عنوان الموضوع : روايتي واقعيه (حلا &جراح ) رواية جميلة
مقدم من طرف منتديات نساء الجزائر

روايتي واقعيه (حلا &جراح )






البارت 1
ـــــــــــــــــــــــــــــــــــــ


منسدحة على فراشها و تسمع اغنية عبدالله رويشد (تشرفنا )
كانت كلمات الاغنية توصف الي صارلها امس توصف حب حياتها الي ضاع منها من سنين توصف مشاعرها
كانت كلمات الاغنية جنها مكتوبه لها ..



بعد هالعمر التقيتك .. وأصحابي يعرفوني فيك

وتسلم علياه.. وكن ايديه تلمس أول مره ايديك

تشرفنا .. بمعرفتك تشرفنا
والغريب يللي كنت اقرب قريب
وأغلى حبيب .. انهم يعرفوني فيك .. تشرفنا
لما قالو اسك وإسمي سوى
فجأه فز بداخلي كل لاحنين
ومن لمست ايدك .. تذكرت الهوى
وقلبي عورني على ذيك السنين
المهم لا يشعرون .. بللي عدا واللي فات
وخل نسولف بالعيون .. ونستيعد الذكريات
والغريب يللي كنت اقرب قريب
وأغلى حبيب .. انهم يعرفوني قيك .. تشرقنا


دشت عليها بقوة لدرجة انها اخرعت
....: حلا امي تقول نزليلها تحت تبيج
حلا: افف انتي ماتعرفين تطقين الباب يبا مابني تطقينا عى الاقل بطليه شوي شوي
...: مالج شغل بعدين امي تنطرج خلصينا نزلي
حلا : واي غلوو زين زين شكثر تحنين
غلا ( و اهي تصك الباب ) : بسرعه ناطرينج
تعريف بالشخصيات :
الابوه(عبدالرحمن): عمره 65 ريال بكل معنى الابوه معطى عياله الحرية المحدودة مو سمردحة يعني كل شي بحدود يحبهم وايد عندة شركة خاصة فيه و منظم وقتة و مايدخل حياته الخاصة بالشغل و لا الشغل بحياته الخاصة
الام(فرح):عمرها 59 ربة بيت بمعنى الكلمة مو مخليا لا ريلها ولا عيالها يحتاجون احد بالرعاية و الخدمة و الحنان دائما تكون لهم الصدر الحنون و الحضن الدافئ

عثمان: اكبر واحد عمره 29ريال بكل معنى الكلمة ينشد في الظهر متزوج فجر يحبها و اهيا تبادله الشعور و اكثر و يحب بعد خواتة و اهلة و مايرضا عليهم دارس ادارة اعمال و يشتغل مع ابوه بالشركة ساكن معاهم بالبيت لاكنن له دور بروحة نسخة مشعل الجاسر
فجر:عمرها 27 حبوبة و طيبة و تنحب بسرعه من طيبة قلبها ماتشيل على احد كلش و الي بقلبها على لسانة و هذى الي محبب الناس فيها الصراحة ماتحب تجامل احد حيل تحب تكون على طبيعتها تشبة المغنية ديانا كرزوون وااايد ..
يوسف: عمره 24 تقريبا مغازلحي لاكن مو وايد يعني على مزاجة اهوا و فهد ولد عمه>(بعدين بنعرفة) الروح بالروح مثل الاخوان يشتغل بالمطافي نسخة الاعب طلال العامر بالضبط


حلا : عمرها 19 بنت بكل معنى الكلمة جمال اخلاق جسمها جسم عارضات ازياء تحب تهتم بشكلها وايد ماتحب اتدلع وايد تحب تكون على طبيعتها وايد مع فجر و خواتها التوأم و بنات عمها قلبها على الكل حبوبة تدرس بالجامعة الاسترالية هندسة مدنية ملامحها طفولية واايد نسخة سمر الي بالعشق الممنوع و ايها شوي احلى

هلا و غلا ( التوأم المختلف ) اعمارهم 16 يشبهوون بعض وايد نشخة المغنية دينا حايك بس على اضغر شوي
بس كلش شخصياتهم غير
هلا: ب 11 ادبي هادية وايد و كتومة حيل بس لما تفصل اتغير 180 درجة تحب اهلها وايد و توأمها و تهتم بمضهرها شوي و عندها غمازه بخدها اليسار و حبة خاله بخدها اليمين حلمها تكون دكتورة علم نفس
غلا:ب 11 علمي غير وايد عن هلا قرقة و نجرية ماتقعد دقيقة الا و متناجره مع احد لاكن على غشمره و الي بقلبها على لسانها ماتخش شي بقلبها عندها غمازه بخدها اليمين بس حلمها هندسة معمارية لاكن اهيا كلش اكس بالرياضيات مادري شلون بدش > لوووول


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



بالصالة:

عبدالرحمن( الابوه): هلا يبا حلا حبيبتي شلونج ليش قاعدة بغرفتج ؟
حلا: تمام يبا مافيني شي بس جذي كنت منسدحة
عبدالرحمن: اها اوكي روحي شوفي امج بالمطبخ تبيج
حلا:اوكي


بالمطبخ:

حلا:هلا يما بغيتيني ؟
فرح(الام): أي يما حبيبتي دقت عليج رفيجتج نور تقولج انها مسويا عيد ميلادها تقولج تعاالي و سدتة بسرعه تقول مشغولة
حلا: وييي امبي شلون نسيتهاا داقه علي قبل امس على اساس انه اليوم اشوه انها دقت نسيت ( تدلع و تبتسم): ماما بروحح
فرح( تظحك): ههههههه يما عيارتج روحي بس لا تطولين و قولي حق ابوج
حلا ( طارت ركض ) انشالله ( تكلم ابوها ) : بابا رفيجتي نورو مسويا عيد ميلادها بروح اوكي
عبدالرحمن : اوكي بابا بس لا تتأخرين
حلا: اوكي
غلا(تدش عرض): شنو وين وين على الله من غير ما تستأذنين مني لا ماكو روحا الا و انا معاج ابي ارقص فيني رقص
حلا: اقووووول انثبري مكانج احسلج ( قامت ) بابا انا بروح الصالون يلا يمديني اسوي شعري و ..... اشياء بناتية خاصه ههههه
عبدالرحمن: هههههههههههه أي اشياء بناتية خاصة عرفتها اوكي حبيبتي
حلا : بروح البس
ــــــــــــــــــــــــــــــــــــــــــــــــــ ــــــــ
راحت البست تريننق خفيف وردي و ربطت شعرها خذت جنطتها و سويجها و نزلت
حلا: يلا باي
فرح: باي يما ديري بالج على نفسج لا تتأخرين
حلا: اوكي
ــــــــــــــــــــــــــــــــــــــــــــــــــ ـــــــــــــــــــــــــــ


انتـهـــــــي البــــــــــــارت

>>>>> ردود الأعضـــــــــــــــــــاء على الموضوع <<<<<
==================================


البـــارت الثاني ..


ـــــــــــــــــــــــــــــــــــــــــ

حلا(تصارخ): ميريييييييييي بسرعه تعالي سوي نفنوفي اوتي !!
ميري : اوكي لا يصارخ
حلا دشت الحمام خذتلها دش بس جسمها ..لما خلصت حطت مكياج حيل خفيف لاكن حيل حلو و مناسب .. كثرت الكحل الاسود و المسكرا و الحمرا الحمرة ..
لبست نفنوف احمر ضيج صاك على جسمها كت فوق ركبها بالضبط كانت مسويا شعرها ويفي خفيف و منزلة قذلتها على جنب و لبست تكرمون كعب اسود و اكسسوارات اسود و احمر ..لبست جكيت ثلاث ارباع لما توصل الحفلة تفصخة ..
نزلت تحت شافت الكل قاعد ..
عثمان: وين رايحة ؟
حلا : حفلة رفيجتي
يوسف(منسدح على القنفة ياكل ككاو ) : لا تتأخرين اوكي
حلا:انشالله استاذ يوسف أي اوامير ثانية ؟؟
يوسف:فارجاي
حلا : يلا باي
ــــــــــــــــــــــــــــــــــــــــــــــــــ ــــــــــــ


بالحـــفلـــــة :

حلا : نوروو اولاه شهل اواديم شكثرهم
نور: وي بسم الله قولي مشالله يتموتينه من عينج
حلا: لا شدعوه عيني مو حارة بس المهم مشالله
تعريف بالشخصية :
نور : عمرها 19 رفيجة حلا من ايام الثانوية بنوتة كيوت تحب الاكشن وايد وحيدة امها و ابوها مدلعينها اخر دلع تشبة رحمة رياض الي بستار اكاديمي تهتم بمضهرها الخارجي ..

و كانت لابسة هذا اللبس بالضبط و الشعر بعد ..

و كانت الحفلة بسرداب بيتهم و لوية و صيحة اغاني و الي يرقص و الي يسولفون و الي يحوس و الي يعدل نفسة و الي و الي ...
حلا كانت سرحانه بالي صارلها امس و خلاها ما تنام ....


نروح حق هذاك اليوم الي اهوه امس ..

حلا كانت طالعه مع رفيجتها منيرة متعرفة عليها بالجامعه
منيرة: بنت حيييل فري مايهمها شي جريئة واايد امها و ابوها منفصلين و اهيا عايشة عند ابوها و ابوها ما يدري عنها
كانتو بيروحون حق قروبهم الي بيسون معاهم المشروع و الي بالاحرا معاهم بالكلاس ..
الي اهمه ( عصام , مها , خالد , سحر , علي و منيرة و اهيا حلا )
توهم واصلين الكافيه .. منيرة قعدة بس حلا راحت تطلبلها موكا ..
وصل طلبها و بترد الطاولة الدائرية الي كلها اوراق و لابتوب علي و قاعدين بترتيب ( مها , سحر , علي , منيرة , خالد , عصام و ..... و في كرسي فاضي )
توها بتقعد بالكرسي الفاضي بس تجمدت موكانها لما ستوعبت الي يمها شهقت شهقة خلت الكل يوقف اخترعوا و عيونها بدت تغورق
حتى الي كان قاعد يمها بطل حلجة على وسعه زين ما نشق لوول انصدم كلش ما توقع ...
علي : هو شفيكم.. حلا هذى رفيجي جراح .. جراح هذي معانا بالكلاس حلا
جراح و حلا كانو متنحين اب بعض جنه يعوضون 3 سنين حرمان كل من الحنان و الحب و العطف و كل الاحاسيس الحلو فقدو ايامهم ايام حبوهم ....
جراح تدارك الوضع و مد ايدة : تشــــــــــــــــــرفـــــــــنـــــا
حلا بدت تستوعب و اعيونها غورقت اكثر و صافحته : انــــا اكثـــــــــــــــــر ...
و قعدوا كملو شغلهم..
ــــــــــــــــــــــــــــــــــــــــــــــــــ ـــــــــــ
بدت تستوعب الي قام تصارخ بأذونها : ويعاا نورو شفيج تصارخين احد قالج صمخة انا
نور : لا حلفي حلفي قولي والله صالي سنة اناديج انبح صوتي أي والله صمخة
حلا : ههههههه انزين سوري شتبين ..؟؟
نور : يلا العشا كل القوم على قولتج تعشى الا انتي قومي يلا
حلا : نو مابي شبعانه توني قبل لا ايي ماكله ماك واقفلي هني
نور: ههه اوكي انا بروح الحقلي على شي اخاف كلو الصحون بعد
حلا : ههه دقيقة قبل لا تروحين .. انا بروح البيت داقين علي لازم امشي ( تسلم عليها ) باي حباتي
نور : اوكي حياتي سي يو لا تقطعين دقي و تعالي
حلا ( وهي تلبس الجكيت) : اوكيك حياتي بباي
ــــــــــــــــــــــــــــــــــــــــــــــــــ ـــــــــــــــــــــــــــ


بالسيارة :

قاعدة تسوق و حاطة مرينا اف ام كانو حاطين اغنية عالم ثاني منصور زايد



أحلى ثواني العمر لا مرني طيفه


ياكيف لوكان عندي والمس يدينه


أموت أنا في عيونه وفي سواليفه


وانسى همومي واشوف الكون في عينه


دامك تحبه وتنسى العالم بقربه


ليه ما يبادلك احاسيسه والأشجاني


أدري يحبني وقلبي ساكن قليبه


دامك عايش معاه فيعالمن ثاني



لوكنت جالس لحالي أسمع انفاسه


واتخيله بين ايديا ساكن أحضاني


حبيبي اللي غمرني برقه احساسه


مجنون في حبه وبالحيل مفتوني


دامك تحبه وتنسى العالم بقربه


ليه ما يبادلك احاسيسه والأشجاني


أدري يحبني وقلبي ساكن قليبه





yagramy 033 منصور زايد - عالم ثاني - YouTube


رن تلفونها رقم غريب :
حلا : الو
.....: عاش من سمع هالصووت
حلا : منو .؟
....: مشالله 3 سنين نستج صوتي ؟
حلا (صرخة و دموعها نزلت) : جـــــــــــــــــــــــــــــــــــــرااااح
تعريف بالشخصية:
جراح: عمره 21 يدرس ادارة اعمال يمووووت بشي اسمه حلا في شي فرقهم بعدين بنعرفة من 3 سنين و امس شافته صدفة بالمختصر نسخة سعد رمضان الي بستار اكاديمي شكلة جنة احنبي بحكم انه يدته بريطانية ...

جراح:عيون جراح قلب جراح حلا وربي فقدتج وربي احبج والله
حلا: جراح وينك عني كل هل السنين جراح انا تعبت وايد لما قالولي انك ميت جراح والله ما صدقتهم كنت ادري بترد جراححح ( صرخة) احـــــــــــــــــــــــــبكــ
جراح : حياتي انتي والله انا اسف انا قتلهم يقولولج جذي كنت مشلول كنت خايف اقولج تهديني او يصير فيج شي قتلهم يقلولج جذي انا اسف
حلا( تبجي) جـــــــــــــــراااااح
جراح: كاني رديتلج يا حياة جراح انتي حمدالله صرت زين و مااتتصورين شكثر ستانست الا طرت من الوناسة لما شفتج امس حسيت صج ابيج والله احبج
حلا:جروحي احلف ما تخليني ..
جراح : والله ما خليج انشالله
حلا: احبك
جراح اموت فيج
حلا: جروحي انا وصلت البيت انزل اقعد مع امي و ابوي شوي و ادق عليك اوكي حياتي
جراح اوكي انطرج
حلا : باي
ــــــــــــــــــــــــــــــــــــــــــــــــــ ــــــــــــــــ


بالبيييــــت :

حلا( داخلة منطربة و طايرة من الوناسة ): اهلن اب احلى اهل بالدنيا ( تصرخ) احبكمم والله ( تبوس خد ابوها ) شلونه الحلو ؟
ابوها ( يضحك ) ههه بخير حبيتي ..
حلا ( تبوس خد امها ): و شلونها الحلوه الثانية ؟
امها : تمام ( ترفع حاجبها ) شعندج جذي توزعين بوسات ؟
حلا: جذي (و تبوس خد عثمان الي منسدح على ريل فجر ) شلونه اخوي الكبير العزيز حبيبي ؟
عثمان: تمام دام حلوتي باستني
حلا : هههه (و تبوس خد فجر الي بين عليها غارت ) : شلونها مرت اخوي الي تغار ؟
فجر : هههههههههههه بخير حبيبتي و انتي ؟
حلا:انا عال العال ( تبوس خد يوسف الي مبين من شكلة ينطر دورة) و شلون اخوي حبيبي الي ينطر بوستي
يوسف : وي ميت على بوستج عاد
حلا : يحصلك عاد ( تبوس خد هلا الي مندمجة بالاباد تلعب ) شلونها اختي الهادية (تساسرها ) عندي لكم سالفة اذا صعدت سحباي غلو و تعالي ..
هلا: هههه تمام حياتي ( بنفس صوتها ) اوك
حلا( ابتسمت حق هلا و لفت على غلا الي مندمجة بالBB و ماتدري عن شي ) شلون النجرية الي دشت بالتلفون
غلا ( رفعت راسها استعدادا للهوشة الياية ): والله عاد انا كيفي و بعدين ليش متأخره مرة ثانية لا تتأخرين ( تصرخ ) فاهمة
الكـــل : هههههههههههههه
حلا : يلا انا ببدل و انام تصبحون على خير
هلا ( تسحب غلا ) : حتى احنا GOOD NIGHT
غلا: هي شتبين مافيني نوم بقعد معاهم
هلا : لا لا تعالي ابيج شوي
و اصعدوو ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ


بغرفة حـــلا

بدلت و غسلت لبسة بجامتها ولاهلا و غلا طاقين الباب...
هلا( اطق الباب) : حلا اندش ؟
حلا ( تبتسم ) أي تعالو ..
غلا : انتو ما اذيتونا شتبون بقعد مع يوويسف تحت
حلا : طافكم شنو صار اليوم
هلا و غلا : شنو ؟؟
حــلا:جــــــــــــــــــــراح دق علي
هلا و غلا ..( بطلو حلجهم عبالهم اختهم ينته )


نرد 3 سنين ورا ..::

كان عمر حلا 16 كانت تحب جراح و جراح عمره 19
جراح : حلوتي حياتي ..
حلا:هلا حبيبي ..
جراح : احبــ..............( فجأءة انقطع الخط )
حلا ( وقف قلبها) : جراح جراح شنو شصار
( كنت هذي اخر مكالمة بين حلا و جراح من 3 سنين الي قالو حق حلا انه مات لاكن الصج انه اهوه صارلة حادث خلاه ينشل و قعد سنتين يتعالج برة و من سنة رد )..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ


انتـــــهــــــــــى البــــــــارت


__________________________________________________ __________

البـــارت الثـــالــــث



ــــــــــــــــــــــــــــــــــــــــــــــــــ ـــــــــــــ

هلا: هاااو حلوو شفييييج سمالله عليج شذكرج فيه مو قلتي انه مات
حلا: وااااي سمالله عليييييه لا تفاوليييين حبيبي جراحي موجودد بس الحمار قالي انه مات
غلا: واااي حلا شفيج الحين مصعدتنا فوق و مقعدتنا سنة عشان تفصلين علينا ترا مو وقتا تحششين ...
حلا: انتو شفيكم اهوه صح سوا حادث بس الحمدالله ما مااات بس انشل و صارله سنتين هناك يعالج و رد السنة الي طافت و توا بالسيارة دق علي
هلا: ههههههههههههههههه والله فلم هندي يلا مبروك
غلا: وييييي النسيب طلع عايش دقي دقي خل نسلم عليه(و تغني بستعباط) واحشني صوتك يا غلاي... ( ماكملت لانه حلا كفختها بالمخدة)
حلا: جب بس جب يلا روحوا خمدوا باجر زوارة يلا
هلا :أي صح يلا تصبحون على خير
غلا(تقوم): ويت ويت اخذيني معاج الحين تذبحني
حلا قعدت تنطر جراح يدق خمس دقايق و جرااح دق و قعدوا لي الصبح سوالف ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ


الجـــــــــمعــــــــــه ...

فرح(الام) : يلااا قومووووووووووو كل يمعه جذي كله اندش اخر ناس خلصونه
عبدالرحمن(الابو): خلاص حبيبتي انتي روحي لبسي و خلصي انا اقعدهم
فرح(طالعته و ابتسمت): اوكي بس مو يقصون عليك الحين نقوم الحين نقوم و يكملون شخير اقعد فوق راسهم لما يقومون الحمام
عبدالرحمن: هههههها اوكي
عبدالرحمن راح غرفة يوسف : يلا يسوووووف خلصنا
يوسف( صوته كله نوم ) : يبا تكفى انا بعدين ايكم هناك مو اول مرة بنام مانمت الا 7 يلا يبا تكفي صك الليت و الباب
عبدالرحمن : اوكي اخمد بس
ــــــــــــــــــــــ
عبدالرحمن راح غرفة هلا مالقاها بالسرير: هلا يبا وينج ؟
هلا ( بالحمام ):هلا يبا قاعدة افرش اسناني اخلص و البس
عبدالرحمن:حبيتي انتي يلا رايح اشوف خواتك
ــــــــــــــــ
راح غرفة غلا : يلا غلا يلا تأخرنا حرام عليكم كل يوم جذي خلصينا
غلا ( عمك اصمخ ولا جنه احد تكلم ) ........................
عبدالرحمن ( صرخ ): غلااااااااااااااااااااااااااااااااااااااااااا
غلا(فزت متصرقعه): هلا يبا شفيك تصرخ وقفت قلبي
عبدالرحمن:ههههههههههههه خلصينا ننطركم بالسيارة بسرعه
غلا ( تروح الحمام): انشالله اغسل و البس بس الحلو ما يعصب
عبدالرحمن: ههه عيارة خلصي بس خلصي
ـــــــــــــــــــ
راح حق غرقة حلا: حلوووووووو يلا ترا يننتوني قومااااااااااااااااااااااااااااي
حلا: يبا يسوووف بيقعد صح بعدين بيكم
عبدالرحمن:اييي انتي شكوو فيه خلصيني بسرعه كله مدششينه متأخرين
حلا: انا بنام و بيكم مع يسووف يبا تكفى بنام
عبدالرحمن : جب بس جب خلصينا قومي
حلا: يباااااااااا تكفى
عبدالرحمن : انزين
ـــــــــــــــــ
عبالرحمن راح يلبس و نزل اهوه و فرح ينطرون غلا و هلا بالسيارة و عثمان و فجر وراهم بسيارة عثمان ..
نزلت هلا لابسة شورت جينز فوق الركبة بالضبط مع بلوزة بيضة علي صورة ميكي ماوس و جوليه احمر و فلات احمر و مسوي شعرها ذيل حصان و من جدام فرق و جنطة كروس حمرة كان شكلة ناعم و حلو
وراها نزلت غلا و كانت لابسة تنورة سودة هاي ويست مع قميص ابيض مدخلته داخل التنورة و جنطة سودة و فلات ابيض و شعرها ستريت فالته
ــــــــــــــــــــــــــــــــــــــــــــــــ
يتبع


__________________________________________________ __________

بيــت ابو عبدالرحمن ..

اعرفكم اول شوي عليهم :
اليد: عبدالعزيز .. عمره 69 مايحب الغلط و دايم ينصح عيالة و احفادة و كله يضحك و كل شي عندة عادي الا الغلط
اليدة : سمر .. عمرها 65 تموووووت على عيالها و احفادها و جناتها ماتشيل على احد و دايم تنكت و تضحك ماتحب اتشوف احد مكشر و دايم اتحب اتونس احفادها
عيالهم ..
1) فهد .. عمره 49 فصلة حدة و يحب يستعبط على اليهال القعدة بدونه مو حلوه و نجري شوي بس على خبال يعني غلا طالعه عليه و اذا قعدو مع بعض غلا و اهوه مسكين الي بيستلمونه ضغاط هههههه
مرته غدير كبره عمرها 49 حيل متفاهمين مع بعض و حنونه حيل
عيالهم :
1)بدر : عمره 29 حيل مع عثمان يعني الروح بالروح متزوج افراح هل الاثنين اكبر مثال للحب بالعايلة عندهم بنت وحدة يشبة محمد العلوي بس الفرق انه بدر عنده غمازة بخدة اليسار

افراح : عمرها 28 حبوبة مثل طبع فجر و اهومه بعد حيل مع بعض تموووت بشي اسمه بدر و عيالها تشبه ميساء مغربي وااايد
بنتهم :
سارة:عمرها 6 سنين دلوعه ابوها و كل شي تبيه يصير تهبل نعومة حيل و الحلو فيها انها تسمع الكلام بس عيارة شوي

2) مها: عمرها 29 متزوجة مساعد ولد خالتها حبوبة حييل و تحب ريلها و ولدها تشبه حليمه بس مو واايد يعني البوهه بس
مساعد: ريلها ماله دور بالقصة وايد لانه اهوه يشتغل طيار يعني كله مسافر
ولدهم:
عزيز:عمره 5 سنين دلووووووووووع واايد لو بنية احسن لوووول

3) سجى : عمرها 19 حييل مع حلا يعني اكثر من خواات تدرس بكلية التربية رياض اطفال تموووت بشي اسمه يهال حتى بنت اخوها و ولد اختها يموت فيها اخيا الي مدلعتهم و اطلعهم يعني حنوووونه وايد بس كتوووومة حيل و جانب بحياتها محد يعرفه و لا يمكن تقوله حق احد بس بعدين بنعرفه ... تشبة selena Gomez واايد

ــــــــــــــــــــــــــــــــــــــــــــــــــ ــــــــــــــــــــــــــــــــــــ
2) عبدالرحمن : انا ادري تعرفنا على عايلته بس في غلط بالاعمار ... عمره 45
فرح: عمرها 44
عيالهم عرفناهم طباعا
ــــــــــــــــــــــــــــــــــــــــــــــــــ ـ
3) محمد : عمره 42 حنوووووووووووووون حييل بس اذا عصب ما يرحم مايحب سوالف البنات الي الحين لاكن ماعطي بناته الحرية المحدوه لانه عنده قناعه اذا بيمنعهم بيعاندون و بيسونن غصب
مرتة ( ليلى ): عمرها 40 ماترضى بالغلط بعض المرات تصير قاسية و جافة بس مافي اطيب من قلبها تموت باليمعات و قعدات الحريم
عيالهم :
1)فهد:23 سنة يموت بخواته و مدلعهم حيييل مع يوسف مثل طبعا بس شخصيته غير ريال يحب يفرض كلمته شوي مايحب احد يوقف جدامه مغازلجي شوي.. نسخة حمد العماني ..

ضاري : عمره 20 يحب اهلة حيل بس كلة طالع مع ربعه واهوه على قولتهم كتاب مفتوح يعني كل الي بقلبة يقولة و حيل مع اختة ضحى في سر بينهم بعدين بنعرفة يشبة عزوز المشعان ..


لمى:عمرها 19 معاها يكتمل ثلاث المرح حلا و سجى و لمى لووول هل الثلاثة مينن درجة اولى طبعا مع هلا و غلا و ضحى قرووب واحد كل وحد اين من الثانية .. لمى حبوووبة حيل و نعومة تدرس بكلية الاداب حقوق عندها ثقة بنفسها وايد و عندها سلوب تقدر تاخذ حقها فيه و هذا شجعها انها تدش حقوق تشبة حصة اللوغاني :


ضحى: عمرها 16 توأم غلا و هلا بس من عمهم هههه اهوما يسمونها جذي حساااسة لدرجة مو طبيعية و خجولة حييل لما تبجي خشمة يصييير احمر و تصير تشوق لوول صوتها فيه بحة مو طبيعية و حيل حلوه و صوتها حيل حلوو لما تغني كلة يشبهون بحتها و صوتها انها حلا لانه حتى حلا جذي صوتها و لما تغني حلو .. تشبة نيهال الي بالعشق الممنوع وااااااااااااايد
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
4) امل: عمرها 40 هذي عمتهم الوحيدة فصللللللة لدرجة مو طبيعية ارملة و عندها ولد و بنت واحد بس عايشة حياتها ضحك فرفشة وناسة و لما تقعد مع بنات اخوانها جنها وحدة منهم مو متحجبة و الي يشوفها يعطيها اصغر من عمرها و لدها كل دنيتها تمووت فييه عكس حور الي بعض المرات تحس انها ما تتقبلها معنها بنتها ...
فارس:عمره 22 يموووت بأمة الي ماقصرت معاه يدرس بلندن بس خلص و بيرد الاسبوع الياي في شي بقلبة بس بعدين بنعرفة يشبة عبدالله بوشهري


حور: 20 سنة تموت بأمها و تهتم بشكلها وايد ودها انها تصير بقروب لمى و سجى و حلا بس ماتدري ليش يكرهونها وحييدة محد من البنات يتقبلها معنها ماسوت شي و ماتتوالم مع البنات لما تدقق بويها تشوفون لمعه حزينة بعيونها تعبت من الوحدة انطوائية نوعا ما لانه محد يهتم فيها حتى امها جافه معاها بعض المرات ... تشبة هيا عبدالسلام ..
ــــــــــــــــــ

5) خالد: عمره 33 حيل مع بدر كلش ما جنه عمه فصلة حدى طبعأ العايلة كلها فصلة و تحب الوناسة و ماتحب انه بنكدون على بعض و جذي
مرتة ( سحر ): عمرها 32 حبووبة حييل تشتغل بالطب النفسي و حنونه حييل و تعرف شخصية الواحد من اول كلمة يقولها اجتماعية و تحب تحلل شخصيات البنات
عيالهم :
1)جابر:عمره 9 سنين يحب يفرض شخصيتة وكل يحسسونه اهوه الريال و اهوه حب هل الدور و وايد مع البنات و على قولته اهوه اخوهم طبعا عيال خالد معروفين انهم احلى صبيان بالجمال و الاخلاق و كل شي ..
2) حمد: عمره 7 سنين دلووع شوي بس حنون بالرغم من سنة الصغير يعني مايحب يشوف احد يبجي و بس يشوفة جذي يحب يواسيه معنى مايفهم شي ..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ


نرد الزوارة ...

عبدالرحمن توا داش البيت ... الي موجود ( اليد و اليدة .. و فهد و غدير و عيالهم .. خالد و سحر و عيالهم ... و الباجي ما يو للحين .. )
عبدالرحمن ..: الســـــــــــــــــــــلام عليـــــــــــــــــــــكم ...
الكل ..: وعلــــــــــــــكم الســــــــلام ..
و شوي شوي قامو ايون ..( امل و بنتها حور و محمد و ليلى و عيالهم و بدر و مرتة افراح و بنتهم و مها و ولدها ..)
ـــــــــــــــــــــ
حور كانت لابسة : نفنوف اسود و سكارف مشير ابيض و اسود و فلات ابيض و بس حاطة مسكرا و وردية خفيفة و جنطة كروس بيضة و شعرها ستريت و طبعا قاعدة بزاوية بروحها بعد ماسلمت عليهم و محد سألها شلونج حتى و اهيا بتموت و تعرف ليشش جذي يعاملونها ...
لمى كانت لابسة : بنطرون هاي ويست كحلي مع قميض ودري فاتح و مدخلتة داخل و كعب وردي و شعرها ويفي خفيف حييل و جنطة كحلية بيدها و مكياج خفيف .. كانت قاعدة مع عمتها امل يسولفون و يضحكون
سجى كانت لابسة نفنوف بيج و فلات ابيض و جنطة بيضة و مو حاطة شي بويها غير كحل و قاعدة مع هلا و غلا ضحك و سوالف ......
محد فكر بحور انها وحيدة الي محد مهتملها و عيونها بدت تغرق والا شخص واحد كان يشوفها بس مابينلها ....
فجأة تكلمت امل بصوت عالي : اقول يبا شرايك نحجز شاليه ..؟؟
عبدالعزيز..: كيفكم انا ماعندي مانع
فهد: أي انا موافق أي شاليه تبوون ؟
امل: انا عندي خاص احسن ..
لمى: أي صح
ــــــــــــــــــــــــــــــــــــــــــــــــــ ـــــــــــ
انتهي البارت


__________________________________________________ __________

البــــــــــــــــــارت الرابـــــع ...
ــــــــــــــــــــــــــــــــــــــــــــــــــ ــــــــــ
امــل : أي يبا الخاص احسن ناخذ راحتنا
اليد:على خير انشالله
بدر : خلاص عمتي انا اشوف شاليه رفيجي جنه عندهم شاليه خاص و كبير و فيه حمام سباحة بعد
غلا( نطت): أي أي تكفي بدوور أي تبي هذا نبي حمام سباحة
بدر : ههههههه أي اوكي اشوفه و اردلكم خبر ..
ــــــــــــــــــــــــــــــــــــــــــــــــــ ــــ

بــــيت عبدالرحمـــــــــــــن ...
حلا كانت بالحمام تسبح و توها طالعه من الحمام ولا ..
يوسف يدرعم الدار : حلوو ترا ما صارت خلصيناا بسرعه
حلا( تحذفه بالفوطه الي على شعرها ): ياحماااار لو طالعه مفصخة
يوسف : هههههه انزين يلا
حلا : يلا اطلع خلني البس ..
حلا لبست نفنوف طويل ابيض و اسود على زيبرا و جاكيت ثلاث ترباع اسود و جنطة سودة و كعب اسود و مكياج خفيف و كثرت المسكرا و حمرة حمرا ...

بالســــــيارة يوسف :
حلا: يسوف مر الجمعية ابي حلاو بلييز
يوسف: انا بعرف انتي بتصكين ال 20 للحينج ( يقلدها ) ابي حلاو ..
حلا: و انت شكو لو مخليني اروح بسيارتي جان مريت عصير الضاحية بعد .. عاد تصدق اشتهيت عوار قلب ( بستعباط ) خل ناخذ ..
يوسف: اقول جب بس جب يلا نزلي الجمعية و يبيلي ريدبول معاج ..
حلا(و اهيا تنزل ) اوكي
حلا راحت صوب الحلاو و خذتلها خمطة من هل الحلاو :

و خذتلها بربيكان فراولة و خذت حق يوسف ريدبول ..
ــــــــــــــــــــــــــــــــــــــــــــــــــ ـــــــــــــــــ

بالــــــــــــــــزوارة ..
بدر ( بصوت عالي ) يا جمــــاعه توني مسكرة من رفيجي يقول اذا تبونا من الحين تراه جاهز
امل: خلاص عيل عقب باجر انروح اذ فاضين يعني ..
خالد: أي انا ماعندي شي ولا شرايج سحر ..؟؟
سحر : أي والله فكرة حلوه ..
عبدالرحمن: و حتى انا ماعندي مانع شرايج فرح ؟
فرح : ماعندي شي معاكم عادي ..
فهد: انا شوري من شور غدوور حبيتي ..
غدير : ههههههه ( بعبط و تقلد سجى ) يلا فـــــوقة ...
سجى : هههههههههههههههههههههه واي يماا لا تقلديني استحي
الكل : ههههههههههههههههههههههههه
محمد : و انا بعد معاكم
ليلى: انا علي الحلويات هذا شغلي هههههههههههه
امل : عاااااااااشوووااا حريم خواني و خواني والله انكم تهبلوون ... ( تلف على امها و ابوها ) و يما يبا شرايكم
ابوها : معاكم يابنتي
امها : و انا بعد
البنــــات و امل ماعدا حور بصوت واحد : هــــــــــــــــــــــيــــــــــــــــــااا
الكل : ههههههههه
على هل الضحك دشوا يوسف و حلا : ســــلام ...
الكل : وعليـــكم الســــلام ...
حلا شافت البنات حدهم مستانسين و شكلهم يخططون حق شي : ويت ويت شتسووننن ..
لمى: طافج حلوو بنروح شاليه باجر عقب باجر و قاعد نخطط انه نروح السوق باجر و نشتري على الاقل شوي لانه بنقعد يمكن اسبوع او اسبوعين
حلا: اولــــــــــــــــــــــه ..
سجى : لا و في حمام سباحة.. الصراحة انا بشتري بكيني لا و ابيه ازرق فاقع وناااسسسسة
غلا: أي أي أي انا بعد ابيييييي
هلا : واااي على هل الحنه بتقبسون علينا ..
حلا : هههههههه أي عاد سجوو و غلووو قوبس درجة اوله
سجى ( حذفتها بالمخدة ).. اقوول جب بس جب ..
حور كانت قاعدة قريب منهم و محدد عبرها بكلمة و اهيا مسويا روحها مندمجة بتلفونها بس كانت تسمعهم ...
حور (بقلبها ) " ليش جذي ليش انا شسوييييت حرام عليهم والله الله يسامحهم بس انا الازم اعرف السبب مو معقوله كلهم جذي يعاملوني لازم اعرف ..
صــار بليل و الكل راح بيته
ــــــــــــــــــــــــــــــــــــــــــــــــــ ـــــــ

بـــــيت امـــل :
حور : يما يصير اكلمج شوي
امـــل : خـــير
حور: انا سويت شي يخلي كل عمامي و عيالهم يكرهوني و محد يكلمني
امــل ( بنفسية ): والله عاد انا شدراني و اعتقد عندج لسان مثل ما قاعدة تلعلعينلي الحين سأليهم و لا اقوول مايحتاي سألي نفسج شسويتي
حور(دموعها بدت تزل ) : يما ليش جذي تعامليني ( بصراخ و جنه الي كاتمته بقلبها من سنين طلع الحين ): والله والله حتى الخدامه تعاملينها احسن مني يما انا من الابتدأي اروح بروحي المدرسة و انتي الي تقطين فروس تدرسين فروس و انا ادرس بروحي أي اقولج يما مو فاهمه هل شي يصير تشرحيلي تعصبين و تطقيني تقوليلي اكيد مو منتبها مع الابلة عشان مو فاهمة و فروس لما مايفهم مايبقى مدرس خصوصي و مابقى معهد ماتدخلينا انا شسويييت تكفى شسويييييت حتى البنات تسولفين معاهم احسن مني تحبنهم اكثر مني والله تعبت وربي خلاص ما اتحمل جذي والله يمــا انا احبكم و عمري ما سويت شي غلـــــــــ........... فجأة ينقط كلامها و تطيح من طولها ...
امل صرخة : حووووووووووووووووووووووووووووووووور

بالمســـتشـــفى :
امل : هااا دكتوور طمني
الدكتور : حاشها انهيار عصبي حاد اشوه انه لحقنا عليها لو متأخرين شوي جان دشت بغيبوبة ..
امل( منصدمة ) .................
الدكتور : و حبيت اوضحلج شغلة ترا عضلات قلبها ضعيفة حييل يعني ماتتحمل لا صدمات و لا الجهد الحاد يعني كثر ماتقدرين ريحيها و لا تتحرك وايد
امل ( متنحة ) : اوكي يصير اشوفها ؟
الدكتور : اكيد ( توه بيروح بس )
امل: دكتور متى بتطلع ؟
الدكتور : بس يخلص الدرب تقدر تطلع ..
امل : مشكور دكتور ماقصرت ..
الدكتور : حياج هذا واجبنا
دشت داخل و بعد ساعه خلص الدرب و راحو البيت
ــــــــــــــــــــــــــــــــــــــــــــــــــ ــــــــــــــــ
يتبع


__________________________________________________ __________

تـــابع ...
اليوم الثاني في بيت عبدالرحمن :
فرح:يلاااااااا بناااااااااااااااااااااااااااااااات لبساو و صكووا جناطكم بسرعه الساعه 11 الكل هنااك يلا ..
هلا و غلا :احنا خالصيين
هلا : ميري تعالي اخذي جنطتي وديها السيارة ...
غلا: حتى انا
ميري:اوك
فرح:حلا يالله يا يما كل طالعه جذي كله متاخرييين (صرخت) حلووو و يهد خلصينا انتي الوحيدة الي نايمه بسرعه ..
حلا : اففففففف انزين انزين
و اخيرأ كلهم خلصووا و راحوو سيارتين .. سيارة عثمان و فجر و امه و ابوه و الاغراض و سيارة يوسف و حلا و غلا و هلا و الخدامه ...
حلا كانت لابسة : ترننق احمر مع بلوزة بيضة على صورة بتي بوب و فلات ابيض و مسويه شعرها عجفة فرنسية و جنطة كروس بيضة ..
هلا كانت لابسة :ترننق تركواز هم مع بلوزة بيضة و فلات ابيض و شعرها عنقوص و جنطة كروس بيضة ..
غلا كانت لابسة : مثل نفنووف بس كان تحت شورت يعني شورت كامل لونه وردي فاتح و لبست جاكيت جابنيز ابيض مع بروش وردي و ابيض و فلات ابيض و جنطة كروس وردي فاتح و شعرها فرق بالنص و عنقووص ..
و حركوو على الشاليه الي بدر وصفلهم و سبقهم هناك اهوه و افراح و فهد و غدير وعيالهم و خالد و سحر و عيالهم و محمد و ليلى و عيالهم
ــــــــــــــــــــــــــــــــــــــــــــــــــ ـــــــــــــــــــــــــــ

بالشالــــــيــهـــ :
الشاليه كان بقمة الروعه مايصلح حق عايله جوه رومانسية واايد لووول :

كانو مستانسين و ينطرون الباجي ايون .. الحريم بالمطبخ يرتبون الاغراض ..
و البنات فوق بالغرفة الي اختاروها حقهم لانها كبيره و تكفيهم .. الغرفة فيها 5 سراير و الباجي بالارض لوووول
سجى كانت لابسة : شورت جينز مع بلوزه عنابيه و صندل عنابي و فاله شعرها و حاطة باند ...
لمى كانت لابسة : تريننق كحلي خفيف مع ازرق فاتح و جوتي رياضة ازرق ربط و شعرها رابطته و حاطة باند كحلي ..
ضحى : لابسة بنطرون جينز مع بلوزة وردية علي ميني ماوس و جوليه جينز و جوتي رياضة وردي و شعرها فالته و حاطة هذا الباند الي هابين فيه الي ينربط من فوق علي وردة مادري شنو .. لوول
و قاعدين يعدلون اغراضهم و يحتلون السراير و الكبتات ...
وصلوو عبدالرحمن و فرح و عيالة
و بعد خمس دقايق و صلت امل الي قعدت تساحل حور انها تي ..
سلمو و قعدو .. امل كانت لابسة : ترينقق برتقالي فاقع مع بلوزة بيضة و رابطة شعرها ..
حور كانت لابسة : شورت جينز مع بلوزة مخطط بيضة بالازرق و جوتي رياضة ابيض و لانه شعرها قصير ماقدرت تربطة فحطت بالند ابيض ..
حور قررت انها تسولف مع البنات و تعرف سبب كرهم لها ..
حور .: هااي بنات شلونكم
لمى ( بنفسية ): هلا حور بغيتي شي ؟
حور (بحزن و تعب واضح ): لا بس حبيت اقعد معاكم مليت و انا بروحي و خصوصا ان بنام بغرفة وحدة
سجى: نعم نعم بتنامين معانا شكوووو منو قال
حور ( حز بخاطرها ): شسوي امي قالت جذي لانه مافي غرفة فاضية لانه غرفة حق الشباب و غرفة حق عثمان و فجر و غرفة حق بدر و افراح و غرفة حق الحريم و غرفة حق مها لانه يمكن ريلها ايي و غرفة حق الخدم فمافي غرفة اقدر اقعد فيها و تكفي ..
سجى ( بنفسية ) اوكي الله يعينى
حور (بدت تغورق عيونها و راحت تلعب بالحمام السباحة يعني بس تحط ريولها و تحاول تبتسم عشان ماتبين لهم انها اهتمت ) ...
ملاحضة : ادري بتلاحضون انه شوي حور اكبر منهم و اهوه جذي مطولين لاسنهم عليها : لانه حور شوي شخصيتها ضعيفة تخاف و تضعف بسرعه من و اهيا صغيرة هذي معاملتهم معاها بعدين بنعرف السبب ..
ــــــــــــــــــــــــــــــــــــــــــــــــــ ــــــــــــــــــــــــــــــــــــ

مرت 4 تيام و الامور عادية مافي احداث وايد .. لين يه اليوم الي زاد صدمة حور باهلها و بنات عمها الي تحبهم و اهمه يبدلونها عكس هالمشاعر ....
ــــــــــــــــــــــــــــــــــــــــــــــ
اليوم عــــــــــــــــــــــــــــــــــــــــــــيد الام
ضحى : لمووووووووووووووو هاج هذا الورد كتبي بالكرت اممم ( ماماتي حبيبتي كل سنة و انتي بخييير احبج حديي الله يخليج لي ...
من ضحوتج بنتج الحلوة اخر العنقود .. )و بس يلا
لمى : هههههههههههههههههاي والله فلم اوكي
و كانو البنات قبلها بيوم طلعو و شروو ورد حق امهاتهم و حور بعد راحت معاهم بس طبعا ماكلموها ..
و كل وحدة تكتب الي فبالها ...
حور : لمى في احد بالحمام
لكى ( بدون لا تطالعها ) أي حلو داخل تسبح
حور : اوكي ( وطلعت تروح الحمام الي بره بس تذكرت تبي تاخذ هدومها عشان مرة وحدة تلبس .. توها بتدش الغرفة بس شي وقفها .. سمعة شي شل كل خلية فيها شل ايدها انها تبطل الباب و تصرخ بوي الي يتكلم عنها حست انها بتمووت ماتخيلت هذا سبب كرهم لها و مثل هل اليوومم
غلا: لموو صج الي سمعته ..
لمى ( و اهيا تسوي شعرها ) : شنو ؟
غلا: انه حور مو بنـــــــــــــــــــــــــــــت عمتي امـــــــــــــــــــــــل
لمى : ...........................................
ــــــــــــــــــــــــــــــــــــــــــــــــــ ــــــــــــــــــ
انتهـــــــــــــــــــى