصمت وتسأل قبل امها :
يبا!عسى ماشر اشفيك؟؟
:لا رد
يبا !يبا! تكلم يبا اشفيك؟لا تخوفني عليك
ابوها قعد يطالعها بعيون مليانه حزن واتجه لعند اقرب كنبة وقعد وهو يطالع الفراغ...باللحظة هذي تكلمت امها :ابو سالم اشفيك خوفتنا عليك تحكى انت تعبان؟؟
ابو سالم بصوت مهموم مكسور:لا ما فيني شي شوية تعب ويروح بس ابغى انام شوي وان شا ألله اصير احسن لا تحاتون وراح غرفتة وزوجته لحقته ..اما سوار اللي ما مشى عليها كلام ابوها لان باين ان موضوع كبير شاغله مو بس شوية تعب راحت المطبخ تصلح له عصير ليمون يهدي به اعصابه ولما وصلت غرفة ابوها سمعته يكلم امها بس قبل لا تدق الباب سمعت كلام صعقها خلاها تنتفض وتحس بنفسها شوي وتطيح
معقوووول؟؟؟ابوي يتعرض لهذا الموقف؟بس... بس شلون ؟هو المفروض يدفع المبلغ لزميلة اللي في الشركة معاه اللي اخذه حق عملية اخوها سالم ""عملية قلب مفتوح""بس اللي سمعته ان الرجال يطالب بالفلوس لان اذا مادفعهم بيدخل السجن ..بس اللي سمعته بعدين انه... اتزوج؟؟؟يعني ابوي ما في قدامه غير خيارين يا يدخل السجن يا اتزوج من الدائن علشان انقذ ابوي؟؟لحظة ابوي يقول بيدخل السجن ولا اتزوج منه؟؟؟شلون يعني ابوي يقضي باقي عمرة بالسجن مقابل انه ما يشقيني بقية عمري؟؟لاااااااااااااااا وين هذي تصير ؟ابوي يبي يضحي بنفسة لأجلي وانا اوقف اناظرة كاني مالي بالعلوم خبر؟ابدا ورب البيت يبا ما اخليك تنهان او تتبهدل بالسجون وانا بيدي الحل ..خلاص انتهى والقرار انأخد .....
دقت الباب ودخلت وشافت امها دموعها بوسط وجهها وابوها دموعه شوي وتعلن وجودها امها وهي تحاول تخفي دموعها علشان سوار ما تلاحظ شي بس اللي فاجأهم ان سوار فجرت القنبلة وقالت:"انا موافقة"!!!
ابوها وهو يطالعها باستغراب ممزوج بغضب :على شنو موافقة؟
سوار:على الرجال المديون له !!
امها ودموعها تنزل بزيادة:يمه سوار انت شتقولين انت صاحية؟؟هذا كبر ابوك ومتزوج ثنتين !!
سوار تحاول تكون قويه بموقفها وما تنهار باكيه عاجزة:ولو المهم ابوي ما ينداس على طرف منه وانا بدبر روحي .
ابوها وهو يقوم من مكانه:سوار هذا موضوع انت مالك شغل فيه وانا لو بخيس بالسجن ما ارميك الرميه هذي فهمتي؟يلا روحي غرفتك ولا يطري الموضوع على بالك مرة ثانيه وانا ادبر عمري بروحي
سوار وبلشت دموعها تتجمع بعيونها:شلون ...ها شلون ؟؟شلون بدبر عمرك ها؟ عطني الطريقة يلا !من وين بتحصل الفلوس ؟؟؟احنا ما عندنا شي لا اراضي ولا حساب بالبنك ولا انا اشتغل ولا امي واخوي صغير وانت راتبك يادوب يكفينا لاخر الشهر وما نقدر ناخذ من احد شلون بتدبر امورك؟؟
ابوها وهو اصلا مو محتاج حد يذكره:الله يحلها من عنده يبا لا تشغلي بالك
سوار بتصميم:وهذا ربنا حلها انا خلاص موافقة وخلاص ما عاش من يذلك يبا وانا عايشة وانا بيدي اشتري سعادتك
وعلشان لا تسمع اعتراض ابوها طلعت من الغرفة بسرعة وامها لحقتها وقعدت معاها تحاول تثنيها عن رايها لأن الزواج برجا كبير للتخلص من الدين مو حل
:سوار يا يمة ترى هذا مو حل واللي سويتي غلط يمه المشاكل ماتنحل بالطريقة هذي
سوار:الا بالطريقة هذي ويمه لو سمحتي اقنعي ابوي بموافقتي وانا اراويكم فيه هذا العجوز الغبي وان ما فرجيته نجوم القايلة ما اكون انا سوار
امها تبي تفهمها ان اللي في بالها غلط بس وين وهذي سوار العنيدة اللي ما ينداس على طرف لها وما تسمح لاحد يطاول على احد من عايلتها قوية وحازمة وماتسكت عن الحق واللي في بالها بتسوي يعني بتسويه هذي هي سوار
طلعت امها من عندها وباللحظة هذي بلشت سوار بكاءها في غرفتها وهي واصله حدها من الزعل بس هي تعودت انها ماتبكي قدام احد حتى لو امها وما صار انه احد هز من كبرياءها وخلاها في يوم تبكي او يقدر احد يجرحها لانها ببساطة اللي يزعجها او يحاول انه يزعلها ترد له الصاع صاعين وتخليه يكمل باقي عمره يدور قطع غيار لكرامته من كلامها اللي يوجع القلب ويضرب على الوتر الحساس منفردة ،،استثنائية باسلوبها غير عن بنات جنسها وعمرها
تفكيرها اكبر من كذا حتى البنات وخرابيطهم ما تهمها وتعتبرها تفاهه واذا كان بنات سنها يفكرن بالحب والزواج والموضة فهذا اخر همها مو معقدة لكن تآمن ان النصيب مكتوب وما تلف وتدور علشان تلاقيه لان رح يجي لحد عندها بدون لا تتعب نفسها اما الملابس والموضه فهي انيقة وبطريقه حلوة بدون ما تلاحق الموديلات وصيحات الموضه ان حصل وصار عندها فستان حلو لبسته وتأنقت ما حصل تقتنع باللي عندها "قنوعة"والقناعة كنز لا يفنى وابوها بعد بالرغم من وضعه المتواضع الا انها بنته الوحيدة وما يرفض لها طلب ان طلبت شي وحتى من غير لا تطلب اصلا كل شي حاضر لها
*************************************
__________________________________________________ __________
في بيت ابو عمر. .....
ابو عمر رد البيت وجلس وفكره مشغول باللي سمعة اليوم ياالله رحمتك احنا شالزمن اللي احنا فيه وين الرحمه وين التعاطف معقول ما في اي احساس بالغير ؟؟ غابت الشهامه والمرجله والله خسيس ولد خسيس شلون يفكر ببنت بعمر بنته ؟؟؟شلون اقدر اساعدك يا ابوسالم شلون ؟مستحيل تقبل تاخذ فلوس اعرف هذا الشي انت حتى المكافآت بالشغل ما تقبلها نفسك عزيزة وكرامتك اولا بس مشكلتك مالها حل الا تدفع فلوس للمتخلف ابو جميل انت ما رح ترضى بشرطه حتى لو تدخل السجن
قطع عليه افكاره ام عمر جالسه جنيه ومعاها القهوة تقهوي وملاحظة شروده وتفكبره العميق اللي شاغله ام عمر:ابو عمر اشفيك؟واضح عليك مشغول بشي اش صاير؟؟طالعها وقال:ما في شي الا عمر متى بيرد ؟؟
ام عمر ابتسمت تلقائيا للسالفة ولدها:ان شا الله اليومين هذول بيكون هنا هو وفيصل
ابو عمر :اي فيصل رجال والنعم منه ؛هذا ولدي ما يختار الا الصحبه الصالحة ..وباللحظة هذي خطرت على باله الفكرة فقال:لما يجي عمر لازم يتزوج خلاص بيدخل الثلاثين وهو يأجل الموضوع كل ما جبنا طاريه
ام عمر تحمست للموضوع وعلى طوول وافقت زوجها:اي والله صدقت انا من يرد اكلمه واشوفله البنت اللي تناسبه وتناسبنا
ابو عمر:البنت موجودة بس انتي اقنعي ولدك اللي راسه والحجر واحد
ام عمر:البنت موجودة!!!من هي وشلون؟انت تعرفها
:اي اعرف ابوها وهو موظف عندي بالشركة
:موظف!!وعندك بالشركة !لا يابو عمر ولدنا ولازم نختارله الافضل مو اي بنت والسلام ؛؛نختارله بنت من عيله كبيرة ومن مستوانا علشان تناسب افكاره ومستواه التعليمي واحنا اش درانا البنت كم عمرها وش هي اخلاقها تعليمها البيئة اللي جاية منها و..
ما كملت الجملة بسبب انه ناظرها بنظرات خلاها تسكت وقال:من متى ؟من متى وانت كذا؟احنا من متى نحاسب الناس على مستواهم ها؟اذا ربنا رزقهم بالقليل وله حكمه احنا منو حتى نعترض ولا يمكن هذول اللي مو عاجبينك يكونو احسن منا في دينهم وتعاملهم اش يدرينا وانا الموظف اعرفهؤواعرف اخلاقه بعدين تعالي هنا اذا كانو فقرا يعني ما يتناسبون؟انا لولا ان ابوي قدر يوقف الشركه على رجولها وخلاها من اقوى الشركات ما كان هذا مستوانا وكان كنا ناس بسيطين على قدنا هل هذا يعيبنا او يخلينا اقل من غيرنا ؟؟ما هقيتها منك يا ام عمر وهذا انت الكبيرة العاقله اللي ما تهتم للشكليات والمظاهر ولف وجهه بزعل عنها
ام عمر بندم:انا اسفة ما قصدت اللي انت فهمته والناس كلها خير وبركة بس انا ادرى بولدي وبطلباته ولانه ما يبي يتزوج يصير ياخذ كل شي حجة له وانا مابي الا مصلحته ويختار الاحسن علشان ما يكون له حجه ابد
:عمر بيوافق غصب لمتى بيظل كذا ؟اللي بعمره صار عنده بيت وزوجة وولاد وهو للحين ما يبينا نكلمه حتى بالموضوع بس يرد لازم يتزوج ماله مفر من هالموضوع
:خلاص اللي تبي بيصير انا بعد ابي اشوف ولدي مستقر والبنت اللي قلت عنها على الاقل خليني اشوفها اعرف عمرها اعرف اش تفكيرها
:وهذا اللي بكلمك فيه بندعيهم على زواج شيماء وبتشوفين البنت انا ما ادري كم عمرها بس اكيد اصغر من عمر
:انت تآمر امر بس..انت ليش مصر عالبنت هذي؟؟يعني في سبب معين؟
:اي انا ابي اساعد ابوها يتخلص من مشكله واقع فيها وهو ما يدري بالموضوع حتى بس انا ما ارضى بالظلم والرجال هذا رجال والنعم فيه بس المصيبة اللي طابح فيها كايدة وانا اشوف انسب حل هو الزواج
:وش هي مشكلته؟؟
وقال لها المشكله اللي سمعها وهي بنت اصل ما يرضيها احد ينظلم شاركت زوجها ووافقته على قراره
*************************************
كانت بغرفتها وللحين تبكي بس فجأه رن جوالها شافت رقم سحر بنت خالتها ردت:هلا سحر
:هلا سوسو اشحالك يالخبله لا تسألين ولاتدقين وين اراضيك يابنت ؟؟؟
:الحمد لله انا بخير ،انت شلونك؟؟؟
:انا بخير وابيك تروحين معي السوق
:لا مافيني حيل اعذريني
:سوار صوتك مو عاجبني فيك شي!!
:لا انا بخير بس تعبانه شويه و..
:لا سوار هذا مو تعب انت فيك شي قولي بسرعة خوفتيني عليك.
:سحر انا بخير ما في شي بس بتزوج!!!!
:نعم؟؟؟؟؟
:اللي سمعتيه سحر انا بتزوج خلال كم يوم
:لحظة ..لحظة سوار انت اش قاعدة تخربطين من بيتزوج من؟؟
:انا اللي بتزوج
:ههههههه تصدقي احب مزحاتك بس هذي قويه شكيت ان اليوم كذبة نيسان ههه،،يلا حضري نفسك بمرك نروح السوق
:سحر انا بتزوج صدق مو قاعدة العب!!
:سوار بلا خبالك اللحين وش تتزوجين اش هذا الكلام ؟سوار انت من عقلك ولا تضحكين معاي؟
:سوار بصوت مهدود :لا والله اتكلم جد انا اليوم انخطبت والزواج خلال يومين
:لا عادت كذا كثير ثواني واكون عندك
:لا تبطي انتظرك
"يارب انك تساعدني اش اقول لها؟وشلون بتكون ردت فعلها ؟معقول تزعل ؟بس اللي صار غصب عني مو بكيفي وهي اكيد رح تقدر وضعي بس شلون هو بيفهم ويقدر؟يمكن يستحقرني لاخر عمره "يحبها يعشقها وعايش لأجلها بس من لما صحي ووعى على الدنيا وهي الوحيدة اللي تشغل باله وتفكيره كبر وكبرت وكبر عشقه لها لدرجة انه صار يتنفس الهووا اللي تتنفسه ما يتخيل حياته بدون سوار كان يبي يدرس هندسة جينات بس لان سمع انها ماتحب مادة الاحياء كنسل دراسته ودرس لغات لأجل يكبر بعينها هي تحبه كولد خالتها وتحترمه بس ما تدعي انها تحبه مثل ما يحبها مع انها تدري بمشاعره بس هي ما تحس بشعور تجاهه مع انه بعجبها كشخص لكن القلب وما يهوى وتقدملها قبل الثانويه وبالتأكيد رفضت لأنها تبي تدرس واجلت الموضوع وهو ظل عايش على امل انها توافق بيوم بس يا ترى اشبيسوي لما يدري انها رح تكون لغيرة ؟؟معقول بيسكت ؟او بيقول نصيبي وخلاص؟
عشر دقايق وكانت سحر عندها كانت سوار عيونها منتفخة من اثر البكي بعد ما هدت نفسها علشان ما يشوفو دموعها
سحر:سوار صدق اللي قلتي؟؟
سوار تتنهد بحزن :اي صدق
سحر باستغراب وفي بالها مية سؤال ،شلون ومتى ومن وليش :بس شلون صار هذا؟؟
سوار تطالعها بحزن: القصة صارت من سنتين واليوم انا اللي بدفع الثمن!وقالت لها سالفة الدين وشرط ابو جميل وان ما في حل ثاني غير التضحية اللي بتسويها لاجل تنقذ ابوها من السجن
سحر بحزن على حال سوار قامت وضمتها وهي تواسي فيها الله يصبرها وتحاول تلاقي حل للمشكلة بس المبلغ مرة كبير وصعب يحصلون هذا المبلغ بسهوله بس المشكلة الكبيرة بتصير لما اخوها 'عبد الرحمن'يدري بالموضوع يمكن يكسر الدنيا او يذبح الرجال المهم سوار ما تكون لغيره ارتجفت بس لمجرد التفكير بالموضوع واللي متأكدة منه انها مستحيل انها هي اللي تقوله الخبر
سحر:سوار انا مابي اضغط عليك بس اش بقول حق عبد الرحمن ؟هو ينتظر كان تكملي دراستك واللحين ينصدم انك بتزوجي؟؟
سوار:سامحيني يا سحر لكن مو كل اللي نتمناه بنحصله دايما وانا متأكدة انه عاقل وبيقدر وضعي ولو كان بيده شي ما يقصر بس هذا اللي يصير لا بيدي ولابيد احد
بس انا اوعدك اني اخلي هذا عجوز النحس يدفع ثمن ابتزازه لابوي وللوضع اللي حطنا فيه هو بامانه ينتظر ويعطي ابوي مهله حتى يسدد المبلغ بس هو قرر يتناذل وانا بعلمه شلون يلعب هذي اللعبه الوسخة معنا لان ما يعرف من انا!!
:سوار استهدي بالرحمن ترى لا تروحي تسوي شي يضيعك وتندمي عليه باقي عمرك
واللحين انا لازم الاقي طريقة نقول ل عبد الرحمن بس انا اخاف يسوي بنفسه شي
سوار باستسلام وزهق من الوضع:لا عبد الرحمن انسان مؤمن وما يآذي نفسه وبيفهم انه كل شي قسمة ونصيب
سحر قعدت عند سوار قريب الساعة بعدين راحت وهي تجر ريولها جر ومتخوفة من ردة فعل اخوها....
******************************
__________________________________________________ __________
:ريييييم اشفيك ليش تبكين؟؟ ياربي اش صاير انتي من تكلمين؟؟هاتي هاتي اقول
الوو؟؟
:الو،شلونك شيماء؟؟
:عمر!هلا والله هلا فيك شلونك شخبارك ؟؟
:انا بخير ولله الحمد اشلونك يا عروس كيف النفسية؟؟؟
:الحمد لله زينه بس بأصير احسن لا شفتك ؛؛الا ريم اشفيها صدعتني ببكاها اشفيها ؟؟
:تبكي لاني قلت لها مو جاي بكرةوتأجلت سفرتي بس
:نعم!!!!مو جاي ؟؟ليش؟؟ ليش مو جاي ،وبدت تبكي وتبكي مثل الريم وعمر يهدي فيها يبي يفهمها لكن ابدا ما في مجال وقالت من بين دموعها وهي تشاهق:والله ان ماجيت اني ما اتزوج واكنسل العرس مالي شغل اشحلات العرس لو ما كنت فيه ..يعني تبي تتركني في هذا اليوم وانت اخوي الكبير..
عمر:شيماء حبيبتي من قالك اني مو جاي اهدي ووقفي بكي علشان اقدر اكلمك
شيماء وهي تحاول تستوعب اللي يقوله وتمسح دموعها:شلون يعني؟
:يعني انا برد يوم العرس بس طيارتي التغت علشان الظروف الجويه هنا وبس يصفى الجو برد على اول طيارة ولو ما لقيت حجز برد بطيارة خاصة .ها ارتحتي؟؟
شيماء متشققة من الفرحة:يعني..انت بترد وعلى طول صح؟؟طبعا ما سمعت الجواب لان السماعه صارت مع الريم لما سمعت انه بيرد
:انت متى بترد ؟ولي قلتلي مو راد
:خلاص انا برد الخميس ،وانت ما عطيتيني فرصة افهمك ان الرحلة تأجلت
ريم تناقز من الفرحة:المهم انك بترجع ،،الا ما قلتلي اش جبت لي من هناك؟
عمر :مم .. ما جبت شي انت كبرتي على الهدايا خلاص
ريم بدلع:لالا اذا ما جبت لي هدية بنتحر
:خلاص حئيبتي انتحري
ريم بزعل كذاب:خلاص لا ابي هديتك ولا امريكا الي تعرفها خلاص مابي منك شي
عمر:لالا حبيبتي كل امريكا واهلها على حساب الاميرة واللي تامر فيه شيخة البنات واللي تيبه بيكون عندك بس انتي تدللي
:يا بعد ذاتي يا بعد الريم انت ..انا مابي شي الا شوفتك وانت راد لنا بالسلامة
:وانا بعد مشتاق لكم ...واللحين خليني اجهز شنطة سفري مع السلامه
:اموااااااح وهذي مني لك......يلا مع السلامه
:مع السلامه ..سكر الخط وهو يضحك على خبالها وبعدها انتبه على اللي واقف يطالعه عند الباب:ليش تطالعني كذا ؟اشفيك؟
:اللي اعرفه ان ما في عندكم بزران بالبيت
عمر فهم فيصل وتلميحه:مين قالك احنا عندنا بزر من 19سنه ومهما تكبر تظل صعيرة بنظري
فيصل ابتسم وبس لانه ما حب يخوض بالموضوع اكثر لان البنت اللي يتكلم عنها صبية كبيرة واكييد وحدة من خواته فغير مجرى الحديث :خبرت الاهل بتأخير الرحلة؟؟
:ايييه وفتحوها مناحة بس روقو بعد ما قلتهم الرجعه بتكون الخميس
:على خير ان شا الله
*************************************
نهاية الجزء الثاني
مع حبي لكم
*سمرة و نشمية*
رد مع اقتباس
