عنوان الموضوع : مشاكلي انا و امي ..ابا حلللللل -لصحتك
مقدم من طرف منتديات نساء الجزائر

مشاكلي انا و امي ..ابا حلللللل



بسم الله الرحمن الرحيم
السلام عليكم ورحمة الله وبركاته
بادخل في الموضوع ع طول
مشكلتي انا وامي ماقد اتفقنا ع شي واحد داايم هيا يمين انا يسار هي شرق انا غرب مررا ما تتوافق افكارنااا ابددا امي كبيرة في السن يعني مرررا ماتعجبها حركات بنات الايام دي ولا تخليني اعمل شي منها حتى الخلطات ماتبا اسوي منها ع طول ترميها الملابس البس اللي يعجبها انا مالي رايي ابدا الجوال ماتباه في يدي ولا دقيقه وحده سرت دايم بعيده عن صحباتي وبنات خالاتي وعماني بسبب دا الشي تخيلو اول ما ارجع من الجامعه اديها الجوال ولا اشوفو الا في الصباح وانا رايحه انا اصغر وحده عمري 19 ومافي في البيت الا انا وهيا واتنين من اخواتي الباقيين متزوجين وابوي متوفي
حتى الاكل تخاصمني عليه ليش ما تاكلين والله اني اكل بس امي مررا مو عاجبها وضعي وكل شوي شوفي فلان وشوفي علان والله سرت اتجنب اجلس لوحدي معاها ما اقوم من الجلسه لا بزعل مررا مقهورة حتى سارت تشتكي مني لاخواتي اني ما اسمع كلامها وانا والله نفسي اسمع بس امي ماعندها شي اسمو نقاش اقولها طيب اسمعي مني وافهميني تقولي انا امك انتي اللي تسمعيلي
دا الشي الاول
الشي التاني انا دحين سنه تانيه تمريض امي داااايم تقارني ببنت اختي اللي اصغر مني بسنه هيا دحين تدرس عندنا مو في مدينتهم كل ماشفتها ذاكرت جات عندي تخاصمني قومي ذاكري زيها تلاقيها دحين بتدخل قسم عالي وانتي خليك في التمريض دا لانها هيا لسه تحضيري ما تخصصت وكل ماشافتها عملت شي خاصمتني اسوي زيها اذا نامت روحي نامي دحين هيا تصحى بدري وانتي نايمه واذا صحيت وما صحيت تجي تصحيني كانو قامت القيامه شوفي من متى وهيا صاحيه ذاكرت وخلصت اشيائها وانتي لسه نايمه
يعني مرررا مرررا تعقدددت منهم والله العظيم كرهت حياتي في البيت والله العظيم انسدت نفسي من المذاكره مع اني كنت ناوية اشد حيلي واحول مع انو والله مررا عاجبني بس ايش اسوي كل من شافني وسالني ع طول يقولو مالقيتي الا تمرييض لازم تحولين وقررت اجتهد واحول بس احس ماني قادرة اتاقلم مع الوضع مو معقوله كل ماعملت شي امي تجي تخاصمني عشان اسوي زيها مرررا تعبت
اسفه طولت عليكم بس ي ليت تشوفولي حل
والسلام عليكم ورحمة الله

>>>>> ردود الأعضـــــــــــــــــــاء على الموضوع <<<<<
==================================


الظاهر بما انك الصغرى والبنت اللي فظلت امك خايفة عليك ومهتمة بيك زيادة شوية واكيد تبي مصلحتك الاشياء اللي تشوفينها ضرورية سويها مشانها وادا ما كانت لازمة طنشي بس بهدوء تام ومن غير ما تحس


__________________________________________________ __________

انا انصحك بالداء اولا
ثانيا بري امك علي قدر ما تستطيعين


__________________________________________________ __________

حاولي تكسبين رضاها قدر ماتستطيعين الصبر هو الحل


__________________________________________________ __________

قولي لها لا تقارينيني ابغيري لكن بأسلوب لطيف


__________________________________________________ __________

الصبر