عنوان الموضوع : روايه أنا من كثر ما أحبك أشوفك في عيوني غير -رواية
مقدم من طرف منتديات نساء الجزائر

روايه أنا من كثر ما أحبك أشوفك في عيوني غير






البـــــــــــــآرت الــــــــــــــــأول ,

انـا لاقلـت لـي شلونـك وانـا ضـايـق اقــول بخـيـر
مـدامـك سـائـلٍ عـنـي اكـيـد ان ضيـقـتـي راحـــت

انـا مـن كثـر ماحبـك اشـوفـك فــي عيـونـي غـيـر
تضيق النفـس مـن غيـرك ولامـن شفتـك ارتاحـت

احبـك كـثـر .. ماتـطـري فبـالـي وتشـغـل التفكـيـر
كـثـر .. ماشيـلـك بعيـنـي ونـــاسٍ مـنـهـا طـاحــت

احبـك كثـر .. مـا ادمـح خطـاك ان خـانـك التعبـيـر
كثـر .. ماخانـت الرفـقـه بكـتـم اسـرارهـا وبـاحـت

احـبـك كـثـر .. صـقـارٍ تـولـع فـــي مـحـبـة طـيــر
كـثـر .. مـادلــة الـطـيّـب بـريـحـة هيـلـهـا فـاحــت

احبـك كثـر .. ماحـس بشعـور انــي علـيـك اغـيـر
كثـر .. مازيـح هالغيـره عـن افكـاري ولا انزاحـت

احبـك كثـر .. مالـك داخـلـي حــب وغــلا وتقـديـر
كثر .. ماغبت عن عيني ودموع امفارقـك ساحـت

تصدق !! من عرفتك صرت احبك .. واكره التغيير
وانـا اللـي كنـت اعشـق كـل نجمـه بالسمـا لاحــت

تـأكـد كــل ماتسـئـل عــن حـوالـي اكـــون بـخـيـر
مـدامـك سـائـلٍ عـنـي اكـيـد ان ضيـقـتـي راحـــت


جالسه على كرسيها , وسرحآنه نست العالم كلها وسرحت , سرحت بخطيبهـآ ولي راح تكون ملكتها بعد كم شهر !
بس ملكه مو زواج
: الله , راح تكون حياتنا كلها فرح بـ فرح , وفيه احد راح يتزوج وآحد مثل خالد وما راح يعيش معه فرحان ,. أول شي وسسيم
لابعد درجه , ذوووق , كششخه , وأهم شي رومآنسي
قطع سرحآنهـا دخول اختها الصغيرهـ الي كانت بالثآنوي

>>>>> ردود الأعضـــــــــــــــــــاء على الموضوع <<<<<
==================================


الي ماخذ عقلك يا غدوو يتهنى فيه
ظحكت بخفه , ودق قلبهـآ بقوهـ : وهو ماخذ عقلي وبسس !
: هههههههههههه عرفته اكيد خويلد
بعصبيه مصطنعه : خويلد بعينننك ,
: ما اتحمل انا الي يغاروون
غاده : اذا ما اغار على خلودي حبيب قلبي على مين اغار وبعدين بظحكه وبلا مبالاه تقهر , اغار عليك !
: انقلعي بسس , اصلاً لآ عمرك غرتي علي وجع , خلني اشوف خالد والله لاخربه عليك
غاده : لارا على طول طيري من الشباك , اجل تخربينه علي هاا , وبدلع , وهـ بس اصلا يحبني وما تقدرين تغيرينه علي !
قطع هوآشهم دخول اخوهم
سلطان : غاده وَ لآرآ تعالوا تحت امي تقول ناد خواتك عشان القهوهـ
نطت غاده بحماس : قهوهـ جت بوقتها والله وبعد افتك من هالخشه
نزلوا تحت ولقوا العايله كلها مجتمعه , ام سلطان وابو سلطان وبعد اخوهم سعود
لارا : الله , اليوم العايله كلهها مجتمعه غريبه !
ام سلطان بعصبيه : وش غريبته ! , كاننا نجتمع بالسنه مرآ ما شاء الله الله لا يضرنا كل يوم على الفطور والغداء والقهوه وبعض
الاحيان العشآء !
لارا بظحكه : لآ اقصد يعني سعود موجود ! , دايما موب موجود =)
سعود وهو يناظرها باحتقار : لارا وش تحسين ؟
لارا بهبال : احس الي انت تحس الحين فيه
سعود : طيب انا احس اني اكرهك !
لارا : قلت لك احس الي انت تحس فيه , يعني شعور متبادل
ابو سعود : لا حول ولآ قوه الا بالله , انتم ورآكم ما تهجدون !!
لارا بحيا : ان شاء الله يبه

نوقف شوي ونتعرف على العايله هذي

ابو سلطآن : عمره 60 سنه , ويملك شركة
ام سلطآن : 55 سنه تكون بنت عم ابو سلطان
,

سلطان : 28 سنه تخصص اداره اعمال , ويشتغل حالياً في شركه ابوه
طيب وحبوب , ما عنده اللعب والدورآن , ما يؤمن بالحب , يقول انها خرابييط قريب من طلآل مرآ
سعود : 24 سنه تخصص هندسه بترول ومعادن , يدرس في الدمآم بس يجي على الرياض في الويك اند , وبعد الفاكيشن
" الاجازه " , امنيته انه يححححب <-- هههههههه , يحب يتهاوش " يتناقر " مع اخته لارا
سارهـ : 23 سنه اخر سنه جامعه , وتخصصها فنيه , والحين متزوجه من واحد برآ العايله لها متزوجه 9 شهور
غادهـ : 20 سنه , مستوى اول بالجامعه ومخلصه طبعا السنه التحضيريه , قريبه مرآ من اختها ساره وبعد من اختها لارا بس
الاكثر سارهـ
لارآ : 18 سنه , ثالث ثانوي فيها من الرجه حبتين , تستحي كثيير , وعلى نياتها دايماً , تحب ونتعرف على مين تحب
مع الاحداث !


__________________________________________________ __________

في بيت ابو سلطان ,
رن جوآل لارا
لارا : اهلن اهلن
ريوف بظحكه خفيفه : هلآ والله
لارا : شلونك
ريوف : احمر
لارا : يا ظرفكك بسس
ريوف : هههههههههه اليوم صايره مرآ سخيفه مدري ليه
لارا : طول عمرك سخيفه وقفت هاليوم
ريوف : انققققلعي يا تبن
لارا : استهبل طول عمرك عسسل وخفيفه دم
ريوف : ايي هذا الكلآم الزين , شسمه الحين فصلتي فستان لملكه غدو ؟
لارا : ايي ويوم الخميس الجاي البروفآ
ريوف : زيين ما شاء الله ,
لارا : وانتي ؟!
ريوف : اممم لآ توني ّ بس ببدور موديل وقمآش زي العآلم والناس وبعدين اروح افصصل !
لآرا : زيين
ريوف : بسس وش رايك يكون الفستآن قصير ولآ طويل
لآرا : ما شاء الله ريوف انتي طويله فصلي طويل عشان يرزك وتطلعين تهبلين
ريوف : يختتتي اذووب انا
لآرآ : هههههههههههه , المهيم وش تبين !؟
ريوف : ايي صح نسيت ! بتجين بيت أبوي عبدالرحمن
لارآ : ان شاء الله ,
ريوف : طيب يلآ زين مع السلآمه
لارآ : مع السلآمه

نزلت ريوف تحت بعد ما صكت السمآعه من بنت عمها !
طلع عليها اخوها ,
فيصل : ريوف تبين تروحين معي ؟
ريوف : وين
فيصل : امشي بطلع للسوق بختار لبس
ريوف تنحت فيه
فيصل ياشر بيده عند عيونها , فيه شي متغير فيني !! مضيعه شي بخشتي ؟
ريوف انتبهت لنفسها : وشو وشبك
فيصل : اخلصي تجين
ريوف : مابي
فيصل : احسَسَـنْ والشرهه علي الي قلت لك تعالي واصلآ مو طالبك لعيونك عشان مايتزققون علي السكورتيين لآ تدخل عوايل
ناظرته بملل وشويه من الاستحقار مشت وهي تطق باب غرفه اخوها عبدالعزيز
عزوز باستغراب : هآو , وشبه الدنيا , ريوف بنت علي تطق !
ريوف بظحكه : هآ , ترى بس اليوم يعني لآ تستنانس
عزوز : المهيم وش تبين
ريوف : مدري بس مريت من غرفتك وانا فاضيه قلت ادخل اسير
عزوز : اها حياك
ريوف : عزوز الحين كم باقي لِـ سعود ويتخرج ؟
عزوز في قمه الاستغراب بس ما عطى لسؤالها اي اهميه وقال يمكن فضُول : امم يمكن سنه
ريوف : اها
عزوز : طيب يلآ الحين اذلفي بكمل البروجيكت


__________________________________________________ __________

ريوف : يا حول وشبهم اخواني يآ ناس :|
عزوز : مابهم الا العافيه بس انتي العله
ريوف : شكرا يجي منك اكثر , =)
طلعت بطفش من هالحال ,
ما عندها اخوات , وعندها 3 اخوان , بس مو دايم يكونون لهم خلق لها !
طلعت من الغرفه وهي تتمنى لو كان عندها اخت , كآن الحين حكت معاها بدال " الطفش " الي الحين عايشه اهي فيه

نتعرف على شخصيات هذي العايله ,
ابو مشآري " طلآل ": 59 سنه تقريباً
ام مشآري : 56 سنه
,
مشاري : عمره الحين 30 سنه متزوج الحين وعنده ولد وبنت , اكبر واحد سمآهـ عبدالله على اسم ابوه وعمره 5سنوات
والبنت لورا عمرها سنتين
مشاري عصبي يعني عصبيته ماهي زينه لم يعصب على احد , يخوف يروع بس يهدى على طول بسس زوجته تحاول قد ما
تقدر تتحاشى عصبيته , تسكت عنه يعني ما ترد عشان ما يتهور مشاري , يعني عصبيته مرآ ماهي زينه !
بس بنفس الوقت حنوووون وقلبه ابيض , على مرته وعياله واهله بعد ! ,
مي : 25 سنه تشتغل ببنك طيبه وحبووبه حيل
يجي بعد مشاري فيصل : عمره 25 سنه , انسان مَرح مرهـ يحب الاستهبال ما يحب الجد ! دمه خفيف وسيم واحلى شي فيه
عيونه
بعدين عبدالعزيز : عمره 23 تخصص طب , الكل يسمونه عززوز متعودين كذا اسرع على طول عزوز وخلصنا , امم بقول شي عنه
هو انسان كتوووم حيل , ما يحب انه يقول اسرارهـ لكل من كان ! , يعني لو حتى امه ما يقول اقرب شخص له صديقه نواف
صديقه من ايام المتوسط , يقوله الشي اذا كان قوي وما يقدر يتحمل يكون بقلبه اكثر ! , ام الاشياء الي تضايقه وكذا فيحب
يحتفظه لنفسه , صفه موب حلوه فيه وبعد هو ماهو عاجبه , صعب اي انسانه تدخل قلبه , يقول ما فيه شي اسمه " حب "
الحب يقول كان زمآن , بزمن قيس وليلي , الحين يقول الحب صار خرابيط تسليه عند بعض الشباب والبنات الي استغفر الله ,
اخر العنقود : ريوف البنت الوحيده , عمرها 20 سنه تخصص طب , ميولها طب من يوم ما كانت بالمتوسط ! ما تدري ليه


__________________________________________________ __________

هالقسم من طفولتها يعجبها , بس تقول ابي ادخل طب اسنان بما انه الاسهل من تخصصات الطب ككل , طالعه على عزوز
اخوها , كتوم بس هذاك يمكن يطلع اذا كان الشي كبير هي لآ ابدا ابدا ولآ لاقرب شخص , تعتبر الي يصيرلها مصيبه من ربي
وتبي تحتسب الاجر بالصبر تعتقد انها قالت او ما قالت الي فيها , ما راح يغير قدر ربي يعني ما يحتاج تقول , صح انا معاها
ما راح يغير شي من القدر بس راح شوي يخفف الحمل عنها ! , شي ثاني حسساسه مرآ يعني تحسس من كل شي
شي مو حلو فيها , ما احب هالصفه " وهي صدق انا فيني هالصفه " , امم , وش بعد تتعرفون عليها اكثر بالروايه !
مواصفاتها \ طويله وعيونها واسعه خشمها طويل جسمها مرآ حلو ما شاء الله شعرها قطعه وحده لم نفس ظهرها بني غامق
يعني باختصار " أحلى بنات العايله "
,
نرجع لبيت ابو سلطان
سلطان وهو يكلم صديقه : هلآ والله بِـ محمد , الحمدلله وانت شخبارك , ههههههه الله يرجك يا شيخ , لآ لآ بس ولي يرحم
والديك , ايي لآ تذكرني ياخي , ايي لآ معليش مقدر , بطلع لبيت جدي , هههههههه طيب , ايي ياخي خلآص عرفنا , يلآ
سلآم , سكر من صديقه محمد وهو يناظر اخته الي كان اذنها عنده " فضوليه "
سلطان : هيي خلآص ترى سكرت ارمي اذنك عند التلفزيون
لآرا : هآ , وش قالوا لك ملقوفه ؟
سلطان : ابدا انا الملقوف
لآرا بغرور مصطنع : صادق , والاعتراف بالحق فضيله !
سلطان وهو يقوم : يالله على المبزرهـ , انا وش الي مقعدني مع بزر مثلك ؟
لآرا : امم غيرك يتمنى بس ما حصل يقعد معي
سلطان : افف افف يا ناس على البزر وكلآمها بطلع قبل لآ انجلط منك
لآرا : اطلع
شافت الاب توب على الكنب , فتحته دخلت ايميلها وقامت تتصفح بالمواقع تحاول تشغل نفسها بدآل الملل الي الحين تعيشه
,
السـَآعه : 10
غآدهـ : ايي يلآ مع السلآمه داخله انام
ريوف : خلآص اوكي يلآ تصبحين على خير
غآدهـ وهي تتثاوب : وانتي من اهله , اشوفك بكرا ببيت يبه عبدالرحمن
ريوف : اوكي ان شاء الله
سكرت غادهـ الجَوآل من ريوف فتحت البطانيه ودخلت , غمضت عيونها مستعدهـ للنوم , بس كانت افكارها واحلآمها بعد
ما خلتها تنام , فتحت عيونها وهي تناظر ابعد مكان بالغرفه , خـَآلد !
يا ترى الحين وش يسوي ؟ , اففف غادهـ انتي وشبك بس تفكرين فيه وهو مو داري عنك , لآ لآ داري وش دعوى
طيب يمكن هو يحبك مثل ما تحبينه , ايي اكيد , لا اصلا باين من نظراته
كان كل هذا الحكي من هواجيس الي تققابلها , ما تدري ليه مو مرتاحه لهذا الزواج , بس كل ما تتذكر حبهآ لها ووسامته
تقول لا بتزوج " فآرس احلآمي "
تعوذت من الشيطان وقرت المعوذات وغمضت عيونها ! ونـآمت


__________________________________________________ __________

عند خـآلد /

كان نازل من الدرج !
ام خالد وبعصاها : يا وليدي وين رايح
خالد وهو يبوس راس امه : يمه رايح لِـ صديقي بسرعه وبجي
ام خالد وبابتسامتهآ الي تبين طيبة قلبهـآ : طيب وش اخبار بنيتي غادهـ
خآلد : هـآ , ان شاء الله زينه
ام خالد بابتسامه طمانينه : ان شاء الله , يا وليدي لآ اوصيك لآ تسرع
خالد : ان شاء الله وهو ياشر بعيونه من عيوني يا عيوني
ام خالد : وهـ تسلملي هالعيون
طلع خالد من البيت متوجه لصديقه
,
وصل دق عليه : هلآ والله سلمان
سلمان : هلآ بك وصلت
خالد : ايي انا عند باب الشقه
سلمان : طيب يلآ هذاني بفتح لك الباب
سكر من خالد
قابلته زوجته الي كان ما امداه متزوجهآ إلآ 3 شهور بس !
سلمان : هي انتي ! \ طسي يلآ جآ صديقي
مهآ : يا حول , افف وراك كذا اخلاقك زفت
سلمان : لان قاعد اقابل انسانه زفته , عرفتي ليه اخلاقي زفت ؟
مهآ : وهي تاشر بيدها بعدم المبالاهـ الي كانت تبينه لِـ " سلمان " بس داخلها شي ثآني
دخلت غررفتها وقلبها محروق , يا رب ليه كذا يعاملني , وهذا احنه بالشهور الـأولى ! كيف اذا جبت عيال
ابتسمت باستهزاء , نجيب عيال !!!! عشان نعيشهم بمذله عشان نعيشهم باخلاق ابوهم الزفت ولآ معاملته
غمضت عيونها وهي تذكر ربها وتدعي , نزلت دمعه حآرهـ من عيونها
ما تحب تبين ضعفها قدام احد , تبين لهم انها قويه ! ما عندها احساس او نسميها عديمه الاحساس بس هي العكس
اذا جا الصدق اضعف ما خلق ربي على وجه الارض
يالله وش الي هي تحس فيه , هي بالشهور الاولى وقاعد يسوي كذا \ بس لآ الغريبه شي ثاني , راح تعرفونه مع " الـأحداث "
--
رآح يفتح الباب لصديقه وهو راسم على شفايفه ابتسامه
خالد : هلآ بالمعرس
سلمان : هههههههههه وش معرسه الحين لنا 3 شهور
خالد : بس حتى تسمى معرس خخ