عنوان الموضوع : أكلة الكشك الشامية من مطبخ حواء الشام
مقدم من طرف منتديات نساء الجزائر

أكلة الكشك الشامية من مطبخ حواء الشام





السلام عليكم أخواتي الغاليات
الحمدلله الذي أطعمنا وسقانا وجعلنا مسلمين



أولا بحب عرفكن شو هو الكشك
هو عبارة عن خليط البرغل مع اللبن ويترك حتى يجف على حرارة الشمس ثم يطحن ليصبح بهذا الشكل وطبعا ستات هالأيام ماعاد حدا منن بيساويه وإنما يشترى جاهز والله يرحم جداتنا كانوا يعزموا نسوان الحارة حتى يفركوا الكشك ويغربلوه حتى يصير ناعم هيك



ثانيا بحب عرفكن على فوائده على رأي الأطباء
هو احد أنواع التغذية، يعطي حرارة لجسم الإنسان ويحسسه بالشبع لفترة طويلة، وهو غني بالعناصر الرئيسية وسهل الهضم، وانصح مرضى القرحة المعدية والقرحة العفجية ومرضى فرط الحموضة المعدية بعدم تناول الكشك لكونه يقوم بزيادة (اتستيرون) عند الرجال و(البرجسترون) عند السيدات ويساهم بتحسين الاباضة عند النساء



وهلأ نبدأ بتحضير مكونات طبختنا اللي مشهورة كتير بسوريا وبالشام وضواحيها وخاصة في صباح يوم الجمعة أومساء الخميس
حضرنا الكشك وهلأ العدس ونقوم بنقعه لربع ساعة أولا



ثم نحضر البصل ونقطعه وندق رأس من الثوم والنعنع اليابس



نضع العدس على النار حتى يستوي
وفي هذه الأثناء نخلط الكشك بشوية ماء ونحركه جيدا



ولما بيستوي العدس نضيف الكشك له كما تشاهدون ونحرك جيدا على نار هادية



ثم نحمر البصل بكمية كافية وزيادة من ((((زيت الزيتون))))




ثم نضيفهم إلى طنجرة العدس والكشك



ثم نضيف النعنع اليابس



ثم نضيف الثوم المدقوق



ونحركهم جميعا




ويقدم في النهاية مع الخبز المقطع واليابس مع صحن مخللات فليفلة وخيار مكبوسين





وصحتين وهنا

وحبيت شارك بهذا الطبق المفيد جدا في مسابقة أحلى وأفيد سفرة وإن شاء الله بنال إعجابكم
ورح ضيفه للمسابقة
وفي طبق تاني عبارة عن مجدرة العدس مع الرز ابني بحبها فساويتلوياها وسهلة كتير






>>>>> ردود الأعضـــــــــــــــــــاء على الموضوع <<<<<
==================================


ياعيني ياعيني

على الكشكة الذيذة....امممم زكرتيني ..يوم الجمعة بنعملها ...وياسلام لو فيها بصل صغير وكامل

اشوى ماعم اتوحم كان اجت بعين الولد...خخخخ

تسلم ايدك حواء,., رووووعـــــة وأأأألـــــــف صحتين وهنااااا

والله يوفقك بالمسابقة بانتظار سفرتك

احلى تقييم وشعار...لاحلى حــــــواااء


__________________________________________________ __________

تسلميلي كلك ذوق حبيبة قلبي طائر الوئام


__________________________________________________ __________

والله اكلة جديدة علي

وشكله غريب ومميز ( بس عدس وبرغل نفس الوقت شوي ينفخ البطن)

بس اكيد مفيد كتير

تسلم ايدك حوا


__________________________________________________ __________

تسلم الايادي والله شكله شهي عليكم بالعافية بس انا مرت عمي لبنانية اتسويه لنا بطريقة ثانية مع ثوم وبطاطس مقلية اممممممممم لذيذة ما ادري وش يسمونها الطبخة


__________________________________________________ __________

يعطيك العافيه تسلم يدينك رووووووووووووووووووووووعهـ